ШУЛАРМАСМИ?..

Авжланган ур-йиқит, туҳмат онлари,
элимнинг фидойи чин ўғлонлари,
Абдулла, Акмал, Файзулла, Усмонлари,
муқаддас билишди ўз виждонларин.

Тонмади табаррук эътиқодидан,
(чиқмас бу кишилик хотир-ёдидан),
бош тортиб олчоқлик илтифотидан,
отилса-да, бўлиб “Халқ душманлари”.

Одил ҳакам –
вақт ўз ҳукмини айтди,
қайта қуриш даври –
покланиш пайти,
бадхоҳлар бадлиги ўзига қайтди,
иблис бўлиб чиқди ҳур-ғилмонлари.

Узун бўлганди бу қилвирлар дасти,
ҳудди бўлганидек масжидда қасди,
ўздан ўзгаларни кўра олмасди,
зарра койимасди ор, имонлари.

Гуруҳ, тоифа, то банда бўлишди,
эл кўзига дўст, қуда-анда бўлишди,
мансаб, мавқесотар пуршанда бўлишди,
Яловач, Варламнинг қадрдонлари.

Ҳис этиб ўзларин тенги йўқ сарвар,
кўринса-да, ғоят ғамхўр, элпарвар,
асли эл оҳига эди кўру кар,
кўтармасди ҳол сўрашни шаънлари.

Саркор бўлгач шундай худбин галалар,
бўкди заҳарга, емрилди далалар,
қор-қировда пахта терди болалар,
бемажол, юзида мунг-пушмонлари.

Авжланди мутелик, ялтоқлик, пора,
қоралар оқ бўлди, ҳақгўйлар қора,
поклар хор этилди, нопоклар сара,
ўртада восита пул, жанонлари.

Улар ўзгани ҳеч писанд қилмаслар,
ғофил қўрғонидан нари жилмаслар,
пул йиғишдан бошқа корни билмаслар,
фақат юқорига хайр-эҳсонлари.

Ҳаттоки, илмга аралашди пул,
эъзозланди мадҳгўй, маддоҳлар нуқул,
тарих сохталанди, кўрдилар маъқул –
дейишни биз унинг қаҳрамонлари...

Бузди то табиат тарозисини,
телба, деб донишлар норозисини,
қасд олди қайрашиб гоҳ тозисини,
қанча-қанча бунда эл қурбонлари.

Қулоқ тутмай инсоф, ор, адолатга,
эрк бериб ҳар бобда “салбий ҳолат”га,
қўйди бутун эл-юртни маломатга,
асли шулармасми халқ душманлари?!..

Асли шулармасми халқ душманлари?!..

✍️Аббос Султонов
"Муштум" журнали мухбири
Андижон вилояти, Шаҳрихон тумани

#Сўровнома_натижаси
#Survey_result

✔️Prezident ta'lim muassasalari agentligi Axborot xizmati tomonidan Agentlik va tizimidagi ta'lim muassasalari faoliyati yuzasidan ijtimoiy so’rovnoma o‘tkazildi.

❗️Unda 810 kishi ishtirok etdi. Ishtirokchilarning savollarga javoblari quyidagicha:

🔹Prezident ta’lim muassasalari agentligi tizimidagi qaysi maktablar haqida rasmiy sahifalarimiz orqali ko‘proq ma’lumot berib borishimizni istaysiz?

- Tayanch va yangi tashkil etilgan ixtisoslashtirilgan maktablar - 70,4 %
- Prezident maktablari - 27,1 %
- Ijod maktablari - 2,5 %

🔹Qaysi loyihalarni ko‘proq taqdim etib borishimizni istaysiz?

- "Mutaxassis javob beradi" - 31,3 %
- "Xorijlik professorlar bilan intervyu" - 28,6 %
- "Prezident maktabiga sayohat" - 20,2 %
- "Farzandim Prezident maktabi o'quvchisi" - 19.9 %

❗️Prezident ta’lim muassasalari agentligi faoliyatidagi ochiqlik va shaffoflik 92,1% bilan ijobiy baholandi.

⚡️So'rovnoma ishtirokchilarining taklif va mulohazalari:

▶️Agentlik tizimidagi maktablarga qabul kvotalarini oshirish
▶️Kirish imtihonlarining namunaviy savollarini ko'proq e'lon qilish
▶️Yangi tashkil etilgan ixtisoslashtirilgan maktablar haqida ko'proq ma'lumot taqdim etib borish.

⬇️ Biz ijtimoiy tarmoqlarda:
Veb-sayt | Telegram | Instagram | YouTube

«БОСМАЧИЛАР»

Олмослардан кескир эди шамширингиз,
Тутун бўлиб тўзиб кетди тақдирингиз,
Минг йигитга арзирдингиз ҳар бирингиз.
От ўйнатиб юрмадингиз, «босмачилар!..»

Тупроқ тўшак бўлди, болиш эгар бошда,
Жалолиддин каби мудом жаҳонгашта,
Умрингизнинг ярми ўтди тоғу тошда,
Не кунларни кўрмадингиз, «босмачилар».

Қўрғошинга қалқон бўлди ўт кўкраклар,
Кафан бўлди қонга ботган оқ яктаклар,
Сўнгги макон бўлди баъзан чакалаклар,
Одамдай ҳам ўлмадингиз, «босмачилар...»

Тушунмайин ким қарғади, кимлар сотди,
Кўнглингизда алам, кўзда ёшлар қотди,
Ортингиздан гоҳ болангиз тошлар отди,
Ёш деб, гина қилмадингиз, «босмачилар».

Уйингизда сизни кутди, кел, деб тўрам,
Келинчаклар кокиллари тарам-тарам,
Кўнгилга ёр сиғармиди юртда қарам?..
Жангоҳлардан жилмадингиз, «босмачилар».

Кенгашсангиз тор дунёлар кенг бўларди,
Эргаш ёқа бўлса, Шермат енг бўларди,
Бирлашсангиз ким ҳам сизга тенг бўларди,
Нечун аҳил бўлмадингиз, «босмачилар?..»

Босмачимиш... Бундай демиш қай бемаъни,
Тутмайдими бир кун уни беклар қони...
Ҳамма сиздек ўз юртини суйса қани!
Беҳуда қон тўкмадингиз, «босмачилар!»

Сиз йўқ, бунда кўтарилди дарпардалар:
Отдан тушди сариқ мўйлов саркардалар,
Бухорони тўпга тутган шармандалар...
Афсус, афсус, кўрмадингиз, «босмачилар».

Эркли элда сизни эслаш нақадар ҳуш,
Сизга ҳайкал қўйса арзир майдонлар бўш,
Оқ яктакда, арғумоқлар миниб оқтўш
Мундоқ кўкрак кермадингиз, «босмачилар!»

Субҳидамда шеърим битди, кўзим тиниб,
Пойингизга бордим кўнглим бир ўксиниб,
Туринг энди бобо десам, сиз хўрсиниб
Жилмайдингиз, турмадингиз, «босмачилар».

Қайга тарқаб кетган бўлманг, қай замонда,
Сизнинг асов қонингиз бор бизнинг қонда.
Унутмаган сизни ҳеч ким Туркистонда,
Хонларга тенг ҳурматингиз, «босмачилар!..»

Олмослардан кескир эди шамширингиз,
Тутун каби тўзиб кетди тақдирингиз.
Минг йигитга арзирдингиз ҳар бирингиз,
От ўйнатиб юрмадингиз, «босмачилар».

✍️ Муҳаммад Юсуф
Ўзбекистон халқ шоири