ИФТИХОР

Сиз десам, қуёшланар кўзда ёшим, Навоий,
Сўзюлдузим, сўзойим, сўзқуёшим, Навоий.

Қай лаҳза дегум Сизни бағримга босиб сўзни,
Кўзим кўзлар юлдузни, кўкда бошим, Навоий.

Сиз борсиз олам аро, мағрур Ҳирот, Бухоро,
Самарқанду Хоразм, Кешим, Шошим, Навоий.

Ғариб кўнглим ҳур бўлди, руҳимда сурур бўлди,
Сиз борсизки – нур бўлди ичим-тошим, Навоий.

Турку Туронюрт бўлсам, интиқ, кўзи тўрт бўлсам,
Кошкийди, шогирд бўлсам, дилнаққошим, Навоий.

Йўлингиз бўлди йўлим, қўлингиздадир қўлим,
Ассалому алайкум, замондошим Навоий!

Абдунаби ҲАМРО

Уланиш учун: https://t.iss.one/ijod_bustoni

* Эски дафтардан

ОШИҚ ОРЗУСИ

Аҳбоб меҳр тутса-да қайноқ,
Юрагимда ёнмади чироқ,
Талпиниб дил, энтикиб қароқ,
Ёр жамолин кўрмоқ истайман.

Бошим нигун, дардларим тугун,
Бедор тунлар узундан узун,
Нуру шавққа беланиб ул кун
Ёр жамолин кўрмоқ истайман.

Арз этмасман дунёдан сира,
Қалб кўзгуси тортса-да хира,
Бокиралар ичра бокира
Ёр жамолин кўрмоқ истайман.

Бари ёлғон, фонийдир бари —
Англадим ёш ўтгани сари,
Саҳроларда Мажнун сингари
Ёр жамолин кўрмоқ истайман.

Забонимни сайратган ўша,
Қаноатга ўргатган ўша,
Эҳ, дунёни тебратган ўша
Ёр жамолин кўрмоқ истайман.

Кўзларимдан ёш оқар юм-юм,
Кўнгил ёшим, айтинг, артар ким?!
Йўлида бош қўйганимча жим,
Ёр жамолин кўрмоқ истайман.

Мен ҳам, ахир, Роббимга ғулом,
Ризқ сўрайман ундан кундуз, шом,
Яшашимдан асл муддаом:
Ёр жамолин кўрмоқ истайман.

Ошиқ васл истар ҳар фасл,
Тутганча май косасида дил,
Бари жондан ўтганда, асл
Ёр жамолин кўрмоқ истайман.

Суҳроб ҲАМРОЕВ

Уланиш учун: https://t.iss.one/ijod_bustoni

* Челленж давом этади

Когон туманидаги 5-ИДУМ 5-синф ўқувчилари.

Уланиш учун: https://t.iss.one/ijod_bustoni

* Кун ҳикмати

Энг буюк илм ҳаддини билмоқдир.

Баҳоуддин НАҚШБАНД (қ.с.)

Уланиш учун: https://t.iss.one/ijod_bustoniе

"Jadid" газетасининг 6-сони мутолаа учун ҳавола қилинмоқда.

Уланиш учун: https://t.iss.one/ijod_bustoni

* Челленж давом этади

БОБУРНИНГ ТУШЛАРИ

Бир пайтлар тушимга ранглар кирарди,
Сўзлар товланарди, бўлиб камалак.
Сал кейинроқ нуқул жанглар кирарди,
Жангдан иборатдай эди келажак.

Кейин паривашлар айладилар банд
Кундузи ҳушимни, тунлар тушимни.
Қисмат гоҳи заҳар, гоҳо берди қанд,
Беқанот қилди у омад қушимни.

Сўнг юртни тарк этдим, дил тўла армон,
Тахтақорачадай довондан ошиб.
Пойимда тиз чўкди Афғон, Ҳиндистон,
Аммо қайга боргум ўтмишдан қочиб?!

Энди таъқиб этар қовуннинг иси,
Туркистоннинг ёди тортиб туради.
Ҳукмдорман, ёниқ толе юлдузи,
Тушларимга ҳар тун ВАТАН киради...

Абдунаби ҲАМРО

Уланиш учун: https://t.iss.one/ijod_bustoni

* Челленж давом этади

Когон туманидаги 21-ИДУМ 1-синф ўқувчиси Дилнура Салимова.

Уланиш учун: https://t.iss.one/ijod_bustoni

* Соғинч

БАҲОР

Бунча нозик, митти ғунчалар,
Қандай қилиб очилар, кулар?
Балки унинг жасоратини
Тўлғоқ тутган оналар билар.

Қирғоқларга сиғмай тошар сув,
Шивирлайди яшил япроқлар.
Турналарнинг қайтганин кўриб,
Вужудимга кирар титроқлар.

Караминг мўл, қодир Аллоҳим,
Майса экдинг ҳатто тошгача.
Яшаш дарсин ўтарсан балким,
Баҳорингда кекса, ёшгача.

Уфқларга етса қулочим,
Лолаларни бағримга боссам.
Капалакнинг қанотларига
Ёниб турган дилимни оссам.

Баҳорнинг гул қучоқларида
Тирилгим ҳам ўлгим келади.
Ўзбекистон, онам, бағрингда
Баҳор бўлиб қолгим келади.

* * *
Сизнинг ҳам қирларда ўсарми майса?
Бир-бирин суяган дарахтлар борми?
Еру кўк қиш бўйи соғинчда куйса,
Соғинарми сизу мендек баҳорни?

Сизда ҳам булбуллар чекарми афғон?
Ўриклар новдаси гуллашадими?
Бир-бирин кўрмаса юрак бағри қон
Бўлиб, сирли мактуб йўллашадими?

Сизда ҳам сувларнинг кўпириб қони,
Ўзларини тоғдан ташлашадими?
Куртакларнинг гулга айланиш они,
Бир ширин азобни бошлашадими?

Сизда ҳам қуёшнинг айланиб боши,
Булутларнинг кўзи тиниб кетарми?
Қайтар турналарнинг тўкилиб ёши,
Қадрдон масканга қўниб ўтарми?

Сизда ҳам оҳ урса бўлиқ тупроқлар,
Ҳовури ҳаммага сезиладими?
Тинмай шивирласа кўм-кўк япроқлар,
Илдизларнинг тинчи бузиладими?

Кўнгилдаги армон, юракдаги ғам,
Кўчиб ўтмадими, гулга, чаманга?
Нега бунча жимсиз, бунча хотиржам,
Баҳор келмадими Сизлар томонга?

Хосият БОБОМУРОДОВА

Уланиш учун: https://t.iss.one/ijod_bustoni

* Шеърий лаҳза

БЎЛҒУСИ

Янги тонгданки садолар бўлғуси,
Эски ғамларга видолар бўлғуси.

Ёр, муҳаббат юртига нурлар ёғиб,
Тозаю тоза ҳаволар бўлғуси.

Бу ёнишлар ҳурмати, эй дил, сенга
Бир саодат ҳам атолар бўлғуси.

Воажабким, чархи даввор айланиб,
Дўсту ёрдан ҳам вафолар бўлғуси.

Дард элининг бир синиқ кулгуси ҳам
Қанча дардингга даволар бўлғуси.

Толма, Мирзо, одамизод эркига
Руҳу жонинг гар фидолар бўлғуси –

Сенга Ҳофиздин садолар бўлғуси,
Мир Алишердин наволар бўлғуси!

Мирзо КЕНЖАБЕК

Уланиш учун: https://t.iss.one/ijod_bustoni

* Челленж давом этади

Когон туманидаги 22-умумтаълим мактаби 7-синф ўқувчиси Шоҳжаҳон Ражабов.

Уланиш учун: https://t.iss.one/ijod_bustoni

АНГЛАШ

Камолиддин Шукур

Салоҳиддин Файзиев ўқиди

Уланиш учун: https://t.iss.one/ijod_bustoni

* Челленж давом этади

Бухоро шаҳридаги 11-умумтаълим мактаби 1-синф ўқувчиси Хосият Алимова.

Уланиш учун: https://t.iss.one/ijod_bustoni

БАХТ СЎЗИ

Бахтиёрман деган биргина сўзни
айтиш учун керак қанча куч-чидам,
гарчи бахт сўзларнинг энг ёқимлиги,
гарчи турса ҳамки тилнинг учида.
Оғир ботмасмикин
бу сўз кимгадир,
тегиб кетмасмикин оҳ-воҳларига,
қандоқ бардош бериб яшайман кейин
бахтсиз кимсаларнинг нигоҳларига.
Аввало бу сўзни ўзгалар айтсин,
айтсинлар кўзлари севинчга тўлиб,
элнинг бахти учун умрини тиккан
шоирлар айтмасин биринчи бўлиб.
Бу сўзни бир умр айтмай яшадим,
ҳар шодлик келганда юрдим секинроқ.
Ғам сўзин элимдан аввалроқ айтдим,
бахт сўзин айтаман,
элдан кейинроқ.

Шавкат РАҲМОН
Уланиш учун: https://t.iss.one/ijod_bustoni

Bugunning gapi

Aqlli odam yolg‘on gapirmas; ammo, barcha rost gapni aytaverish ham to‘g‘ri emas. Birovning ko‘zi g‘ilay — nogirondir; ammo, bunga u aybdor emasdir… Birovni nohaq hijolatga solmoq — o‘z nodonligini izhor qilmoq va bir ko‘ngilni og‘ritmoqdir. Bu kabi kishini xafa qiladigan chin so‘zdan ko‘ra zarurat yuzasidan — o‘rni bilan gapirilgan yolg‘on yaxshiroqdir.

Alisher Navoiy

Бугуннинг гапи

Ақлли одам ёлғон гапирмас; аммо, барча рост гапни айтавериш ҳам тўғри эмас. Бировнинг кўзи ғилай — ногирондир; аммо, бунга у айбдор эмасдир… Бировни ноҳақ ҳижолатга солмоқ — ўз нодонлигини изҳор қилмоқ ва бир кўнгилни оғритмоқдир. Бу каби кишини хафа қиладиган чин сўздан кўра зарурат юзасидан — ўрни билан гапирилган ёлғон яхшироқдир.

Алишер Навоий

Web-site | Telegram | Facebook | YouTube

* Челленж давом этади

Қоровулбозор туманидаги 2-умумтаълим мактаби 5-синф ўқувчиси Хушнуд Фахриддинов.

Уланиш учун: https://t.iss.one/ijod_bustoni

* Ҳикматдир дунё

Атодин хато келса, кўрма хато,
Савоб бил хато – токи қилса хато.
Атонинг хатосини билгил савоб,
Сени юз балодин қутқарғай Худо.

Адиб Аҳмад ЮГНАКИЙ

Уланиш учун: https://t.iss.one/ijod_bustoni

* Ҳикматдир дунё

Ҳар кимдин яхши қоида қолғон бўлса, анинг била амал қилмоқ керак, агар ота ямон иш қилғон бўлса, яхши иш била бадал қилмоқ керак.

Заҳириддин Муҳаммад БОБУР

Уланиш учун: https://t.iss.one/ijod_bustoni

* Челленж давом этади

Туркий дунёнинг икки буюк сиймоси Низомиддин Мир Алишер Навоий ва Заҳириддин Муҳаммад Бобур бобомизнинг Афғонистондаги ўзбек набираларидан тингланг!

Уланиш учун: https://t.iss.one/ijod_bustoni

* Хулоса

Кишига Аллоҳ таоло истеъдод берган бўлса, у ҳеч қачон йўқолмайди. Киши жисмонан қарийди, лекин истеъдоднинг қариси бўлмайди.

Абдулла ОРИПОВ

Фозил Фарҳод улашди

Уланиш учун: https://t.iss.one/ijod_bustoni

* Челленж давом этади

Қоровулбозор туманидаги 8-ИДУМ 3-синф ўқувчиси Акобиржон Авазов.

Уланиш учун: https://t.iss.one/ijod_bustoni