У рамках Гудзевіцкага тэкстыльнага фэсту, 15 чэрвеня 2024 г. у Гудзевіцкім літаратурна-краязнаўчым музеі прайшла летняя школа “Майстэрня падвойнага ткацтва”!
🔸Напачатку была праведзена экскурсія па музейнай экспазiцыi, дзе прайшло знаёмства з найбольш цікавымі ўзорамi ткацкага майстэрства, у тым лiку і з калекцыяй падвойных дываноў.
🧶З гісторыяй развіцця падвойнага ткацтва ў Гудзевічах прысутных пазанёмілі Белакоз Вера Ігнатаўна (народны майстар) і Камінская Марына Аляксандраўна (дачка Белакоз В.І., якая працягвае яе справу).
⚡️Галоўнае, дзеля чаго ўсе сабраліся - непасрэдна праца па асваенню тэхналогіі падвойнага ткацтва. Ахвотныя маглі стаць удзельнікамі майстар-класаў пад кіраўніцтвам Белакоз В.І. і Басінскай Кацярыны Вітальеўны (вучаніца Веры Ігнатаўны).
✨На летніку былі прадстаўлены і іншыя тэхналогіі ткацкага мастацтва Гродзеншчыны, унесеныя ў Дзяржаўны спіс гісторыка-культурных каштоўнасцей Рэспублікі Беларусь: работы Шунейка А.Ф. і ткацтва каляровых узорных посцілак і дываноў Воранаўскага раёна.

22 чэрвеня – Дзень усенароднай памяці ахвяр Вялікай Айчыннай вайны і генацыду беларускага народа. 🕯

У гэты Дзень мы ўспамінаем герояў, якія змагаліся на фронце, працавалі ў тыле, перажылі блакаду і канцлагеры. Іх мужнасць і самаадданасць назаўсёды застануцца ў нашых сэрцах.🎗

Напярэдадні гэтай памятнай даты работнікі УК «Гудзевіцкі дзяржаўны літаратурна-краязнаўчы музей» усклалі кветкі да абеліска, устаноўленага ў памяць аб аднавяскоўцах, якія загінулі ў гады Вялікай Айчыннай вайны ў в.Радзявічы, і ўшанавалі памяць загінуўшых хвілінай маўчання.

Музейны занятак “Рэха вайны”, прысвечаны 80-годдзю вызвалення Беларусі ад нямецка-фашысцкіх захопнікаў, прайшоў 2 ліпеня 2024 г. у Гудзевіцкім літаратурна-краязнаўчым музеі.
Падчас занятку дзеці даведаліся пра асноўныя падзеі Вялікай Айчыннай вайны і жыццё людзей у ваенны час.
Па завяршэнні мерапрыемства склалі “Ланцужок пажаданняў” да сябе, сваіх таварышаў, усіх людзей і змайстравалі пілоткi.

Работнікі Гудзевіцкага літаратурна-краязнаўчага музея пад час загатоўкі жыта на страху сялянская хаткі (этнаграфічнага аддзела музея). 🌾🏡

Сёлета ў горадзе Масты пройдзе абласны фестываль-кірмаш «Дажынкі – 2024». 🌾 Гудзевіцкі літаратурна-краязнаўчы музей прыме ўдзел у свяце, на якім прадставіць сваю экспазіцыю, прысвечаную ўшанаванню хлеба. Супрацоўнікі музея актыўна рыхтуюцца да фестывалю.

2 верасня 2024 г. ва УК “Гудзевіцкі дзяржаўны літаратурна-краязнаўчы музей” адбылося адкрыццё выставы “Цудоўныя школьныя гады”.

На выставе прадстаўлены прадметы школьнага жыцця, якія ўваходзілі ў штодзённы лад савецкага школьніка: падручнікі, пропісі, чарніліцы, школьная форма, піянерскія атрыбуты і многае іншае.

Сучасныя вучні змогуць убачыць, чым дзяцінства іх бацькоў, бабуль і дзядуль адрознівалася ад іх уласнага. А госці музея старэйшага ўзросту – з настальгіяй успомняць пра свае школьныя гады.

Выстава будзе працаваць да 30 верасня.