قبيل كنت عايزة أكتب post أجمع فيه أفكار حسنات يسيرة بإذن الله، انشغلت و أول ما دخلت لقيت post ل د.ندى حمد بيجمع الأفكار و يرتبها ربنا يجزاها خير الدنيا والآخرة ..

كتبت :

"اعمل اليوم عملاً صالحاً ....لم تكن قد عملته من قبل
‏راجياً من الله سبحانه وتعالى أن يدخلك به الجنة...

‏"وَمَن عَمِلَ صالِحًا مِن ذَكَرٍ أَو أُنثى وَهُوَ مُؤمِنٌ فَأُولئِكَ يَدخُلونَ الجَنَّةَ يُرزَقونَ فيها بِغَيرِ حِسابٍ "💙

#ادونا افكار لحاجات بسيطه فيها رحمة ونقدر نعملا ...احتساباً لربنا ...يمكن يكون بين الاعمال دي عمل يبقى لينا سبب ندخل بيهو الجنه ...

#افكاري
💛 باقي اكل الغدا بالذات ما ترموهو... يتقطع ويترتب في صحون البلاستيك او حتى كرتونه نضيفه ومعاهو مويه في كاسه بلاستيك او نقطع اي قزازه مويه صحه او بارد...
ويتخت جنب البيت بالمساء للكلاب والكدايس حقت الشارع...

💛 اشتري المناديل حقت البيت او العربيه من الببيعو في الاشارات...
يعني لو عندك امكانيه اخد منهم كل الكميه ببيعوها ارخص...وهم اولى لانهم شقيانين تحت الشمس ودائما اما صغار سن او امهات كبار في السن ...ترحمهم من شمس النهار والوقفة والسؤال ....

💛صدقة الصباح كل يوم كلمتكم عنها سمحه شديد
انا لقيت لي كم حساب تبرعات رهيبات لو عاوزنهم...
حساب بنكي لسقيا الماء ...
وحساب للمساعدات الانسانيه ...
وفي حساب رنده حسن طبعا...
وحساب امنيه الحاج لكفالة الايتام ...
لو عاوزنهم ممكن انزلهم ليكم ...
ديل سجلوهم في حساب بنكك وكل يوم الصباح اختار حساب رسل فيه أن شاءالله 100جنيه احتسبها صدقة عن يومك ...

💛 التذكير بصلاة الضحى/قيام الليل/صيام الاتنين والخميس/الايام البيض ..

التذكير بسورة البقره/سورة الكهف/التسبيح والحوقله ...الحاجات دي بتبقى صدقه جاريه....

#يلا ادونا افكار 💛
#ان شاء الله ندخل الجنه سوا يارب العالمين 🤲🏻

انا غايتو عايزه ادخل الجنه من باب الريان 🤲🏻
يارب

الحسابات 👇🏼👇🏼👇🏼

Sogya Alsudan Orgnization
2172729

Saliha Mukhtar Abdelgadir Nasr
1957120
(Tsami)

Randa Hassan Taha Ahmed
1323522

Omnya Alhaj Mohamed Abdelwahab
1728096

من Zienab Salam👇🏼👇🏼👇🏼

سقيا قريه المقام
حساب بنك الخرطوم 1290129

أضيفي من أفكارك حسنات يسيرة العمل عظيمة الأجر 💛⚜..
..

‏مُمكن تكون إرادة ربنا أحياناً مُعاكسة لِ مرادك,لكن دائماً بتكون،لِمصلحتك,فإيْمانك بِالنقطة دي كفيل بي إنّو يرضيك بِكل حاجه حاصله معاك❤❤.

‏_ من السُنه إن لما حد يجي يزورك ؛ أثناء خروجه تخرج معاه وتودعه 🌻

_ وأنت بتركع أجعل ضهرك مستقيم غير مائل.

_ وأنت بتلبس الحذاء أو الشراب أبتدي باليمين وأنت بتقلع أبتدي بالشمال.

_ تعريض الجسم للمطر أثناء نزوله من السنن المهجورة 💛‏_ في الصلاة بين السجدتين قول (اللهم اغفرلي وارحمني وعافني وارزقني واجبرني) 🌻

*كان النبي صلى الله عليه وسلم: إذا استيقظ من نومه قال: الحمدلله الذي أحيانا بعد ما أماتنا وإليه النشور.
رواه مسلم 🌻

_ الدعاء بعد التشهد الأخير ، قبل التسليم من الصلاة.. مُستجاب! 💛
‏وأنت بتصلي أنظر لموضع السجود في الأرض 💛

أصلي الفريضة وبعدين السنة طوالي بدون فاصل ❎

أصلى الفريضة وبعدين أغير المكان أو أقول ذكر وبعدين أصلي السنة ✅

ﻭﺭﺩ ﻧﺨﺮﺝ"

لَمَّا تيجي تشرب أشرب بإيدك اليمين ع 3 دُفعات؛ وكل مرة سمي الله وأشرب وأنت قاعد 💛
‏من السنن المهجورة اللي الناس بتغفل عنها هي الدعاء في السجود معظمنا غافل عنها مع إنها كنز.

ما تجيوا بينا نحييها سوا ؟

قال صلى الله عليه وسلم :
(أقرب ما يكون العبد من ربه وهو ساجد فأكثروا الدعاء)

ادعوا يا جماعة طول الوقت ادعوا الدعاء عبادة 💛

ألحوا حتمًا سنجبر..

‏" تمسَّك بأهلك ما استطعت .. لأنك إذا فقدتهم، فستخسر الصاحب والصديق والمعين والسند في الحياة بعد الله ..
‏الأهل لا يعوضون أبداً "

هو انت مش متاخر ، وإياك تكون فاكر كان المفروض يحصل شىء ومحصلش ، مفيش حاجه مكتوبة ليك فاتتك ، مفيش حاجة اسمها لو كنت عملت كذا كنت وصلت او كان زماني معايا كذا ، مفيش حد كان المفروض يكون ف حياتك وخرج غلط ، ومفيش حد مكتوب ليك وهيمشي مستحيل مستحيل مستحيل حتي لو اتعدمت الأسباب ، لازم تفكر ف كل حاجة حصلت ف حياتك هتلاقي هو دة الصح وأنها مكنتش خير ليك سواء شخص او شغل او مكان ، بطل فرهدة ف نفسك ولومها الدائم ، واهدي خالص ، ربنا بيقول " إنا كل شىء خلقناه بقدر " كل حاجةً محسوبة بالملي ، ربنا القوي وبرده لطيف بيك وخبير بكل امورك ، كل ال مكتوب ليك مش هيفوتك ، انت عمرك ما كنت مع حالك ابدا ربنا احن عليك من نفسك وجبنك وهو مدبر امرك اللي كله خير ، لسه برده عايز تنام زعلان !؟ 😌 , هتتعدل 🌸.

بعد المحنه العشتها تاني العشق بعدك حرام...إطمني💓💓

الحمد لله على كل حال

الانفصال

مافي مانع ابدا انو الحاجات تنتهي سواء كانت سمحة او شينة بين الناس ، زواج شغل صداقة اي شي ، سنة الحياة انو حاجات تنتهي وتبدا حاجات جديدة . فصول لرواية جديدة .
لكن في واحدة من الكلاكيع الغريبة البتحصل بين الناس وهي عدم التعبير لبعض ، عدم التعبير ما قصدي تعبير عن الحب وبس ، الاهم من تعبيرك للحب تعبر عن ضيقك من تصرف بدون تجريح ، تعبر عن شوقك ، تعبر عن رضاك عن الفطور السمح .
عدم التواصل دا بيخلينا نوصل المكان دا ، نصل الانفصال .

بتحكي لي وقالت لي هي صحبتي شديد وانا بحبها شديد ، بس عملت كم حاجة زعلتني وكل موقف بيخليني ابعد منها وما قدرت اقول ليها، لحد ما جات مرة وسالتني قالت لي انتي مالك قلت ليها مافي شئ ، لانو انا بالجد ما كان في شي جواي تجاها خلاص فقدتها ، تعبت منها ، بقيت مرهقة وما قادرة اواصل صداقتي بيها .
انهزامك في معارك ما خضتها ، معارك عدوك الوحيد فيها هو نفسك ، سبب كبير في انك تفقد تفقد حاجات جميلة في حياتك .
المهم مافي زول كبير على الاعتذار ولو كان عمرك ٦٠ سنة ممكن تعتذر لولدك العمرو ربع عمرك ، لو غلطت في حقو ، انت انسان عادي مافي شئ مخليك مميز الا وجودك الطيب في حياة الاخرين ودا ما حق انت بتنتزعو ، دا شي الناس بتمنحك ليهو .

لا إله إلا أنت سبحانك إني كنت من الظالمين

- ‏فرص نجاح انك ترجع للأكس غالبا ضعيفة.. عشان البحصل إننا بننسى نحن خلينا بعض ليه بعد الفراق والحنين.. بس مع أول خلاف بعد الرجوع بنتذكر كل شي..

- ‏اختيارك لشريكة حياة بناء على شكلها أو أسباب ظاهرية وإهمال العاطفة ودرجة التفاهم بينكم.. ده واحد من المشاكل اللي غالبا ح تخليك تندم إنك اتزوجت..

- ‏اللبيس والوجيه والبعرف يتكلم وقادر يونسك في لحظات الملل وكل المعايير الظاهرية دي.. بتبقى تافهة لما يكون حاجتك الحقيقية زوج مسؤول.. وطبعا ما معناها اتزوجي مبهدل ما بعرف يتكلم.. معناها مهما كان بعجب.. لازم يكون مسؤول..

- ‏حاجات زي بتحبه نفس الفنان أو بتشجعوا نفس الفريق ديل ممكن يكونوا موضوع ونسة أو مدخل عشان تعرفوا بعض.. لكن اصلو ما ح ينفعكم بعدين..

- ‏إذا حاسي إنه في توتر في علاقتكم والامور ما ماشة كويس ما تفتكر انه الحل نعرس والمشاكل ح تتحل.. اقعدوا في الواطة دي وأفهموا مشاكلكم وعالجوها أول وانتوا في البر..

- ‏عشان تُحل خلافاتكم مهم تصلوا للغة حوار مشتركة وقدرة على عرض المشكلات البينكم بوضوح والنقاش بحيادية ومنطق وتوضيح وجهات نظركم من غير تضليل وتذاكي..

- ‏المشاكل بتتحل عن طريق إنها تتحل ما عن طريق تجاهلها..

- ‏في نماذج محظوظة كدة قد يحالفهم الحظ ويلقوا حب عظيم يخليهم يتجاوزوا تعقيدات كتير في الزواج.. النماذج دي غير مؤهلة عشان تكون موضع مقارنة.. ديل نسبة نادرة حقيقي.. ف وانت بتخطط للارتباط خت في بالك حد أدنى من العاطفة ودرجة معقولة من التفاهم.. عشان التعويل الشديد على الحب ممكن يضيعك..

- ‏في حالة فشل الرجل في ايجاد توليفة فيها شراكة و درجة تفاهم عالية و حب، ف بلجأ لي الحل الاخير .. اللي هو البنت الهدية الرضية اللي ما بتعاند كتير.. عشان على الاقل ما بتخلق ليك صدامات كتيرة بعدين

- ‏طبعا أهم خطوة قبل تفهم شريكك.. تفهم نفسك وإنت عاوز شنو بالضبط وبنفع معاك شنو بالضبط..

- ما تلمحي ليه انه فلان رهيب وعنده قروش كتيرة وانتي عارفة ظروفه ما كويسة، وما تلمح ليها انه زميلتك في الجامعة وشعرها طويل وانت عارفها بتقعد ليك قدام المراية بالساعات عشان تعجبك..

‏- لو حاسة ظروفه ما كويسة حاولي طمنيه إنه إنتي معاه مهما حصل.. وإذا شايف إنها بقت بتحاول تركز مع شكلها كتير طمنها إنها عاجباك وعلّق على كل حاجة حلوة فيها كل يوم.. ده أقل دعم ممكن يتقدم بين الشريكين..

- ‏الناس حزم "Package".. في مميزات كدة عشان تلقاها في فلان لازم تتحمل العيوب المصاحبة.. زي لما تشتري أيفون.. فلازم تحمل انك ح تتحرم من امتيازات الاندرويد أو العكس..

- ‏الحب والبغض ديل مرات من الله.. في ناس من نبرة صوتهم ساي ممكن تحبهم والعكس..

- ‏طبعاً قد يبدو موضوع مبتذل.. بس الكلام في العلاقات مهم شديد.. وفي أساسيات مفروض نفهمها عشان نتجنب النماذج المشوهة الشايفنها دي..

#علي_عباس

ادعو لي معاكم.. كترو من الدعوات.. محتاجه دعوات طيبه منكم.. عسي ولعل ربنا يقول لها كن فتكون😞💛
ولكم المثل ان شاء الله .

"صباح السّلام للسّاعين في دربِ الخير أنبتَ الله في قلوبكم زهرا".💓

اللهم بارك لي وبارك فيّ وبارك ماحولي وبارك في كل ماهو عندي وكل ماهو سيكون لي.💛

الحمد لله دائما و أبداً ❤️

الخلافات واردة في أي علاقة في الدنيا..
ده شي طبيعي..
بس المهم في شأن الخلافات هو كيف تناقشوا الخلافات وتحللوا المشكلة بحياد ومرونة ومن غير عناد وتمسك برأي واحد..
صديقي حكى لي إنه ابتكر مع زوجته أسلوب مميز لمناقشة خلافاتهم..
قال لي..
في أول خطوبتنا.. كنا لما نزعل من بعض بغلبنا نتكلم..
لا تلفون ولا واتساب ولا بنقدر نتلاقى..
ف في مرة كنا متشاكلين.. ولما مرت 24 ساعة من غير نتكلم.. بقيت عاوز أنافش معاها المشكلة بي أي طريقة.. ولما شلت التلفون عشان اتصل بيها.. انتبهت لي رسالة في ماسنجر فيسبوك.. كانت من صديقي..
فجأة اتذكرت اني طولت ما اتكلمت معاها ماسنجر.. واخر مرة قبل نرتبط ونتخطب أصلاً.. وكنا مجرد أصحاب ساعتها..
ف مشيت سلمت عليها في ماسنجر بنفس أسلوبي زمان لما كنا اصحاب.. وقبل ترد.. قلت ليها.. "عاوز أحكي ليك مشكلتي مع خطيبتي، وعاوزك تساعديني الاقي حل عشان عاوز أراضيها"..
قعدنا بعدها نتكلم أكتر من ساعتين في ماسنجر.. وكل واحد فينا قال كل الجواه وكأننا ما بنحكي عن بعض.. واتصافينا..
وبعد الزواج..
كان مع كل خلاف لينا بنتلاقى في مطعم أو كافي.. كأننا أصدقاء.. بنشكي لي بعض عن قصص زواجنا.. وبنرجع البيت راضين تماماً..

مافي شي ممكن يضمن ليك ما تزعل من صديقك أو شريكك.. بس في حاجات كتيرة ممكن تساعدك تضمن إنكم تلقوا توليفة الحل بعد كل تعقيد ومشكلة تلاقيكم..
أختاروا دايما مكان.. أو وسيلة تكون مرجع ليكم ساعة الخلاف والزعل..
عشان حتى لو عارف الدرب.. يكون عندك بوصلة بتلجأ ليها كل ما تتوه ❤

#علي_عباس

كل خُذلان و إختيار غلط كان تجربة قاسية بتعلِّمك كيف تختار صح في الأيام الجاية ..

الألم البوجِّعك لازم يعلِّمك.

#علي_سعيد

انتي ما عايزة ترتبطي بالمعني الحرفي للكلمة..
انتي مشكلتك اكبر من احتياجك لكلمة "بحبك ، ومشتاق ليك"..

انتي محتاجة زول يحسسك انك "بت "..♥️
-محتاجة واحد ما تخجلي منو وتحكي ليه كل تفاصيل حياتك بكل العمق و المشاكل والتوهان الفيها..

محتاجة زول يسمعك عشان عايز يسمعك مش عشان دا واجب او فرض علية..
محتاجة تطلعي معاه طفولتك من غير ما يقول عليكي "نكديه او طفله "..
وتحكي ليهو عن مشاكلك من غير ما يقول عليك "كئيبة"..
عايزة طبطبة وإحتواء مع عقل بينصحك ويكمل معاكِ احلامك.. ♥️

عايزة زول ما تخافي من الدنيا في وجوده ويتقبلك بكل عيوبك ومميزاتك ومزاجيتك البتتغير مليون مرة في الساعة..
يمسك إيدك قبل ما تقعي وتتسندي علية لما الدنيا كلها تبقي ضدك.. ♥️

-عايزة واحد يعرف متين يبقي "حبيبك وصاحبك واخوكِ وابوكِ "
يملي الفراغات الفي حياتك ، يعوضك عن كل ليالي البؤس والحزن العيشتيها..
زول يحسسك فعلاً انو وجودك في الحياة مهم وإن الحياة ما بتكمل الا بوجودك ..

انتي عايزة تشبعي "طبطبة وإهتمام وحب وثقة وسند"..
كل الحاجات دي حاجه فطريه في البت
عشان كده حكمي عقلك كويس شديد واختاري صح علشان ما تندمي 👌🏻

منقول بحب كبير لصاحبته ♥

الهان عليهو زعلك مره حيهون عليه الف !

“اتمني أن يُقال عند موتي كان خفيفًا علي قلوبنا كان لا يُوذي احدًا.”

العلاقات البِتستمر لوقت طويل بتكون ضريبة الإستمراريّة حقتها مُكلّفة جدّا ( من ناحية المشاعر والنفسيّة ) ..
زيّ التنازُلات في بعض المواقف والأوقات، التقاضِي عن حاجات كتيرة كان بإمكانك إنك تقيف عليها - وتدُق جرس - فيها وتزعل وتِناقش وغيرها ..

لكن لمّن العلاقة تجي في المقام الأول، وتكونوا عارفين إنو المشاكل، الخلافات .. التنازعات وغيرها يمكن تجاهلها لبعض الوقت والإستمرار ..
وبمجرد ما تبدوا تقيفوا علىٰ أيّ مشكلة وأيّ موقف أعرفوا إنو بدت نهاية علاقتكم ..
لأنو كَثرة المشاكل بتخصِم من رصيدها ومنكم برضو، لأنها بتستنزف مشاعِركم ونفسيّتكُم ..

التغاضِي للمشاكل ما معناه أنا قبلان بيها ومعتبرها حاجة عادية،فعليك الله ما تكررها تاني ..
المشاكل وجودها طبيعي في أيّ علاقة، لكن الما طبيعي كثرتها وإستمراريتها مع عمر العلاقة لفترة طويلة ..

أعرفوا متين تتفادوا المشاكل وتتغاضوا عن الزلّات، ومتين تقيفوا فيها وتتناقشوا وتضعوا حد ليها او للعلاقة !

#علي_سعيد

‏غياب الأشخاص الذين نحبهم هو غياب مضاعف.. فنحن لا نفتقدهم فقط.. بل نفقد أيضاً قيمة الأشياء التي رحلوا وتركوها باهتة، خاوية، كأنه ما عاد لها معنى..

#علي_عباس