✍ Muhammad Yusuf
📜 Tunda she'r aytishdik...
🎤 Farangiz

@ptma_myim

Menga boqib miyig'ida kulgan dunyo,
Meni tuproq, o'zni osmon bilgan dunyo,
Seni momom cho'miltirgan yuvib-tarab,
Seni bobom tetapoya qilgan, dunyo!...

Ey, o'tmishdan o'tkan kunin so'ramagan,
O'zbek borsa kim qo'liga qaramagan?
Botirlari qul bo'lishga yaramagan,
Suluvlari bo'yniga osilgan dunyo!

Moziy manim borimni yod etib siylar,
Dilni obod, ruhlarni shod etib siylar.
Shoh G'azzoliy, shoh Tarbiziy, shoh Rumiylar...
Chorig'ini yelkasiga ilgan dunyo.

Sen sig'ingan --- o'sha jondin ortiq senga
Tojimahal ham bir bobomdan tortiq senga.
Kulma menga, iddaolar qilma menga ---
To'qqiz kunda Temur bosib olgan dunyo!

Yuzlaringni yoritgan shu sharq ziyosi,
Dardlaringni aritgan shu sharq ziyosi.
Sinoning etagin o'pib Ovrupasi,
Amirqosi Beruniydan qolgan dunyo.

Mening ko'shkim ko'kda --- unga yetmaydi qo'l,
Mening ko'rkim ko'ngil, unga eltgay bir yo'l,
Tirikman men, kel istasang muridim bo'l ---
Sen Islomdan iymon darsin o'rgan, dunyo!...

✍Muhammad Yusuf
O‘zbekiston xalq shoiri

Bekatlarda men qolarman-da,
Aytar so'zim qolib ketadi.
Tramvaylar seni har kuni
Bodomzorga olib ketadi.

Termulaman, izlaridan jim,
Boqib ko'zim tolib ketadi.
Bodomzorga seni har kuni
Tramvaylar olib ketadi.

Temir yo'lga boshlarin urib
G'ildiraklar nolib ketadi.
Bodomzorga seni har kuni
Tramvaylar olib ketadi.

Yur, deb o'zim ketar yo'llarga,
Burolmayman tramvaylarni.
So'kolmayman tramvaylarni,
Urolmayman tramvaylarni

Ko'rolmayman tramvaylarni!..

✍Muhammad Yusuf
O‘zbekiston xalq shoiri

#Xalqaro_olimpiada

✅Xabar berganimizdek, Prezident ta'lim muassasalari agentligi tomonidan 9-16-may kunlari 56-Xalqaro Mendeleyev kimyo olimpiadasi tashkil etilmoqda.

📍Ushbu nufuzli olimpiadada Avstriya, BAA, Rossiya, Turkiya, Saudiya Arabistoni, Vengriya, Xorvatiya, Suriya, Qirg'iziston, Belarus, Qozog'iston, Tojikiston, Isroil, Latviya, Ozarbayjon, Armaniston kabi 20 yaqin davlatlarning o‘quvchilari ishtirok etadi.

🔴Mazkur olimpiadada O'zbekiston sharafini himoya qiladigan yoshlar bugungi kunda olimpiadaga qizg'in tayyorgarlik ko'rishmoqda.

👉Xalqaro Mendeleyev olimpiadasi yangiliklarini biz bilan birga kuzatib boring: https://imcho56.uz/

⬇️ Biz ijtimoiy tarmoqlarda:
Veb-sayt | Telegram | Instagram | YouTube

Халқаро қишлоқ хўжалиги университетини ташкил қилиш чора-тадбирлари тўғрисида

Ўзбекистон Республикаси Президентининг қарори

📍 https://uza.uz/posts/370493

🔻 ЎзАнинг телеграм каналларини кузатиб боринг

Ўзбекча | O`zbekcha | Русская | Илм-фан | Тезкор

Студия 24 | Муҳаммад Али - Ўзбекистон халқ ёзувчиси
#7may #uzbekiston24

mtrk.uz | Youtube | Facebook | Telegram | uztv.tv

XOTIRA BOR EKAN,TIRIKDIR MILLAT

🎙Lutfullayev Abdulloh Muhammad Yusuf nomidagi ijod maktabi 10-A sinf o'quvchisi

AJDODLAR XOTIRASI HAMISHA QALBIMIZDA

#Xotira_va_qadrlash_kuni

9-may – Xotira va qadrlash kuni munosabati bilan barcha hamyurtlarimiz, hurmatli urush qatnashchilari va mehnat faxriylarimizga tinchlik-omonlik, sog’lik-salomatlik tilaymiz.

Xonadonlaringizdan fayzu baraka arimasin.

Yurtimiz hamisha tinch, osmonimiz musaffo bo‘lsin!

Hurmat bilan,
Prezident taʼlim muassasalari agentligi jamoasi

⬇️ Biz ijtimoiy tarmoqlarda:
Veb-sayt | Telegram | Instagram | YouTube

XOTIRA BOR EKAN,TIRIKDIR MILLAT

🎬Muhammad Yusuf nomidagi ijod maktabi o'quvchilari

AJDODLAR XOTIRASI HAMISHA QALBIMIZDA

📹 Шавкат Мирзиёев Ғалаба боғида "Матонат мадҳияси" ёдгорлик мажмуасига гулчамбар қўйди.

XOTIRA BOR EKAN,TIRIKDIR MILLAT

🎙Ne'matjonova Dilbaroy Muhammad Yusuf nomidagi ijod maktabi o'quvchisi

AJDODLAR XOTIRASI HAMISHA QALBIMIZDA

УРУШ ҲАҚИДА САТРЛАР

Замон қизил, замин ҳам қизил,
Найза ботган кўкраклар қизил.
Эл номусин асрайман деган,
Аскарларнинг байроғи қизил.

Шу байроқдан шафақ ранг олган,
Юрт эркига ғаним чанг солган.
Беш олпидан айри онанинг,
Хаёллари бирдан ганг қолган.

Зирҳлар ернинг курагин эзган,
Оғриғини етимлар сезган.
Сулувлигин кетмонга бериб,
Ёлғизликдан келинлар безган.

Уят сўздай бўлган ҳиёнат,
Бурчдан устун келган матонат.
Шунинг учун қон билан бирга,
Анҳорларда оққан қора хат.

...Тинч замонда, шукур, туғилдим,
Жанглар сирин билмоқ уриндим.
Қирғинларнинг маънисин уқмай,
Ҳайронликдан қотдим, бўғилдим.

Қизир «Мангу олов»дан юзим,
Кўкка боқар ҳадикла кўзим.
Хўллас, уруш ҳақда гап кетса,
Тугамайди сираям сўзим.

✍️Халим Карим
Ўзбекистон Ёзувчилар уюшмаси аъзоси, филология фанлари доктори, доцент

✍Абдулла Орипов
Ўзбекистон Қаҳрамони, халқ шоири

АЁЛ

Йигитлар мактубин битганда қондан,
Келинлар фироқдан чекканда ёҳу,
Унинг ҳам паноҳи қайтмади жангдан,
Ўн тўққиз ёшида бева қолди у.

Севгидан етиму умрдан ярим,
Қуриган кўксида ёлғиз беланчак.
Абадий фироқни, ҳайҳот, дўстларим,
Абадий висол деб билди келинчак.

Қақраган лабларда оловли нафас,
Кечалар кечмишин айлади кўмир.
Паришон сочлари ёр кўкси эмас,
Муздайин болишда қолди бир умр.

Йиллар ҳам ўтдилар, ҳамон у ёлғиз,
Мунғайиб термулар ботгувчи кунга.
Эй номард табиат, борми сенда ҳис,
Қайтадан бахт берсанг бўлмасми унга?!

Наҳот ишқ қисмати бунча бераҳм,
Бунчалар буюксан вафо шеваси.
Сенгадир ҳурматим, сенга шарафим,
Қаҳрамон жангчининг содиқ беваси.

Сиз-чи эй, садоқат сатридан нолиб,
Надомат комида қолганлар, айтинг.
Ўзини минг битта бозордан олиб,
Минг битта бозорга солганлар, айтинг.

Шу чўлпон кўзларнинг буюк ҳурмати,
Шу ақиқ лабларнинг рост сўзи дея,
Сўйланг-чи, вафонинг надир қиммати,
Сиз ҳам кутганмисиз бирор сония?!

Баъзида тирноқлар безаги учун
Саҳардан шомгача қилурсиз тоқат.
Бироқ ёрингизни кутгали нечун
Топилмас тирноқча сабру қаноат.

Назокат пайтимас, яқинроқ келинг,
Буюк зот қошида айлангиз салом.
Шу содиқ бевага саждалар қилинг,
Шу содиқ бевага айланг эҳтиром.

Ҳатто зеб-зийнатни юлқиб зиёда,
Ҳайкал ҳам қўйингиз бамисли хаёл.
Шундайлар бўлмаса агар дунёда,
Бу қадар муҳтарам бўлмасди аёл.

1965 йил