🔼 Майыар орто оскуолатыттан 6 уол Чурапчыга СР үтүөлээх тренерэ, Россия физкультураҕа уонна спортка туйгуна Михаил Захаров кэриэһигэр кулун тутар 23-24 кк. уолаттарга XXII республикатааҕы көҥүл тустуу күрэҕэр кыттыахтара. Улуустан уопсайа 12 уол кыттар. ДЮСШ дириэктэрэ Александр Новиков салайан илдьэ сылдьар.

🤼‍♂️ «Уолаттар билигин сборга сылдьаллар. Бу күннэргэ Өймөкөөҥҥө баран тустан кэллилэр. Куһаҕана суох туһуннулар диэн биллэрдилэр. Кыттан, уопут атастаһан, сири-дойдуну көрөн кэлиэхтэрэ. Кылаабынайа, бары - нэһилиэк салалтата, төрөппүттэр, оскуола, оҕолорбут сайдалларыгар күүспүтүн түмэбит. Тренердэрэ Алексей Корякин. Бырайыастарын аҥаарын нэһилиэк (баһылык Иван Атласов), аҥаарын төрөппүттэр уйуннулар», - диэн оскуола дириэктэрэ Сардана Черова үөрүүтүн үллэһиннэ.

🌟Арчылан Степанов (3 кылаас) Өймөкөөҥҥө тустан, «Перспективный борец» номинация хаһаайына буолбут 👍🏻👏🏼

@hotugukyym🗞️