#Xorijiy_hamkorlik

🤩 Ixtisoslashtirilgan ta’lim muassasalari agentligi direktori Alisher Ubbiyev boshchiligidagi delegatsiya Germaniya Federativ Respublikasida boʻlib turibdi.

Oliy taʼlim sohasidagi hamkorlikni yanada rivojlantirish maqsadida amalga oshirilayotgan mazkur tashrif dastlab Germaniyadagi nufuzli universitetlardan biri boʻlgan Freyburg universitetidan boshlandi.

Uchrashuvda universitet klinikasi bosh direktori professor Fredrik Venz, "Mongold Consulting" raisi professor Klaus Mangold, "Consus.health" kompaniyasining bosh direktori Jorje Nikolic va boshqalar ishtirok etdi.

Agentlik direktori A.Ubbiyev davlatimiz rahbari tomonidan taʻlimga qaratilayotgan katta eʼtibor va izchil islohotlar natijasida bugungi kunda Oʻzbekistonda taʼlim tizimi tubdan oʻzgargani, iqtidorli yoshlar bilan ishlash tizimi yanada mukammallashtirilib Prezident, ijod hamda ixtisoslashtirilgan maktablar faoliyati yoʻlga qoʻyilgani, umumtaʼlim va ixtisoslashtirilgan maktab oʻquvchilari yuksak marralarni zabt etayotganini taʼkidladi.

Shundan soʻng, Agentlik tizimidagi "Yangi Oʻzbekiston" universitetining prorektorlari Baxtiyor Yoʻldoshov hamda Bahodir Ahmedov tashkil etilganiga qisqa vaqt boʻlishiga qaramasdan katta natijalarga erishib kelayotgan universitetimiz haqida taqdimot qildi.

Mezbonlar tomonidan Oʻzbekistonda taʼlim tizimida amalga oshirilayotgan keng islohotlar, yirik loyihalar, shuningdek, Germaniya va Oʻzbekiston oʻrtasida rivojlanib borayotgan barcha sohalar singari taʼlimda ham ikki tomonlama yaqin hamkorlik va doʻstona munosabatlar alohida eʼtirof etildi.

Telegram | Facebook | Instagram | YouTube

#Xorijiy_hamkorlik

🤩 Ixtisoslashtirilgan ta’lim muassasalari agentligi direktori Alisher Ubbiyev boshchiligidagi delegatsiya Germaniya Federativ Respublikasida boʻlib turibdi.

Bugun kunning ikkinchi yarmida delegatsiya aʼzolari ITZ Interdistsiplinar oʻsimtalar markazida boʻldi. Oʻzbekistonlik mehmonlar uchun professor Cornelius Waller hamda doktor Kristina Maas-Bauer Markazda amalga oshiriladigan loyihalar, amaliy ishlar boʻyicha taqdimotlar qildi.

Telegram | Facebook | Instagram | YouTube

#Xorijiy_hamkorlik

🤩 Agentlik delegatsiyasi Germaniyaning ITZ Interdistsiplinar oʻsimtalar markazida boʻldi.

Markaz haqidagi taqdimotlardan soʻng markaz boʻylab campus-tur tashkil etildi.

Xalqaro standart talablariga toʻliq moslashtirilgan, bemorlarga xizmat ko’rsatuvchi eng soʻnggi texnika va texnologiyalar bilan jixozlangan markazning Ichki kasalliklar boʻlimi tibbiy direktori, professor Robert Thimme, Radiologiya departamenti professorlari Maxim Zaitsev, Maximilian Frederik Russe tomonidan delegatsiya aʼzolariga markazning amaliy faoliyati toʻgʻrisida atroflicha maʼlumot berildi.

Telegram | Facebook | Instagram | YouTube