‏- ﴿ خالدين فيها ذلك هو الفوزُ العظيم ﴾
يارب أجعلها داراً لـَ فقيدتي امي🌸

دعواتكم الطيبه لأمي بالرحمه والمغفره ولجميع موتى المسلمين ❤️.

إزيكم!
كنت هتكلم عن المذاكرة اللي تقدر تجيب بيها تقدير بإذن الله يوم الحد في فقرتي، بس نظرا للقرار بتاع التقديم هتكلم عنه النهاردة. 🔥💙

نخش ف الموضوع عشان مفيش وقت والله اخي في الله😌

مبدأيًا كده لو انت مش ناوي تذاكر متكملش البوست ده.

ولو عايز تعدي بدون تقدير بردو متكملش 🤷‍♀️

البوست ده للي عايز يلم المنهج خلال شهر ويجيب تقدير كمان. ♥

انا مش بقول كلام خزعبلي، بس انت انسان، وعندك عقل بشري فيه بلايين الخلايا الي تقدر تستوعب الاف المعلومات في اليوم. 😌💛

السر بس في استغلال قدرة عقلك الجبّارة دي في تحقيق هدفك ♥

يلا بينا نذاكر بجد، يلا بينا نتفوق ونكون ناجحين بجد ♥

اول حاجة أيها الطالب المجتهد والناجح : "اعرف قدرك "

في ناس بتفهم من اول مرة.
في ناس بتفهم من تاني مرة.
وفي ناس بتفهم بعد تالت مرة مذاكرة وانا منهم 😌♥

وده مش تقليلاً من ذكائهم ولا قدراتهم، بس بتختلف القدرات العقلية في المذاكرة وبتتفاوت حسب طرق المذاكرة.

فأول حاجة بجد لازم تعرفها، انك تسأل نفسك... أنا بهضم المادة من المرة الكام؟

لو انت بتشرب المادة وتكون سهلة عليك بعد مرتين مذاكرة.

يبقي هتقسم الجدول بناءا علي كده، فهتعمل وقت المذاكرة وتسيب اسبوع للمراجعة... وهكذا 💪

كده انت جاوبت علي نفسك وعرفت انت هتذاكر كام مرة؟
- ندخل في الصميم بقا. 🔥

هعطيك كل الحاجات اللي بتفرق معايا في مذاكرتي, امتحاناتي, تلخيصي، تنظيمي لوقتي.

عشان ربنا يكرمني بيك بإذن الله 💛💛💛

١- تقنية البومودورو ✅
حرفيًا انت فايتك كتير بجد لو مش بتذاكر بالطريقة دي.
طريقة جبارة جدا المذاكرة بتركيز، حط جنبك تايمر واظبطه علي ٢٥ دقيقة + حدد شابتر تذاكره وكله أكل كده ف النص ساعة دي، وبعدين خد بريك ٥ دقايق وكمل ♥

٢- نوتة التشتيت. ✅
لو انت من الناس اللي بتوه وبتتشتت كتير وهي بتذاكر يبقي ده حلك يا كبير 💪
هات نوتة صغيرة، انشالله ورقة وحطها جنبك، وكل ما تفكر ف حاجة اكتبها ف النوتة دي، ولما يجي البريك بص علي الورقه، ممكن تكون فكرت تقوم تعمل كوباية شاي، او فكرت ف حاجة تعملها، فده هيساعدك في ترتيب افكارك + صفاء ذهنك وانت بتذاكر.

٣- قائمة مهام يومية ✅
انا حاسة بيكم لأن كلنا ف وقت صعب، اخر شهر ف رمضان والعيد كمان، فصعب تعمل حاجات كتير.

فلازم لازم تعمل كل يوم قايمة فيها المذاكرة اللي عليك + العبادة + شغل البيت لو انتي بنت او مسؤولياتك ك شاب .
افضل طريقة هي طريقة ١ ٣ ٥
شوفها ع اليوتيوب عشان مش عايزة اطول عليكم، هتلاقيها علي قناة علي محمد علي. ♥

٤- الخرائط الذهنية. ✅
اوعي تبدأ في مادة من غير ما تعملها خريطة ذهنية، شوف المهم والملغي فيها، متبدأتش مذاكرة عمياني كده عشان هتتوه في المادة وهتحس بضغط كبير وبالتالي ممكن تسوف وتدخل في زون الاحباط .

اكتب اسم المادة ف نص الورقة وطلع منها فروع بكل باب، وطلع من الباب فروع لكل فصل ♥💪 وكل ما تذاكر فصل اعمله خريطة ف صفحة واحدة حط فيه اهم النقاط .
الخطوة دي مهمة جدددا وقت المراجعة.

٥- الاسئلة ✅
لو انت طالب في ثانوية عامة او ٣ اعدادي هات اسئلة من الملخصات لكل مادة وحل كتييييير.
لو انت طالب جامعي هات امتحانات السنين اللي فاتت وركز فيها وحلها، عشان غالبا بتتكرر. ♥

دول اهم 5 حاجات اتعلمتهم علي مدار سنين والله، محدش جه قدمهوملي علي طبق من دهب.

استعين بالله ورتب اوضتك وخد شاورك وابدأ بركعتين كده، وانوي انك هتذاكر وتعمل اللي عليك عشان تفتخر بنفسك، وعشان تفرح أهلك ♥♥♥

مش هطول عليكم أكتر من كده، بتمني اشوف كله جايب تقدير والله، ولو حد عايز اي مساعدة انا موجودة ♥🌻

#أميرة_سمير_والمذاكرة

عَنْ أَبِي هُرَيْرَةَ رَضِّي اللهُ عَنهُ أَنَّ رَسُولَ اللَّهِ ﷺ ذَكَرَ يَوْمَ الجُمُعَةِ، فَقَالَ: «فِيهِ سَاعَةٌ، لاَ يُوَافِقُهَا عَبْدٌ مُسْلِمٌ، وَهُوَ قَائِمٌ يُصَلِّي، يَسْأَلُ اللَّهَ تَعَالَى شَيْئًا، إِلَّا أَعْطَاهُ إِيَّاهُ» وَأَشَارَ بِيَدِهِ يُقَلِّلُهَا.

- يوم الجمعة = فرصة أسبوعية لاستجابة الدعاء 🤩
شهر رمضان = فرصة يومية لاستجابة الدعاء لكل صائم طوال الشهر 🤩
فما بالك لما يكون النهاردة الجمعة وانت صايم في شهر رمضان 🤩🤩

فاجمع حاجاتك واجمع شتات نفسك وقلبك وأقبل على ربك..
أقبل عليه بحب ورجاء..
أقبل عليه بخوف وإنت خاضع ذليل..
أقبل عليه متحليا بآداب الدعاء..
أقبل عليه وارفع ايدك 🤲

وقل كل ما تشتهي نفسك خيري الدنيا والآخرة..
____

ونصيحة مني خلص كل اللي وراك بدري النهاردة وفضي آخر ساعة
اقفل أي حاجة ممكن تشغلك أو تشتت ذهنك وقلبك..
وخليك دايما فاكر مش كل الفرص بتتعوض..
إنت دلوقتي عايش والفرصة متاحة لك..
فاستثمرها قبل فوات الأوان.

#عايش_بالسنة

كترو من الدعوات الطيبه لبعض💓

💭 الأمر بالمعروف والنهي عن المنكر من شعائر الإسلام، وهو من أعظم فرائضه، والله عز وجل جعله سلم للوصول للفلاح في الدنيا والآخرة..
فقد قال الله في كتابه: "وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ ۚ وَأُولَٰئِكَ هُمُ الْمُفْلِحُونَ"..

💭 والأمر بالمعروف والنهي عن المنكر واجب على كل مسلم بحسب استطاعته.. وأقل درجة لاااازم تكون موجودة عند كل مسلم بشكل أساسي هي الإنكار بالقلب.. يعني إنك من جوه قلبك تكره المعصية وتبقى رافضها، قال النبي ﷺ: "مَنْ رَأَى مِنْكُمْ مُنْكَرًا فَلْيُغَيِّرْهُ بِيَدِهِ، فَإِنْ لَمْ يَسْتَطِعْ فَبِلِسَانِهِ، فَإِنْ لَمْ يَسْتَطِعْ فَبِقَلْبِهِ، وَذَلِكَ أَضْعَفُ الْإِيمَانِ"..
وخلي بالك من الإنكار بالقلب إنك ماتروحش لمكان المعصية برجليك وتقول هنكر بقلبي..
وإنك ماتفضلش قاعد في مكان فيه معصية وتقدر تقوم وتمشي وتقول هاقعد أنكر بقلبي..

💭 وخلي بالك 👈 الحياء من الناس مش عذر في ترك إنكار المنكر، فالحياء هنا مذموم ودليل على ضعف الإيمان، وربنا حذرنا من ده لأنه يترتب عليه الفساد في البلاد والعباد، كثرة الخبث، تسلط الأعداء، عدم استجابة الدعاء، الوقوع في الشهوات، واللعن ما حصل لبني إسرائيل {لُعِنَ الَّذِينَ كَفَرُوا مِن بَنِي إِسْرَائِيلَ عَلَىٰ لِسَانِ دَاوُودَ وَعِيسَى ابْنِ مَرْيَمَ ۚ ذَٰلِكَ بِمَا عَصَوا وَّكَانُوا يَعْتَدُونَ (78) كَانُوا لَا يَتَنَاهَوْنَ عَن مُّنكَرٍ فَعَلُوهُ ۚ لَبِئْسَ مَا كَانُوا يَفْعَلُونَ}..
فخد بالك وإنت في طريقك لربنا من زحليقة ترك الأمر بالمعروف والنهي عن المنكر..
خد بالك منها لإنك لو ركبتها وتساهلت فيها هتلاقي نفسك وقعت مرة واحدة..
وكمان خد بالك من زحليقة تانية؛ زحليقة إنك تأمر وتنهى بدون ضوابط شرعية..
الزحليقة دي خفية ومش كل الناس بتبقى شايفة إنها زحليقة..
فعشان كده لازم تتعلم آداب وضوابط الأمر بالمعروف والنهي عن المنكر..

💭 وأخيرا لازم كلنا نراجع قلوبنا ومانستسلمش للمنكر مهما كان كبير وننكره قدر استطاعتنا واحنا متلزمين بالآداب والضوابط الشرعية عشان يكون لنا عذر عند الله كما قال سبحانه: "وَإِذْ قَالَتْ أُمَّةٌ مِّنْهُمْ لِمَ تَعِظُونَ قَوْمًا ۙ اللَّهُ مُهْلِكُهُمْ أَوْ مُعَذِّبُهُمْ عَذَابًا شَدِيدًا ۖ قَالُوا مَعْذِرَةً إِلَىٰ رَبِّكُمْ وَلَعَلَّهُمْ يَتَّقُونَ".

#الأمر_بالمعروف_والنهي_عن_المنكر
#السلم_والزحليقة

لو حاسس إن في حد بيدبرلك حاجة أو معروف عنه الأذى ردد "اللهُم اكفينهم بما شئت وكيف شئت إنك على ما تشاء قدير".🌻💛

_ لو مُتكاسل عن العبادات و الصلاة ردد "اللهُم لا تجعلني شقيًا و لا محرومًا".🌻💛

- لو محتاج ربنا يرزقك ويوسع عليك ردد "اللهُم اغنني بحلالك عن حرامك واكفني بفضلك عن من سواك".🌻💛

- لو نفسك تتزوج و يكونلك ذريه صالحة ردد "رب لا تذرني فردًا وأنت خير الوارثين".🌻💛

_ لو مهزوم و مشوّش في أمر ما ردد "اللهُم إني أبرأ إليك من حولي وقوتي إلى حولك وقوتك فلا حول ولا قوة لي إلا بك".🌻💛

- لو حزين و الهموم ساكنة قلبك و مبتنتهيش ردد "اللهُم إني أعوذ بك من الهمِ والحزن، والعجز والكسل، والجُبن والبخل، وغلبة الدَّين وقهر الرجال".🌻💛

_ لو ضعيف و مكسور و قلقان و حالك ملغبط ردد "يا حي يا قيوم برحمتك أستغيث أصلح لي شأني كله و لا تكلني إلى نفسي طرفة عين".🌻🌻

_ لو خايف من زمن الفتن و خايف قلبك ردد "اللهُم يا مقلب القلوب ثبت قلبي على دينك "🌻💛

_ لو في كرب شديد ردد "لا إله إلا أنت سبحانك إني كنت من الظالمين ".. .🌻💛

كُلما تحسِّيها ضاقت بيك شديد ،اتصَدَّقِي ❤️

ما تنسو تقرو سوره الملك قبل النوم واتحصنو بالله عليكم❤️..
وأدعو لي معاكم❤️❤️.

فى راجل مراته طلبت منه إنه يكتبلها شوية صفات سلبية فيها بيتمنى يَغيرها، لأنّها مُشتركة فى جمعية نسائية والجمعية اللى طلبت كده!!
الرجل كتب " أُحبُّ زوجتي كما هي، ولا أرى فيها ما يعيبها
" وعطالها الورقة متغلفة زى ما طلبت الجمعية، فى اليوم اللى بعده لقى مراته واقفة على باب البيت وفى إيدها ورد ودموعها مغرقة عنيها خاصة إنّ الورقة إتقرت قُدام أعضاء الجمعية كلهم!!

الزوج بعد كده قال:- " كان لديَّ أكثر مِن ستة أخطاء تقع فيها زوجتي، إلا أنّي علمتُ أن العلاج لن يكونَ بذكرها أبداً
" قيل " أن تقبلنى كما أنا لا كما تُريدُ انت هذا هو تمام الحب

فى بنوتة فركشت خطوبتها بعد صراع كبير جداً، وطلعت من الخطوبة تعبانة نفسياً لأنها كانت بتحب خطيبها، أهلها بعد فترة جابولها عريس وتحت ضغط منهم وافقت، إتجوزت الشاب ومكنتش طايقاه، وفضلت أول فترة جواز بعيد عنه، وكانت بتقوله إنها خايفة ولسه مش مستعدة وتملى كانت بتهرب منه، والداته فى يوم زارته فالبنت دخلت تعملها حاجة تشربها، فسألته أنت زعلان من إيه يابنى مراتك مزعلاك فى شىء؟
فقالها:- " مراتي دى نعمة من ربنا ليا، إحنا عرفنا نناسب يا أمى وإختيارك كان أفضل أختيار وأنا زى الفل ومبسوط جداً، ياريت اللى زى مراتي كتير كانت مشاكل كتير خلصت، وهو بيحكى كانت مراته بتسمعه وهى فى المطبخ، بتقول من بعدها زاد فى نظرى جداً وحبيته وبقيت بستناه على نار وهو راجع من شغله عشان أقضى وقت معاه!!
قيل " يُمكن للحب أن يُغير كل شىء، فقط حين نمنحه من قلوبنا "

بصوا حواليكم على الحاجات الحلوة اللى ف كل واحد، كبروا العدسة عليها وشوفوها بقلبكم مش بعيونكم، جمعوا جواكم اللحظات اللى تشدوا بيها على قلوب بعض، اللى تمسك أيديكم وتخلى روحكم موصولة دايماً وأتعاهدوا ميفرقش بينكم غير الموت ويكون فى الجنة لقاء، وكفاية صراع فى حاجات القلوب بتدفع ضريبة وجعها ونهايتها بتكون أمراض نفسية وشيخوخة روح!!

مواطن رفع اليدين فـ الصلاة ..
- عند تكبيرة الإحرام .
- عند الركوع .
- عند الرفع من الركوع .
- عند القيام م التشهد الأوسط يعني عند الرفع منه واحنا واقفين مش واحنا قاعدين
ومفيش رفع ايدين وأنتِ نازلة تسجدي 💚

لا إله إلا أنت سبحانك إني كنت من الظالمين

١- الرموش الصناعية وباروكة الشعر تدخل تحت بند الوصل.. ولعن الله الواصلة والمُستوصلة

٢- تظبيط الحواجب وترقيقها وإزالة الشعر عن الحد الطبيعي يدخل تحت بند النمص.. ولعن الله النامصة والمُتنمصة
اما اخذ ما بين شعر الحواجب والذي ينفر منه الزوج فلا باس من الاخذ منه

٣- المسح في الوضوء؛ مينفعش إلا علي شراب تقيل وطويل يغطي كل القدم
إنما القصير اللي بيغطي جزء من القدم مينفعش خالص

٤- القدمين بالنسبة للمرأة لازم تتغطى كلها حتى تُقبل الصلاة(فيها خلاف بين العلماء والجمهور على تغطية القدم بالوجوب)

٥- لا يُشترط لبس الحجاب وانتِ بتقرأي القرآن في البيت

٦- أيام الصيام اللى عليكي لازم تصوميها كلها
ومينفعش تخَرجى بدالها إطعام مسكين إلا إذا كنتي مريضة أو علي سفرٍ ومش هتقدري تصومي

٧- مينفعش تسلمى على الرجالة بالإيد غير محارمك
الرسول صلى الله عليه وسلم قال:
"لأن يطعن في رأس أحدكم بمخيط من حديد خير له من أن يمس امرأة لا تحل له " ... رواه الطبراني والبيهقي

٨- لو في شخص بيصلي وانتِ مُضطرة تعدي من قدامه مينفعش تعدي قبل موضع سجوده
لازم نحط اي حاجه زي كرسي أو ما شابه وبعد كدة نعدي

٩- لما نسجد أول سجدة ونقوم نقول "ربي إغفر لي"
وبعد كده نسجد السجدة الثانية

١٠- القيام من الركوع ليست من السنه قول ربنا ولك الحمد والشكر"
والأفضل أن نقول:
"ربنا ولك الحمد حمدًا كثيرًا طيبًا مباركًا فيه ملء السموات والأرض"

١١- إننا نردد مع الأذان
وعند حي على الصلاة وحي علي الفلاح نقول:
"لا حول و لا قوة الا بالله العليّ العظيم"

١٢- يُفضل صوابع القدمين كلها تتفرد وقت السجود للآمام في إتجاه القبلة وليس للخلف (سُنة وليس واجبًا أو فرضًا)

١٣- "ركعتي الفجر خير من الدنيا وما فيها' ..
المقصود في الحديث الشريف ده: الركعتين السُنة اللي قبل صلاة الفرض (الفجر) مش المقصود الفرض نفسه

١٤- دعاء الإنتهاء من الوضوؤ:
"أشهد أن لا اله الا الله وأن مُحمداً عبده ورسوله
اللهم إجعلني من التوابين وإجعلني من المتطهرين"

١٥- دعاء الاستفتاح وهو دعاء ما قبل الدخول في الصلاة:
"اللهم باعد بيني وبين خطاياي كما باعدتُ بين المشرق والمغرب.. اللهم نقنِّي من خطاياي كما يُنقي الثوب الأبيض من الدنس.. اللهم إغسلني من خطاياي بالماء والثلج والبرد"

١٦- في الركعتين التانين بنقرأ الفاتحه بس
يعني لو الظهر مثلًا اول ركعتين الفاتحة وسورة قصيرة.. ثاني ركعتين الفاتحه بس

هدانا الله واياكم الى الطريق المستقيم 💙.

قعد تدعو لي؟! ❤️
كترو من الدعوات الطيبه ولكم المثل ان شاء الله ❤️❤️.

..

« إِذْ يَقُولُ لِصَاحِبِهِ لَا تَحْزَنْ »
الصاحب الحقيقي هو العُدة في البلاء والمؤنس في الرخاء وعند اليأس يسكب في القلب الأمل ويرسم الابتسامة عند الألم .

💭 جميل إن يكون لك طموحات وأهداف في الحياة سواء في أمور دينك أو دنياك..
وجميل إنك تسعى لتحقيقهم وتكون ناجح زي اللي نجحوا بفضل الله..
بس لازم تخلي بالك لإن سعيك للنجاح إما إنه يكون سلم يقربك من ربنا أو يكون زحليقة توقعك في ذنوب كتير..

💭 وسعيك للنجاح عشان يكون سلم يقربك من ربنا ورضاه 👈 لازم يكون منضبط بضوابط الشرع..
يعني مثلا تسعى للنجاح بالحلال ومن غير غش وخداع..
تسعى للنجاح بخطوات عملية تساعدك إنك ترتقي بنفسك وتطور من قدراتك..
تسعى للنجاح وانت بتاخد بالأسباب المتاحة وقلبك متوكل على الله بصدق ويقين لأنك عارف إن كل حاجة بأمره..
تسعى للنجاح وانت بتحب الخير لغيرك زي ما بتحبه لنفسك لإن النبي ﷺ قال "لَا يُؤْمِنُ أحَدُكُمْ، حتَّى يُحِبَّ لأخِيهِ ما يُحِبُّ لِنَفْسِهِ"..

💭 أما لو سعيت للنجاح من غير التزام بضوابط الشرع 👈 هتلاقي نفسك اتزحلقت في مستنقع ذنوب ومعاصي..
هتلاقي نفسك مثلا كل همك تحقيق النجاح حتى لو كان بالحرام..
تغش.. تخدع.. تسرق مجهود غيرك..
مش مهم.. المهم تنجح..
هتلاقي نفسك بتحسد غيرك وكاره إنه يتفوق عليك..
هتلاقي نفسك مش راضي بقضاء الله وقدره..
هتلاقي قلبك قسى واتملى أمراض وبقيت حد تاني..
هتلاقي نفسك حتى لو نجحت؛ هيكون نجاحك مزيف مافهوش بركة..

💭 الخلاصة 👈 اسعى للنجاح واجتهد واتعب وخد بالأسباب المتاحة بس بشرطين ✌️
1. يكون قلبك متوكل على الله بصدق ويقين لأنه سبحانه مالك المُلك وخزائن كل شيء بيديه.
2. يكون سعيك منضبط بضوابط الشرع لأن ما عند الله لا يُنال بمعصيته.

#السعي_للنجاح
#السلم_والزحليقة

لو ركزت مع ألاعيب إبليس هتلاقيه في معركة يومية معاك عشان يلهيك بالحزن والقلق، بيحاول كل يوم يدوّر على أي حاجة يخليك تقلق عليها
بيتفنن إزاي يكبّر مخاوفك ويقنعك بإن كل الي جاي سيء جداً ويدعو للخوف والحزن وعدم التفاؤل
الشيطان أدرك - قبل ما ناس كتير تدرك- حقيقة إن سوء ظنك بالله ممكن يشكّل خطر حقيقي على مستقبلك ويخلي مخاوفك تتحقق لمجرد إنك إعتقدتها وآمنت بحدوثها
الشيطان عرف - قبل ماناس كتير تعرف- إن حزن المؤمن هو أكتر حاجة بتعطّله وتكتّفه وترجّعه 100 خطوة لورا
الشيطان لما بييأس منك ومن مقاومتك لنفسك ممكن يبعتلك مخاوف جديدة على ألسنة الناس حواليك
يوسوس لصحابك وقرايبك بدلاً عنك.. يقنعهم بفكرة ينقلوهالك عشان يحاربك من الخارج زي ما حاربك من الداخل

قاوم نفسك وحاول تحوّل مخاوفك لإحسان ظن بالله عشان ماتقعش في مصيبة سوء الظن بالله وإنتظار تحقق مخاوف قادمة لا محالة إن أنت بها ظننت وأيقنت وآمنت.

كل مازاد خوفك زوّد وِردك من القرآن وحارب الخوف بالقيام والاستغفار واللجوء لله بالدعاء والصيام

هبه .احمد.

كترو من الدعوات الطيبه لبعض💓

كان الرسول ﷺ يودع رمضان بقولة:
اللهم لا تجعلة آخر العهد من صيامنا و إياه، فإن جعلتة فأجعلني مرحوماً ولا تجعلني محروماً، الحمدلله علي التمام، الحمدلله علي البلاغ الحمدلله ع الصيام و القيام، اللهم أجعلنا ممن صام الشهر ايمانا و احتسابا و أدرك ليلة القدر و فاز بالآجر.

كل سنه وانتو طيبين💓💓

صلوا على الحبيب 💛🌻