G‘uzorda 39 ming aholiga xizmat qiladigan oilaviy poliklinika foydalanishga topshirildi

Prezidentimiz tomonidan yaratib berilgan shart-sharoitlarga ko‘ra, so‘nggi yillarda G‘uzor tumanida aholiga tibbiy xizmatlarni yaxshilash borasida amaliy ishlar olib borilmoqda.

Yurtimizda har yili noyabr oyining ikkinchi yakshanbasida nishonlanib kelinayotgan "Tibbiyot xodimlarini kasb bayrami" munosabati bilan tumandagi “Gulshan” mahallasida joylashgan 41-Oilaviy poliklinikasi foydalanishga topshirildi.

Investitsiya dasturiga asosan 2 mlrd. 174 mln. so‘m mablag‘ evaziga qayta tamirlangan ushbu oilaviy poliklinika 9 ta mahallalarning 38 900 nafar aholisiga 12 turdagi tibbiy xizmat koʻrsatadi.

Sogʻliqni saqlash vazirligining "Salomatlik 5" dasturi doirasi ushbu poliklinikaga stomatologiya apparati, ginekologik jamlanmalari keltirildi. Qoʻshimcha ravishda fizioterapiya apparatlari olib kelinib, fizioterapiya xonasi hamda 12 o‘rinli kunduzgi shifoxona tashkil qilindi.

Aholini tibbiy xizmat sifatini yanada oshirish maqsadida zamonaviy ultratovush va EKG apparatlari ham keltirilgan.
Laboratoriya xonasida ham zamonaviy uskunalar yordamida bioximik tahlillarni olish boshlandi.

Tibbiyot maskanini ochilishida tuman hokimi Bekzod Suyunov, tuman hokimining o‘rinbosari, tibbiyot birlashmasi rahbar xodimlari, shifokorlar, keksa nuroniylar, mahalla ahli, tibbiyot sohasi vakillari ishtirok etishdi.

Kanalga ulanish😎@guzorpress

G‘uzorda tibbiyot xodimlari uchun bayram sovg‘asi sifatida oilaviy shifokorlik punkti foydalanishga topshirildi

Biroz avval xabar berganimizdek, "Tibbiyot xodimlarini kasb bayrami" munosabati bilan G‘uzor tumanida oilaviy poliklinika foydalanishga topshirildi.

Tibbiyot xodimlariga bayram sovg‘asi sifatida tumanning “Qovchin” mahallasida joylashgan “Qovchin oilaviy shifokorlik punkti" 4 mlrd. 414 mln. so‘m Respublika mablag‘lari evaziga rekonstruksiya qilindi.

Maskur tibbiyot maskanini ochilishida tuman hokimi Bekzod Suyunov, tuman hokimining o‘rinbosari, tibbiyot birlashmasi rahbar xodimlari, shifokorlar, keksa nuroniylar, mahalla ahli, tibbiyot sohasi vakillari ishtirok etishdi.

—Mazkur tibbiyot maskanlarini foydalanishga topshirilishi biz tibbiyot xodimlariga kasb bayramimiz uchun Prezidentimizni sovg‘asi bo‘ldi, biz buning uchun minnatdorchilik bildiramiz. — deydi olis qishloq shifokori Dilbar Ujarova.

Kanalga ulanish😎@guzorpress