Mile videa o životinah: v toj čas, kogda obyčajne zmije umějut samo syčěti/šipěti, kraljevska kobra uměje rykati.

Ne možemo žiti tysęču lět, i zato imajemo samo jednu možnost uviděti kako rodžajut sę, razděljajut sę, živut i umirajut języky. Poględěti historiju tyh prěměn.

Lěpje geografičnyh map mogut byti toliko animovane geografične mapy 🌍

https://youtu.be/zOcPDhapJ28

Na 100 ljudij v avstro-vugorskoj armiji bylo 25 němcev, 23 madjari, 13 čehov, 8 poljakov i rusinov, 9 srbov i hrvatov, 7 rumunov, 4 slovaki, dva slovenci i jedin italijec, ktori davali armijsku kletvu do Najvysšego Vojevody na deseti različnyh jezykah.

Tut jest němečsky članok ob armijskom slovjanskom, russkogo i medžuslovjanskogo prěvodov ješče ne imajemo https://cdn.discordapp.com/attachments/663623854731689995/791261075466616832/Preprint_Was_ist_Armeeslavisch.pdf

Dlja čego upotrěbjali se bumerangy?

Da by izloviti kenguru? Pomyslite vyše dobro. Glavna cělj bumeranga — vračati se obratno. One sut legke i brze. Daže super veliky bumerang jedva li može nanesti dorastlomu 80-kilogramovomu samcu kenguru něčto vyše strašno než bolečka/modrina na glavě.

No daže jestli by bumerangy mogli sbivati životin, kaky je smysl dělati tako, da by one obvezno prilětali obratno do lovitelja? Napravdu, bumerang nikogda ne upotrěbjal se kako palica. Bumerangy koristali se kako imitacija sokola, da by zagnati ptic do visečih na drěvu pastej/silkov.

Ne sut one i unikalnym oružjem aborigenov. Najvyše stary iz vračajučih se nazad prědmetov byl najdeny v jamě/peščerě v poljskyh Karpatah — on imaje vyše 18 tyseč lět. Arheologi poprobovali jego na praktikě — i bumerang okazal se absolutno funkcionalnym.

Učimo medžuslovjansky jezyk zajedno s bogom Torom

Kogda morje zamrzaje, voda razděljaje se na svěži led i hyper-soljenu vodu, s maloju temperaturoju zamrzanja. Jestli taka voda jest dostatočno hladna, ona imaje sposobnost obračati menje soljenu vodu v led.

Soljena voda jest težka i teče na dno, poněkogda daže strujami. To je kako mala rěka, ktora transformuje v led vsečto, čto jest kolo njej. Tutoj fenomen nazyvaje se brinicle, ili "prst smrti".

Video versija historije o "prstu smrti"
https://youtube.com/shorts/wEq7UBDr4MA?feature=share

Osmonog Vunderpus (Wunderpus photogenicus) v stadiji ličinky. V tutoj stadiji on jest prozračny i drejfuje v odkrytom okeanu podobno planktonu.

Imenno v čas plavanja v črnyh glubinah okeana v regionu Filipinskogo arhipelaga, fotograf Vu Jung-sen sustrětil se s tym rědkym ekzemplarom.

Něžny mladec osmonoga izstavjal svoj jarko-črveny mozg vnutri svojej prozračnoj glavy. Wunderpus photogenicus (doslovno to označaje fotogenično čudo) jest žiteljem pobrěžnyh vod Tihogo okeana k jugu od Filipin.

Vozrastli osmonogi pokazyvajut undividualne uzory iz bělyh pęten i širokyh linij na tentakulah, tělu, glavě i očnyh steblah. Kogda někto ogrožaje ili měšaje jih pokoju, oni imajut sposobnost kamuflovati se i izměnjati svoj obraz, da by slivati se s vněšnjeju srědoju, ili daže imitovati něktoryh morskyh stvorov, takyh napriměr kak jadovita iglista ryba-lev.

Ale mladym ličinkam ne potrěben kamuflaž, one ne imajut koristi od togo ohrannogo mehanizma.

Myslju, ne možno li dělati tut prěvody malyh povědok, da by potom sobrati vsečto v jednu knigu. Htěli li byste čitati Kiplinga? Ili Gašeka?

https://vseskazki.su/avtorskie-skazki/kipling/otkuda-u-verblyuda-gorb.html

https://lib.ru/GASHEK/shveik1.txt

Gledi kak brzo taje sněg, na světlyh na vlasah
Ty k tutoj bolji ne privykl, i něčto tęgne vniz
I vrěmę kako tonky led, zamrznulo v časovnikah
Ty myslil že tebe spase tvoj glupy ekzorcizm?

Mně podobalo sę kak ty trudil sę izganjati mę
I krvju na kamnjah črtal ohranny znak
I vsaky smrtny viděl strah, i mogl tebe pojęti
No ty jedin ne srazuměl, čto sdělal ty ne tak

Ne trěba mi zlatyh monet, i ni dragyh kamenjev
Ja ne imam k njim interes, ne smožeš uběžati
Mene si proboval kupiti, ale jesm silneje
Či žiti ti ili umrěti - jedino ja to znam
Zabudi vse i srazuměj, ja jesm jedino těnj

Jesm v každom vzdohu, v temnotě, v tajemnoj dymkě sna
No oči ty zakryl
— čekal kogda načne sę denj
— čekal kogda prijde vesna
Mně podobalo sę kak ty trudil sę izgonjati mę
No ty stojal jedin v steklenoj tišině
I sněg zamrzl, časy běgut, ja budu povtarjati
Kogda-nebud nastane čas, ty sam prijdeš ko mně

Prěvod glavy iz knigy "Fizika na každom kroku" Pereľmana.

https://teletype.in/@mashine_of_goodness/ycEWOqy_Nca

#fizika_kolo_nas

Strim Melaca, ktory tvori muziku za svoj novy medžuslovjansky album

https://www.youtube.com/watch?v=IG2it44YlD8