Věrodostojno, rěčenja iz tutogo fraznika sut najvyše razumlive iz vsih tekstov, ktore jestvujut na medžuslovjanskom. Vsake problemne města byli obgovorjene i razrěšene ljudami iz raznyh krajin. Ostražno, tuta versija imaje razliky s originalom (nema etimologičnogo pravopisa, opcionalnyh variantov slov, sut něktore subjektivne korekcije od mene).

Čęst 1 (everyday communication: asking for directions)

Pardon…
Izvinite, ja ne hču Vas bezpokoijti, no…
Kaka jest najvyše kratka trasa do…?
Jest li to dobra trasa k historičnomu centru grada?
Ide li ta ulica k železničnoj stanciji?
Kako daleko jest do Hotela Ekszelsior?
Kako daleko jest most na toj rěkě?
Znajete li kde ja mogu tut najdti taksi?
My hčemo znati kde jest hotel Adam. Možete li vy nam pomogti?
Ja jesm slyšal, že tut blizko jest piccerija. Znajete li kde?
Trěba li nam pojdti lěvo ili pravo na slědujučem prěsěčenju ulic?
Jest to li na slědujučem prěsěčenju ulic?
Jest li to turistična trasa nomer 113? My idemo do…
Možete li vy mně pokazati kde jest najblizko metro?
Kako mnogo to jest kilometrov?
Jest li ješče daleko do Hotela Adam?
Ja jesm slyšal, že tut jest magazin s tabakom? Ja hču kupovati.
Jest to li mnogo daleko?
Jest li to silno blizko?

#turističny_fraznik

Вєродостојно, рєченја из тутого фразника сут највыше разумливе из всих текстов, кторе јествујут на меджусловјанском. Всаке проблемне мєста были обговорјене и разрєшене људами из разных крајин. Остражно, тута версија имаје разликы с оригиналом (нема етимологичного правописа, опционалных вариантов слов, сут нєкторе субјективне корекције од мене).

Чест 1 (everyday communication: asking for directions)

Пардон…
Извините, ја не хчу Вас безпокоијти, но…
Кака јест највыше кратка траса до…?
Јест ли то добра траса к хисторичному центру града?
Иде ли та улица к железничној станцији?
Како далеко јест до хотела Ekszelsior?
Како далеко јест мост на тој рєкє?
Знајете ли кде ја могу тут најдти такси?
Мы хчемо знати кде јест хотел Adam. Можете ли вы нам помогти?
Ја јесм слышал, же тут близко јест пиццерија. Знајете ли кде?
Трєба ли нам појдти лєво или право на слєдујучем прєсєченју улиц?
Јест то ли на слєдујучем прєсєченју улиц?
Јест ли то туристична траса номер 113? Мы идемо до…
Можете ли вы мнє показати кде јест најблизко метро?
Како много то јест километров?
Јест ли јешче далеко до хотела Adam?
Ја јесм слышал, же тут јест магазин с табаком? Ја хчу куповати.
Јест то ли много далеко?
Јест ли то силно близко?

#turističny_fraznik

​​Dva ljudi igrajut v tenis na plyvučem parohodu. Jedin stoji na zadnjej česti paluby (na kormě), a drugy — bliz nosa parohoda. Komu jest vyše težko dokydnuti (poslati, metnuti) kulju do partnera — tomu, kto stoji na kormě, ili tomu, kto stoji bliz nosa?

I tut, kako i v minuloj glavě, odgovor ne jest očevidny: ni jedin iz igračev ne ima prědnosti prěd drugym: i jednomu i drugomu jest ravno legko (nu ili ravno težko) kydati toj meč.

Najprvo možno pomysliti že to ne jest pravdopodobno: kulja, ktoru kydnuli od zadnjej česti k nosu parohoda, bude doganjati igrača, ktory prěměščaje se naprěd zajedno s parohodom. I obratno, kulja, ktoru kydnuli od nosa k kormě, bude letěti k igraču, ktory takože približaje se k njej.

Očevidno, to je tako; ale trěba pametati toj fakt, že k brzině kulje, ktoru kydnuli od kormy k nosu, dodavaje se brzina parohoda, i obratno. Zato neizgoda prvoj kulje i prědnost drugoj kulje kompensujut se, i obě kulje okazyvajut se v ravnom stanju.

Ako li by to bylo inače, strělec, ktory strěljaje na vozhod, podolg kruženja Zemje, imal by ogromnu prědnost prěd tym strělcom, ktory posylaje kulju na zapad, protiv vračenja Zemje. V realnosti, ničego podobnogo my ne vidimo.

#fizika_kolo_nas

​​​​Два људи играјут в тенис на плывучем пароходу. Једин стоји на задњеј чести палубы (на кормє), а другы — близ носа парохода. Кому јест выше тежко докыднути (послати, метнути) куљу до партнера — тому, кто стоји на кормє, или тому, кто стоји близ носа?

И тут, како и в минулој главє, одговор не јест очевидны: ни једин из играчев не има прєдности прєд другым: и једному и другому јест равно легко (ну или равно тежко) кыдати тој меч.

Најпрво можно помыслити же то не јест правдоподобно: куља, ктору кыднули од задњеј чести к носу парохода, буде догањати играча, кторы прємєшчаје се напрєд заједно с пароходом. И обратно, куља, ктору кыднули од носа к кормє, буде летєти к играчу, кторы такоже приближаје се к њеј.

Очевидно, то је тако; але трєба паметати тој факт, же к брзинє куље, ктору кыднули од кормы к носу, додаваје се брзина парохода, и обратно. Зато неизгода првој куље и прєдност другој куље компенсујут се, и обє куље оказывајут се в равном станју.

Ако ли бы то было иначе, стрєлец, кторы стрєљаје на возход, подолг круженја Земје, имал бы огромну прєдност прєд тым стрєлцом, кторы посылаје куљу на запад, против враченја Земје. В реалности, ничего подобного мы не видимо.

#fizika_kolo_nas