O‘quvchilar ijodidan


Vatan

Qayga bormay qalbda g‘urur, yurakda nur,
Yurak emas, vujudimsan o‘zing butkul.
Kuysan, nayning navosiday ajib, yolqin,
Ulug‘vorsan, yuraklarga shuncha yaqin.

Onamdirsan, malhami jon yuraklarga,
Mukofotsan, oliy ezgu tilaklarga,
Shahdim ila maqsad etib bilaklarga,
Poylaringga tuproq bo‘lay jonim, vatan.

O‘xshatolmas ojiz qalam tenging topmay,
Shoirlar lol sen haqingda she’r yozolmay.
Bolanga deb ilinasan qovun totmay,
Vatan, bitta yuragimda-bitta o‘zing.

Shiyponlarda bog‘bonimsan o‘zing zahmat,
Yomg‘ir bo‘lding tuproqlaring etsa himmat,
Xalqim, Vatan, senga rahmat,
Senga rahmat!
Otam bo‘lding soyabonim oftoblarda.....

Chinor yanglig‘ sug‘orilding ziyolardan,
So‘rasak “Baxt” seni derlar fidolardan,
Tushmagaysan, Tinchlik, sira duolardan,
Vatan, bitta yuragimda – bitta o‘zing.

Dunyo ko‘zi bizda, ko‘zing ochgin, xalqim,
“Tinchlik” tog‘in bag‘riga yurt bitgin, xalqim.
O‘zing menga xolis imkon, beminnatim,
Yuragimning yaprog‘ida shabnam, Vatan...

Qalamimda, qarog‘imda asragayman,
Yozsam bitmas dostonlarim senga, Vatan.
Menga etgan umidingni oqlagayman,
Fido etsam, kamdir, shuncha jonim, Vatan.

Bir “Shoirman” demoqlikka o‘rtanar dil,
Gar sen haqda bitta hamki, she’r bitmasam.
Farzandingman, demoqlikka hijolat til,
Yuragingga o‘zim bitta jon etmasam.

Humo bo‘lay, qushday uchib osmoningda,
Navo etay, tinchlikni kuy bo‘stoningda,
Qo‘shay hissa “Rivoj” degan dostoningda,
Taraqqiyot tulporida mag‘rur, xalqim,
Robiyaning qalamida baytim, xalqim!.....

✍Robiya Mahmudova
Muhammad Yusuf nomidagi ijod maktabi 9-sinf o‘quvchisi

АВЛОДЛАР ҚЎШИҒИ

Тиниқ бир шишага ўхшайди кўнгил,
Тузатиб бўлмагай синса дарзларин.
Куч – адолатдадур, буни англаю
Қунт билан ўргангин ҳаёт дарсларин.
Ҳаёт асли тарих, илму урфондир,
Бобом Амир Темур Соҳибқирондир.

Жонингдан азиздир муқаддас шу эл,
Иймон кўзларга нур, дилларга чирой.
Оламга жаҳонгир берган бу юртдан
Не-не ҳикоялар сўйлар Оқсарой.
Шунданми, ғурурим, орим осмондир,
Бобом Амир Темур Соҳибқирондир.

Боғи Дилкушою боғи Чинорлар,
Насими қалбларга ҳаволар берур.
Масжиду мадраса – обод манзиллар
Ҳар ғишти Ҳақ деган садолар берур,
Самарқанд ҳам қадим, ҳам навқирондир,
Бобом Амир Темур Соҳибқирондир.

Фалак сирларини айлади у ҳал,
Ҳам султон, ҳам устод Мирзо Улуғбек.
Ҳазрат Навоийнинг сўзлари ҳақдир,
“Ки олам кўрмади султон анингдек”.
Бу ҳам ҳар ўзбекка шавкатдир, шондир,
Бобом Амир Темур Соҳибқирондир.

Ҳалолу покликда ҳикмат кўп азал,
Буни тушунгайдир қалби нодирлар,
“Тузуклар”дан сабоқ олгани учун,
Оламни лол этди Мирзо Бобурлар.
Ўйласам, ҳар бири битта достондир,
Бобом Амир Темур Соҳибқирондир.

Дерлар кўкларга бўй чўзгайдир дарахт,
Агар омон бўлса илдиз мукаррам.
Шууру онгимда янграр бир хитоб,
Миллатнинг дардига дармон бўл, болам.
Билдим: ҳар киши – бир Ўзбекистондир,
Бобом Амир Темур Соҳибқирондир.

Муаззам дарёлар оққайлар тўлиб,
Шамси талъат эрур орзу дегани.
Элу Ватан деган зотлар бордир-ки,
Умри қуёш янлиғ мангу дегани.
Англадим: бу ҳикмат жонимга жондир,
Бобом Амир Темур Соҳибқирондир.

✍Ғайрат МАЖИД
Ўзбекистон Ёзувчилар уюшмаси аъзоси, шоир

10-aprel Abdulla Qodiriy tavallud topgan kun!

Kumush

Marg‘ilonda Kumushni ko‘rdim, 
Ko‘ziga yosh to‘lib turibdi, 
Sochlarini maydalab o‘rib, 
Otabegin izlab yuribdi. 

Tongda turib qalam qoshiga 
O‘sma qo‘ygan ekan — quribdi. 
Ko‘zdan oqqan achchiq yoshiga, 
O‘smasini yuvib turibdi... 

Meni bir o‘y qiynadi yomon, 
Yana yurak o‘ynadi yomon. 
Qo‘yvor zamin, qo‘yvor osmon 
Men uyimga yetaman qachon? 

Uchib keldim uyimga omon, 
Beshyog‘ochda gullabdi o‘rik... 
Toshkentga qiz berma, Marg‘ilon 
Qodiriy yo'q, Zaynablar tirik. 

✍Muhammad Yusuf
O‘zbekiston xalq shoiri

#Tarixiy_sana
#Abdulla_Qodiriy_129

10 aprel – yozuvchi Abdulla Qodiriy tavallud topgan kun.

Abdulla Qodiriy 1894 yilda Toshkent shahrida tug‘ilgan. XX asr yangi o‘zbek adabiyotining ulkan namoyandasi, o‘zbek romanchiligining asoschisi. 20-yillardagi muhim ijtimoiy-madaniy jarayonlarning faol ishtirokchisi.

Agentlikning rasmiy sahifalariga ulanish:
Telegram | Facebook | Instagram | YouTube

Mutolaa vaqti

📓O‘tkan kunlar

✍Abdulla Qodiriy

ABDULLA QODIRIYNING
SONGGI SABOGI

Biringiz Otabek, biringiz Kumush,
Doim yashnab tursin sevgingiz bogi.
Haqiqiy muhabbat bilmasin solish,
Ustoz Qodiriyning bu ilk sabogi.

Adib yuragida alamlar qat-qat,
Lekin bittasi bor, ochmasdir dogi:
Jonni tik ozodlik yolida faqat,
Bu esa ustozning songgi sabogi.

✍ Abdulla Oripov
O`zbekiston Qahramoni, xalq shoiri

#diqqat_tanlov

Ixtisoslashtirilgan ta'lim muassasalari agentligi tizimidagi Muhammad Yusuf nomidagi ijod maktabi O'zbekiston xalq shoiri Muhammad Yusuf tavalludining 69 yilligi munosabati bilan tanlov e'lon qiladi.
Tanlovda tizimdagi 7-11 sinf o'quvchilari ishtirok etishlari mumkin.