#Zakovat_final_time
#Muhammad_Yusuf_nomidagi_ijod_maktabi

"Direktor kubogi" o‘z egasini topdi.

Bugungi kunda mamlakatimizda “Zakovat” intellektual o‘yini yoshlar o‘rtasida bilimdonlikni shakllantirib, ularning intellektual salohiyati, iqtidori va izlanuvchanligini rivojlantirmoqda. Muhammad Yusuf nomidagi ijod maktabida ham “Zakovat” intellektual o‘yinlari o‘tkazilib, saralash bosqichlarida 100 dan ortiq o‘quvchi yoshlar jamoalari qatnashdi. O‘yinda jami o‘quvchilardan tarkib topgan 13 ta jamoalar ishtirok etdi.

"Direktor kubogi" uchun o‘tkazilgan "Zakovat" intellektual o‘yinining bugungi final bosqichida 8 ta jamoa bellashdilar. Intellektual o‘yin qoidalariga muvofiq, har bir jamoa olti nafar ishtirokchidan iborat bo‘lib, jamoalarga jami 24 ta savol berildi va har bir savolga javob berish uchun bir daqiqadan vaqt ajratildi. Bilimdonlar har bir berilgan savollarga jamoaviy uyushgan holda, hamfikrlikda javoblar berishdi. Aqlni shoshiradigan savollar hammani yana-da ko‘proq o‘qib o‘rganishga undadi.

Yakuniy natijalarga ko‘ra, “Zakovat” intellektual o‘yinida ijod maktabining 11-B sinfining "Tafakkur" jamoasi  uchinchi, 10 -D sinfining "Ultimate" jamoasi ikkinchi o‘rinlarni egallashdi. Faxrli birinchi o‘ringa 9-a sinfining "Sapache Y" jamoasi munosib ko‘rilib, "Direktor kubogi"ni qo‘lga kiritdi. G‘olib va sovrindorlarga diplom hamda qimmatbaho sovg‘alar topshirildi.

Shu bilan birga yil davomida ijod maktabi jamoasini himoya qilib kelayotgan "Zakovat" intellektual o‘yinlarining maktab jamoasi direktor tomonidan munosib taqdirlandi hamda ularga Muhammad Yusuf nomidagi ijod maktabining "Zakovat" ko‘krak nishoni topshirildi.

✍Muhammad Yusuf nomidagi ijod maktabi axborot xizmati

👇Bizni kuzatishda davom eting
👉https://t.iss.one/ima_myim