⏳⏳⏳⏳

6-noyabr – taniqli adib va yirik jamoat arbobi Sharof Rashidov tavallud topgan kun

Sharof Rashidov 1917-yilning 6-noyabrida Jizzax shahri atrofidagi Sovungarlik qishlog‘ida dunyoga kelgan. Samarqanddagi O‘zbekiston davlat universitetini tamomlagan.

Uning ijodida maqolanavislik muhim o‘rinni egallaydi. Shuning uchun ham uning badiiy ijodi namunalarida bu ruh yetakchilik qiladi.

Ijodkorning “Kashmir qo‘shig‘i”, “Komde va Mudan” kabi lirik qissalari va “Koinot” kabi kinoqissasi an’anaviy Sharq dostonchiligi uslubida bitilgan bo‘lib, yoshlik, bahor, go‘zallik, hayot nashidasi madhiga bag‘ishlangan.

Sharof Rashidov to‘qqiz yil O‘zbekiston SSR Oliy Soveti Prezidiumiga, yigirma to‘rt yil O‘zbekiston Kompartiyasi Markaziy Komitetiga rahbarlik qildi.

7-noyabr – fransuz yozuvchisi va faylasufi Alber Kamyu tavallud topgan kun

Alber Kamyu 1913-yilning 7-noyabrida Jazoirda yashovchi fransuz oilasida dunyoga keldi.

Adib jahon intelligensiyasi tafakkuri va dunyoqarashiga katta taʼsir koʻrsatgan ijodkorlardan sanaladi. Zamondoshlari unga “Gʻarb vijdoni” degan sharafli nom bergan.

Kamyu “Begona”, “Vabo”, “Baxtli o‘lim”, “Inqiroz”, “Kaligula”, “Qamal holati”, “Sizif haqida isotir”, “Isyon qilayotgan odam”, “Nikoh”, “Ijod va erkinlik”, “Quvg‘inlik va saltanat” va boshqa ko‘plab asarlar yozib qoldirgan. 1957-yil yozuvchiga Nobel mukofoti berilgan.

Mukofot haqiqiy egasiga topshirildi

Bahodirov Ahrorbek 56-Xalqaro kimyo olimpiadasida kumush medalini qo‘lga kiritdi va navbatdagi xalqaro olimpiadadagi ishtiroki sabab taqdirlash marosimiga kela olmadi. Haqli ravishda 112 500 000 so‘m miqdordagi pul mukofoti qahramonimizning onalari Mahmuda opaga topshirildi.

Mahmuda opa, rahmat sizga, o‘g‘lingizni kitobga, ilmga qiziqtirganingiz uchun rahmat, o‘z yutuqlaringizdan farzandingiz yutuqlarini ustun qo‘yganingiz uchun rahmat!

Men uchun Mahmuda opa kabi onalar zamonamiz qahramoni. Jamiyatimizda sizdek onalar ko‘payishini xohlayman. Bilim bilan topilgan pul yaxshiliklarga buyursin!

@hilola_umarova

11-noyabr – rus yozuvchisi Fyodor Dostoyevskiy tavallud topgan kun

Fyodor Dostoyevskiy 1821-yilning 11-noyabrida Rossiyaning Moskva shahrida tug‘ilgan. Yozuvchi adabiyotga 1844-yilda nasriy asarlari bilan kirib keladi. 1845-yil may oyining oxirida Fyodor Dostoyevskiy oʻzining ilk romani — “Kambagʻallar”ni yozib tugatadi. Romanda xoʻrlangan, ijtimoiy adolatsizliklar qurboniga aylangan kishilar taqdiri haqida hikoya qilingan. Shuningdek, uning “Qiyofadosh” (1846-yil), “Oydin tunlar” (1848-yil) qissalari ham ijtimoiy mavzuda yaratilgan asarlar sirasiga kiradi.

Dostoyevskiy Lev Tolstoyning “Urush va tinchlik” romani bilan teng kelishi mumkin bo‘lgan roman-epopeya yaratmoqchi edi, biroq moddiy yetishmovchiliklar (u ko‘pincha pulga muhtoj yurardi) bu rejani amalga oshirishga xalaqit beradi. Natijada, u o‘z g‘oyasini beshta bir-biridan mustaqil romanga aylantiradi. Bular “Jinoyat va jazo”, (1866), “Telba” (1868), “Iblislar” (1871–1872), “O‘smir” (1875) va “Aka-uka Karamazovlar” (1879–1880) romanlari edi.

***
Ey sabo bergil xabar, sarvi ravonim keldimu,
Jon isi sendin kelur, ruhi ravonim keldimu?

Hajr dashtida mungrab qolmish erdi xasta jon,
Vah dengizkim, ul g'aribi notavonim keldimu?

Kelgan ermish xo'blar ishq ahli qonin to'kkali,
Ey ko'ngul, ko'rkim mening qatlimga jonim keldimu?

Zulfida sen bandu men ko'yida bemor, ey ko'ngul,
Za'fdin dekim, sanga munglug' zabonim keldimu?

Yor mehmon bo'lsa jism uyiga,jon aylay nisor,
Aytingiz, ey do'stlarkim, mehmonim keldimu?

Rahm etib bir kun Husayniyni itingdin so'rg'asen,
Ul malomat ko'yida itgan yamonim keldimu?

✍Husayn Boyqaro

👇Bizni kuzatishda davom eting!
👉@ima_myim