Қарақалпақ халқы шайырларының шығармалары инглиз тилине аўдармаланып дүнья аудиториясына инәм етилмекте

Тарийхта биринши мәрте уллы шайырларымыз Бердақ, Әжинияз ҳәм Ибрайым Юсуповтың шығармалар топламынан ибәрат улыўма 242 бетли китап инглиз тилинде баспадан шықты.

Бүгинги күнде бул китап ҳәттеки Amazon.com глобал интернет дүканында да сатыўға қойылған. Қарақалпақтың үш шайыры деп аталған бул китапқа Amazon.com интернет дүканында халық аўызеки ҳәм классикалық поэзиясына тийкарланған Орайлык Азияның ең уллы әдебиятларының бири деп тәрип берилген.

Топламда Бердақтың "Шежире", Әжинияздың "Бозатаў" ҳәмде Ибрайым Юсуповтың "Арал элегиясы" шығармалары орын алған.

Китап Уллы Британиялы шайыр Эндрю Станиланд тәрепинен, Гульбахар Изентаева, Шахноза Кеңесбай қызы, Айнура Назырбаева, Нилуфар Абдуллаева, Наргиза Уразымбетова ҳәм Гульназ Жадыгеровалар жәрдеминде инглис тилине аўдармаланған.

Каналға ағза болыў: @Kar24Uz

📣DÍQQAT 📣
❗️ZAKOVAT❗️

✔️Ibrayım Yusupov atındaǵı dóretiwshilik mektebi tárepinen Ózbekstan Qaharmanı, Ózbekstan hám Qaraqalpaqstan xalıq shayırı Ibrayım Yusupovtıń tuwılǵanına 95 jıl tolıw múnásibeti menen 27-aprel kúni "Zakovat" intellektual oyını shólkemlestirilmekte.

✨Intellektual oyında Qaraqalpaqstan Respublikasındaǵı Qánigelestirilgen bilimlendiriw mákemeleri agentligine qaraslı barlıq túrdegi mekteplerdiń xızmetkerlerinen dúzilgen komandalar qatnasıwı múmkin.

⚡️Sonday-aq, intellektual oyınǵa hár bir mektepten bir saylandı komanda qatnasıp, olardıń quramı 6 aǵzadan ibarat bolıwı kerek.

🟢Bársheni intellektual oyında kútip qalamız.

🚀 Telegram | 📷 Instagram | 🔵 Facebook