Po dvoh měsecah raboty, hlapci s našego Discorda stvorili medžuslovjansky Minecraft server. Kto ljubi tu igru, prisjedinjajte se.

V Rossiji link ne rabotaje, no avtor govori, že možete prosto napisati tute dane:

ip medzuslovjansky.sectorfive.win 
versija 1.21.1

Za ljudij iz drugyh krajin: https://www.patreon.com/TenebrasInterslavic?utm_medium=unknown&utm_source=join_link&utm_campaign=creatorshare_creator&utm_content=copyLink

______________________________________
По двох мєсецах работы, хлапци с нашего Дискорда створили меджусловјанскы Minecraft сервер. Кто љуби ту игру, присједињајте се.

В Россији линк не работаје, но автор говори, же можете просто написати туте дане:

ip medzuslovjansky.sectorfive.win 
versija 1.21.1

За људиј из другых крајин: https://www.patreon.com/TenebrasInterslavic?utm_medium=unknown&utm_source=join_link&utm_campaign=creatorshare_creator&utm_content=copyLink

Griby Eringi kontrolujut robotov

Amerikanski inženeri sut stvorili dvoh biohibridnyh robotov, ktorymi upravjaje grib roda Eringi. Vyše akuratno govoreči, to dělaje micelij, podzemna čest griba, ktora može generovati električne impulsy, reagujuči na vněšnje stimuly, napriměr, na ultrafioletovo světlo.

Naučniki sut vzrastili toj micelij, a potom sjedinili jego s mnogo čutlivym sensorom, ktory transformoval signaly od klětok griba v prikazy, upravjajuče robotami — jedin robot byl na kolesah, a drugy imal formu morskoj zvězdy. Vyše togo — osvětljajuči micelij ultrafioletovym světlom, naučniki mogli kontrolovati dviženja takyh robotov. Rezultaty izslědovanja byli opublikovane v časopisu "Science Robotics".

Грибы Eringi контролујут роботов

Американски инженери сут створили двох биохибридных роботов, кторыми управјаје гриб рода Eringi. Выше акуратно говоречи, то дєлаје мицелиј, подземна чест гриба, ктора може генеровати електричне импулсы, реагујучи на внєшње стимулы, напримєр, на ултрафиолетово свєтло.

Научники сут взрастили тој мицелиј, а потом сјединили јего с много чутливым сенсором, кторы трансформовал сигналы од клєток гриба в приказы, управјајуче роботами — једин робот был на колесах, а другы имал форму морској звєзды. Выше того — освєтљајучи мицелиј ултрафиолетовым свєтлом, научники могли контроловати движенја такых роботов. Резултаты изслєдованја были опубликоване в часопису "Science Robotics".

Sjeti šapku s glavy ili iz glavy? Malo obnovjenje v standardu medžuslovjanskogo https://teletype.in/@mashine_of_goodness/77VJQvY3TEn

Сјети шапку с главы или из главы? Мало обновјенје в стандарду меджусловјанского https://teletype.in/@mashine_of_goodness/bow-kcIVtAo

dobry večer moje drage ljudi!

ješče jedin mnogo dobry medžuslovjansky tvorec Melac je odpravil nam svoju novu kratku medžuslovjansku horror-povědku "KOLĚBANKA NA TRINADSETOM ZAKOMORJU". Osoblivo sovětam do čitanja vsečnym.

Melac takože piše raznu muziku po medžuslovjansky i jestli vy imate čas - obvezno poslušajte.

<LATINIČNA VERSIJA>

<КИРИЛИЧНА ВЕРСИЈА>

вечер добры моје драге људи!

јешче једин много добры меджусловјанскы творец Мелац је одправил нам своју нову кратку меджусловјанску хоррор-повєдку «КОЛЄБАНКА НА ТРИНАДСЕТОМ ЗАКОМОРЈУ». Особливо совєтам до читанја всечным.

Мелац такоже пише разну музику по меджусловјанскы и јетли вы имате час - обвезно послушајте.

<КИРИЛИЧНА ВЕРСИЈА>

<LATINIČNA VERSIJA>

В Технологичном Институту Масачусетса прошла церемонија давања Игнобеловскых (антинобеловскых) Премиј, кторе присуджајут се за научне досежења, кторе "од почетка принуджајут људиј смєјати се, а потом мыслити."

- Премија Мира была дана за изучење можливости размєшчења живых голубов внутри ракет, да бы голуби разпознавали објект атакы и направјали ракету к својему цєљу.
- Премија Ботаникы была дана за доказ, же нєкторе растлины могут имитовати формы близкых к њим умєтных растлин.
- Премија Анатомије была дана за изучење, чи власы људиј в Сєверној Полусферє завивајут се в таком самом смєру како у људиј в Јужној Полусферє, или не.
- Премија Медицины была дана за демонстрацију, же фалшиве лєкы, кторе провокујут болєсне ефекты, могут быти выше ефективне неж фалшиве лєкы без болєсных ефектов.
- Премија Физикы была дана за демонстрацију и објасњење способности мртвого поструга (рус. форел, хр. пастрва) плавати.
- Премија Физиологије была дана за одкрытје, же многи млєкососавци сут способни дышати чрєз свој анус.
- Премија Теорије Вєројетности была дана за изслєдовање, показывајуче, же подкыднута монета имаје правило приземјати се на таку саму страну, на кторој она од почетка лежала.
- Премија Хемије была дана за употрєбјење хроматографије за раздєљење пијаных чрвов од трєзвых.
- Премија Демографије была дана за изслєдовање, указывајуче же многи знаменити долгожитељи жили в регионах с недобрыми системами регистрације роджења и смрти.
- Премија Биологије была дана за изслєдовање, в ктором папирны пакет был изпукнуты близ коткы, ктора стојала на хребету кравы, с цєљем изучити факторы, вплывајуче на продуковање млєка.

Вси лауреати достали банкноту в десет трилионов зимбабвијскых доларов и свезаны с законом Мерфи подарок в прозрачној пластиковој крабкє, ктору практично не јест можливо отворити.

V Tehnologičnom Institutu Masačusetsa prošla ceremonija davanja Ignobelovskyh (antinobelovskyh) Premij, ktore prisudžajut se za naučne doseženja, ktore "od početka prinudžajut ljudij smějati se, a potom mysliti."

- Premija Mira byla dana za izučenje možlivosti razměščenja živyh golubov vnutri raket, da by golubi razpoznavali objekt ataky i napravjali raketu k svojemu cělju.
- Premija Botaniky byla dana za dokaz, že něktore rastliny mogut imitovati formy blizkyh k njim umětnyh rastlin.
- Premija Anatomije byla dana za izučenje, či vlasy ljudij v Sěvernoj Polusferě zavivajut se v takom samom směru kako u ljudij v Južnoj Polusferě, ili ne.
- Premija Mediciny byla dana za demonstraciju, že falšive lěky, ktore provokujut bolěsne efekty, mogut byti vyše efektivne než falšive lěky bez bolěsnyh efektov.
- Premija Fiziky byla dana za demonstraciju i objasnjenje sposobnosti mrtvogo postruga (rus. форель, hr. pastrva) plavati.
- Premija Fiziologije byla dana za odkrytje, že mnogi mlěkososavci sut sposobni dyšati črěz svoj anus.
- Premija Teorije Věrojetnosti byla dana za izslědovanje, pokazyvajuče, že podkydnuta moneta imaje pravilo prizemjati se na taku samu stranu, na ktoroj ona od početka ležala.
- Premija Hemije byla dana za upotrěbjenje hromatografije za razděljenje pijanyh črvov od trězvyh.
- Premija Demografije byla dana za izslědovanje, ukazyvajuče že mnogi znameniti dolgožitelji žili v regionah s nedobrymi sistemami registracije rodženja i smrti.
- Premija Biologije byla dana za izslědovanje, v ktorom papirny paket byl izpuknuty bliz kotky, ktora stojala na hrebetu kravy, s cěljem izučiti faktory, vplyvajuče na produkovanje mlěka.

Vsi laureati dostali banknotu v deset trilionov zimbabvijskyh dolarov i svezany s zakonom Merfi podarok v prozračnoj plastikovoj krabkě, ktoru praktično ne jest možlivo otvoriti.

😊️️️️️️ Nova anketa / Нова анкета

Prosimo vaše aktivno učestje:
Просимо ваше активно учестје:

https://docs.google.com/forms/d/e/1FAIpQLSdLBkP4bDRunrUQFOoSt5eL9irgbUG3Duxuic_h_6fK9ivuMQ/viewform?usp=sf_link

На плато Наска сут најдене 303 фигуративне геоглифы

Многе из њих сут најдене благодаре машинному учењу

Археологи с помочју машинного учења проанализовали аерофотографије плато Наска и нашли на њих кандидатов в давне геоглифы, а потом проведли пољево/тереново изслєдовање, да бы потврдили или опровргнули туте хипотезы. За шест мєсецев научники нашли 303 рање незнане фигуративне геоглифы, вече од половины кторых је прєдвидєла модел.

Заједно с Мачу-Пикчу многочислне геоглифы на пустом плато Наска (на територији тутчасного Перу), сут једне из највыше знаных археологичных објектов Јужној Америкы. Впрво о тутых чртањах јешче в срєдинє XVI вєка узнал шпанскы свеченник, изслєдоватељ и конкистадор Педро Сјеса де Леон, хот наново најдти геоглифы људи смогли једино в првој половинє XX столєтја, когда у научников појавила се можливост погледєти на туту мєстност с воздуха.

Од того часа изслєдоватељи сут нашли нєколико сотнеј различных геоглифов: геометричне фигуры, антропоморфне чртања, рысованкы звєрев, растлин и прєдметов, најранєјше из кторых были створјене близ I столєтја до нашеј еры. С развојем техникы, в рукы научников попадали все выше добре аерофотоснимкы плато Наска и јего околины, и брзина находжења новых објектов растла. Недавно археологи такоже почели уживати методы машинного учења, да бы искали на снимках кандидатов в дрєвне чртања. И туто уж дало резултат — такым способом изслєдоватељи нашли четыри дрєвне фигуры, вкључајучи чртање хуманоидного створа.

В новом чланку Масато Сакаи из Университета Јамагата заједно с колегами из США, Франције и Јапоније сообчил о методє, ктора сможе силно оптимизовати процес находжења незнаных геоглифов. С помочју машинного учења изслєдоватељи сут нашли выше 1300 потенциалных геоглифов, вєројетност јествовања кторых они оцєнили како высоку. Тутој сбор даных научники сут изкористали в часу пољного/теренового сезона, кторы проходил на плато Наска од септембра 2022 до февруара 2023 года.

В резултату за 1440 рабочих часин археологи сут нашли 303 прєдже неизвєстне фигуративне геоглифы, а такоже 42 нове геометричне фигуры, и 178 из њих је нашел именно умєтны интелект. Јешче 66 геоглифов научники такоже нашли благодаре машинному учењу, хот модел разпознала на снимках не конкретно туте објекты, але указала мєста, кде археологи смогли најдти нєколико чртаниј заједно. Остале 59 геоглифов изслєдоватељи нашли без никакој помочи од моделы. Јешче 968 кандидатов в геоглифы, најденых благодаре машинному учењу, археологи не успєли провєрити, зато је можливо, же в наступных тереновых сезонах коликост најденых објектов такоже значно возрасте.

Сдєлана работа, по словах научников, много помагаје увеличити брзину одкрытја фигуративных геоглифов на плато Наска. Подолг јих даных, од 1940-х до начела 2000-х годов археологи находили приблизно 1,5 фигуративного геоглифа за једно лєто, а в периоду од 2004 до 2020 года брзина возрастла до 18,7 чртаниј за једно лєто, что јест свезано с улєпшењем какости аерофотоснимков. То уже был добры прогрес, але нова метода ускорила процес јешче 16-кратно, и в тутом сезону коликост знаных фигуративных геоглифов возрастла приблизно на 70 процентов — од 430 до 733 чртаниј.

Геоглифы плато Наска сут велми разнородне. Напримєр, једным из јаркых одкрытиј послєдных пети лєт стало гигантско чртање коткы, кторо досегаје приближно 37 метров в долгости.

Na plato Naska sut najdene 303 figurativne geoglify

Mnoge iz njih sut najdene blagodare mašinnomu učenju

Arheologi s pomočju mašinnogo učenja proanalizovali aerofotografije plato Naska i našli na njih kandidatov v davne geoglify, a potom provedli poljevo/terenovo izslědovanje, da by potvrdili ili oprovrgnuli tute hipotezy. Za šest měsecev naučniki našli 303 ranje neznane figurativne geoglify, veče od poloviny ktoryh je prědviděla model.

Zajedno s Maču-Pikču mnogočislne geoglify na pustom plato Naska (na teritoriji tutčasnogo Peru), sut jedne iz najvyše znanyh arheologičnyh objektov Južnoj Ameriky. Vprvo o tutyh črtanjah ješče v srědině XVI věka uznal špansky svečennik, izslědovatelj i konkistador Pedro Sjesa de Leon, hot nanovo najdti geoglify ljudi smogli jedino v prvoj polovině XX stolětja, kogda u naučnikov pojavila se možlivost pogleděti na tutu městnost s vozduha.

Od togo časa izslědovatelji sut našli několiko sotnej različnyh geoglifov: geometrične figury, antropomorfne črtanja, rysovanky zvěrev, rastlin i prědmetov, najranějše iz ktoryh byli stvorjene bliz I stolětja do našej ery. S razvojem tehniky, v ruky naučnikov popadali vse vyše dobre aerofotosnimky plato Naska i jego okoliny, i brzina nahodženja novyh objektov rastla. Nedavno arheologi takože počeli uživati metody mašinnogo učenja, da by iskali na snimkah kandidatov v drěvne črtanja. I tuto už dalo rezultat — takym sposobom izslědovatelji našli četyri drěvne figury, vključajuči črtanje humanoidnogo stvora.

V novom članku Masato Sakai iz Universiteta Jamagata zajedno s kolegami iz SŠA, Francije i Japonije soobčil o metodě, ktora smože silno optimizovati proces nahodženja neznanyh geoglifov. S pomočju mašinnogo učenja izslědovatelji sut našli vyše 1300 potencialnyh geoglifov, věrojetnost jestvovanja ktoryh oni ocěnili kako vysoku. Tutoj sbor danyh naučniki sut izkoristali v času poljnogo/terenovogo sezona, ktory prohodil na plato Naska od septembra 2022 do fevruara 2023 goda.

V rezultatu za 1440 rabočih časin arheologi sut našli 303 prědže neizvěstne figurativne geoglify, a takože 42 nove geometrične figury, i 178 iz njih je našel imenno umětny intelekt. Ješče 66 geoglifov naučniki takože našli blagodare mašinnomu učenju, hot model razpoznala na snimkah ne konkretno tute objekty, ale ukazala města, kde arheologi smogli najdti několiko črtanij zajedno. Ostale 59 geoglifov izslědovatelji našli bez nikakoj pomoči od modely. Ješče 968 kandidatov v geoglify, najdenyh blagodare mašinnomu učenju, arheologi ne uspěli prověriti, zato je možlivo, že v nastupnyh terenovyh sezonah kolikost najdenyh objektov takože značno vozraste.

Sdělana rabota, po slovah naučnikov, mnogo pomagaje uveličiti brzinu odkrytja figurativnyh geoglifov na plato Naska. Podolg jih danyh, od 1940-h do načela 2000-h godov arheologi nahodili priblizno 1,5 figurativnogo geoglifa za jedno lěto, a v periodu od 2004 do 2020 goda brzina vozrastla do 18,7 črtanij za jedno lěto, čto jest svezano s ulěpšenjem kakosti aerofotosnimkov. To uže byl dobry progres, ale nova metoda uskorila proces ješče 16-kratno, i v tutom sezonu kolikost znanyh figurativnyh geoglifov vozrastla priblizno na 70 procentov — od 430 do 733 črtanij.

Geoglify plato Naska sut velmi raznorodne. Napriměr, jednym iz jarkyh odkrytij poslědnyh peti lět stalo gigantsko črtanje kotky, ktoro dosegaje približno 37 metrov v dolgosti.

📊 ANKETA O SLOVAH S KORENJEM "-GLED-" 🔍

Dragi pomočniki razvoja medžuslovjanskogo jezyka, tutdenj my raportujemo, že anketa jest skončena i možemo oglasiti jej rezultaty:

🎯 Optimalne varianty v osoblivyh situacijah

• poglednuti — za momentalno, jednokratno gledanje, napr.: “šoferka kratko poglednula v bočno zrcalo”
• pogledyvati — za periodično povtarjano gledanje, napr.: “on je nepokojil se i često pogledyval na časovnik”

🌐 Universalne bazove varianty

Podolg statistiky, na pogled južnyh slovjan, obadva varianty vyše možno universalno zaměniti na: pogledati i gledati. V kontekstu literatury, one mogut byti menje konkretne i točne, ale najlěpše razumlive.

😮 Nahodky

Minimalna kolikost odgovorov izbirala pogledati za situacije, kde trěbuje byti imperfekt (nesovršeny/nedokonany vid: čto dělal/činil/pravil?) – absolutno množinstvo mysli, čto pogledati jest sovršeny glagol (perfekt).

📚Novosti v medžuslovjanskom slovniku

Itak, poslě analizy odgovorov:

• Dodali jesmo 2 nove rěči: poglednuti, pogledyvati
• Popravili jesmo glagol pogledati: imperfekt → perfekt (sovršeny ~ dokonany vid, čto sdělal/učinil/napravil?).

🆕 NOVA ANKETA

Poslě vaših odgovorov na staru anketu, my imajemo i jedno novo pytanje. 😱

My jesmo raportovali, že formu pogledati ljudi najvyše često izbirajut kako sovršeny/doskonaly glagol, ale to imaje problemy:

• 🇨🇿🇸🇰 V češskom i slovačskom, to jest falšivy prijatelj🕵️.
• 🇺🇦 V ukrajinskom, to je nesovršeny/nedoskonaly glagol za povtarjano dějstvo. 👀

🙏 Prosimo vas učestvovati v novoj anketě, da byhmo smogli sdělati jasny izbor medžu pogledati i pogleděti.

👉 Anketa: docs.google.com

📈 Rezultaty možno viděti tut: Google Sheets