Бүгүн Чурапчыга Ил Түмэн бэрэссэдээтэлэ Алексей Еремеев, сис кэмитиэттэр бэрэссэдээтэллэрэ Александр Атласов, Владимир Прокопьев, депутааттар Павел Пинигин, Дмитрий Поисеев тыа хаһаайыстыбатыгар оҥорон таһаарыыны өйүүр сорох судаарыстыбаннай боломуочуйаны улууска биэрии туһунан сокуон тула тыа хаһаайыстыбатын тэрилтэлэрин салайааччылара, бааһынай хаһаайыстыбаларын баһылыктара, сыһыаннаах тэрилтэлэр салайааччылара, олохтоох бэйэни салайыныы баһылыктара, тыа хаһаайыстыбатын исписэлиистэрэ кыттыылаах «төгүрүк остуолу” ыыттылар. “Төгүрүк остуол” үлэтин улуус баһылыга Степан Саргыдаев иилээн-саҕалаан ыытта.

Дьокутааттар бу иннинээҕи күҥҥэ уонна бу сарсыарда тыа хаһаайыстыбатын тэрилтэлэригэр сылдьан, миэстэтигэр үлэ-хамнас туругун көрөн-истэн билистилэр. Көрсүһүү иннинэ Дмитрий Поисеев депутат көмөлөһөөччүтүнэн үлэлиир Макаров Иван Григорьевичка дастабырыанньатын туттарда.

Бастатан туран, кыттааччылар тыа хаһаайыстыбатын боппуруостарыгар баһылыгы солбуйааччы Анжелика Неустроева улууска кыстык хаамыытын, былааны толоруу уо.д.а. боппуруостарыгар информациятын иһиттилэр.
Депуттааттар нэһилиэнньэни кытта көрсөн олорон тыа хаһаайыстыбатын салаатын өйүүргэ аналлаах биирдиилээн боломуочуйалары биэрии механизмын сэргэ бу салаа тыын суолталаах кыһалҕаларын дьүүллэстилэр. Кэпсэтиилэргэ пенсионер Иван Пономарёв, “Чурапчы” ТХПК бэрэссэдээтэлэ Николай Петров, Болугур нэһилиэгин баһылыга Руслан Васильев, “Мындаҕаайы” кээпэрэтиип бэрэссэдээтэлэ Прокопий Старостин, “Комплекс” ХЭТ бэрэссэдээтэлэ Александр Тимофеев, бааһынай хаһаайыстыбаларын баһылыктара Данил Павлов, Евдокия Таныкова, Мария Луковцева, Лариса Ноева, Дмитрий Захаров уо.д.а. баар кыһалҕаларга тохтоон туран, олору быһаарыыга парламент көмөлөһөрүгэр туруорустулар, туһааннаах сокуоҥҥа көрүүлэрин биллэрэн этиннилэр, кэккэ ыйытыыларыгар хоруйдары ыллылар.

Ил Түмэн сис кэмитиэт бэрэссэдээтэлллэрэ Александр Атласов, Владимир Прокопьев бу сокуону оҥоруу ис хоһоонун, туох боломуочуйаны, быраабы уонна эбээһинэһи биэриэҕин, үбүлээһин хайдах уонна туох дьарыктаах тэрилтэлэргэ бэриллиэҕин быһаардылар.

Алексей Еремеев эттэ: Аммалардыын эһиги этиилэргит маарыннаһаллар диэн туран, чурапчылар тыа хаһаайыстыбатыгар өрөспүүбүлүкэ инники күөнүгэр холобурга сылдьар улууһа буоларынан бэриллиэхтээх боломуочуйаны сүгүүгэ хайдах быһаарынарын өрөспүүбүлүкэ улуустара бары кэтээн, күүтэн олороллорун ыйда. Спикер кэпсэтиилэргэ дьон санаатын, туруорсууларын аһаҕастык этиммитин, сөптөөх кэпсэтии тахсыбытын бэлиэтээтэ.

Улуус баһылыга Степан Саргыдаев улуус тыатын хаһаайыстыбатын бары үлэһиттэрэ үүт сыанатын үрдэтии, хотон тутуутун инвестпрограммаҕа киллэрии боппуруоһа чуолкай быһаарылыннаҕына, өссө күүскэ үлэлииргэ бэлэмнэрин, ити хайысхаларга парламент өттүттэн күүс-көмө хайаан да баар буолуохтааҕын туһунан эттэ. Бу өттүгэр үлэ бардаҕына, дьоҥҥо чахчы улахан өйөбүл баар буолуо. Степан Саргыдаев Алексей Еремеевкэ Махтал суругу сэргэ кормопроизводствоҕа наадалаах МТЗ-82 тракторы реестргэ төттөрү киллэрии уонна “Туймаада» агрохолдинг балаансатыттан Мындаҕаайы кээпэрэтииби улуус балаансатыгар биэрии туһунан икки туруорсуу суругу туттарда.

Онон “төгүрүк остуол” кыттыылаахтара сүрүннээн тыа хаһаайыстыбатыгар оҥорон таһаарыыны өйүүр судаарыстыбаннай боломуочуйалары улуустарга биэрии туһунан сокуону өйүүллэрин биллэрэн, элбэх этиилэрин боротокуолга киллэрэргэ иһитиннэрдилэр.

С отчетом об итогах работы за 2024 год жителей столицы ознакомили народные депутаты Алена Атласова и Иван Луцкан

«Владимир Путин всегда в своих выступлениях подчеркивает, что «народосбережение, сохранение вековых ценностей и традиций являются ключевым приоритетом для России». Для нашей республики это актуально, так как Якутия остается одной из самых малонаселенных территорий страны. Суровые климатические условия, недостаточно развитая транспортная инфраструктура, сложная логистика влияют на демографические показатели республики», – подчеркивает Алена Атласова.

Иван Петрович рассказал в части государственной программы по развитию здравоохранения региона, земельного кодекса республики, в области установления дополнительных ограничений курения табака, потребления никотинсодержащей продукции в отдельных общественных местах и в помещениях в Якутии. Также внесены изменений в законы республики и др.

Читайте подробнее на сайте

Пресс-служба Ил Тумэна

@Atlasova_Alena
@doctorlutskandoctorlutskan
@iltumen

Алексей Еремеев салалталаах Ил Түмэн оробуочай бөлөҕө Тааттаҕа үлэлээтэ

Сырыы сүрүн сыала-соруга тыа сирэ бүгүн тугунан тыынан, хайдах дьаһанан, туох кыһалҕалаах олорорун миэстэтигэр сылдьан көрүү-истии, олоххо киирбит сокуоннар, дьаһаллар туолууларын хонтуруоллааһын буолар.

Дьокутааттар биир бастакынан Тыараһа нэһилиэгин Кыйы сэлиэнньэтигэр «Кыйы» кэпэрэтиип үлэтин билистилэр. Толорооччу дириэктэр Евдокия Антонова кыстык хайдах баран иһэрин, кыстыкка турар сүөһү бүгүҥҥү туругун, отунан хааччыллыытын, материальнай-техническэй баасаларын туругун кэпсээтэ. Күн бүгүн кинилэр Кыйы, Чөркөөх, Боробул нэһилиэктэрин, Таатта Хатылы сүөһүлэрин көрөллөр. Уопсайа 155 төбө хороҕор муостааҕы иитэллэр.

Сиһилии сайтка ааҕыҥ

Ил Түмэн пресс-сулууспата

@iltumen