💫Búgin mektebimizdiń "Aktyorlıq sheberligi", "Milliy saz ásbapları"dógeregi aǵzaları hám mektebimizdiń belsendi oqıwshıları qatnasıwında I.V.Savickiy atındaǵı mámleketlik kórkem óner muzeyinde ruwxiylıq saatları sheńberinde qaraqalpaq klassik shayırı Ájiniyaz kúnleri múnásibeti menen ótkerilgen "Ayt sen Ájiniyazdıń qosıqlarınan" atlı ádebiy saz-sáwbetli keshe bolıp ótti.

🌈Keshe dawamında mektebimiz oqıwshıları tárepinen shayırdıń dóretpelerinen saxnalıq kórinisler, taqmaqlar hám namalı qosıqları, ayaq oyınlar sheberlik penen atqarıldı.

✅Sonday-aq, muzeyge sayaxatqa kelgen oqıwshılar menen shayırdıń ómiri hám dóretiwshiliginen tayarlanǵan soraw-juwap oyını ótkerilip, jeńimpaz oqıwshılarǵa mektebimiz úgit-násiyatshısı tárepinen kitaplar sawǵa etildi.

🎆Keshe juwmaǵında muzey jámááti tárepinen mektebimiz oqıwshılarına minnetdarshılıq sıpatında "Húrmet jarlıǵı" tapsırıldı.

Website | Telegram | Instagram | YouTube | Facebook

#ata_analar_jıynalısı
#ekinshi_kúni

📌Búgin I.Yusupov atındaǵı dóretiwshilik mektebinde oqıw jılınıń III sherek juwmaǵı boyınsha ata-analar jıynalısı dawam etpekte.

❇️Jıynalısta hár bir oqıwshı ata-anasına III sherekte ótilgen sabaqları boyınsha pán muǵallimleri maǵlıwmat berdi.

✅Maǵlıwmat boyınsha oqıwshınıń sabaqlardı ózlestiriw dárejesi, kemshilikleri menen jetiskenlikleri ata-analarǵa jetkizildi.

📖Ata-analarǵa balalarınıń jańa sherekte pánlerdi jaqsı ózlestiriwi, mektepte ótkeriletuǵın ilajlarda belsene qatnasıw boyınsha usınıslar berildi.

Website  |  Telegram  |  Instagram  |  YouTube  |  Facebook