O'zbekistondagi British Council tashkilotidan vakansiya

British Council tashkiloti IELTS imtihonini o'tkazishda yordam beruvchi Test Day Exams Coordinator o'rniga nomzodlarni qidirmoqda.

Xodimning asosiy vazifasi: imtihonni samarali o'tkazish hamda imtihondan keyingi jarayonda yordam berish.

Nomzodga qo'yilgan talablar:
— O'zbekistonda yashashi.
— Rus va ingliz tillarini yetarlicha bilishi.
— Bakalavr yoki unga muqobil darajaga ega bo'lishi.
— Guruh bilan ishlash va tashkiliy ishlarda faol bo'lishi va boshqalar

👉 Ish o'rni haqida batafsil ma'lumot BU YERDA
👉 Ish o'rniga ariza topshirish uchun havola BU YERDA

Ariza topshirish muhlati: 2023-yil 25-sentyabr

Ish o'rni bo'yicha qo'shimcha murojaatlar uchun: [email protected]

@grantlar_namuna

GPA nima, qanday hisoblanadi?

Chet el universitetlariga o'qish uchun ariza topshirilayotganda koʻpincha GPA balli soʻraladi. Bugungi postimizda GPA nimaligi va qanday hisoblanishi haqida maʼlumot beramiz.

GPA o'zi nima?
GPA inglizcha "Grade Point Average" so'zlarining qisqartmasi bo'lib, o'zbek tilida "O'rtacha baho ko'rsatkichi" ma'nosini bildiradi. GPA balli odatda talabaning o'qish davomida umumiy qanday natijaga erishganligini ko'rsatib beradi.

Hozirda O'zbekistondagi oliy ta'lim muassasalari kredit-modul tizimida o'qiyotgan talabalar o'zlarining GPA balini 2 xil usul bilan bilib olishlari mumkin.

1-usul: Hemis tizimi orqali onlayn GPA hisoblash. Bunda hemis.uz saytiga kirib BU YERDAGI yo'riqnomaga amal qilish kifoya. Bu usul orqali bir yoki bir nechta talabaning GPA ballini birdaniga hisoblash mumkin.

2-usul: formula orqali hisoblash (1-rasmga qarang). Bunda jarayon quyidagicha bo'ladi:

1-bosqich. Fan krediti sonini o'sha fandan olgan ballingizga ko'paytiring. Masalan, siz 4 kreditli fizika fanidan 3 baho oldingiz. Bunda 4x3=12. Xuddi shu tartibda boshqa fanlarni ham hisoblab chiqing. (2-rasmda batafsil ko'rishingiz mumkin).

2-bosqich. Barcha fanlar krediti va olingan baho ko'paytmasini qo'shib chiqing. (2-rasmda ushbu yig'indi natija deb berilgan va natija 188 ga teng bo'lgan).

3-bosqich. Barcha fanlar kreditlarini o'zaro qo'shib chiqing. Odatda talaba 1 yilda 60 kredit o'qishi kerak.

4-bosqich. 2-bosqichda topilgan yig'indini umumiy kreditlar soniga bo'ling. (188/60=3,1)
Demak, ushbu rasmdagi talabaning 1 yil davomidagi GPA balli 3,1 ga teng.

ESLATMA: Hemis tizimidagi hisoblash usuli ham aynan shu formula yordamida onlayn hisoblanadi. Kredit-modul tizimida o'qimagan talabalar fan kredit soni o'rniga fan soatlarini qo'yib hisoblashlari mumkin.

GPA ko'rsatkichini 5 ballik tizimdan Amerika 4 ballik tizimga o'tkazish qanday bo'ladi?
Kredit-modul tizimida o'qiyotgan talaba yuqoridagi usul bilan o'z GPA ballini aniqlab olgandan so'ng, ushbu jadval asosida (3-rasm) baholaringizni Amerikacha (1-4) ballik tizimga olib o'tishingiz mumkin.

Shunday qilib, GPA ballini hisoblashda nafaqat olingan baholar, balki o'sha fan krediti ham ahamiyat kasb etar ekan. Har qanday vaziyatda talabaning o'zlashtirgan yuqori bahosi o'z-o'zidan GPA ballining yaxshilanishiga olib keladi. Bu esa o'z navbatida universitetlarga kirish va hatto ma'lum miqdorda grant yutishda muhim ahamiyat kasb etadi.

@grantlar_namuna

Koreys tilini bepul o'rganish uchun foydali manbalar

Janubiy Koreyaga ketishni niyat qilgan yurtdoshlarimiz ko'pligini hisobga olib bu galgi postimizda koreys tilini boshlang'ich darajadan o'rganish uchun mo'ljallangan bepul manbalarni e'tiboringizga havola etmoqchimiz.

1. How to study Korean. Koreys tilini o'rganish uchun eng yaxshi manbalardan biri bo'lib, harflarni qanday yozish hamda o'qishdan boshlab, yuqori darajadagi gramatika darslari, qolaversa, qo'shimcha materiallar: turli kitob, video va audiolarni to'z ichiga oladi.

2. Korean From Zero. Ushbu sayt koreys tilini boshlang'ich darajadan boshlab o'rganishga mo'ljallangan bo'lib, bepul onlayn kurslarda o'qish bilan birga, kitoblarni ham yuklab olishingiz mumkin. Kurslar 3 qismga bo'lingan bo'lib, boshlang'ich darajadan B2 darajagacha o'rganish imkoniyatini beradi.

3. Loecsen. Ushbu saytda boshlang'ich darajadagi iboralardan tortib audio mashqlar va qiziqarli topshiriqlarni bajarish orqali koreys tilini o'rganishingiz mumkin.

4. Coursera. Ushbu katta platforma koreys tilini o'rganish uchun ham bepul kurslarni taklif qiladi. Jumladan, First Step Korean kursi Yonsei universiteti tomonidan tashkil qilingan bo'lib, malakali ustozlar tomonidan olib boriladi.

5. Duolingo. Har qanday tilni o'rganishda, shubhasiz ushbu platforma yordamga keladi. Duolingo bilan koreys tilini eng boshlang'ich darajadan boshlab oson usullar bilan o'rganishingiz mumkin. Dars davomidagi qiziqarli mashqlar va bonuslar sizni til o'rganish jarayoningizni yanda tezlashtiradi.

Bundan tashqari, koreys tilini o'rganish uchun qo'shimcha YouTube kanallarini ham kuzatib borish tavsiya qilinadi. Jumladan:

1. Go Billy Korean. Eng mashhur koreys tili darslaridan bo'lib, ko'pchilikning til o'rganishiga katta yordam bergan, oson usulda tushuntirilgan darslar to'plamidir.

2. Korean Class 101. Koreys tilini o'rganish uchun foydali video darslar jamlanmasi bo'lib, istalgan vaqtda til o'rganish qobiliyatingizni rivojlantirishda foydalanishingiz mumkin.

ESLATMA: yuqoridagi kurslar koreys tilini ingliz tili orqali o'rganishga mo'ljallangan. O'zbek tili orqali koreys tilini boshlang'ich darajdan o'rganish uchun Ibrat farzandlari loyihasi tomonidan tashkil etilgan darslarni tavsiya qilamiz.

Siz koreys tilini o'rganishda qanday manbalardan foydalanasiz, izohlarda fikringizni qoldiring👇

@grantlar_namuna

Ertadan (25-sentabr) darslar boshlanadi

NSP dasturiga ariza topshiruvchilar uchun professional mentorlik kursi

Xabaringiz bor, NSP almashinuv dasturi uchun anchadan buyon ariza topshirishga yordam berib kelmoqdamiz.

O'tgan mavsumda tashkil etgan kursimiz orqali jami 61 nafar o'zbek talaba va tadqiqotchilari NSP dasturi g'olib bo'lib, hozirda Slovakiyada o'z o'qish yoki ilmiy ishlarini davom ettirmoqda.

Ko'pchilik talabiga binoan ushbu kursning yangi mavsumini e'lon qilamiz.

Kurs kimlar uchun?
Bakalavrni kamida 2,5 yilini tugatgan hozirda 4-kurs talabalari, magistr, PhD talabalari hamda tadqiqotchilar

Kurs mentori: Ozodaxon O'ktamova — NSP dasturi 3 marta g'olibi

Kursimiz afzalliklari:
— Slovakiya universitetga qabul qilinishda individual yordam.
— Kerakli hujjatlarni tayyorlash bo’yicha doimiy ko’rsatma.
— Haftada 2 marta mentor bilan jonli onlayn suhbat.
— Barcha hujjatlarni (CV, motivatsion xat, talabalik haqidagi ma’lumotnoma, tavsiyanomalar va boshqalarni) 2 martadan tekshirib berish.

Kurs narxi: 500 ming so'm.

ESLATMA: Avvalgi mavsumda ushbu kursni bepul tashkil etganmiz. Istovchilar aynan bepul kurs videolarini ko'rishlari va hujjatlarini o'zlari tayyorlashlari mumkin. Ular uchun esa maxsus hujjat tekshirib berish xizmatimizni taklif etamiz.

Bunda jami 4 ta hujjat tekshiriladi:
— Motivatsion xat
— O’quv rejasi
— Tavsiyanoma 2 ta

Hujjatlarni tekshirib berish xizmat narxi: 300 ming.

Kursga yozilish yoki hujjat tekshirish xizmatidan foydalanish uchun: @GN_Work telegram hisobi

👉 NSP almashinuv dasturi haqida batafsil ma'lumot BU YERDA

👉 NSP dasturi bo'yicha biz tayyorlagan qo'shimcha manbalar barchasi BU YERDA

@grantlar_namuna

“Germaniyada tahsil olish, tadqiqotlar va stipendiyalar” mavzusida tadbir

Gyote universiteti tomonidan Germaniyada o’qish va tadqiqot olib borishga qiziquvchi yoshlar uchun tadbir tashkil qilinmoqda.

O’tkazilish sanasi: 2023-yil 28-sentyabr. 14:30 — 16:30

O’tkazilish joyi: Toshkentdagi Gyote insituti hamda onlayn

👉Onlayn qatnashish uchun ZOOM havola: https://goethe-institut.zoom.us/j/85063447320#success

@grantlar_namuna

"InnoX" biznes inkubatsiya startap loyihalar 2-mavsumi. Bosh mukofot 10 000 000 so'm grant mablag'i

"InnoX" biznes inkubatsiya dasturi Innovatsion rivojlanish vazirligi hamda Sirdaryo Yoshlar Texnoparki tomonidan biznes va startaplarga qizquvchi yoshlar uchun tashkil etilgan bo'lib, ishtirokchilar 3 oy davomida quyidagilardan bepul foydalanish imkoniyatiga ega bo‘ladi:
— Co-working maydoni;
— Mentor;
— Konsalting xizmatlari;
— Bepul biznes ta'lim va kasbiy treninglar, seminarlar va forumlarda qatnashish;
— Loyihalarni Xalqaro Grantlar yo'naltirish;
— Biznes va Marketing rejalar tuzishga yordamlashish.

Kurs yakunida shakllangan innovatsion loyiha uchun Sirdaryo Yoshlar Texnoparki tomonidan 10.000.000 so'm rag'batlantirish taqdim etiladi!

👉 Dasturda ishtirok etish uchun BU YERDAN ro'yxatdan o'ting.

Qo'shimcha murojaatlar uchun: +998901104809

@grantlar_namuna

Erasmus Mundus grantiga topshirmoqchi boʻlganlar (topshirayotganlar) uchun maxsus!

@Grantlar_namuna loyihasi Erasmus Mundus boʻyicha toʻliq tartibli mentorlik kursini eʼlon qiladi.

Kursning asosiy jihatlari:
1. Grantni yutish imkoniyatingizni oshiradi.
2. Hujjatlarni (motivatsiya xati, CV va h.k.) tayyorlashda bevosita maslahat va yordam koʻrsatiladi.
3. Ariza va hujjatlarni xatolarsiz, 100% toʻgʻri va muvaffaqiyatli topshirishingizni taʼminlaydi.
4. Suhbatga alohida tayyorgarlik.
6. Ariza topshirishdan boshlab, to qabul qilinishgacha boʻlgan jarayonda istalgan payt istalgan savolingizni berishingiz va javob olishingiz mumkin boʻladi.

Maʼlumot uchun: Erasmus Mundus dasturi magistraturani Yevropa davlatlarida toʻliq grant asosida oʻqish imkonini beradi (oylik stipendiya 1400 yevro, borish-kelish, sugʻurta va boshqa xarajatlar qoplanadi).

Kursni kim olib boradi?

Dastur Erasmus Mundus granti gʻolibi Abdulaziz Murtozayev tomonidan olib boriladi.

Abdulaziz grantlar boʻyicha boy tajribaga ega. Uning ayrim yutuqlari:
– “Erasmus Mundus in Smart cities and communities MSc program” toʻliq grantini yutgan (2021).
– “Türkiye burslari & IsDB joint scholarship” toʻliq grantini yutgan (2021).
– Amerika kengashlarining “Young Professional Internships Program” haq toʻlanadigan amaliyot dasturini yutgan (2020).
– “The Nippon Foundation JACAFA scholarship” stipendiyasini yutgan (2019).

Dastur mashgʻulotlari Zoom/telegram konferensiyalar, telegram guruh va shaxsiy yozishmalardagi savol-javoblar orqali oʻtiladi.

Dasturga qatnashish uchun imkon qadar ertaroq roʻyxatdan oʻtish lozim.

Bakalavriatni bitirganlar yoki hozirda bakalavriatning oxirgi bosqichida o'qiyotganlar qatnashishi mumkin.

Oʻqish uchun deyarli barcha sohalar mavjud.

Kurs, uning haqi toʻgʻrisida batafsil maʼlumot va roʻyxatdan oʻtish uchun murojaat: @abdulaziz_murtozaev

@grantlar_namuna

Oktabrda qabul tugaydigan dasturlar

Eʼtiboringizga 2023-yil oktabr oyida qabul tugaydigan dasturlar roʻyxatini taqdim etamiz.

👉 AQSHda bakalavriat uchun toʻliq grant, bepul turar joy va 12 000 dollar mablagʻ! (dedlayn: 1-noyabr)

👉 Kanadada doktoranturani oʻqish uchun yillik 50 ming dollar grant; joy – 166 ta! (dedlayn: 1-noyabr)

👉 UNIL Master's grants: Shveytsariyada magistraturani oʻqish uchun 1820 dollar oylik stipendiya! (dedlayn: 1-noyabr)

👉 AQSHda huquq boʻyicha magistratura PhD bosqichida o'qish uchun grantlar (dedlayn: 1-noyabr)

👉 Atlas Shrugged Essay Contest: Bosh mukofoti 10 000 dollar bo’lgan insholar tanlovi; sovrinli oʻrinlar 84 ta! (dedlayn: 6-noyabr)

👉 Chevening: Britaniya universitetlarida magistraturani oʻqish uchun toʻliq grant! (dedlayn: 7-noyabr)

👉 Wake Forest University: AQShda bepul o’qish, bepul yotoqxona va o'ziq-ovqat! (dedlayn: 15-noyabr)

👉 AAUW International Fellowships: AQSHda magistratura, doktoranturada o’qish va  postdoktorlik tadqiqoti uchun 50 000 dollargacha grant (dedlayn: 15-noyabr)

👉 Weinstein JAMS International Fellowship: AQSHda 4 oygacha amaliyot oʻtash uchun 20 ming dollar stipendiya! (dedlayn: 17-noyabr)

👉 Kanada: Dunyoning 18-raqamli universitetida bakalavriatni oʻqish uchun toʻliq grant; joy – 37 ta! (dedlayn: 30-noyabr)

👉 ServiceScape Scholarship: atigi 300 soʻzli insho yozib, 1000 AQSH dollari yutib oling! (dedlayn: 30-noyabr)

👉 ServiceScape Short Story Award hikoyalar tanlovi; mukofot – 1000 AQSH dollari (dedlayn: 30-noyabr)

👉 Helmut Veith Stipend: Ayol-qizlarning magistraturani Vena texnologiya universitetida oʻqishi uchun toʻliq grant va stipendiya! (dedlayn: 30-noyabr)

👉 “Bo’lajak olim” startap loyihalar tanlovi: loyihalar 990 million so’mgacha moliyalashtiriladi (dedlayn: 30-noyabr)

👉 “Boʻlajak olim” ilmiy gʻoyalar tanlovi – munosib gʻoyalar uchun 1 mlrd 320 mln soʻmgacha mablagʻ ajratiladi! (dedlayn: 30-noyabr)

Oktabr oyida qabul tugaydigan dasturlar roʻyxatini BU YERDA topasiz.

😎 Hujjat topshirish muhlatini oʻtkazib yubormang!

@grantlar

SAT imtihoniga tayyorgarlik uchun bepul va foydali manbalar

SAT — xalqaro universitetlarning bakalavr bosqichida o'qimoqchi bo'lganlar uchun talab etiladigan imtihon bo'lib, ushbu imtihonning natijasidan kelib chiqqan holda, talabalarga qisman yoki to'liq stipendiya (grant)lar ajratilishi mumkin.

E'tiboringizga SAT imtihoniga tayyorlanishda foydali bo'lgan manbalarni ulashmoqchimiz:

1. College Board: SAT imtihoni haqida eng kerakli ma'lumotlarni beruvchi sayt bo'lib, imtihon uchun bepul savollar namunalari, darsliklar va amaliy testlarni taklif etadi.

2. Khan Academy: gumanitar fanlardan tortib tabiiy fanlargacha bo'lgan deyarli har qanday mavzuni tushunish bosqichlari aks etgan video kutubxonasi mavjud bo'lib, hozirgi kunda eng yaxshi bepul SAT uchun tayyorgarlik manbalaridan biridir.

3. The Princeton Review: SAT imtihonlarini oflayn va onlayn tarzda bepul taqdim etadi. Testdan so'ng siz o'z ballingizni yaxshilash bo'yicha shaxsiy tavsiya olishingiz ham mumkin.

4. Kaplan: ushbu saytning bepul SAT Turbo Testini ko'rishni tavsiya qilamiz. Sayt orqali bepul manbalardan foydalanishingiz hamda har bir javob uchun batafsil tushuntirishlar olishingiz mumkin.

5. TestPrepPractice.net: o'quvchilarga ishonchli resurslaridan foydalanish yordam beradi. Saytda eng yaxshi 9 ta SAT Prep (tayyorgarlik) kitoblari, 18 ta yuklab olinadigan SAT hujjatlari mavjud.

6. Magoosh: Internetda topish mumkin bo'lgan bepul SAT tayyorgarlik resurslarining eng xilma-xil namunalarini taklif etadi. Qolaversa, imtihonga doir bepul fleshkartalar mavjud bo'lib, telefon yoki komyuter orqali foydalanish mumkin.

👉SAT imtihoni haqida o'zbek tilida batafsil esa BU YERDA ma'lumot olishingiz mumkin.

Siz SAT imtihoniga tayyorlanishda qanday manbalardan foydalanasiz? Fikrlaringizni izohlarda qoldirishingiz mumkin👇

@grantlar_namuna

Bugundan Green Card o'ynash boshlandi!

Bu yil Green Card (Grin karta) o'ynash 2023-yil 4-oktyabrdan O'zbekiston vaqti bilan 21:00 da boshlanadi. Grin karta oʻynashning oxirgi sanasi – 2023-yil 7-noyabr, 21:00.

👉 GRIN KARTAGA RO'YXATDAN O'TISH

Dasturda ishtirok etish bo'yicha yo'riqnomalar bilan BU YERDA tanishib chiqishingiz mumkin.

@grantlar_namuna

AQSH universitetlariga (bakalavriat) hujjat topshirishda sifatli yordam xizmati

@Grantlar_namuna loyihasi AQSH universitetlarining bakalavriat bosqichiga hujjat topshirmoqchi boʻlganlar uchun yordam xizmatlarini yoʻlga qoʻydi.

Xizmatlar oʻzi AQSHda toʻliq grant asosida oʻqiyotgan va hujjatlarni tayyorlash hamda topshirishda 3 yillik tajribaga ega mutaxassislar tomonidan koʻrsatiladi.

Koʻrsatiladigan xizmatlar:
– AQSH universitetlari roʻyxati, universitet tanlashda yordam
– Common App akkauntini ochish va toʻldirish
– Barcha hujjatlarni (toʻliq ariza, CV, tavsiyanoma, insholar va h.k.) tayyorlashda yordam
– Nomzod xohishiga qarab, faqat 1 ta yoki bir nechta hujjatni tayyorlashda yordam
– Hujjatlar tayyor boʻlgach, Common App orqali hujjatlarni topshirish – toʻliq va qisman grantlar uchun ham ariza berish (bir vaqtning oʻzida 10 lab universitetlarga hujjat topshirish mumkin)
– Qabul qilingandan keyin nimalar qilish kerak, qanday qilish kerakligi boʻyicha yoʻl-yoʻriq
– Viza hujjatlarini tayyorlash va topshirishda yordam

Muhim jihatlar

1. Xizmatlar ishonchli. @Grantlar_namuna jamoasi bir necha yillardan beri yoshlarga turli universitet va grantlarga topshirishda koʻmak berib keladi.

Kanalda #Natija heshtegi bilan qidiruv bersangiz, jamoamiz yordamida turli grantlarni qoʻlga kiritgan talabalarni topishingiz mumkin (faqat ayrimlari keltirilgan). Bu orqali yillar davomida shunday xizmat koʻrsatib kelganimiz va bizga ishonish mumkinligiga ishonch hosil qilishingiz mumkin.

2. Xizmatlar sifatli. Xizmatlar oʻzlari toʻliq grant yutgan va kamida 3 yillik tajribaga ega mutaxassislar tomonidan koʻrsatiladi. #Natija heshtegi yordamida qidirsangiz, yordam olganlarning aksariyati dunyoning eng nufuzli grantlarini qoʻlga kiritganiga guvoh boʻlasiz.

3. Hamyonbop narxlar. Xizmatlar narxi konsalting agentliklari xizmati narxidan 4-5 barobar arzon.

Foydalanish turlari

Xizmatlardan turlicha foydalanish mumkin. Jumladan:
– Birdan 10-15 ta universitetga topshirish yoki faqat bir nechta/bitta universitetga topshirish;
– Xohishga qarab, toʻliq hujjatlar, bir nechta hujjatni yoki bitta hujjatni tayyorlashda yordam olish;
– Faqat grantga yoki vizaga hujjat topshirishda yordam olish mumkin.

Murojaat

Xizmatdan foydalanish, xizmat turlari, narxlari va boshqalar haqida batafsil maʼlumot olish uchun murojaat qiling: @studyusa_support

O'zbekistondagi AQSh elchixonasi tomonidan Grin karta o'ynamoqchi bo'lganlar uchun 10 ta maslahat.

#1 maslahat – dvprogram.state.gov sayti orqali, dastur talablariga javob berish shartlari bilan tanishib chiqing. Dastur talablariga javob bermasangiz, dasturda ishtirok ETMANG.

#2 maslahat – Faqatgina AQSh hukumatining rasmiy veb-saytlarida keltirilgan ma’lumotlarga tayaning. DV2025-yilgi dastur bo’yicha ma’lumotni taqdim etuvchi yagona rasmiy manba – «.gov» bilan yakunlangan veb-saytlar hisoblanadi.

#3 maslahat – dvprogram.state.gov sayti orqali arizangizni topshiring. Bu dasturda ishtirok etishning YAGONA yo’lidir. Soxta veb-saytlar yoki firibgarlarga aldanib qolmang.

#4 maslahat – Dasturda ishtirok etish uchun ariza topshirish BEPUL. Arizangizni bepul to’ldirib berishni taklif etadigan yoki to’lov orqali dasturda imkoniyatingizni oshirib berishni va’da qiladigan shaxslardan ehtiyot bo’ling.

#5 maslahat – Oxirgi olti oy ichida olingan fotosuratdan foydalaning. Ariza topshirish vaqtida eski fotosuratdan foydalanish, dasturdan chetlashtirilishga sabab bo’ladi.

#6 maslahat– Bir ishtirokchi faqatgina BIR marta ariza topshirishi mumkin. Bir dastur mavsumi davomida, bir martadan ko’p ariza topshirgan shaxslar dasturdan chetlashtiriladi.

#7 maslahat– Siz bilan birga sayohat yoki immigratsiya qilmaydigan taqdirda ham, arizangizga turmush o’rtog’ingiz va 21 yoshdan kichik va turmush qurmagan BARCHA farzandlaringizni kiritishingiz kerakligini yodda tuting. Dasturda ishtirok etish uchun tanlangan holatingizda ham, arizangizga xato yoki to’liq bo’lmagan ma’lumot kiritgan bo’lsangiz, dasturdan chetlashtirilishingizni inobatga oling.

#8 maslahat– Maxsus tasdiqlov raqamingizni (confirmation number) saqlab qo’ying. 2024-yilning May oyida dastur bo’yicha tanlov natijangizni tekshirish uchun sizga ushbu raqam kerak bo’ladi.

#9 maslahat – Dastur bo’yicha tanlov 2024-yilning May oyida bo’lib o’tadi. Dasturda ishtirok etish uchun tanlab olinganingiz haqida ma’lumotga ega bo’lishning YAGONA yo’li dvprogram.state.gov/ESC sayti orqalidir. Biron-bir xat yoki email orqali kelgan e’lonlarga aldanib qolmang, bu turdagi xatlar firibgarlik usuli ekanligini yodda tuting.

#10 maslahat – Dasturda tanlab olinganlik, viza uchun suhbatda ishtirok etish yoki viza olish kafolatini bermasligini yodda tuting.

@grantlar_namuna

Duolingo English Test: u nimasi bilan afzal?

Avvalgi postimizda Duolingo English Test qabul qilinadigan ayrim TOP universitetlar haqida ma'lumot bergan edik.

Navbatdagi postimizda esa Duolingo o'zi qanday imtihon ekani, qanday baholanishi, boshqa xalqaro sertifikatlardan farqi haqida va uning afzalliklari haqida maʼlumot beramiz.

Duolingo English Test (DET) — ingliz tilini bilish darajasini onlayn aniqlab beruvchi xalqaro imtihonlardan biri. IELTS va TOEFL imtihonlari kabi Duolingo ham nomzodning o'qish, yozish, tinglash va tushunish til ko'nikmalarini baholaydi.

Qiziq tomoni shundaki, test moslashuvchan bo'lib, har bir to'g'ri javobdan keyingi savolning qiyinlik darajasi ortadi, notoʻg'ri bo'lsa, aksincha, keyingi savol osonlashadi.

DET imtihonining boshqa xalqaro testlarga nisbatan bir qancha afzalliklari mavjud:

1. Qulay. Bu imtihon onlayn o'tkazilgani bois, uni dunyoning istalgan nuqtasidan turib istalgan vaqtda topshirish mumkin. Buning uchun sizga internetga ulangan kompyuter va tinch, yorug' xona bo'lsa kifoya.

2. Tez. Imtihon shakli komyuterga asoslangani bois, test topshirganingizdan so'ng 2 kun (48 soat) ichida o'z natijangizni bilishingiz hamda sertifikatni ta'lim muassasalariga bepul jo'natishingiz yoki sertifikat nusxasini PDF shaklda o'zingizga yuklab olishingiz mumkin.

3. Arzon. Test topshirish to'lovi atigi 59 AQSH dollarini tashkil qiladi. Boshqa xalqaro imtihonlar, jumladan, IELTS va TOEFL to'lovlari siz topshirmoqchi bo'lgan hududga qarab 200 AQSH dollar atrofida bo'lishi mumkin.

4. Bepul amaliy testlar. Duolingo rasmiy sahifasida nomzodlar uchun bepul test savollari mavjud. Ulardan foydalanish uchun BU YERDAN ro'yxatdan o'tish yetarli.

5. Universitet tomonidan qabul qilinishi. Hozirgi kunda dunyo boylab 4000 dan ortiq muassasalar Duolingo English Test sertifikatini qabul qilmoqda:
– Duolingo qabul qiluvchi TOP universitetlar bilan BU YERDA tanishing.
– Duolingo qabul qiluvchi barcha universitetlar bilan BU YERDA tanishing.

Duolingo English Test davomiyligi 1 soat (55 daqiqa) bo'lib, 45 daqiqa davomida sizning o'qish, yozish, tinglash va gapirish ko'nikmalaringiz tekshiriladi. Bundan tashqari, 10 daqiqa davom etuvchi video suhbat ham mavjud.

Baholanishi. Bu test nomzodning til bilish darajasini umumiy 10-160 ballik tizimda baholab beradi.

Aksariyat universitetlar talab qiluvchi minimum talab umumiy 120 ballni tashkil qiladi. Qiyoslash uchun Duolingo bo'yicha olingan 120 ball IELTS 6,5 ballga, TOEFL iBT 87-92 ballga teng. Duolingo testi ballarini IELTS va TOEFL iBT ballari bilan solishtirilgan jadvali bilan BU YERDA tanishing.

Duolingo English Testini topshirish uchun avval rasmiy sahifadan ro'yxatdan o'tishingiz va registratsiya jarayonini yakunlash uchun test to'lovini (2023-yil aprel holatida $59) amalga oshirishingiz kerak. Ro'yxatdan o'tish yakunlangandan so'ng 21 kun ichida test topshirishingiz mumkin.

Duolingo English Test haqida eng ko'p berilgan savollar va ularning javobi bilan BU YERDA tanishing.

@grantlar_namuna

CV/Rezyumeda hobbi va qiziqishlarning ahamiyati haqida

Biror xorijiy dastur yoki ish/amaliyotga topshirishda CV/Rezyume ham soʻraladi. CV nomzod haqida umumiy tasavvurga ega boʻlish, tarixi va yutuqlari (agar boʻlsa) tanishish uchun kerak.

Bugun CV/Rezyumega hobbi va qiziqishlarni qoʻshishning ahamiyati haqida maʼlumot beramiz.

CVʼga hobbi va qiziqishlarni qoʻshish quyidagi afzalliklarga ega boʻlishi mumkin:

1. Dastur/lavozim uchun aloqador koʻnikmalaringizni namoyish qiladi. Aytaylik, biror amaliyot dasturiga topshiryapsiz. Amaliyot shartlaridan biri – jamoada ishlay olish.

Hali yosh boʻlganingiz uchun ish tajribasiga ega emassiz. Volontyorlik yoki boshqa amaliyot dasturlarida ham qatnashmagansiz (yoki qatnashgan boʻlsangiz ham, jamoa bilan ishlamagansiz).

Aynan shu vaziyatda hobbi va qiziqishlarni yozish sizda jamoa bilan ishlash koʻnikmasi borligini koʻrsata oladi. Masalan, hobbi sifatida basketbol yoki qoʻl toʻpi bilan shugʻullanishingizni yozsangiz, sizda jamoa bilan ishlash tajribasi borligi namoyish etiladi yuqoridagi sport turlari jamoaviy sport turi boʻlgani uchun).

Xuddi shuningdek, boshqa hobbi va qiziqishlar ham sizdagi xislatlarni ochib beradi. Shaxmat – sabrli va mulohaza bilan ish qilishingizni; stol tennisi – tezkorlik bilan qaror qabul qila olishingizni; sayohat qilish – mustaqil harakatlana olishingizni bildiradi va h.k.

2. Ommadan ajralib turishingizga yordam beradi. Agar noyob/kam uchraydigan hobbi yoki qiziqishingiz boʻlsa, uni CVʼga kiritsangiz, uni oʻqigan odamning sizni eslab qolish ehtimoli oshadi.

Masalan, yoga bilan shugʻullansangiz va buni hobbi sifatida CVʼga kiritsangiz, uni oʻqigan odam sizni biror yoga pozasida tasavvur qilishi va shu orqali boshqalardan koʻproq eslab qolishi mumkin.

3. CV/Rezyumengizni individualroq (aynan sizga xos) qiladi. Hammaning qiziqishlari va hobbilari turlicha boʻladi odatda. Oʻzingizning qiziqish va hobbilarni yozish sizning shaxsingizni koʻproq, yaxshiroq ochib berishi mumkin.

4. Agar saralashda suhbat bosqichi boʻlsa, suhbatda gaplashish uchun qoʻshimcha qiziqarli mavzu boʻlishi mumkin. Aytaylik, Yaponiya eʼlon qilgan biror dasturga topshirdingiz. CVʼda hobbi sifatida kalligrafiya (yapon kanjilarini yozish) yoki bonsai (idishda daraxt va butalarning kichraytirilgan shaklini oʻstirish) mashgʻulotini hobbi sifatida yozdingiz.

Oʻzi yapon boʻlgan suhbat oluvchi uchun bu qiziqarli boʻlishi va siz bilan boʻladigan suhbat ancha jonli hamda esda qolarli boʻlishi mumkin.

Albatta, dastur talab qiladigan koʻnikmalarni amaliy tajriba (amaliyot, ijtimoiy ishlar, ish tajribasi va h.k.) orqali oʻzlashtirgan boʻlsangiz va ularni CVʼda koʻrsatsangiz, hobbi va qiziqishlarga urgʻu berish u qadar shart boʻlmaydi.

MUHIM QOIDA: Hobbi va qiziqishlaringiz topshirayotgan dasturingizga bevosita aloqador koʻnikmalar bilan bogʻliq boʻlsagina kiriting.

Shuningdek, aslida shugʻullanmaydigan mashgʻulotingizni hobbi/qiziqish sifatida yozmang.

Aloqador boʻlmagan yoki oʻzingiz chindan shugʻullanmaydigan hobbi/qiziqishlarni kiritish sizga umuman foyda bermasligi, hatto ayrim hollarda zararingizga ishlashi mumkin.

Masalan, mening hobbiyim bonsai deb yozsangiz-u, aslida u bilan shugʻullanmasangiz va suhbatda bonsai haqida soʻrashganida normal javob qila olmasangiz, bu sizning zararingizga ishlashi mumkin.

Umid qilamizki, postimiz siz uchun foydali boʻldi.

P.S. CV nima ekani haqida BU YERDA batafsil oʻqishingiz mumkin.

@grantlar_namuna

Buyuk Britaniyaning Toshkentdagi elchixonasi tomonidan talabalar uchun amaliyot

Buyuk Britaniyaning Toshkentdagi elchixonasi O'zbekiston talabalariga Biznes va savdo departamentida amaliyot qilish imkoniyatini e'lon qildi. Amaliyot 3 oy davom etadi.

Talablar:
— Ingliz (IELTS 6.5+), rus, o‘zbek tillarida og‘zaki va yozma muloqot ko‘nikmasi.
— IT bo'yicha yetarlicha ko'nikmaga ega bo'lish.
— Shaxslararo muloqot va networking qila olish.
— Moslashuvchanlik hamda tashkilotchilik qobiliyatlari va boshqalar.

Ariza topshirish:
Nomzodlar 2023-yil 20-oktyabr soat 17:00 ga qadar o'zlarining CV va motivatsion xatlarini (max.500 so'z) [email protected] manziliga yuborishi kerak.

👉 Amaliyot haqida batafsil ma'lumot BU YERDA

Xalqaro tashkilotda amaliyot o'tash imkoniyatini qo'ldan boy bermang!

@grantlar_namuna

US Education Fair 2023: AQSHda ta'lim olish bo'yicha bepul tadbir

EducationUSA tomonidan AQSHda ta'lim olish bo'yicha bepul yarmarka tashkil etilmoqda.

O'tkazilish sanasi: 2023- yil 19- oktabr, 16:00 dan 19:00 gacha

O'tkazilish joyi: InterContinental Hotel Tashkent

Tadbirda ishtirok etib, quyidagi ma'lumotlarga ega bo'lsihingiz mumkin:
— AQSHning TOP reytingdagi universitetlari.
— Universitet grantlari va stipendiyalari
— Ta'lim bo'yicha maslahatlar

ESLATMA: Tadbirda iIshtirok etish bepul, lekin qatnashish uchun ro'yxatdan o'tish shart.

👉 ROYXATDAN O"TISH 👈

Tadbir haqida batafsil BU YERDA ma'lumot olishingiz mumkin.

@grantlar_namuna

ECAMPUZ: O'zbekiston talabalari uchun Ispaniyada 2 haftalik oromgoh

"ECAMPUZ - European World Talent Camp for Uzbekistan Scientists in Food Science and Technology - ERASMUS-EDU-2022-CBHE" oromgohining navbatdagi mavsumida arizalar qabul qilish boshlandi. Ushbu oromgoh Oziq-ovqat va texnologiyalarga oid mavzuda bo'lib o'tadi.

Ushbu oromgohda quyidagi oliygohning bakalavr, magistr va PhD talabalari qatnashishi mumkin:
— Toshkent kimyo-texnologiya instituti,
— Oʻzbekiston Milliy universiteti.
— Buxoro muhandislik-texnologiya instituti.
— Andijon davlat universiteti,
— Urganch davlat universiteti

Oromgoh davomiyligi: 2 hafta, 2024-yil may-iyun oylarida
Oromgoh manzili: Ekstremadura universiteti, Kaseres, Ispaniya

Ariza qabul qilish so'nggi sanasi: 2023-yil 31-dekabr

👉 Ariza topshirish havolasi 👈

ESLATMA: nomzodlar ingliz tilini B2-C1 darajada bilishlari kerak.

@grantlar_namuna

NSP dasturiga topshirayotganlar uchun ovozli suhbat

Ko'pchilik talabiga binoan, NSP dasturiga ariza topshirayotganlar uchun maxsus ovozli suhbat tashkil etilmoqda.

Suhbat davomida quyidagilar haqida gaplashamiz:
— Dasturga ariza topshirish bosqichlari, qiyinchiliklar va ularga yechim
— Universitet tanlashda e'tibor berish kerak bo'lgan tomonlar.
— Hujjat tayyorlayotganda e'tibor berish kerak bo'lgan jihatlar.
— Nomzodning dasturga qabul qilinmasligiga sabab bo'luvchi omillar.

Suhbat vaqti: 2023-yil 21-oktyabr, 21:00

Suhbat o'tkaziladigan joy: @nsp_applicants ommaviy Telegram guruhi

👉 NSP dasturi haqida batafsil ma'lumot 👈

👉 NSP dasturiga oid qo'shimcha manbalar👈

Suhbat davomida ishtirokchilar o'zlarining qiziqtirgan savollariga javob olishlari mumkin.

@grantlar_namuna

#tavsiya

"Maqsadingizga erishish uchun kerakli natijaning xayoliy obrazini yarating. Maqsadingizga erishganingizda o'zingizni qanday his qilishingizni tasavvur qiling. Bu kuchli motivatsiya manbai bo'lib xizmat qiladi".

Dilfuza Ismoilova — NSP dasturi g'olibi, ko'plab xalqaro konferensiyalar ishtirokchisi, O'zbekiston Respublikasi Navoiy nomidagi stipendiyasi nomzodi

@grantlar_namuna

NSP dasturiga transkript yoki diplom yuklash majburiymi?

Hozirda NSP dasturiga tariza topshirish davom etmoqda. Nomzodlar orasida ko'pchilikni qiziqtirgan savollardan biri transkript yuklash haqida bo'ldi.

Dasturga kerakli hujjjatlar ichida "Certificate of Highest Achieved degree" so'ralgan, ya'ni nomzod qaysi darajani oxirgi marta yakunlagan bo'lsa, o'shani yuklashi kerak.

Bunda kategoriya bo'yicha nomzodlar ushbu hujjatni quyidagicha yuklashlari mumkin:

— Bakalavr talabalari: aynan shu joyga hech narsa yuklashi majburiy emas, chunki hali ular biror darajani yakunlashgani yo'q. Lekin transkript yuklashlari mumkin bo'lib, bu ixtiyoriy va dasturni yutish-yutmaslikda hech qanday ahamiyat kasb etmaydi.

— Magistr talabalari: oxirgi tugallagan bakalavrlik diplomini yuklaydi. Bunda 2-kurs magistr talabalari ham bakalavr diplomi va ilovasini yuklashi kifoya, hozirgi olayatgan baholari transkripti shart emas.

— PhD talabalari: eng so'nggi yakunlagan magistrlik diplomi hamda ilovasini yuklaydi.

— Professorlar, tadqiqotchilar: eng yuqori erishgan darajasini tasdiqlovchi hujjatni yuklaydi.

Dasturga ariza topshirish so'nggi sanasi: 2023-yil 31-oktyabr

ESLATMA: NSP dasturi bo'yicha hujjat tekshirish xizmati tashkil qilingan bo'lib, hujjatlar ushbu dasturni 3 marta yutgan Ozodaxon O'ktamova tomonidan tekshirib beriladi.

👉 Xizmatdan foydalanish uchun @GN_Work hisobiga murojaat qiling.

@grantlar_namuna