Muhammad Yusuf nomidagi ijod maktabi o'quvchilari

📌Сайловчиларга эслатма

Эртага — 24 октябрь куни бўлиб ўтадиган Ўзбекистон Республикаси Президенти сайловида сайловчилар қуйидагиларни билиши лозим:

▪️ овоз бериш эрталаб соат 8:00 дан кечки 20:00 га қадар давом этади;

▪️ сайловчида фуқаролик паспорти ёки янги намунадаги ҳайдовчилик гувоҳномаси бўлиши лозим;

▪️ қайси сайлов участкасида овоз бериш ҳақида маълумотга эга бўлмасангиз https://saylov.uz/uz/faq/user-polling-station (ёки My.gov.uz портали ёрдамида) манзилига кириб, туғилган сана ва паспорт рақамини киритган ҳолда эртага овоз берадиган сайлов участкангизни аниқлаб олинг;

▪️ сайлов бюллетени яширин овоз бериш кабинасида ёки хонасида сайловчининг ёлғиз ўзи тўлдириши шарт;

▪️овоз бериш танланган номзоднинг фамилияси тўғрисида, ўнг томонда жойлашган бўш квадратга «➕» ёки «✔️» ёхуд «✖️» белгисини қўйиш лозим;

Сайлов бюллетенини мустақил равишда тўлдириш имкониятига эга бўлмаган сайловчи ўз хоҳишига кўра яширин овоз бериш хонасига бошқа шахсни таклиф қилишга ҳақли.

Овоз берувчи тўлдирилган бюллетенни сайлов қутисига ташлайди.

Бузиб қўйилган сайлов бюллетени сайловчининг илтимосига кўра янгисига алмаштирилиши мумкин.

Ўз келажагингиз учун бефарқ бўлманг, сайловларда иштирок этинг!

@uzbyuksalish

Туғилган кун

Хуршида Ваҳобжон қизи 1967 йил 24 октябрда Наманган вилояти Норин туманида туғилган. 1990 йилда Низомий номидаги Тошкент давлат педагогика университетини тамомлаган. Унинг "Алдамчи тонглар" номли илк шеърий китоби 1998 йилда "Ёзувчи" нашриётида чоп этилган. Шунингдек, у "Сиғмагай жисмим жаҳонга", "Изҳор", "Тажалли", "Самойинур" (Сайланма) китобларининг муаллифи. Публицистик асарлари турли жамоа тўпламларида, газета ва журналларда ва интернет нашрларида эълон қилинган. 2019 йилда “Янги тонг" номли шеърий тўплами "Ўзбекистон" нашриётида чоп этилди. У 2005 йилдан буён Ўзбекистон Ёзувчилар уюшмасининг Андижон вилоят бўлимини бошқариб келмоқда. “Бобур издошлари” номли адабий тўгарак раҳбари. 2012 йилда Ўзбекистон Республикаси Президенти фармонига асосан "Шуҳрат" медали билан тақдирланган. Оилали, 2 нафар фарзанди бор.
Хуршида Ваҳобжон қизига сиҳат-саломатлик, узоқ умр, оилавий бахт ҳамда иш фаолиятига куч-қувват тилаймиз.

Ўзбекистон Ёзувчилар уюшмаси Андижон вилояти бўлими.

Сизда ором қайда,
Сизда тин қайда,
Сиз тўйиб ухлаган
Битта тун қайда!
Эл-юрт оромини
Асраган зотлар,
Эл меҳри асрасин
Сизни ҳар жойда!

✍Муҳаммад Юсуф


25-октябрь- Ички ишлар идоралари ходимлари касб байрами куни билан ҳамиша беҳаловат, ўз тинчини халқининг хотиржам, тинч ҳаётига алмашган, халқига хизмат қилишни шарафли бурчи деб ҳисоблаган Ички ишлар ходимларини - азиз фарзандларимиз, укаларимизни чин юракдан табриклайман!
Мен Муҳаммад Юсуф оиласи номидан барча ички ишлар ходимларини касб байрами билан чин дилдан табриклайман.
Илоҳим халқнинг дуоси қўлласин!
Мартабаларингиз икки дунёда баланд бўлсин!
Сизлардек фидойи ходимлар кўпайсин!

✍ Назира ас-Салом.

Сизда ором қайда, сизда тин қайда.
Сиз тўйиб ухлаган битта тун қайда.
Эл-юрт оромини асраган зотлар,
Эл меҳри асрасин сизни ҳар жойда!

Сизни учратаман тоғда, далада,
Хизматда ҳамиша қорда, жалада.
Сизга сабот берсин, сизга куч берсин,
Буюк зотлар руҳи шундай паллада...

Йўллар равон бўлсин, йўллар оқ бўлсин,
Баҳор майсалари кўкчироқ бўлсин.
Бурчга садоқатли эй фидойилар,
Поклигингиз сизга кўзмунчоқ бўлсин!

✍Мухаммад Юсуф
Ўзбекистон халқ шоири

#Tabrik

Hurmatli ichki ishlar tizimi xodimlari!

Sizlarni 25-oktabr — O‘zbekiston Respublikasi Ichki ishlar organlari xodimlari kuni bilan chin yurakdan tabriklaymiz.

Vatan koriga yaramoq, yurt osoyishtaligi hamda xotirjamligi yo‘lida xizmat qilmoq sharafli vazifadir. Zero, bu dunyoda yurt tinchligi va xavfsizligi yo'lida jon tikib yashamoqdan ulug'roq baxt yo‘q.

Sizning jamoat tartibi va tinchlik-osoyishtalikni saqlash, fuqarolarning huquq va erkinliklarini himoya qilish borasidagi jonbozliklaringiz tahsinga sazovor.

Barchangizga sog‘lik-salomatlik, oilaviy baxt, sharafli va mas'uliyatli faoliyatingizda muvaffaqiyatlar yor bo'lsin. Kasb bayramingiz muborak bo'lsin!

Hurmat bilan,
Prezident ta'lim muassasalari agentligi jamoasi

✍Odinaxon EGAMBERDIYEVA,
Muhammad Yusuf nomidagi ijod maktabining 11-sinf o‘quvchisi

*

Qor yog‘moqda dekabr tongi,
Derazamga suratni soldi.
Binochalar o‘sgan shaharda,
Bir kunga men ulg‘ayib qoldim.

Onam yo‘lga ko‘z tutar intiq,
Qor kaftiga berib yuragin.
Kechagina iyul tongida,
Oyoqyalang chopib yurardim.

Bo‘yimo‘sar binolar kabi,
Qish tortqilar majnuntol sochin.
Bir kun. Bir kun o‘taveradi,
Kelajakning ko‘zlarin ochib.

Qor yog‘moqda, yana bitta tong,
Yuragimga orzular soldi.
Qishloqi bir sodda qizaloq
Bir kun bilan ulg‘ayib qoldi.

TONG OCHAR KO‘ZLARIN...

Tong ochar ko‘zlarin erinib,
sеvinchdan yig‘laydi qiyoqlar,
chеchaklar jilmayar sеvinib,
shamolda cho‘milar giyohlar.

O‘ynoqi shu’lalar — bolalar
jimgina tarqalar sayhonga,
o‘rgimchak to‘qiydi tolalar,
xonqizi boradi mеhmonga.

Qurbaqa varaqlar bayozin,
guldan bol so‘radi arilar,
chigirtka qayraydi ovozin,
parvozda ninachi — parilar.

Chumoli, mеhnatkash chumoli,
kuyinma, atrofga bir qara —
maysalar, oh, qanday himoli,
dunyoni qilma ko‘p masxara.

©️Shavkat Rahmon

* * *
Бас! Бўлар иш бўлди, керакмас,
Қайтмас бўлдим энди юртимга.
Япроклари қанот тераклар
Соя солмас энди устимга.
Пастак кулбам бунчалар менсиз,
Ўлиб бўлган қари итим ҳам.
Масковнинг бир бурчида, эсиз,
Завол топмоқ чоғи насибам.
Бу шаҳарга бўлдим мен шайдо,
Гарчи кўҳна, кўримсиз макон.
Мудраб ётган олтин Осиё
Гумбазларда бўлур намоён.
Тунда эса, ой нур сочган дам
Гўё… билмам, нима сингари…
Бош эгганча ташлайман қадам
Ўша таниш майхона сари.
Мени кутар бу даҳшат маскан,
Бунда тунни улаб саҳарга,
Май ичаман ўғрилар билан,
Шеър ўқийман фоҳишаларга.
Кайф тумани чулғаганда мен
Фарёд билан очаман кўнглим:
«Мен ҳам сиздек гумроҳ бандаман,
Менинг ҳам йўқ, қайтарга йўлим».
Пастак кулбам букчаяр менсиз,
Ўлиб бўлган қари итим ҳам.
Масковнинг бир бурчида, эсиз,
Завол топмоқ чоғи насибам.

* * *
Нечук маъюс таратар зиё
Ой Хуросон чаманларига.
Русь бағрида кезаман гўё
Чўмиб оқшом туманларига.
Шундай дея, эй гўзал Лаълим,
Шамшодлардан айладим савол.
Бу сир бизга эмасдир маълум,
Деган каби боқди улар лол.
«Не учун ой маъюс сочар нур?»
Чечакларни тутдим сўроққа.
Улар деди: гулдан сўраб кўр
Саҳар пайти кирганда боққа.
Гул тебратди аста шохини,
Тилга кириб сўйлади гулбарг,
«Ўзга билан бўлди Шаҳина,
Ўпди бу кеч ўзгани дилбар».
Деди ёринг: «Қайдан билар рус,
Қўшиқ унга ҳам тану ҳам жон».
Шунинг учун ой боқар маъюс,
Шунинг учун юзида йўқ қон.
Не жафолар кўрмади олам,
Хиёнату кўз ёшдан хунлар.
Лекин, майли, ҳар на бўлса ҳам
Мўътабардир нафармон тунлар.

* * *

Хайр энди, хайр дўстгинам,
Бағримдасан, кўнгил малҳами.
Муқаррар бу айрилиқнинг ҳам
Висоли бор олдинда ҳали.
Хайр, дўстим, сўзга очма лаб,
Қўй, мен учун ўртама бағир,
Бу ҳаётда ўлмоқ-ку бор гап,
Яшамоқ ҳам янгимас, ахир!

Сергей Есенин.