#Abdulla_Qahhor_115_yoshda

❇️ 17-sentabr o‘zbek adabiyotining zabardast vakillaridan biri, ulug‘ yozuvchi va mohir tarjimon,hikoyanavis Abdulla Qahhor tavalludiga 115 yil to‘ldi.

✅ Shu munosabat bilan Muhammad Yusuf nomidagi ijod maktabida maktabning ona tili va adabiyoti fani o‘qituvchilari tomonidan Abdulla Qahhor ijodiga bag‘ishlangan ochiq darslar va mahorat darslari o‘tkazildi. Darslar davomida adib asarlariga ishlangan videoroliklar, hujjatli filmlar namoyish etildi.

🔰"Aktyorlik mahorati" to'garagining iste'dodli o'quvchilari Abdulla Qahhorning "Daxshat" hikoyasi asosida teatrlashtirilgan sahna ko'rinishini namoyish qildilar.

📖 O‘quvchilar darslarda faol ishtirok etib, yozuvchining hayoti va ijodi borasidagi bilimlarini yanada boyitishdi.

#bilib_oling

"Qarimta" so‘zining maʼnosini bilasizmi?

📺 "Bir so‘z taʼrifi"


Kanalga ulanish 👉 https://t.iss.one/dtrdep

Bizning manzil:
Veb-sahifa | Telegram | Facebook

#Туғилган_кун

Ўзбекистон Ёзувчилар уюшмаси аъзоси, таниқли устоз адиб Абдухалил Қорабоев 1941 йил 21 сентябрда Андижон вилоятининг машҳур Кулла қишлоғида туғилган. 1965 йилда Тошкент давлат университетининг филология факультетини тамомлаган.
У илк шеърлари биланоқ адабий жамоатчилик ва адабиёт мухлисларининг эътиборига сазовор бўлган.
У шоир, ёзувчи, халқ таълими аълочиси сифатида элнинг ҳурматини қозонган.
1978 йил “Кўзларингда қуёшча ўт”, 1998 йил “Тонг ёғдуси” ва “Сизни соғинаман” номли шеърий ҳамда “Ота меҳри” ҳикоя ва очерклар тўпламлари чоп этилган.
Абдухалил Қорабоев “Шонли меҳнат”, “Ўзбекистон маданияти” (ҳозирги “Ўзбекистон адабиёти ва санъати”), “Қишлоқ ҳақиқати” газеталарида, Ўзбекистон Ёзувчилар уюшмаси вилоят бўлимида, Андижон телерадиокомпаниясида, таълим соҳасида хизмат қилган. Мустақиллик йилларида Абдухалил Қорабоевнинг “Қиёмат” биографик қиссаси, “Кўнгил” шеърлар тўплами, “Мен қишлоқда яшайман”, "Руҳият" каби шеърий, насрий ва публицистик мақолалар тўпламлари нашр қилинган.

✍Абдухалил Қорабоев
Ўзбекистон Ёзувчилар уюшмаси аъзоси

ҚАЛДИРҒОЧИМ

Учиб келинг, қалдирғочим, учиб келинг,
Қўлларимга қўнинг, мана, қўлларимга.
Юрагимга куйлаб кўклам наволарин,
Райҳон бўйин сочиб келинг йўлларимга.

Учиб келинг, қалдирғочим, учиб келинг,
Ота жойим шифтларида уйларингиз.
Чарчаб, ҳориб келганимда онажоним
Алласидай янграб турсин куйларингиз.

Учиб келинг, қалдирғочим, учиб келинг,
Сочиб келинг эзгуликнинг гулларини.
Нуҳ пайғамбар кемасида илонлар кўп,
Узиб ташланг илонларнинг тилларини.

Учиб келинг, қалдирғочим, учиб келинг.

СУКУНАТ

Сукунат!
Сезяпман…
Эшитяпсан нотинч юрак зарбларини.
Англаяпсан,
Сўздан чарчаб,
Соқов бўлган задаларнинг қалбларини.
Сукунат,
Айтадиган сўзларимни айтиб бўлдим,
Аросатнинг йўлларидан қайтиб бўлдим.
Энди сўнгги дил сўзимни сенга айтай,
Ювиб ташлай юрагимнинг гардларини.
Сукунат!
Илтимосим, тилга кирма!
Тилга кирсанг,
Сен ҳам сўзим эшитмайсан.
Англамайсан
Ҳорғин қалбнинг дардларини,
Тилга кирма…

ЮРАГИМ

Сайёдлар домига қарамай,
Қояда оҳудек ўйнадим.
Сўзимни гулларга ўрамай,
Юрагим, сени ҳам қийнадим.

Бу чигал дунёни англамай,
Тўлқиндай ҳайқириб қайнадим.
Титроғинг сезмайин, тингламай
Юрагим, сени ҳам қийнадим.

Ҳаққул ҳақ дегандай куйиниб,
Сира ўз ҳолингга қўймадим.
Нотаниш йўлларда суриниб
Юрагим, сени ҳам қийнадим.

Бир умр эзилиб, ўртаниб,
Ёнмасин деб сени ўйладим.
Келишиб яшашга ўрганиб,
Юрагим, сени ҳам қийнадим.

#Диққат_эълон❗️

Prezident ta’lim muassasalari agentligi tomonidan “Сambridge University Press” nashriyoti tomonidan ishlab chiqilgan o‘quv-metodik adabiyotlarni mahalliylashtirish jarayoni boshlandi.

AGENTLIK QUYIDAGI YO‘NALISHLAR BO‘YICHA MUTAXASSISLAR TANLOVINI EʼLON QILADI:

➡️Tarjimonlar (ingliz tilidan o‘zbek tiliga)
➡️Fizika fani bo‘yicha mutaxassislar
➡️Biologiya fani bo‘yicha mutaxassislar

NOMZODLARGA QO‘YILADIGAN TALABLAR:

🔹Oliy ma’lumot, yuqori malaka hamda kamida 3 yillik ish tajribasiga ega bo‘lish;
🔹Zamonaviy axborot-kommunikatsiya texnologiyalaridan erkin foydalana olish.

NOMZODNING SHAXSIY SIFATLARI:

🔹Muddatlarga rioya qilish, mas’uliyat va javobgarlik
🔹Yangiliklarni qabul qilishga ochiqlik, kreativ fikrlash.

👩🏻‍💻🧑🏻‍💻 Ishlash istagida bo‘lganlar:
🧾 ma’lumotnoma (telefon raqami ko‘rsatligan holda), pasport nusxasini
⏳2022-YIL 26-SENTABRGA QADAR
🌐 [email protected] elektron pochta manziliga yuborishi lozim.

📍Manzil: Toshkent shahar, Yashnobod tumani, Maxtumquli ko‘chasi 1-A uy.