Adabiy kecha ijodkorlarni birlashtirdi
Ixtisoslashtirilgan taʼlim muassasalari agentligi tizimidagi Hamid Olimjon va Zulfiya nomidagi ijod maktabida shoira Enaxon Siddiqova xotirasiga bagʻishlangan adabiy kecha oʻtkazildi.
Unda O'zbekiston Yozuvchilar uyushmasi viloyat bo'limi rahbari M.Abdurahmonova Enaxon Siddiqova adabiy merosi bo'yicha ma'ruza qildi. Shundan so'ng Ogahiy, Erkin Vohidov va Hamid Olimjon va Zulfiya nomidagi ijod maktablari o'quvchilari Enaxon Siddiqova she'rlari va o'z ijodlaridan namunalar aytishdi. Uchta ijod maktabi yoshlari o'rtasida o'tkazilgan bahr-u bayt bellashuvi esa qizg'in tus oldi.
Mazkur ijodiy tadbir yakunida faol ishtirok etganlar diplom va esdalik sovg'alari bilan taqdirlandi.

2024-yilning 23-noyabr sanasida Hamid Olimjon va Zulfiya nomidagi ijod maktabining 10-"B" sinfida adabiyot fanidan Sapayeva Saida tomonidan "Majnunninig Ka'badagi munojoti" mavzusida ochiq dars tashkil etildi.

Ochiq dars noan'anaviy tarzda bo'lib o'tdi. Dars mavzusi mavzuga doir ma'lumotlar bilan boshlanib o'qituvchi tomonidan yaratilgan interfaol usullar bilan mustahkamlandi.

Dars o'zgacha kayfiyatda - ijodkorlikka undovchi ruhda tashkil etilib, o'quvchilarda ana shu iqtidorni shakllantira oldi. Dars kuzatuvchi ustozlar tomonidan yaxshi baholandi.

Mahorat darsi

Hamid Olimjon va Zulfiya nomidagi ijod maktabida "Adabiyot - ijtimoiy ong hodisasi. Vizual tasvirlash" mavzusida adabiyotshunos olim Usmonjon Qosimov bilan Mahorat darsi tashkil etildi. Davra suhbatida "Ijod gulshani" to'garagi a'zolari faol ishtirok etdi.