#Natija 24

Turkiya burslari granti g'olibi Umidjon Nuraliyev bilan tanishing!

O'tgan yilgi mentorlik kursimizga qatnashgan Umidjon Nuraliev Turkiya burslari grantini yutib olgan va Turkiyaning Adana shahrida joylashgan Çukurova Üniversitesiga bakalavriat darajasi Biologiya yoʻnalishida o'qishga qabul qilingan.

Bu bilan Umidjon butun bakalavriat davomida bepul ta'lim olish, oylik stipendiya, bepul turar joy va sug'urta, Turkiyaga borish va kelish chiptasi, bir yillik bepul turk tili kursida o'qish imkoniyatiga ega bo'lgan.

Umidjonning kelgusidagi faoliyatida davomida muvaffaqiyat tilaymiz!

☝️ Turkiya burslari granti bo'yicha bu yilgi mentorlik kursimizga qabul davom etmoqda. Siz ham mentorlik kursiga qatnashing va Umidjon ega bo'lgan imtiyozlar asosida Turkiyada o'qish imkoniyatini qo'lga kiriting.

👉 Mentorlik kursi haqida

👉 Turkiya burslari granti haqida

@grantlar_namuna

#Natija 25

Turkiya burslari granti g'olibi Abdurahmon bilan tanishing!

O'tgan yilgi mentorlik kursimizga qatnashgan Abdurahmon Turkiya burslari grantini yutib olgan va Turkiya poytaxti Anqara shahrida joylashgan Anqara universitetining magistratura bosqichida (lingvistika yo'nalishi) o'qishga qabul qilingan.

Bu bilan Abdurahmon butun magistratura davomida bepul ta'lim olish, oylik stipendiya, bepul turar joy va sug'urta, Turkiyaga borish va kelish chiptasi, bir yillik bepul turk tili kursida o'qish imkoniyatiga ega bo'lgan.

Abdurahmonning kelgusidagi faoliyatida davomida muvaffaqiyat tilaymiz!

☝️ Turkiya burslari granti bo'yicha bu yilgi mentorlik kursimizga qabul davom etmoqda. Siz ham mentorlik kursiga qatnashing va Abdurahmon ega bo'lgan imtiyozlar asosida Turkiyada o'qish imkoniyatini qo'lga kiriting.

👉 Mentorlik kursi haqida

👉 Turkiya burslari granti haqida

@grantlar_namuna

Turkiya burslari boʻyicha mentorlik kursi uchun yangi guruga qabul!

Koʻplab nomzodlarning talablariga binoan, @Grantlar_namuna loyihasi Turkiya burslari boʻyicha toʻliq tartibli professional mentorlik kursi uchun yangi guruh ochilayotganini eʼlon qiladi.

Kurs kim uchun?

Bakalavriat, magistratura yoki doktoranturani Turkiyada ingliz yoki turk tilida toʻliq grant asosida oʻqimoqchi boʻlganlar uchun.

Kursning asosiy jihatlari:
1. Grantni yutish imkoniyatingizni oshiradi.
2. Hujjatlarni (motivatsiya xati va h.k.) tayyorlashda bevosita maslahat va yordam koʻrsatiladi.
3. Ariza va hujjatlarni xatolarsiz, 100% toʻgʻri va muvaffaqiyatli topshirishingizni taʼminlaydi.
4. Suhbatga alohida tayyorgarlik.
6. Ariza topshirishdan boshlab, to qabul qilinishgacha boʻlgan jarayonda istalgan payt istalgan savolingizni berishingiz va javob olishingiz mumkin boʻladi.

Ma'lumot uchun: Turkiya burslari dasturi Turkiyada deyarli bacha sohalarda (jumladan, tibbiyot, stomatologiya va farmasevtika sohasida ham) toʻliq grant asosida oʻqish imkonini beradi.

Kursni kim olib boradi?

Kurs Turkiya burslari granti gʻolibi Abdulaziz Murtozayev tomonidan olib boriladi.

Abdulaziz grantlar boʻyicha boy tajribaga ega. Uning ayrim yutuqlari:
– “Türkiye burslari & IsDB joint scholarship” toʻliq grantini yutgan (2021).
– “Erasmus Mundus in Smart cities and communities MSc program” toʻliq grantini yutgan (2021).
– Amerika kengashlarining “Young Professional Internships Program” haq toʻlanadigan amaliyot dasturini yutgan (2020).
– “The Nippon Foundation JACAFA scholarship” stipendiyasini yutgan (2019).
– Toshkentdagi Amerika markazining onlayn loyihalar uchun grantini qoʻlga kiritgan (2022-yil).

Mentor avval ham bunday kurslar qilganmi?

Ha, Abdulaziz Murtazoyev bir necha yillardan beri har xil grantlar yuzasidan mentorlik qilib keladi. Bunday kurslarga qatnashganlargan bir qanchasi turli toʻliq grantlarni, jumladan, Turkiya burslari grantini ham qoʻlga kiritgan.

👉 Oʻtgan yili mentorlik kursiga qatnashib, shu grantni yutgan talaba – bakalavr

👉 Oʻtgan yili mentorlik kursiga qatnashib, shu grantni yutgan talaba – magistr

Kurs mashgʻulotlari Zoom konferensiyalar va/yoki telegram guruh va shaxsiy yozishmalardagi savol-javoblar orqali oʻtiladi.

Dasturga qatnashish uchun 2023-yil 31-yanvar, soat 23:59 gacha roʻyxatdan oʻtish lozim.

Hozirda oxirgi sinf yoki bosqichda oʻqiyotgan oʻquvchilar va talabalar ham topshira oladi.

Kurs, kurs narxi haqida batafsil maʼlumot olish va roʻyxatdan oʻtish uchun murojaat: @gn_work

@grantlar_namuna

Oʻqishini xorijga grant asosida koʻchirmoqchi boʻlganlar, qayerdasizlar? :)

Nima gap oʻzi?

Yaponiyadagi 1-raqamli, dunyoda nufuzi boʻyicha 23-oʻrinda turuvchi Tokio universiteti xorijlik bakalavriat talabalariga oʻqishni ushbu universitetga grant asosida koʻchirish imkonini taklif etmoqda (Global Science Course dasturi).

Dastur toʻliq ingliz tilida; hujjat topshirish va oʻqish uchun yapon tilini bilish shart emas.

Grant nimalarni oʻz ichiga oladi?

Grant imkoniyatlari:
– Oyiga 1300 dollar stipendiya
– Bepul turar joy
– Bepul yapon tili kurslari
– Yordam uchun masʼul shaxs biriktiriladi

Kimlar topshirishi mumkin?

Hozirda oliy ta'lim muassasasida 2, 3 va 4-kursda o'qiyotgan talabalar ariza topshira oladi. Qabul qilinganlar Tokio universitetida oʻqishni 3-kursdan davom ettiradi.

Bundan tashqari, nomzod kimyo fanidan, shuningdek, matematika, fizika va biologiya fanlarining kamida 2 tasi bo’yicha universitetning bakalavr kurslarida boshlang’ich ta’limni olgan bo’lishi kerak.

IELTS 6.5 talab qilinadi.

Qaysi soha boʻyicha oʻqiladi?

Qabul qilingan talabalar kimyo sohasi boʻyicha oʻqiydi va tadqiqot olib boradi. Lekin oʻqishni koʻchirmoqchi boʻlganlar hozirda aynan kimyo sohasi boʻyicha bakalavriatda oʻqiyotgan boʻlishi shart emas (talablarga mos boʻlsa, sohasi boshqa boʻlsa ham topshirish mumkin).

Qabul qachongacha?

Arizalar 2023-yil, 23-mart, soat 13:00 gacha qabul qilinadi.

Batafsil maʼlumot bormi?

Bor. Batafsil maʼlumotni BU YERDAN topasiz.

Boshqa universitet va davlatlarga ham oʻqishni grant asosida koʻchirsa boʻladimi?

Koʻp hollarda, ha, boʻladi. Bu haqida BU YERDA batafsil bilib oling.

@grantlar_namuna

Turkiya burslari grantining stipendiya miqdorlari oshirildi!

Ushbu grantning stipendiya miqdorlari quyidagicha ochiriladi:
– Bakalavriat uchun oyiga 1700 lira (avval 1000 lira edi)
– Magistratura uchun oyiga 2400 lira (avval 1800 lira edi)
– PhD uchun oyiga 3000 ming lira (avval 1800 lira edi)

Eslatma: Turkiya burslari granti Turkiya universitetlarida bakalavriat, magistratura va PhD bosqichini toʻliq grant asosida oʻqish imkonini beradi. Bu grant uchun bu yilgi qabul 2023-yil 20-fevralgacha davom etadi.

👉 Turkiya burslari granti haqida batafsil

👉 Turkiya burslari grantni boʻyicha mentorlik kursi

@grantlar

#Natija 26

"Path to the US High Schools" dasturi finalistlaridan biri, AQShning TOP maktablaridan biriga qabul qilindi va grant yutdi.

"Path to the US High Schools" dasturi finalistlaridan biri Sardorbek Sarvarov AQSHning Nyu-York shahrida joylashgan Leman Manhattan Preparoty School maktabiga qabul qilinib, 15 ming dollar miqdorida grantga ham ega bo'ldi.

Sardorbek ushbu maktabning 11-sinfiga qabul qilindi. Leman Manhattan Preparoty School eng yaxshi maktab-internatlar reytingida AQSH bo'yicha 84-o'rinda, Nyu-York bo'yicha 5-o'rinda turadi.

Jamoamiz Sardorbekning kelajakdagi faoliyatida muvaffaqiyat tilaydi.

@grantlar_namuna

Maktab, kollej va litsey oʻquvchilari uchun grant dasturlari

Obunachilarimiz koʻpincha “maktab, kollej va litsey oʻquvchilari uchun ham dasturlar bormi”, deb soʻraydi.

Ha, koʻp.

Bugun hozirda arizalar qabul qilinayotgan shunday dasturlar haqida maʼlumot beramiz.

👉 Worldwide Youth Multimedia Competition tanlovida ishtirok etib, AQSHdagi lagerda qatnashish imkoniyatini qo'lga kiriting!

👉 12-25 yosh boʻlganlar uchun onlayn olimpiada: mukofot jamgʻarmasi 15 000 dollar; gʻoliblar Dubayga bepul safar qiladi!

👉 13-18 yoshli oʻquvchilar uchun AQSHda yozgi matematika oromgohi; toʻliq moliyaviy yordam mavjud!

👉 8-16 yoshlilar uchun ekologik loyihalar tanlovi; gʻoliblar pul mukofoti va sertifikat bilan taqdirlanadi!

👉 YHSA(Asia): maktab va kollej/litsey oʻquvchilari uchun tanlov; bosh mukofot – 5 ming AQSH dollari!

👉 Anthem Essay Contest: Maktab, kollej va litsey oʻquvchilari uchun insholar tanlovi; sovrinli oʻrinlar – 84 ta!

👉 The Fountainhead Essay Contest: insho yozib, 5000 dollargacha mukofot yutib oling; sovrinli oʻrinlar 84 ta!

👉 JASNA Essay Contest: Maktab, kollej/litsey oʻquvchilari va barcha bosqich talabalari uchun insholar tanlovi!

👉 Ocean Awareness Contest: 11-18 yoshli maktab, litsey va kollej oʻquvchilari uchun ijodiy ishlar tanlovi!

👉 Toshkentdagi Amerika markazidan insholar tanlovi!

👉 “EO Global Wildlife & Natural World Photography Competition” fototanlovida qatnashib, 1000 dollargacha mukofot yutib oling!

👉 Hajviy she'rlar uchun Wergle Flomp Humor Poetry Contest tanlovi: mukofot – 2000 AQSh dollari!

👉 Tom Howard/Margaret Reid Poetry Contest she'rlar tanlovi: mukofot – 3000 AQSh dollarigacha!

✊ Imkoniyatlarni boy bermang!

@grantlar

Goi Peace Foundation: 25 yoshgacha boʻlganlar uchun insholar tanlovi; sovrinli oʻrinlar 60 dan ortiq!

Ushbu xalqaro insholar tanloviga 2 kategoriya boʻyicha qatnashish mumkin:
– 14 yoshgacha boʻlganlar;
– 15-25 yoshlilar.

Bu yilgi tanlov mavzusi: Youth Creating a Peaceful Future (Tinch kelajakni yaratuvchi yoshlar).

Insholar ingliz, fransuz yoki yapon tilida yozilishi mumkin.

Mukofotlar: Jami 60 dan ortiq sovrinli oʻrinlar bor. Sovrindorlar diplom, sovgʻalar va pul mukofoti (740 dollargacha) bilan taqdirlanadi.

Insholar 2023-yil 15-iyun, 23:59 gacha qabul qilinadi

Batafsil👇
https://grantlar.uz/goi-peace-foundation-25-yoshgacha-bolganlar-uchun-insholar-tanlovi/

@grantlar

DAAD dasturi suhbat bosqichidan muvaffaqiyatli o’tish uchun namunaviy savollar va maslahatlar

Shu kunlarda Germaniyada magistraturani grant asosida o’qish imkoniyatini taqdim etuvchi DAAD dasturiga ariza topshirib, keyingi bosqichga o’tganlar bilan intervyu (suhbat) bosqichi bo’lib o’tmoqda.

Nomzodlarga yordam bo’lishi uchun avvalgi yillarda intervyuda berilgan savollardan namunalar taqdim etmoqchimiz.

1. O’zingiz haqingizda gapirib bering. Bir qarashda oson tuyilgan ushbu savolga aksariyat nomzodlar javob berishda qiynaladi. O’zingiz va hozirgi faoliyatingiz haqida qisqa va aniq gapirib bering.

2. Nega bu sohani tanlagansiz? Bakalavrda qaysi yo’nalishda o’qiganingiz va magistratura uchun nega shu yo’nalishni tanlaganingiz sababini aniq izohlang.

3. Nega boshqa davlatda emas, Germaniyada o’qimoqchisiz? Tanlagan sohangiz va Germaniya o’rtasidagi aloqadorlikni tekshirib chiqing. Aniq faktlar bilan gapirish suhbat oluvchilarda yaxshi taassurot qoldiradi.

4. Nega shu universitetni tanladingiz? Odatda 3-5 tagacha universitet tanlash imkoniyati berilishidan xabaringiz bor. Suhbatda asosan ro’yxatda birinchi bergan universitetingiz haqida so’ralishi mumkin. Lekin qolganlariga ham tayyor turing.

5. Tanlagan universitetingiz qayerda joylashgan? Aynan qaysi hududda ekanligi va joylashgan hudud nomlarini oldindan bilib oling.

6. Nechta til bilasiz? Nemis tilini bilasizmi? Nemis tilini bilish, albatta, ustunlik beradi. Lekin talabga ko’ra, dasturda ingliz tilini o’zi bilan ham ishtirok etish mumkin. Nemis tilini nega o’rganmagansiz degan savolga ham aniq javob topib qo’ying.

7. Nega DAAD dasturida ishtirok etmoqchisiz? Dastur sizga nima bera oladi, nimalar kutasiz, dastursiz rejalaringiz amalga oshirish qanchalik qiyin, batafsil ayting.

8. Dastur davomida nimalar qilmoqchisiz? O’qimoqchi bo’lgan fanlaringiz, ilmiy faoliyatingiz va o’qishdan tashqari nimalar qilishingiz haqida gapiring.

9. Kelajakdagi rejalaringiz qanday? Dastur yakunlangandan so’ng nima qilmoqchisiz, kelajakdagi kasbiy faoliyatingiz va rejalaringiz haqida ayting.

Keyingi savollar tanlagan sohangizga doir bo’ladi. Yo’nalishingizga bo’yicha tajribali professorlar sizdan turli umumiy va ma’lum sohaga doir savollar so’rashi mumkin.

Bundan tashqari, ko’p savollar CV, motivatsion xatingiz va ariza topshirishda yuklagan boshqa hujjatlaringizdan kelib chiqib so’raladi.

Savollarga javob berishda aniq, qisqa va faktlar orqali ishonch bilan gapiring. Hamma aytadigan umumiy gaplardan qoching. Fikrlaringiz ariza topshirgandagi hujjatlaringizda aytilgan gaplardan keskin farq qilmasligi kerak. Yolg’on gapirmang, ochiq bo’ling.

Yodingizda bo’lsin, siz shu holatingizda grant yutish uchun munosib deb topilganingiz uchun intervyu bosqichiga qabul qilingansiz. Aniq reja va maqsadlaringizni amalga oshira olishingizga ishontirolsangiz, dasturga qabul qilinish ehtimoligingiz oshadi.

ENG MUHIMI suhbat bosqichidan muvaffaqiyatli o’tgandan so’ng biz bilan bog’lanishni yodingizdan chiqarmang. Omad tilaymiz :)

@grantlar_namuna

Tavsiyanoma yozish haqida kerakli ma'lumotlar

Har bir xalqaro grant dasturga yoki universitetga ariza topshirayotganda so'raladigan hujjatlardan biri tavsiyanoma — recommendation letter hisoblanadi. Odatda nomzoddan kamida bitta, ko'p hollarda 2 yoki 3 ta tavsiyanoma topshirish talab etiladi.

Tavsiyanoma kim tomonidan yoziladi?
Tavsiyanomalar nomzodni yaxshi biluvchi, kamida 6 oydan beri taniydigan, uning ilmiy va akademik yutuqlaridan xabardor shaxs tomonidan yoziladi. Grant dasturlari uchun tavsiyanomalar nomzodning ilmiy rahbari, fan o'qituvchisi yoki universitetdagi boshqa ilmiy xodim tomonidan yozilgani maqsadga muvofiq. Ilmiy darajasi yuqori professorlardan tavsiyanoma olish tavsiya etiladi. Ayrim hollarda, magistratura va undan keyingi dasturlar uchun ish joyidan tavsiya xati olinishi so’ralishi mumkin. Bu haqida dastur talabida alohida aytib o’tiladi.

Shuningdek, vaziyatga qarab, tavsiyanoma ish beruvchi tomonidan ham berilishi mumkin.

Tavsiyanomalar odatda quyidagi ma'lumotlarni o'z ichiga oladi (ayrim hollarda bundan biroz farq qilishi mumkin):
1. Tavsiya beruvchi shaxs kimligi va uning tavsiya qilinuvchi nomzod bilan aloqadorligi;
2. Nomzodning ilmiy va akademik yutuqlari;
3. Nomzodning darsdan tashqari faoliyati, ijtimoiy faolligi;
4. Nomzodning shaxsiy xislatlari, fe'l-atvori, harakatchanligi va qat'iyatliligi.
5. Boshqa muhim yoki grant beruvchi tashkilot tomonidan soʻralgan jihatlar.

Nomzodning ushbu dastur uchun munosibligi batafsil ta'kidlanishi, qolaversa, har bir jihat haqida gapriliyatoganda misollar bilan aniq ma'lumotlar berilishi lozim.

Xat so'nggida tavsiyanoma yozuvchining kontakt ma'lumotlari berilgan holda, nomzod haqida qo'shimcha savollar bo'lsa, bemalol murojaat qilishlari mumkinligi aytib o'tiladi.

ESLATMA: Tavsiyanoma yozayotganda shaxsiy yondashuv yaqqol aks etishi, aniq, haqiqatga to'g'ri keluvchi ma'lumotlar beriliishi lozim. Shu bilan birga, tavsiyanoma yozib bo'lingandan so'ng uni qayta o'qib, imloviy va grammatik xatolardan holi ekanligiga ishonch hosil qiling.

P.S. Kanalimizda turli grantlarni yutgan nomzodlarga berilgan tavsiyanomalar joylangan. “Tavsiyanoma” deb izlab, ularni topib, namuna sifatida tanishib chiqishingiz mumkin.

@grantlar_namuna

Toshkentdagi Amerika Markazi tomonidan 5 kunlik “TоT” (Traning of Traines) dasturi Qarshi shahrida!

Amerika Markazi tomonidan tashkil qilinuvchi WomanUP klubi trenerlar uchun maxsus tayyorgarlik mashg’uloti o'tkazish maqsadida Qarshi shahriga tashrif buyurmoqda. 5 kunlik qizg'in mashg'ulotlar davomida ishtirokchilar ayollarning muammolari, dunyoqarashi, nizoli holatlarni hal qilish hamda muhokamalar o'tkazishga qaratilgan uslublarni o’rganishlari mumkin.

Dastur talablari:
— Ariza topshirayotgan vaqtda 18-25 yosh bo’lishi.
— Hozirda Qarshi shahrida istiqomat qilishi.
— Ingliz tilini yetarlicha bilishi.
— 14-18-mart kunlari oflayn (yuzma-yuz) treningda ishtirok eta olishi lozim.

Ariza topshirish uchun: https://forms.gle/KPemEHfXvpZnQube8

Qabul muddati: 2023-yil 6-mart, soat 23:59 gacha.

Loyiha WomenUp trenerlarini kashf qilish uchun tashkil etimoqda. Savollarga aniq fakt va detallar bilan yetakchilik qobiliyatingizni namoyon qilgan holda batafsil javob berishga harakat qiling.

Dasturga nomzodlar saralanayotganda til bilish darajasi hisobga olinadi, chunki klub mashg'ulotlari asosan ingliz tilida o'tkaziladi. Eng yaxshi asoslab berilgan va keng qamrovli javob egalari tanlab olinadi.

Dastur o'tkazilish joyi: Qarshi shahridagi “Amerika Burchagi”.

Dastur bilan bog'liq qo'shimcha murojaatlar uchun: [email protected]

@grantlar_namuna

Oʻqish bepul universitetlar haqidagi maʼlumotlar yangilanadi

Balki xabaringiz bordi, kanalimizga bir qancha oʻqish bepul universitetlar haqida maʼlumotlar joylaganmiz.

Lekin ularning ayrimlari 1 yil, ayrimlari 2 yil avval joylangan. Shu sababli, bu maʼlumotlarni yangilash talab etiladi.

Hatto ayrim oʻqish bepul universitetlar 2023-yil kuzidan boshlab muayyan toifaga kiruvchi xorijlik talabalardan kontrakt summasini undirish masalasini ham koʻrib chiqmoqda.

Shundan kelib chiqib, oʻqish bepul universitetlar haqidagi maʼlumotlarni yangilab, qaytadan kanalga joylab boramiz.

Eslatma: Oʻqish bepul universitetlarda oʻqish yetib boʻlmas darajadagi orzu emas. Bunday universitetlarda koʻplab oʻzbek talabalar oʻqigan va oʻqimoqda. Ularning ayrimlari bilan qilingan suhbatlarni BU YERDAN topasiz.

@grantlar_namuna

​​#bepul_oliygohlar

Dunyoda oʻqish bepul boʻlgan bir qancha oliygohlar bor. Bugun shulardan biri – AQSHda joylashgan va musiqa sohasiga ixtisoslashgan Curtis Institute of Music haqida maʼlumot beramiz.

Xarajatlar

– Mazkur oliygohga qabul qilingan barcha talabalar – bakalavrlar ham, magistrlar ham va boshqa kurs talabalari ham kontrakt (tuition fee) toʻlamaydi.

– Lekin barcha talabalar oliygohdagi kitoblar va boshqa oʻquv materiallari uchun 1750 AQSH dollari miqdoridagi toʻlovni (Comprehensive Fee) amalga oshirishi kerak.

– Shuningdek, talaba yashash, sugʻurta xarajatlari kabi boshqa xarajatlarni oʻzi qoplashi kerak.

Talablar

Bakalavriat, magistratura, diplom kurslari va boshqa dasturlarda nomzod uchun qoʻyilgan alohida talablar mavjud.

Bakalavriat uchun xorijlik talabalar quyidagi koʻrsatkichlarga ega boʻlishi kerak:
– Kamida TOEFL sertifikat: 550 (yozma imtihon) yoki TOEFL iBT: 79-80 yoxud IELTS 6.5;
– Shuningdek, SAT sertifikatiga ega boʻlish tavsiya etiladi (majburiy emas)

Magistratura uchun:
– Musiqa sohasidagi bakalavrlik diplomi yoki unga teng daraja;
– TOEFL iBT: 79-80.

Curtis Institute of Music IELTS sertifikatini qabul qilmaydi. Faqat TOEFL qabul qilinadi.

Qolgan talablar bilan BU YERDA tanishing.

Qabul jarayoni

Qabul jarayoni va topshirilishi kerak boʻlgan hujjatlar bilan BU YERDA tanishing.

Yoʻnalishlar

Oliygohda Pianino, Organ, Torli musiqa asboblari, Gitara, Musiqa yozish kabi koʻplab yoʻnalishlar mavjud. Barcha yoʻnalishlar bilan BU YERDA tanishing.

Ariza toʻlovi

Mazkur oliygohga ariza topshirish pulli. 2023-yil mart oyi holatiga koʻra, nomzodlar ariza topshirish uchun 150 dollar toʻlov qilishi kerak.

Shuningdek, keyingi bosqichga oʻtganlarni saralash uchun ham turli badallar undiriladi. Ular bilan toʻliq tanishish uchun BU YERGA kirib, “Application Fees” boʻlimini bosing.

Qabul qachon?

Arizalar qabuli har yili kuz faslining boshida boshlanib, dekabr oyi oʻrtalarida yakunlanadi. Qabul boshlanganda oliygoh saytida bu haqida eʼlon qilinadi.

Savolim bor edi, sizlardan soʻrasam boʻladimi?

Afsuski, bu borada alohida savollarga javob bera olmaymiz. Universitet saytida barcha maʼlumotlar berilgan. Savollaringiz boʻlsa, saytga kirib, mustaqil javob topishingiz mumkin.

@grantlar_namuna

Germaniyada talaba sifatida ishlash, ish vaqti, oylik maosh va xarajatlar haqida

Germaniya — o'qish uchun eng yaxshi mamlakatlardan biri. Oliy ta'lim deyarli bepul bo'libgina qolmasdan, talabalarga o'qish bilan birga ishlashga ham ruxsat etilgan. Ushbu postimizda Germaniyada talaba sifatida ishlash bo'yicha ko'p beriladigan savollarga javob beramiz.

1. Germaniyada o'qish bilan birga ishlash imkoniyati mavjudmi?
— Ha, mumkin, ammo ish soatlarida cheklovlar mavjud. Bakalavr va magistr talabalari haftasiga (part-time) 20 soat ishlay oladi. Ta'til vaqtlari esa haftasiga 40 soatgacha ishlashlari mumkin. Lekin taʼtil vaqtida toʻliq 40 soat ishlagan taqdirda ham, bir yildagi umumiy toʻliq ish kuni 120 kundan (part-time ish kuni 240 kundan) oshib ketmasligi kerak.

2. Germaniyada talaba sifatida ishlab qancha pul topish mumkin?
— Germaniyada eng kam ish haqi 2023-yilgi statistikaga ko'ra, soatiga 9.60 yevro atrofida. Xalqaro talabalar ishlab topishi mumkin bo'lgan pul miqdori ularning malakasi, tajribasi va bajaradigan ish turiga, qolaversa, ishlaydigan hududiga qarab soatiga 9-20 yevrogacha bo'lishi mumkin. Oyiga esa 450 yevrodan 1300 yevrogacha pul topishlari mumkin bo'lsa-da, bu miqdor 850 yevrodan oshib ketmasligi tavsiya etiladi. Chunki talaba yiliga 10.908 yevrodan ortiq pul ishlasa, davlatga daromad solig'i to'lashi kerak.

3. Talabalar uchun qanday ish o'rinlari mavjud?
— Germaniyada deyarli barcha talabalar uchun ish o'rinlari topiladi. Ba'zi hollarda talabalar oddiy ishchilardan ham yaxshiroq pul topishlari mumkin. Bu talabalaning til bilish darajasi va ishlash layoqatiga bog'liq. Oddiy talaba sifatida esa boshlanishiga o'z yo'nalishiga aloqador sohada amaliyotchi bo'lib ishlashi yoki umuman, oftisiant, barmen, oshxonalarda yordamchi; xonadon yoki bog' (tomorqa) ishlarida yordamchi; yuk tashuvchi sifatida ham ishlab maosh olishi mumkin.

4. Germaniyada qanday ish topsa bo'ladi?
— Har qanday davlatda ish topishning eng oson va ishonchli usuli bu networking (tanish-bilish) orqali ish topish hisoblanadi. Bunda o'zingiz birga yashaydigan yoki o'qiydigan kursdoshingiz va do'stlaringizdan so'rab, ular bilan birga ishlashingiz mumkin. Bundan tashqari, onlayn ish topish imkoniyati ham mavjud, bunda sizga stellenwerk.de, appjobs yoki Young Capital saytlari orqali ham o'zingizga mos bo'lgan ish o'rinlarini topishingiz mumkin bo'ladi.

5. Germaniyada talaba qancha miqdorda sarf-xarajat qiladi?
— Sarf xarajatlar, odatda, talabalaning ehtiyojlariga bog'liq. O'qish kontrakti bepul bo'lgan taqdirda, turar joy uchun oyiga taxminan 300 yevrodan ko'proq sarflashlari mumkin. Yashash xarajatlari Yevropaning boshqa davlatlariga qaraganda arzonroq, ya'ni talaba uchun 900 yevro o'rtacha xarajatlarni qoplash uchun yetarli bo'lishi mumkin.

@grantlar_namuna

#foydali

Toshkentdagi rasmiy EducationUSA markazi AQSHda oʻqish uchun muvaffaqiyatli ariza topshirish boʻyicha bepul maslahat xizmatini taklif qiladi.

Bu xizmatdan onlayn yoki oflayn formatda foydalanish mumkin.

Xizmatdan foydalanish uchun oldindan roʻyxatdan oʻtish lozim.

Yodda tuting:
– onlayn maslahat uchun kamida 2 kun oldin;
– oflayn maslahat uchun kamida 1 hafta oldin roʻyxatdan oʻtilishi kerak.

Kimlar foydalanishi mumkin?

Bu xizmatdan maktabning yuqori sinf oʻquvchilari, kollej/litsey oʻquvchilari, universitet talabalari, ota-onalar, taʼlim muassasasi rasmiylari va boshqalar foydalanishi mumkin.

Aynan nimalar boʻyicha maslahat olish mumkin?

Bakalavriat, magistratura, PhD, ingliz tili dasturlari va boshqa taʼlim dasturlariga muvaffaqiyatli ariza topshirish boʻyicha maslahat olishingiz mumkin.

Maslahat olish uchun arizani BU YERDA toʻldirishingiz kerak.

Roʻyxatdan oʻtilganidan keyin sizga maslahat xizmati uchrashuvi haqidagi maʼlumotlar berilgan tasdiq emaili yuboriladi.

@grantlar_namuna

​​#bepul_oliygohlar

Bugun Germaniyada joylashgan oʻqish bepul boʻlgan oliygohlardan biri – Technical University of Munich (TUM) haqida maʼlumot beramiz.

TUM nafaqat Germaniyadagi, balki butun dunyodagi eng nufuzli universitetlardan biri hisoblanadi. Jumladan, TUM QS reytingi boʻyicha 2023-yil mart oyi holatiga koʻra dunyoning eng yaxshi oliygohlari roʻyxatida 50-oʻrinni band etib turibdi.

Universitetda bakalavr, magistratura yoki doktorantura bosqichida nemis yoki ingliz tilida tahsil olish mumkin.

Xarajatlar

– Universitetdagi barcha bosqich talabalari uchun aksariyat yoʻnalishlarda oʻqish – bepul, yaʼni kontrakt summasi (tuition fee) toʻlanmaydi.

– Faqat Executive Master's Programs (Rahbar kadrlar uchun magistratura dasturlari)ning 3 tasi uchun kontrakt summasi undiriladi (yiliga 39 ming yevro).

– Qolgan dasturlar uchun kontrakt summasi undirilmasa-da, qaysi kampusda joylashganida qarab har semestr 62 yevrodan 152 yevro 30 sentgacha semestr toʻlovi toʻlanadi (keyingi yillarda bir oz oʻzgarishi mumkin). Yaʼni dunyoning eng nufuzli universitetlaridan biri boʻlgan TUMda siz bir yilga atigi 124-304,6 yevro toʻlab oʻqishingiz mumkin.

– Shuningdek, TUMning Singapurda joylashgan TUM Asia filialida oʻqitiladigan baʼzi dasturlar uchun ham kontrakt toʻlanadi.

Yoʻnalishlar

Bakalavr bosqichi uchun jami 48 ta yoʻnalish bor. Shulardan 6 tasi ingliz tilida oʻqitiladi. Bular:
– Aerospace
– Chemical Engineering
– Electronics and Data Engineering
– Management and Technology (TUM-BWL)
– Management and Technology
– Sustainable Management and Technology

Barcha bakalavriat yoʻnalishlari bilan BU YERDA tanishing.

Magistraturada jami 103 ta yoʻnalish mavjud. Shulardan 65 tasi ingliz tilida oʻqitiladi.
👉 Ingliz tilidagi yoʻnalishlar

Doktorantura bosqichida tadqiqot olib borishni xohlovchilar uchun 4 xil doktorantura dasturlari taklif etiladi va ularning barchasida oʻqish mutlaqo bepul. Ular bilan BU YERDA tanishing.

Doktoranturada ingliz tilida ham, nemis tilida ham oʻqish mumkin.

Talablar

Talablar nihoyatda uzun boʻlgani uchun faqat til talablariga toʻxtalib, qolgan talablarga havola beramiz:
– Ingliz tilidagi bakalavr kurslari uchun ham, magistratura kurslari uchun ham kamida IELTS 6.5 yoki unga teng boʻlgan boshqa xalqaro sertifikat talab etiladi. BATAFSIL

– Nemis tilidagi bakalavr kurslari uchun ham, magistratura kurslari uchun ham kamida Goethe Certificate B2 yoki TestDaF (barcha boʻlimlarda 4-daraja boʻlishi kerak) yoki ularga teng boʻlgan sertifikat talab etiladi. BATAFSIL

– Doktorantura uchun aniq til talablari belgilanmagan. Lekin doktorant tadqiqoti davomida ilmiy rahbari bilan ravon suhbatlasha oladigan darajada yo nemis, yo ingliz tilini bilishi kerak.

Qabul jarayoni

– Bakalavriatga arizalar har yili oʻqishni qishki semestrda boshlash uchun 15-maydan 15-iyulgacha va yozgi semestr uchun noyabr yoki dekabr oyidan 15-yanvargacha qabul qilinadi. Qabul tartibi va jarayoni bilan BU YERDA tanishing.

– Magistratura dasturlari uchun umumiy qabul sanalari mavjud emas. Chunki qabul sanalari yoʻnalishga qarab farq qilishi mumkin. Qabul sanalarini bilish uchun BU YERGA kirib, kerakli yoʻnalishni tanlab, qabul sanasini koʻring. Shunda ham qabul sanasini aniq bila olmasangiz, tanlagan yoʻnalishingiz kafedrasiga qabul qachon boʻlishini soʻrab email yozishingiz mumkin.

– Doktoranturaga qabul yil boʻyi davom etadi. Doktorantura uchun talablar va qabul jarayoni bilan BU YERDA tanishing.

Savolim bor edi, sizlardan soʻrasam boʻladimi?

Afsuski, bu borada alohida savollarga javob bera olmaymiz. Universitet saytida barcha maʼlumotlar berilgan. Savollaringiz boʻlsa, saytga kirib, mustaqil javob topishingiz mumkin.

@grantlar_namuna

Insho tanlovlari toʻplami

Insho tanlovlari – nafaqat qiziqarli, balki moddiy jihatdan manfaatli ham boʻlgan imkoniyatdir.

Baʼzi insho tanlovlari gʻoliblarga faqat sertifikat taqdim etsa, ayrimlari bir necha 10 ming dollardan xorijiy davlatga bepul sayohat qilish imkonini ham beradi.

Bugun hozirda ishlar qabul qilinayotgan insho tanlovlari toʻplamini eʼtiboringizga havola qilamiz.

Demak:

1. Goi Peace Foundation insholar tanlovi. 25 yoshgacha boʻlgan barcha qatnashishi mumkin.

Insholar “Youth Creating a Peaceful Future” mavzusida ingliz, fransuz yoki yapon tilida yozilishi mumkin.

Mukofot: diplom, sovgʻalar va pul mukofoti (740 dollargacha). Sovrinli oʻrinlar 60 ta.

Dedllayn: 15.06.2023

👉BATAFSIL

2. Worldwide Youth Multimedia Competition. 10-24 yoshli barcha qatnashishi mumkin. Tanlovga video, taqdimot yoki rasmlarga ega insholar (ingliz tilida) qabul qilinadi.

Mukofotlar: 9 nafar sovrindor uchun maxsus nishon, sertifikat va AQSHdagi lagerda bepul qatnashish imkoniyati.

Dedllayn: 31.03.2023

👉BATAFSIL

3. Peter Drucker Challenge. Talaba yoki mutaxassis kategoriyasi boʻyicha qatnashish mumkin (ingliz tilida). Sovrinli oʻrinlar 15 ta.

Mukofot: 2000 yevrogacha pul va Avstriyaga bepul sayohat.

Dedlayn: 31.05.2023

👉BATAFSIL

4. Atlas Shrugged Essay Contest. Oxirgi sinf/kurs oʻquvchilari, bakalavriat va undan keyingi bosqichlar talabalari ishtirok etishi mumkin.

Insholar “Atlas Shrugged” asari boʻyicha ingliz tilida yozilishi kerak.

Mukofot: 50 dollardan 10 ming dollargacha pul mukofoti. Sovrinli oʻrinlar 84 ta.

Dedlayn: 06.11.2023

👉BATAFSIL

5. ServiceScape Scholarship 2023. Universitet talabalari qatnashishi mumkin. Insholar ingliz tilida, yozma muloqotning muhimligi va yozuvchilikning ahamiyati haqida boʻlishi va 300 soʻzdan oshmasligi kerak.

Mukofot: 1000 AQSH dollari

Dedlayn: 30.11.2023

👉BATAFSIL

6. The Fountainhead Essay Contest. Maktabning yuqori sinf o'quvchilari, kollej/litsey oʻquvchilari qatnashishi mumkin. 800-1600 soʻzli insholar qabul qilinadi (ingliz tilida).

Mukofot: 50 dollardan 5000 dollargacha pul mukofoti. Sovrinli oʻrinlar 84 ta.

Dedlayn: 27.04.2023

👉BATAFSIL

7. Anthem Essay Contest. Maktabning 8-12-sinf oʻquvchilari va kollej/litsey oʻquvchilari qatnashishi mumkin. Insholar ingliz tilida yozilishi va 600-1200 soʻzdan tashkil topishi kerak.

Mukofot: 25 dollardan 2000 dollargacha pul mukofoti. Sovrinli oʻrinlar 84 ta.

Dedlayn: 27.04.2023

👉BATAFSIL

8. Ocean Awareness Contest. 11-18 yoshli barcha qatnashishi mumkin.

Tanlovda 6 nominatsiya, jumladan ijodiy yozma ish (ingliz tilida) nominatsiyasi bor.

Mukofot: 100 dollardan 1500 dollargacha pul mukofoti

Dedlayn: 13.06.2023

👉BATAFSIL

9. IWSH Essay Scholarship Contest. Insholar ingliz tilida, 800-1600 soʻzdan iborat boʻlishi kerak.

Universitet talabalari va maktab, kollej hamda litseyning oxirgi sinf/kurs oʻquvchilari qatnashishi mumkin.

Mukofot: 2000 dollargacha pul mukofoti

Dedlayn: 28.04.2023

👉BATAFSIL

10. The Geneva Challenge 2023. Tanlovda magistratura talabalari 3-5 kishilik jamoa boʻlib qatnashadi.

Tanlovda ingliz yoki fransuz tilida yolgʻizlik muammolari boʻyicha loyiha (yechim) yoziladi.

Mukofot: 11 000 dollargacha pul va Shveytsariyaga bepul sayohat

Dedlayn: 23.04.2023

👉BATAFSIL

11. Tom Howard/John H. Reid Fiction & Essay Contest. Istalgan yoshdagilar qatnashishi mumkin.

6000 so'zdan oshmagan insho va hikoyalar (ingliz tilida) qabul qilinadi.

Mukofot: 3000 dollar va boshqalar

Dedlayn: 30.04.2023

👉BATAFSIL

12. WTO Essay Award for Young Economists. PhD darajasiga ega nomzodlar qatnashishi mumkin.

Insholar ingliz tilida, savdo siyosati va xalqaro savdo hamkorligi muammolari haqida boʻlishi kerak.

Mukofot: 5400 dollar va Britaniyaga bepul safar

Dedlayn: 02.06.2023

👉BATAFSIL

13. JASNA Essay Contest. Maktab, kollej/litsey oʻquvchilari va barcha bosqich talabalari qatnashishi mumkin.

Insholar Jeyn Ostin ijodiga bagʻishlangan va ingliz tilida boʻlishi kerak.

Mukofot: 9 nafar gʻolib uchun 1000 dollargacha pul va boshqalar

Dedlayn: 01.06.2023

👉BATAFSIL

@grantlar_namuna

AQShda talaba sifatida ishlash, ish vaqti, oylik maosh va xarajatlar haqida

Eslatma: bu postda faqat qonuniy ishlash masalasi yoritilgan

Amerika ko'pchilik uchun orzular mamlakati hisoblanadi. Dunyodagi eng nufuzli universitetlar AQShda joylashgan bo'lib, talabalar uchun ham o'qib, ham ishlash imkoniyati mavjud. Ushbu postimizda AQShda xalqaro talaba sifatida ishlash haqidagi savollarga javob beramiz.

1. AQShda xalqaro talaba qonunan ishlashga ruxsat etilganmi?
Odatda F-1 vizaga ega talabalar birinchi o'quv yilida qonuniy jihatdan kampusdan tashqarida ishlay olmaydi, ammo ma'lum shartlar va qoidalarga asosan kampus ichida ishlashlari mumkin. Birinchi o'quv yilidan keyin ham kampusdan tashqarida uch xil ish bilan shug'ullanishlari mumkin:
— Kurikulyar (o'z sohasiga doir o'quv rejasida mavjud) amaliy trening (batafsil BU YERDA).
— Ixtiyoriy amaliy mashg'ulotlar (batafsil BU YERDA).
— Fan, texnologiya, muhandislik va matematika (STEM) sohasidagi ixtiyoriy amaliy mashg‘ulotlar (batafsil BU YERDA).

ESLATMA: og'ir iqtisodiy qiyinchiliklar yoki ayrim talabalarga yordam berish kabi belgilangan vaziyatlarda F-1 vizaga ega talabalarga kampusdan tashqarida ishlashga ruxsat berilishi mumkin. M-1 vizaga ega talabalar esa o'qishni tugatgandan keyingina amaliy mashg'ulotlar bilan shug'ullanishlari mumkin. F-1 va M-1 vizaga ega talabalari uchun kampusdan tashqari har qanday mashg'ulotlar ularning o'qish sohasi bilan bog'liq bo'lishi shart va talabalar har qanday ish boshlashdan oldin ularga tayinlangan o'quv dargohi rasmiysi (xalqaro talabaga mas'ul shaxs — SEVIS) tomonidan ruxsat berilishi kerak.

2. Xalqaro talabalar AQShda nechi soat ishlashlari mumkin?
F-1 vizaga ega talabalar haftasiga maksimum 20 soatgacha ishlashlari mumkin. Ta'til vaqtida esa haftasiga 40 soatgacha ishlashga ruxsat etilgan.

3. AQShda xalqaro talaba sifatida qancha ishlab topish mumkin?
2023-yil mart oyi holatiga ko'ra, xalqaro talabalar yiliga o'rtacha 25-35 ming AQSh dollari ishlab topishlari mumkin. Bu, albatta, talabalaning tajribasi, bajarayotgan ishi, va joylashuviga bog'liq. Talabalarga soatiga kamida 7 AQSh dollari, o'rtacha holatda esa 15 AQSh dollari beradigan ishlar taklif qilinadi. Shunday qilib, talabalar maksimal haftasiga 950 dolllargacha, oyiga esa 4000 dollargacha ishlab topishlari mumkin (agar haftasiga 40 soatdan ishlasa).

4. AQShda talaba qanday ishlarda ishlashi mumkin?
Talabalar ko'p holatlarda kampusda ishlashga ruxsat etilgan. Kampusdagi turli ishlarda soatiga o'rtacha quyidagicha haq olish mumkin:
- Campus Ambassador: 10,94 dollar
- Barista: $11,59
- Teaching Assistant: $11,85
- Library Assistant: $13,24
- Receptionist: $13,31
- Research study assistant: $15,48
- Department Assistant: $16,44
- Food runner or catering assistant: $16,81
- Sales assistant: $20
- Tutor or peer mentor: $21,31

Kampusdan tashqaridagi ishlar uchun ham, ish turi va talabaning ko'nikmasiga qarab, 7 dollardan 23-24 dollargacha haq to'lanishi mumkin.

5. AQShda xalqaro talabalar qanday ish topishlari mumkin?
Ish topish uchun quyidagi tashkilotlarga murojaat qilish mumkin:
1) Career Services Office. Har bir universitetda mavjud bo'lib, ular odatda talabalarni ish bilan ta'minlash bilan shug'ullanadi.
2) University Departments. Universitet kafedralarida talabalar uchun odatda bir qancha ish vakansiyalari muvjud.
3) Onlayn platformalar. Talabalar kabi onlayn saytlar orqali kerakli vakansiyalarni topishi va ariza topshirishlari mumkin. Masalan, Careerghost.com, Mpowerfinancing.com, Team tailor.com. Ish topishning eng qulay usullaridan biri, har doimgidek, networking (tanish-bilish). Do'stlaringiz va yaqinlaringizdan ish topish imkoniyatlari haqida so'rab ko'rish orqali ham o'zingizga kerakli ishni topishingiz mumkin.

6. AQShda xalqaro talabalar qancha sarf xarajat qiladi?
Sarf xarajatlar talabaning ehtiyojiga qarab oyiga taxminan 1000-1500 AQSh dollarini tashkil qiladi. Taxminiy sarf xarajatlar haqida batafsil BU YERDA ma'lumot olishingiz mumkin.

@grantlar_namuna

​#bepul_oliygohlar

Bugun Germaniyaning Gamburg shahrida joylashgan va oʻqish bepul boʻlgan Gamburg universiteti haqida maʼlumot beramiz. Universitetga 1919-yil asos solingan boʻlib, hozirda mazkur oliygohda 50 mingga yaqin talaba tahsil oladi.

Taʼkidlash joizki, Gamburg universitetining xalqaro reytingi anchagina baland – THE tizimiga koʻra, dunyo oliygohlari orasida 128-oʻrindan joy olgan (2023-yil holati boʻyicha).

Xarajatlar

– Universitetdagi deyarli barcha yo'nalishlarida o'qish uchun taʼlim haqi (Tuition Fee) toʻlanmaydi, yaʼni oʻqish bepul (faqat ayrim yoʻnalishlardagina taʼlim haqi mavjud).

– Biroq talabalar har semestrda 289,9 yevro (2023-yil mart oyi holatiga koʻra) semestr badali (Semester Contribution) toʻlashi kerak.

– Bundan tashqari, talabalar har semestr maʼmuriy xarajatlar uchun 50 yevro miqdorida haq ham toʻlashi kerak.

Oʻqish tili va yoʻnalishlar

Gamburg universitetidagi barcha bakalavriat dasturlari nemis tilida olib boriladi. Shu sababli, ushbu universitetning bakalavrlik bosqichida oʻqimoqchi boʻlganlar nemis tilini bilishi va qabul jarayonida nemis tilini bilish darajasini isbotlovchi sertifikat taqdim qilishi lozim.

Bakalavriat uchun nemis tiliga qoʻyilgan talablar bilan batafsil SHU YERDA tanishing.

Bakalavriatga oid maʼlumotlar:
– hujjat topshirish jarayoni haqida;
– bakalavriat yoʻnalishlari roʻyxati.

Magistratura bosqichida nemis tilida oʻqitiladigan dasturlar ham, ingliz tilida oʻqitiladigan dasturlar ham mavjud. Ayrim dasturlarda oʻqish uchun esa har ikkala tilni bilish talab etiladi.

Ingliz tilida oʻqish mumkin boʻlgan magistrlik kurslarini SHU YERDAN koʻrib olishingiz mumkin.

Nemis tilida oʻqitiladigan magistrlik kurslari uchun kerakli til sertifikatlari va ularga qoʻyilgan talablar bilan SHU YERDA tanishing.

Ingliz tilida oʻqitiladigan magistrlik kurslari uchun ingliz tilini bilish darajasini isbotlovchi hujjat (IELTS, TOEFL) topshirilishi lozim. Til sertifikati ballariga qoʻyilgan talab yoʻnalishga qarab farq qiladi (yoʻnalishga qarab IELTS 6.0 yoki 6.5 yoxud 7.0 talab etilishi mumkin). Til darajasiga qoʻyilgan talabni aniq bilib olish uchun kerakli dasturni tanlab, so'ng dastur talablari bilan tanishib chiqish lozim.

Qabul muddatlari

Hujjatlar qabuli odatda qishki semestrdan oʻqishni boshlash uchun 15-fevraldan 31-martgacha (ingliz tilidagi magistrlik dasturlariga) yoki 1-iyundan 15-iyulgacha; yozgi semestrdan oʻqishni boshlash uchun esa 1-dekabrdan 15-yanvargacha davom etadi.

Xalqaro magistrlik dasturlarida hujjat qabul qilish muddatlari farq qiladi. Qabul muddatlari haqida batafsil SHU YERDA tanishing.

Savolim bor edi, sizlardan soʻrasam boʻladimi?

Afsuski, bu borada alohida savollarga javob bera olmaymiz. Universitet saytida barcha maʼlumotlar berilgan. Savollaringiz boʻlsa, saytga kirib, mustaqil javob topishingiz mumkin.

@grantlar_namuna

JACAFA dasturiga qabul boshlandi: oʻtgan yilgi kabi noaniqliklar mavjud

Bu qanday dastur?
JACAFA – hozirda (2023-yil mart oyi holatiga koʻra) bakalavriatning 2-kursida oʻqiyotgan talabalarni 2 yil davomida oyiga 110 AQSH dollari stipendiya bilan taʼminlovchi dastur.

Noaniqlik nimadan iborat?
Bu dastur bir necha yillardan beri mavjud. Dastlab qabul eʼlon qilinganda nomzodlarga qoʻyilgan talablar juda aniq qilib yozilardi. Masalan, faqat Toshkent shahrida joylashgan OTMlar talabalari ariza berishi mumkin, deb.

Lekin oʻtgan yili bunday aniq talab yozilmadi va shunchaki, tegishli davlatlardagi(Oʻzbekiston ham bor) universitet talabalari ariza topshirishi mumkin, deb yozildi rasmiy eʼlonda. Natijada Toshkent shahridan boshqa hududlarda joylashga OTM talabalari ham ariza topshirdi.

Lekin ularga bu dastur faqat Toshkent shahridagi OTMlarda oʻqiydigan talabalar uchun moʻljallangani haqida xabar berilib, arizalari koʻrib chiqilmadi.

Bu yilgi rasmiy eʼlonda yana shu holga duch kelinmoqda: umumiy qilib, qaysi davlatlarning (Oʻzbekiston ham bor) talabalari ariza topshira olishi keltirilgan. Lekin faqat Toshkent sharidagi OTM talabasi boʻlish kerakmi yoki boshqa hududlarda joylashgan OTM talabalari ham ariza topshira oladimi, aniq maʼlumot berilmagan.

Bu noaniqlikni qanday aniqlashtirsa boʻladi?
Dastur tashkilotchilariga murojaat qilish orqali aniqlashtirish mumkin. Biz bugun tashkilotchilarga bu masala boʻyicha email yozdik. Javob qilishlari bilan (agar javob qilishsa), bu haqida kanalda maʼlumot beramiz.

Dastur boʻyicha manbalar:

👉 JACAFA stipendiyasi haqida batafsil maʼlumot

👉 2021-yilgi gʻolib talabaning shu dasturga topshirgan hujjatlari

👉 2020-yilgi gʻoliba talabaning shu dasturga topshirgan hujjatlari

👉 Shu dasturni yutgan talaba bilan suhbat

@grantlar_namuna