Арганізацыйны камітэт Міжнароднага кангрэса даследчыкаў Беларусі нагадвае пра дэдлайн для збору індывідуальных заявак на ўдзел у XII Кангрэсе, які адбудзецца з 25 па 27 верасня 2025 года ў Берліне (Нямеччына). Галоўны акадэмічны партнёр — Humboldt-Universität zu Berlin (Універсітэт ім. Гумбальта ў Берліне.

Каб прыняць удзел у Кангрэсе ў якасці выступоўцы, неабходна запоўніць анлайн-форму і прадставіць тэзісы памерам 2–4 тыс. знакаў. Дэдлайн — 16 чэрвеня 2025 года.

Шаноўныя калегі,

Арганізацыйны камітэт абвяшчае збор заявак на правядзенне круглых сталоў і публічных прэзентацый у межах XIІ Міжнароднага Кангрэса даследчыкаў Беларусі. Сёлета Кангрэс адбудзецца 25-27 верасня 2025 года ў Берліне (Нямеччына) у партнёрстве з Humboldt-Universität zu Berlin.

Сёлета, акрамя дысцыплінарных панэляў і секцый, мы таксама рады запрасіць да правядзення: круглых сталоў, публічных прэзентацый (напрыклад, навуковых праектаў, кніг, культурных ініцыятыў) ці іншых публічных імпрэз.

Удзельнікі могуць прадстаўляць новыя ідэі, даследаванні або садзейнічаць адкрытаму дыялогу ў міждысцыплінарнай супольнасці. Аргкамітэт не ўводзіць строгіх тэматычных абмежаванняў - прапануйце тое, што мае актуальнае значэнне для беларускай тэматыкі ў шырокім кантэксце. Круглыя сталы, публічныя дыскусіі і прэзентацыі дапамагаюць аб’ядноўваць акадэмічную супольнасць, запуск новых праектаў і адкрытым навуковым абменам.

Для падачы заяўкі неабходна да 20 жніўны 2025 года запоўніць наступную анлайн-форму.

Дадатковыя пытанні можна задаць, напісаўшы на пошту [email protected]

Шаноўныя калегі, знаёмім вас з папярэдняй праграмай Кангрэса

На сайце Кангрэса размешчана праграма секцый і панэляў, якія будуць адбывацца ў Берліне 25-27 верасня 2025 г.

XII Міжнародны Кангрэс даследчыкаў Беларусі, які пройдзе 25-27 верасня 2025 у Берліне (у партнёрстве з Humboldt-Universität zu Berlin) запрашае да рэгістрацыі:


Гасцей (на публічныя мерапрыемствы; можна пазначыць панэль для наведвання як слухач).

Прадстаўнікоў СМІ (акрэдытацыя).

Валанцёраў.


Зарэгістравацца можна праз электронную форму


Рэгістрацыя працягнецца да 12 верасня 2025 года.

Буйны беларускі навуковы Кангрэс у Берліне

25-27 верасня ў Берліне на базе Універсітэта Гумбальта адбудзецца буйны навуковы форум – Міжнародны Кангрэс даследчыкаў Беларусі. Запланаваны пленарныя дыскусіі пра тое, як зараз Беларусь бачаць за мяжою, і пра тое, як развіваецца беларуская навука ў складаных умовах. Плюс больш 50-ці секцый пра розныя аспекты беларускай гісторыі і сучаснасці.
Кангрэс можна наведаць у статусе госця, праз папярэднюю рэгістрацыю да 20 верасня.

Звяртаем вашу ўвагу на праграму публічных мерапрыемстваў і прэзентацый, якія адбудуцца падчас Кангрэса.

Уваход праз двор, справа ад Invalidenstraße 42

Кангрэс распачаўся!