#Эълон
#Ixtisoslashtirilgan_maktablar

📣📣Prezident maktablariga kirish imtihonlari 2-bosqichidan o'tolmagan o'quvchilar va ularning ota-onalari diqqatiga!

2022-2023-o'quv yilida Prezident maktablari kirish imtihonlari 2-bosqichida ishtirok etib, o'qishga kira olmagan talabgorlar o‘zlari ta'lim oladigan hududda tashkil etilgan ixtisoslashtirilgan maktablardan biriga o'qish uchun ariza topshirishi mumkin.

❗️Bunda ular kvotaning 50 foizi doirasida ballar ketma-ketligi asosida IMTIHONSIZ mazkur ixtisoslashtirilgan maktablarga qabul qilinadi.

Talabgorlarning ota-onalari ixtisoslashtirilgan maktabga borib, direktori nomiga o'qishga qabul qilishni so‘rab ariza bilan murojaat etishlari lozim.

⚡️Agar belgilangan qabul kvotasidan ortiq talabgorlar bitta ixtisoslashtirilgan maktabda o‘qish istagini bildirsa, ustunlik 2-bosqich imtihonidan yuqori ball to'plagan talabgorga beriladi.

SHOSHILING!

📆Arizalar 8-SENTABRGACHA (shu kuni ham) qabul qilinadi.

✔️Biz ijtimoiy tarmoqlarda:
Veb-sayt | Telegram | Instagram | YouTube

#Tabriknoma

Hurmatli yurtdoshlar!

Barchangizni eng ulug', eng aziz bayram - O'zbekiston Respublikasi davlat mustaqilligining 31 yilligi bilan chin ko'ngildan tabriklayman.

Yurtimiz rivoji, jamiyat taraqqiyoti yo'lida amalga oshirayotgan ulkan ishlaringizda muvaffaqiyat va zafarlar tilayman.

Yurtimiz tinch, osmonimiz musaffo, xalqimiz omon bo'lsin!

Mustaqilligimiz abadiy bo'lsin!

Hilola Umarova,
Prezident ta'lim muassasalari agentligi direktori

#Tabrik

Muhammad Yusuf nomidagi ijod maktabi rahbariyati barcha vatandoshlarimizni Vatanimiz mustaqilligining 31 yilligi munosabati bilan samimiy muborakbod etadi.

Qadrli do‘stlar bugun biz vaqtning azim daryodek shiddat bilan o‘tishiga yana bir bor guvoh bo‘lib, hayotimizning yangi bir dovoniga qadam qo‘ymoqdamiz. Ayni shu lahzalarda 31 yil davomida boshimizdan kechirgan kunlarimizi, yon-atrofimizda bo‘lib o‘tgan tashvishli va quvonchli voqealarni, amalga oshirgan ishlarimizni beixtiyor ko‘z o‘ngimizdan o‘tkazamiz, shu kunlarga yetkazgani uchun Yaratganimizga shukronalar bildiramiz.

Shunday shukuhli damlarda har qaysi inson ayni shu daqiqalarda qalbida saqlab kelayotgan ezgu orzu-umidlarning ushalishini, oilasi, yaqinlari, ona yurti tinch-omon bo‘lishini xayolidan o‘tkazadi.

Shunday ekan, Vatanimiz tinch, yurtimiz obod, oilalarimiz mustahkam, dasturxonimiz to‘kin bo‘lsin.

Yana bir bor eng ulug‘, eng aziz bayramimiz muborak bo‘lsin!

Mustaqilligimiz abadiy bo‘lsin!

Muhammad Yusuf nomidagi ijod maktabi

#Tabriknoma
#Mustaqillik_31_yil

Aziz yurtdoshlar!

Prezident ta'lim muassasalari agentligi jamoasi sizlarni O‘zbekiston Respublikasi mustaqilligining 31 yillik bayrami bilan chin qalbdan muborakbod etadi.

1-sentabr— Vatanimiz tarixida yangi bir davrni boshlab bergan kundir. Bu kun har bir millatdoshimiz qalbida ulkan faxr va ehtirom tuyg'ularini uyg'otadi.

Barchangizni ayyom bilan yana bir bor tabriklab, sizlarga mustahkam sog'liq, tinchlik-xotirjamlik va ishlaringizga rivoj tilaymiz!

#Ayyom_muborak

✔️Biz ijtimoiy tarmoqlarda:
Veb-sayt | Telegram | Instagram | YouTube

Ўзбекистон Республикаси Президенти Шавкат Мирзиёевнинг Ўзбекистон Республикаси давлат мустақиллигининг ўттиз бир йиллигига бағишланган тантанали маросимдаги нутқи
—
Выступление Президента Республики Узбекистан Шавката Мирзиёева на торжественной церемонии, посвященной 31-й годовщине государственной независимости Республики Узбекистан

Prezident.uz|Facebook|Instagram|YouTube|Twitter

МУҚАДДАС ВАТАН

Буюк ва муқаддас Ўзбекистонда
Ҳумо қушнинг баланд учмоғи азиз!
Мозий қатларидан асрий орзулар
Юксалиб, самони қучмоғи азиз.

Ватан дея урган ҳар бир юракнинг
Оҳидан яралган титроғи азиз.
Шонли Мустақиллик солномасида
Озод йиллар тизган саноғи азиз.

Ватаннинг дардию чеккан заҳмати,
Бағрида ҳар сиқим тупроғи азиз.
Азиз, барчасидан оби раҳмати,
Истиқлоли азиз, байроғи азиз.

Ҳурлик карвонида одимлар шаҳдам,
Танлаган нурафшон ўз роҳи азиз.
Халқ ила Ватаннинг чин ишонч билан
Сизу бизга тиккан нигоҳи азиз.

✍ Хуршида ВАҲОБЖОН қизи
Ўзбекистон Ёзувчилар уюшмаси аъзоси, шоира