#soha_qonunchiligi

⚡️TANLOVDA G‘OLIB BO‘LGAN 6-SINF O‘QUVCHILARI IJOD MAKTABLARIGA KIRISH IMTIHONISIZ QABUL QILINADI

O‘zbekiston Respublikasi Prezidentining “Ijod maktablari faoliyatini yanada takomillashtirish chora-tadbirlari to‘g‘risida”gi qarori qabul qilindi.

Qarorga ko‘ra:

➖“Yosh tarjimonlar” klublari yo‘lga qo‘yiladi;

➖O‘quvchilarning ijodiy ishlari toʻplam sifatida "Mening birinchi kitobim" loyihasi asosida nashr etiladi;

➖o‘quvchilarda axloqiy, ijtimoiy-emotsional va estetik didni rivojlantirish maqsadida “San’at” (ART) fani kiritiladi;

➖o‘quvchilarning sun’iy intellekt va robototexnika yo‘nalishiga qiziqishlarini qo‘llab-quvvatlash maqsadida robototexnika asoslari o‘rgatiladi;

➖oʻquvchilar ijodiy ishlarini onlayn platformalar orqali tijoratlashtirishga oʻrgatiladi;

➖ijodkor oʻquvchilar oʻrtasida "Ijodiy olimpiada" oʻtkaziladi;

➖Ikkita ijod maktabida taʼlim jarayoni xalqaro IB (International Baccalaureate) dasturi asosida yoʻlga qoʻyiladi;

➖ijod maktablarida Oliy taʻlim muassasalarining til, adabiyot va xorijiy tillari kafedralarining filiallari tashkil qilinadi;

➖Oʻqituvchilar elchixonalar tomonidan xorijiy davlatlarga malaka oshirishga joʻnatiladi;

➖Ijod maktablariga xorijiy oʻqituvchilar jalb qilinadi;

2024/2025-o‘quv yilidan boshlab umumiy o‘rta ta’lim muassasalari o‘quvchilari o‘rtasida badiiy adabiyot va san’at sohasida iqtidorli yoshlarni saralashga qaratilgan ko‘rik-tanlov o‘tkaziladi:

➖umumtaʼlim maktablarida taʼlim olayotgan ijodkor oʻquvchilar bazasi shakllantiriladi;

➖ko‘rik-tanlov har yili tuman (shahar) va viloyat bosqichlarida o‘tkaziladi;

➖tanlovning viloyat bosqichida sovrinli 1-, 2- va 3-o‘rinlarni qo‘lga kiritgan 6-sinf o‘quvchilari ijod maktablariga umumiy qabul parametrlari doirasida kirish imtihonisiz o‘qishga qabul qilinadi.

Telegram | Facebook | Instagram | YouTube

#mahorat_darsi

BADIIY ASAR G‘O‘YASI

Ixtisoslashtirilgan ta’lim muassasalari agentligi hamda O‘zbekiston Yozuvchilar uyushmasining hamkorlik rejasiga asosan Muhammad Yusuf nomidagi ijod maktabida O‘zbekiston Yozuvchilar uyushmasi a'zosi, "Do‘stlik" ordeni sohibi Farid Usmon bilan ”Badiiy asar g‘oyasi“ mavzusida mahorat darsi o‘tkazildi.

Mahorat darsida badiiy gʻoya — adabiy asarlar zamirida yotgan emotsional obrazli fikr ekanligi, yozuvchi tomonidan tasvir etilgan shunday voqea va hodisa badiiy g‘oyaning predmeti hisoblanishi, badiiy g‘oyaning emotsional taʼsir kuchi, voqea va hodisaning muhimligi hamda uni tasvirlagan yozuvchining mahorati bilan belgilanishi ta'kidlandi.

Shuningdek, adabiy asar g'oyasi adabiy asarning semantik, majoziy, hissiy mazmunini umumlashtiruvchi asosiy g'oya ekanligi, muallifning hissiy tajribasi va hayotiy mahorati mahsuli ekanligi ustoz ijodkor tomonidan interaktiv yondashuvlar asosida tusuntirib berildi.

Muhammad Yusuf nomidagi ijod maktabi axborot xizmati

👉@ima_myim

#Amir_Temur

Vatan va millat timsoliga aylangan daho

Sohibqiron Amir Temur shaxsiyati jahon tarixida juda kam uchraydigan hodisadir. “Buyuk shaxslarni millat qayg'usi, xalq dardi yaratadi”, deydilar. Chindan ham millat qayg'usidan, xalq dardidan yaralgan ulug' zotning dunyoga kelishi zamon zarurati va talabiga aylandi, boshqacha aytganda, tarix va zamon o'z qahramonini o'zi jahon maydoniga olib kirdi.

Viloyat axborot kutubxona markazida “Kutubxona ikkinchi oilam” loyihasi doirasida “Vatan va millat timsoliga aylangan daho” mavzusida o‘tkazilgan davra suhbatida Muhammad Yusuf nomidagi ijod maktabi o‘quvchilari ishtirok etdi.

Davra suhbati davomida buyuk sohibqiron bobomiz Amir Temurning hayoti va faoliyati, harbiy yurishlari va davlatni boshqarishdagi siyosiy islohotlari haqida aytib o'tildi.

Tadbir so‘ngida ijod maktabi o‘quvchilari tomonidan badiiy chiqishlar namoyish etildi.

Muhammad Yusuf nomidagi ijod maktabi axborot xizmati

👇Bizni kuzatishda davom eting!
👉@ima_myim