​​Hech narsani xohlamayman. Hech narsa menga qiziq tuyulmayapti. Kun sayin oʻzimning tobora miskinlashib borayotganimni his qilyapman va bundan mamnunman. Balki qanchadir vaqt oʻtgach hatto yuragimning siqilishini ham his qila olmaydigan darajada lanjlashib qolarman. Inson nimadir qilishi kerak, shunday qilishi kerakki... Yoʻqsa, hech narsani qilmasin. Oʻylayman, qoʻlimizdan nima ish keladi oʻzi? Hech narsa! Millionlarcha yillik dunyoda bizgacha yetib kelgan eng qadimgi narsa atigi yigirma ming yoshda. Hatto bu ham taxminiy raqam. Oʻtgan kuni falsafa oʻqituvchimiz bilan gaplashdim. Biz bu dunyoga nima uchun kelganimiz haqidagi savolga u ham javob bera olmadi. Yaratish zavqi, hayotning oʻzi bir hikmat ekani haqida gapirdi, lekin siyqa gaplar. Nimani yaratasan? Yaratish – bu yoʻqdan bor etmoqdir. Hatto eng aqli rasolarimizning ongi ham bizdan oldingilar tomonidan toʻplangan koʻplab bilim va tajribalar ombori boʻlishdan nariga oʻtmaydi. Biz yaratmoqchi boʻlgan narsa – mavjud ashyolarning shaklini oʻzgartirib, bozorga olib chiqishdan boshqa narsa emas. Bu kulguli ish qanday qilib insonni qanoatlantirishi mumkin, bilmadim. Bizga nurini besh ming yillik masofadan yuboradigan yulduzlar bor ekan, uzogʻi bilan ellik yilda kutubxonalarda chiriydigan va nihoyat besh yuz yildan keyin nomi unutilib ketadigan asarlar yozib, boqiylikka erishishga harakat qilish yoki uch ming yildan soʻng qoʻlsiz-oyoqsiz, birorta muzeyda namoyish qilinsin deya umrini loy qorish va marmarga yozish bilan oʻtkazish menga aqlli odamning ishi boʻlib koʻrinmayapti. Mening nazdimda, biz qila oladigan yagona ish bor, u ham boʻlsa – oʻlish. Qara, biz buni qila olamiz va shundagina toʻlaqonli oʻz irodamiz bilan ish qilgan boʻlamiz.


Yuqoridagi iqtibos Sabohiddin Alining "Ichimizdagi shayton" asaridan olingan. Bunga qadar ushbu muallifning faqat bitta asarini oʻqiganman va eng sevimlilarimdan biriga aylangan. Bunisi esa ikkinchisi boʻladi. 12-fevral kuni Book.uz kitoblar doʻkonida Book.uz Arena loyihasida ushbu kitob muhokamasi boʻladi. Kitob Toshkentdagi kitob doʻkonlarida bor. Ja topolmasangiz yuqorida nomi tilga olingan doʻkondan olishingiz mumkin. Oʻqing. Ikki haftadan soʻng koʻrishib, kitob haqida gaplashamiz.

@salimov_blogi

​#KitobsevarlarJangi

Loyiha haqida bu yerda o'qishingiz mumkin. 👈

📣 «BOOK.UZ arena yoxud kitobsevarlar jangi» lohiyasinining 29-soni.

❇️ Bu galgi muhokamaga Sabohiddin Alining «Ichimizdagi shayton» asari tanlandi.

😊 Muhokamada kitobni o'qigan istalgan o'quvchi qatnashishi mumkin. Epchil va aqlli jangchilarimizni sovg'alar kutyapti.

Boshlandi: 29-yanvar
Muhokama: 12-fevral, soat 14:00 da
Joy: book.uz do'koni
Tanlangan kitob: «Ichimizdagi shayton»

🤓 Kitobxon do'stlaringizga ulashing

@bookuzbekistan — Kitobsevarlar yig'ilgan makon