У Беларусі пашырылі спіс паказчыкаў, па якіх сямя лічыцца сацыяльна небяспечнай для дзяцей

Адпаведную пастанову Савета міністраў апублікавалі на Нацыянальным прававым інтэрнэт-партале.

Цяпер паказчыкам сацыяльна небяспечнана становішча дзяцей у сям’і лічаць непрацаўладкаваных бацькоў. Напрыклад, калі абодва бацькі або адзін з іх звыш 3 месяцаў не працуе і неналежным чынам трацяцца пенсіі і матэрыяльная дапамога на дзяцей. А таксама не задавальняюцца асноўныя жыццёвыя запатрабаванні дзяцей: ежа, адзенне, абутак, месца для гульняў, адпачынку і заняткаў.

Яшчэ адзін фактар – здзяйсненне бацькамі адміністрацыйнага парушэння пад уздзеяннем наркотыкаў. А таксама, калі бацькі ўхіляюцца ад дыспансернага назірання, якое ім устанавілі праз псіхічны разлад з цяжкімі праявамі або праз алкагольную ці наркатычную залежнасці.