Faqat foydasi tegadigan ilmni olish kerak, foydasiz fazilatdan qochmoq va faqat zarur narsaga quloq ochmoq lozim.

Abdurahmon JOMIY

O‘zingga boq, o‘zingga!
Aslingga, so‘zingga, nafsingga.
O‘zgani qo‘y. Kim nima yedi, nima kiydi, senga nima?
Sen o‘zingni ilm bilan, sevgi bilan, shafqat bilan parvarish qil. Ana shundagina chin Insonlik himmatiga yetasan!

Yaxshilar yoninda yurgil sen o‘zing,
Dur bo‘lsin doimo so‘zlagan so‘zing,
Olimlarni uqsang, ochilar ko‘zing,
Johilni tinglasang, ko‘rdek bo‘larsan.

Ona tilining qadri qanchalik baland bo'lsa, millatning mavqei shunchalik baland bo'ladi.
Milliy tuyg'u saqlanib qoladi.

Olimlar tarbiyani uch qismdan iborat deb biladilar. Bular: badan tarbiyasi, aqliy tarbiya va axloqiy tarbiya. Lekin bu uch qismni bir-biridan ajratib bo‘lmaydi. Ular bir-birlariga shunday bog‘liq va yaqinki, biriga zarar tegsa, boshqalarida ham nuqson paydo bo‘ladi. Biriga foyda tegsa, boshqalari ham undan bahramand bo‘ladilar.