Turkiya burslari grantiga topshirmoqchi boʻlganlar uchun maxsus!

@Grantlar_namuna loyihasi Turkiya burslari boʻyicha toʻliq tartibli professional mentorlik dasturini eʼlon qiladi.

Dastur kim uchun?

Bakalavriat, magistratura yoki doktoranturani Turkiyada ingliz yoki turk tilida toʻliq grant asosida oʻqimoqchi boʻlganlar uchun.

Dasturning asosiy jihatlari:
1. Grantni yutish imkoniyatingizni oshiradi.
2. Hujjatlarni (motivatsiya xati va h.k.) tayyorlashda bevosita maslahat va yordam koʻrsatiladi.
3. Ariza va hujjatlarni xatolarsiz, 100% toʻgʻri va muvaffaqiyatli topshirishingizni taʼminlaydi.
4. Suhbatga alohida tayyorgarlik.
6. Ariza topshirishdan boshlab, to qabul qilinishgacha boʻlgan jarayonda istalgan payt istalgan savolingizni berishingiz va javob olishingiz mumkin boʻladi.

Ma'lumot uchun: Turkiya burslari dasturi Turkiyada deyarli bacha sohalarda (jumladan, tibbiyot, stomatologiya va farmasevtika sohasida ham) toʻliq grant asosida oʻqish imkonini beradi.

Dasturni kim olib boradi?

Dastur Turkiya burslari granti gʻolibi Abdulaziz Murtozayev tomonidan olib boriladi.

Abdulaziz grantlar boʻyicha boy tajribaga ega. Uning ayrim yutuqlari:
– “Türkiye burslari & IsDB joint scholarship” toʻliq grantini yutgan (2021).
– “Erasmus Mundus in Smart cities and communities MSc program” toʻliq grantini yutgan (2021).
– Amerika kengashlarining “Young Professional Internships Program” haq toʻlanadigan amaliyot dasturini yutgan (2020).
– “The Nippon Foundation JACAFA scholarship” stipendiyasini yutgan (2019).
– Toshkentdagi Amerika markazining onlayn loyihalar uchun grantini qoʻlga kiritgan (2022-yil).

Mentor avval ham bunday kurslar qilganmi?

Ha, Abdulaziz Murtazoyev bir necha yillardan beri har xil grantlar yuzasidan mentorlik qilib keladi. Bunday kurslarga qatnashganlargan bir qanchasi turli toʻliq grantlar, jumladan, Turkiya burslari grantini ham qoʻlga kiritgan.

Dastur mashgʻulotlari Zoom konferensiyalar va/yoki telegram guruh va shaxsiy yozishmalardagi savol-javoblar orqali oʻtiladi.

Dasturga qatnashish uchun 2023-yil 31-yanvargacha roʻyxatdan oʻtish lozim.

Hozirda oxirgi sinf yoki bosqichda oʻqiyotgan oʻquvchilar va talabalar ham topshira oladi.

Dastur, kurs narxi haqida batafsil maʼlumot olish va roʻyxatdan oʻtish uchun murojaat: @gn_work

@grantlar_namuna

Oʻzbekistondagi AQSH elchixonasidan bakalavrlar uchun AQSHda 21 kunlik yozgi almashinuv dasturi; barcha xarajatlar qoplanadi!

Dasturda Oʻzbekiston OTMlarida tahsil olayotgan 18-24 yoshli bakalavriat talabalari qatnashishi mumkin. Jami 15 nafar talaba qabul qilinadi.

Mashgʻulotlar 2023-yil 14-iyundan 6-iyulgacha Ball State University (AQSH) oliygohida oʻtkaziladi (ingliz tilida).

Imtiyozlari:
– Dasturga qatnashish bilan bogʻliq barcha xarajatlar (borish-kelish, turar joy, oziq-ovqat va h.k.) qoplanadi
– Dastur oxirida maxsus sertifikat beriladi

Arizalar 2023-yil 31-yanvar 16:00 gacha qabul qilinadi.

Batafsil👇
https://grantlar.uz/united-states-uzbekistan-network-and-international-exchange-for-development/

@grantlar

Turkiya burslari grant dasturiga qabul boshlandi

Bugun, 2023-yil 10-yanvardan Turkiya burslari grant dasturiga qabul boshlandi. Qabul 2023-yil 20-fevralgacha davom etadi.

Bu grant Turkiyaning istalgan universitetida istalgan soha boʻyicha bakalavriat, magistratura yoki PhD bosqichida tahsil olish imkonini beradi.

Taʼlim tili

Nomzodlar ingliz yoki turk tilida oʻqishni tanlashi mumkin. Ingliz tilida oʻqimoqchi boʻlganlar til sertifikati (odatda IELTS 5.5) topshirishi kerak. Turk tilida oʻqimoqchi boʻlganlardan hech qanday sertifikat talab etilmaydi.

Imtiyozlari:
– 1 yillik bepul til kursi
– Oylik stipendiya
– Bepul turar joy
– Kontrakt toʻlovi qoplanadi
– Turkiyaga borish va qaytish xarajati qoplanadi
– Tibbiy sugʻurta xarajati qoplanadi

1 yillik til kursi

Ingliz tilida oʻqishni tanlaganlar ham, turk tilida oʻqishni tanlaganlar ham dastlab 1 yillik turk tili kursida oʻqiydi. Shu kurs oxirida turk tilidan C1 daraja olish lozim. Shundan keyin mos bosqichda (bakalavriat, magistratura yoki PhD) oʻqish boshlanadi.

Faqat turk tilidan C1 darajaga ega ishtirokchilar bu til kursidan ozod qilinadi.

Til kursini muvaffaqiyatli tugatgach, qaysi tilda oʻqishni tanlagan boʻlsangiz, oʻsha tilda oʻqishni davom ettirasiz (masalan, ariza topshirishda ingliz tilida oʻqishga topshirgan boʻlsangiz, bakalavriat, magistratura yoki PhD bosqichini ingliz tilida oʻqiysiz).

Yosh talabi

– Bakalavriatga topshirish uchun 2002-yil 1-yanvar yoki undan keyin tugʻilgan boʻlish kerak.
– Magistraturaga topshirish uchun 1993-yil 1-yanvar yoki undan keyin tugʻilgan boʻlish kerak.
– PhDga topshirish uchun 1998-yil 1-yanvar yoki undan keyin tugʻilgan boʻlish kerak.

Grantga topshirishda yordam beruvchi dasturlar bormi?

Ha, bor. @Grantlar_namuna loyihasi bu grantga topshirmoqchi boʻlganlar uchun maxsus mentorlik kursini tashkil qilgan. Kurs haqida BU YERDA tanishing.

Grant haqida toʻliqroq maʼlumotni qayerdan olsam boʻladi?

Toʻliqroq maʼlumotni BU MAQOLADAN olishingiz mumkin.

@grantlar_namuna

Muvaffaqiyat yoʻllari

Oʻz oldiga maqsad qoʻygan kishilarning muvaffaqiyatga erishish yoʻllari turlicha boʻladi. Bularni aynan xorijda oʻqish yoki ishlashni oʻz oldiga maqsad qilib qoʻygan vatandoshlarimiz misolida koʻrib chiqamiz.

1. Maʼlum vaqtdan boshlab qatʼiyat bilan, umidni soʻndirmasdan, tizimli harakat qilish orqali va koʻp marta urinishlardan soʻng maqsadga erishish.

Bugun Grantlar.uz saytida Germaniyada 6-18 oy amaliyot oʻtash imkonini beruvchi FSJ dasturi orqali Germaniya klinikasida amaliyot oʻtagan hamyurtimiz – Hamidullo Halilov bilan qilingan suhbat eʼlon qilindi.

U aynan shu dasturda ishtirok etish uchun qatʼiyat bilan va tizimli harakat qilgan. Xoʻsh, qanday?

Birinchidan, nemis tilini boshlang'ich darajadan ham yomonroq biladigan Hamidullo oʻqishni bitirib, ishlay boshlagach, erinmasdan ishdan tashqari oʻquv kurslariga borib nemis tilini oʻrgangan va yakunda nemis tili boʻyicha B2 sertifikatini olgan.

Maʼlumki, koʻpchilik ishga kirgach, yangi tilni butunlay noldan boshlab oʻrganishga oʻzida yo kuch, yo iroda, yo qatʼiy xohish topa olmaydi. Albatta, buni oʻzlarida vaqtning yetishmayotgani bilan izohlovchilar nihoyatda koʻp. Lekin tan olish kerak – har qanday vaziyatda ham vaqt ajratsa boʻladi: izlagan imkon topar.

Ikkinchidan, Hamidullo nemis tili sertifikati olgach, FSJ dasturi uchun Germaniya klinikalariga ariza topshira boshlaydi. Uning soʻzlariga koʻra, 2 oy davomida har kuni 20-25 ta klinikaga ariza topshirgan. Koʻplab rad javoblarini olgan boʻlsa ham, to qabul qilingunicha umidini soʻndirmagan, erinchoqlik qilmagan va harakatini susaytirmagan.

Uchinchidan, Germaniyaning oʻzida shifokor boʻlib ishlash istagi tugʻilgach, Oʻzbekistonda olgan diplomini Germaniyada tasdiqlatish uchun topshirgan. Bunda imtihon ham olinadi, imtihondan oʻtsa, diplom tasdiqlanadi va Germaniyada ishlash mumkin. Oʻta olmasa, tasdiqlanmaydi.

Hamidullo amaliyot davomida imtihonga tayyorgarlik koʻrsan va muvaffaqiyatli oʻtgan. Hozirda u Germaniyada shifokor boʻlib ishlamoqda.

2. Yoʻl-yoʻlakay, lekin tizimli harakat qilish orqali va birinchi urinishdanoq muvaffaqiyatga erishish.

Grantlar.uz jamoasi Yaponiyada toʻliq grant asosida magistraturada oʻqish imkonini beruvchi MEXT grantini yutib olgan Eldor Samanov bilan suhbat qilgan.

Eldorning muvaffaqiyat yoʻli Hamidullonikidan farq qiladi.

Birinchidan, Eldor boshidanoq – universitetga kirgach, 1-kursdan boshlab yapon tilini jiddiy oʻrgana boshlagan. Yapon tilini oʻrganishni boshlagan vaqti MEXT grantlari haqida umuman bilmagan. Shuningdek, Yaponiyada oʻqish imkonini beruvchi boshqa grantlardan ham butunlay bexabar boʻlgan.

Lekin yoʻl-yoʻlakay bu dasturlardan xabar topa boshlagach, 2-kurs oxirida Yaponiyada 1 yil oʻqish imkonini beruvchi Nikkensei dasturiga hujjat topshirib, qabul qilingan va 1 yil oʻqib kelgan.

Ikkinchidan, Eldorda magistraturani Yevropada va ingliz tilida oʻqish niyati boʻlgan. Lekin bakalavriat yakuniga yeta boshlagach, turli imkoniyatlar va vaziyatlarni hisobga olib (yoʻl-yoʻlakay), yana Yaponiyada oʻqish uchun (magistratura) MEXT dasturiga topshirgan.

Uchinchidan, Eldor Nikkensei dasturiga ham, magistraturaga kirish imkonini beruvchi MEXT dasturiga ham 1-urinishdayoq qabul qilingan.

3. Grant boʻlmasa, pul bilan boʻlsa ham oʻqib, maqsadga erishish.

Yana bir menga tanish boʻlgan bola (ismini oshkor qilmasligimni soʻradi) koʻp marta turli grantlarga topshirgan, yuta olmagan. Oxiri Britaniya universitetlaridan biriga kontrakt asosida kirib, qarindosh va tanishlaridan qarz olib oʻqishga ketgan. Keyinchalik oʻqish davomida ishladi, orttirdi, qarzlarini uzdi.

Hozirda oʻqishini bitirgan va Britaniyada ishlayapti.

Koʻrib turganingizdek, muvaffaqiyatga erishish jarayonlari turlicha. Kimnidir koʻrib, unga havas qilib, xuddi u kabi urinsangiz-u, oʻxshamasa, umidni soʻndirib, harakatni toʻxtatib qoʻymang. Sizning muvaffaqiyat yoʻlingiz yoki muvaffaqiyatingiz unikidan oʻzgacharoq boʻlishi mumkin.

@grantlar_namuna

Xorijda amaliyot oʻtash, malaka oshirish yoki tadqiqot olib borish imkonin beruvchi dasturlar

Hozirda xorijda amaliyot oʻtash, malaka oshirish yoki tadqiqot olib borish imkonin beruvchi bir qancha dasturlarga arizalar qabul qilinmoqda.

Eʼtiboringizdan chetda qolmasligi uchun ayni vaqtda qabul ochiq boʻlgan shunday dasturlar roʻyxatini keltirib oʻtamiz.

👉 RIPS: Bakalavrlar uchun AQSHning Kaliforniya universitetida 1 oylik amaliyot; barcha xarajatlar qoplanadi!

👉 Oʻzbekistondagi AQSH elchixonasidan bakalavrlar uchun AQSHda 21 kunlik yozgi almashinuv dasturi; barcha xarajatlar qoplanadi!

👉 Vienna BioCenter Summer School: bakalavr va magistrlar uchun Avstriyada toʻliq moliyalashtiriladigan 2 oylik yozgi maktab!

👉 Germaniya: Bakalavr va magistrlar uchun yozgi amaliyot dasturi; oylik stipendiya - 1200 yevro!

👉 CERN Summer Student Programme: Bakalavr va magistrlar uchun Shveytsariyada amaliyot dasturi; barcha xarajatlar qoplanadi!

👉 UTokyo Amgen Scholars Program: Bakalavrlar uchun Yaponiyada 8 haftalik amaliyot; barcha xarajatlar qoplanadi!

👉 SUR Programme: Bakalavrlar uchun Shveytsariyada 8 haftalik haq toʻlanadigan tadqiqot dasturi!

👉 OIST Research Internship: Yaponiyada xarajatlari toʻliq qoplanuvchi amaliyot dasturi!

👉 AScI internship programme: Bakalavr va magistrlar uchun Finlandiyada xarajatlari qoplanadigan amaliyot dasturi!

👉 Saudiya Arabistonida VSRP amaliyot dasturi – barcha xarajatlar qoplanadi; oylik stipendiya – 1000 AQSH dollari; joy – 130 ta!

👉 EPFL Summer Research Program: bakalavriat va magistratura talabalari uchun yozgi tadqiqot dasturi; IELTS talab etilmaydi!

👉 OECD Internship Programme: bakalavr, magistr va doktorantlar uchun xalqaro tashkilotda haq to'lanadigan amaliyot dasturi!

👉 Scientific Internships: Avstriyada haq toʻlanadigan amaliyot!

👉 Germaniya: Kompyuter fanlari boʻyicha barcha sohalarda toʻliq moliyalashtiriladigan amaliyot dasturi!

😎 Hujjat topshirish muhlatini oʻtkazib yubormang!

@grantlar

Turkiya burslari: bu grantga topshiruvchilardan test olinadimi?

Bu savol bilan koʻpchilik murojaat qilmoqda, bugun shu masalaga oydinlik kiritamiz.

Javob: Faqat BAKALAVRIATda oʻqish uchun ariza topshiruvchilardan test olinadi. Magistratura va PhD bosqichiga ariza topshiruvchilardan test olinmaydi.

Bakalavriatga topshiruvchi barchadan test olinadimi?

Qoidaga koʻra, barchadan olinmaydi. Faqat tibbiyot, tabiiy fanlar va muhandislik sohalari boʻyicha oʻqish uchun ariza topshirganlardan, shuningdek, arizalar soni nihoyatda oshib ketgan yoʻnalishlardagi nomzodlardan olinadi. Lekin odatda hamma yoʻnalish uchun arizalar soni koʻp boʻladi va har qanday yoʻnalishga topshirayotgan bakalavriat nomzodlariga bu testni hisobga olish tavsiya etiladi.

Test qachon olinadi?

Ariza topshirish bosqichidan muvaffaqiyatli oʻtgandan soʻng va suhbat bosqichidan oldin olinadi. Aynan qachon olinishi haqida xabar beriladi.

Qayerda olinadi?

Oʻzbekiston fuqarolari uchun testlar odatda Turkiyaning Oʻzbekistondagi elchixonasida olinadi. Biroq test olish joyi oʻzgarishi mumkin, bu haqida sizga xabar qilinadi.

Testlar qaysi tillarda boʻladi?

Testlar odatda rus, ingliz va turk tillarida taqdim etiladi (oʻtgan yili ham xuddi shu tillarda taqdim etilgan). Turk tilini biladiganlar testni turk tilida yechadi, qolganlar rus va ingliz tilidagi variantni yechadi.

Testlar soni nechta va qanday fanlardan olinadi?

Oʻzbekiston fuqarolaridan olinadigan testlar soni 30 ta (biroz oʻzgarishi mumkin). Testlar matematika, geometriya va mantiqqa oid savollardan tashkil topadi. Taʼkidlash joizki, test savollarining qiyinlik darajasi u qadar yuqori emas.

Shu testlarga namuna bormi?

Ha, bor. Namunaviy test savollari va uning javoblari bilan quyida tanishing:

👉 NAMUNAVIY TEST SAVOLLARI

👉 JAVOBLAR

Foydali:

👉 Turkiya burslari granti haqida batafsil

👉 Turkiya burslari granti boʻyicha mentorlik kursi

@grantlar_namuna

Turkiya burslari grantiga qabul jarayonida bakalavriatga nomzodlardan olinadigan testlar namunasi.

☝️ MUHIM: Bular faqat namuna. Testda shunga o'xshash savollar beriladi, lekin aynan shu savollar berilmaydi.

Test faqat bakalavriatga nomzodlardan olinadi.

Manbalar:

👉 Testlarga oid savol-javoblar

👉 Turkiya burslari granti haqida batafsil

👉 Turkiya burslari granti boʻyicha mentorlik kursi

@grantlar_namuna

Turkiya burslari grantiga qabul jarayonida bakalavriatga nomzodlardan namunaviy test savollari javobi.

☝️ MUHIM: Bular faqat namuna. Testda shunga o'xshash savollar beriladi, lekin aynan shu savollar berilmaydi.

Test faqat bakalavriatga nomzodlardan olinadi.

Manbalar:

👉 Testlarga oid savol-javoblar

👉 Turkiya burslari granti haqida batafsil

👉 Turkiya burslari granti boʻyicha mentorlik kursi

@grantlar_namuna

Stipendium Hungaricum grantiga ariza topshirish boʻyicha qoʻllanma

Stipendium Hungaricum granti uchun qabul 2023-yil 23-yanvargacha uzaytirilgani haqida xabar qilgandik.

Bir qancha obunachilar hujjat topshirishda tushunmovchiliklar kelib chiqayotgani yuzasidan bizga murojaat qilmoqda.

Shu sababli, bu grantga ariza topshirish boʻyicha qoʻllanma tayyorladik (yuqoridagi PDF fayl). Yuklab olib, foydalanishingiz mumkin.

Foydali:

👉 Bakalavriat va magistraturada o'qish uchun shu grantni yutgan oʻzbek talabalarining dasturga topshirgan hujjatlari

👉 Shu grantni doktoranturada o'qish uchun yutgan o'zbek talabaning dasturga topshirgan hujjatlari

@grantlar

Turkiya burslari boʻyicha mentorlik kursiga qabul tugashiga 2 kun qoldi!

@Grantlar_namuna loyihasi Turkiya burslari boʻyicha toʻliq tartibli professional mentorlik dasturini eʼlon qiladi.

Dastur kim uchun?

Bakalavriat, magistratura yoki doktoranturani Turkiyada ingliz yoki turk tilida toʻliq grant asosida oʻqimoqchi boʻlganlar uchun.

Dasturning asosiy jihatlari:
1. Grantni yutish imkoniyatingizni oshiradi.
2. Hujjatlarni (motivatsiya xati va h.k.) tayyorlashda bevosita maslahat va yordam koʻrsatiladi.
3. Ariza va hujjatlarni xatolarsiz, 100% toʻgʻri va muvaffaqiyatli topshirishingizni taʼminlaydi.
4. Suhbatga alohida tayyorgarlik.
6. Ariza topshirishdan boshlab, to qabul qilinishgacha boʻlgan jarayonda istalgan payt istalgan savolingizni berishingiz va javob olishingiz mumkin boʻladi.

Ma'lumot uchun: Turkiya burslari dasturi Turkiyada deyarli bacha sohalarda (jumladan, tibbiyot, stomatologiya va farmasevtika sohasida ham) toʻliq grant asosida oʻqish imkonini beradi.

Dasturni kim olib boradi?

Dastur Turkiya burslari granti gʻolibi Abdulaziz Murtozayev tomonidan olib boriladi.

Abdulaziz grantlar boʻyicha boy tajribaga ega. Uning ayrim yutuqlari:
– “Türkiye burslari & IsDB joint scholarship” toʻliq grantini yutgan (2021).
– “Erasmus Mundus in Smart cities and communities MSc program” toʻliq grantini yutgan (2021).
– Amerika kengashlarining “Young Professional Internships Program” haq toʻlanadigan amaliyot dasturini yutgan (2020).
– “The Nippon Foundation JACAFA scholarship” stipendiyasini yutgan (2019).
– Toshkentdagi Amerika markazining onlayn loyihalar uchun grantini qoʻlga kiritgan (2022-yil).

Mentor avval ham bunday kurslar qilganmi?

Ha, Abdulaziz Murtazoyev bir necha yillardan beri har xil grantlar yuzasidan mentorlik qilib keladi. Bunday kurslarga qatnashganlargan bir qanchasi turli toʻliq grantlarni, jumladan, Turkiya burslari grantini ham qoʻlga kiritgan.

Dastur mashgʻulotlari Zoom konferensiyalar va/yoki telegram guruh va shaxsiy yozishmalardagi savol-javoblar orqali oʻtiladi.

Dasturga qatnashish uchun 2023-yil 20-yanvar, soat 23:59 gacha roʻyxatdan oʻtish lozim.

Hozirda oxirgi sinf yoki bosqichda oʻqiyotgan oʻquvchilar va talabalar ham topshira oladi.

Dastur, kurs narxi haqida batafsil maʼlumot olish va roʻyxatdan oʻtish uchun murojaat: @gn_work

@grantlar_namuna

#Natija 24

Turkiya burslari granti g'olibi Umidjon Nuraliyev bilan tanishing!

O'tgan yilgi mentorlik kursimizga qatnashgan Umidjon Nuraliev Turkiya burslari grantini yutib olgan va Turkiyaning Adana shahrida joylashgan Çukurova Üniversitesiga bakalavriat darajasi Biologiya yoʻnalishida o'qishga qabul qilingan.

Bu bilan Umidjon butun bakalavriat davomida bepul ta'lim olish, oylik stipendiya, bepul turar joy va sug'urta, Turkiyaga borish va kelish chiptasi, bir yillik bepul turk tili kursida o'qish imkoniyatiga ega bo'lgan.

Umidjonning kelgusidagi faoliyatida davomida muvaffaqiyat tilaymiz!

☝️ Turkiya burslari granti bo'yicha bu yilgi mentorlik kursimizga qabul davom etmoqda. Siz ham mentorlik kursiga qatnashing va Umidjon ega bo'lgan imtiyozlar asosida Turkiyada o'qish imkoniyatini qo'lga kiriting.

👉 Mentorlik kursi haqida

👉 Turkiya burslari granti haqida

@grantlar_namuna

#Natija 25

Turkiya burslari granti g'olibi Abdurahmon bilan tanishing!

O'tgan yilgi mentorlik kursimizga qatnashgan Abdurahmon Turkiya burslari grantini yutib olgan va Turkiya poytaxti Anqara shahrida joylashgan Anqara universitetining magistratura bosqichida (lingvistika yo'nalishi) o'qishga qabul qilingan.

Bu bilan Abdurahmon butun magistratura davomida bepul ta'lim olish, oylik stipendiya, bepul turar joy va sug'urta, Turkiyaga borish va kelish chiptasi, bir yillik bepul turk tili kursida o'qish imkoniyatiga ega bo'lgan.

Abdurahmonning kelgusidagi faoliyatida davomida muvaffaqiyat tilaymiz!

☝️ Turkiya burslari granti bo'yicha bu yilgi mentorlik kursimizga qabul davom etmoqda. Siz ham mentorlik kursiga qatnashing va Abdurahmon ega bo'lgan imtiyozlar asosida Turkiyada o'qish imkoniyatini qo'lga kiriting.

👉 Mentorlik kursi haqida

👉 Turkiya burslari granti haqida

@grantlar_namuna

Turkiya burslari boʻyicha mentorlik kursi uchun yangi guruga qabul!

Koʻplab nomzodlarning talablariga binoan, @Grantlar_namuna loyihasi Turkiya burslari boʻyicha toʻliq tartibli professional mentorlik kursi uchun yangi guruh ochilayotganini eʼlon qiladi.

Kurs kim uchun?

Bakalavriat, magistratura yoki doktoranturani Turkiyada ingliz yoki turk tilida toʻliq grant asosida oʻqimoqchi boʻlganlar uchun.

Kursning asosiy jihatlari:
1. Grantni yutish imkoniyatingizni oshiradi.
2. Hujjatlarni (motivatsiya xati va h.k.) tayyorlashda bevosita maslahat va yordam koʻrsatiladi.
3. Ariza va hujjatlarni xatolarsiz, 100% toʻgʻri va muvaffaqiyatli topshirishingizni taʼminlaydi.
4. Suhbatga alohida tayyorgarlik.
6. Ariza topshirishdan boshlab, to qabul qilinishgacha boʻlgan jarayonda istalgan payt istalgan savolingizni berishingiz va javob olishingiz mumkin boʻladi.

Ma'lumot uchun: Turkiya burslari dasturi Turkiyada deyarli bacha sohalarda (jumladan, tibbiyot, stomatologiya va farmasevtika sohasida ham) toʻliq grant asosida oʻqish imkonini beradi.

Kursni kim olib boradi?

Kurs Turkiya burslari granti gʻolibi Abdulaziz Murtozayev tomonidan olib boriladi.

Abdulaziz grantlar boʻyicha boy tajribaga ega. Uning ayrim yutuqlari:
– “Türkiye burslari & IsDB joint scholarship” toʻliq grantini yutgan (2021).
– “Erasmus Mundus in Smart cities and communities MSc program” toʻliq grantini yutgan (2021).
– Amerika kengashlarining “Young Professional Internships Program” haq toʻlanadigan amaliyot dasturini yutgan (2020).
– “The Nippon Foundation JACAFA scholarship” stipendiyasini yutgan (2019).
– Toshkentdagi Amerika markazining onlayn loyihalar uchun grantini qoʻlga kiritgan (2022-yil).

Mentor avval ham bunday kurslar qilganmi?

Ha, Abdulaziz Murtazoyev bir necha yillardan beri har xil grantlar yuzasidan mentorlik qilib keladi. Bunday kurslarga qatnashganlargan bir qanchasi turli toʻliq grantlarni, jumladan, Turkiya burslari grantini ham qoʻlga kiritgan.

👉 Oʻtgan yili mentorlik kursiga qatnashib, shu grantni yutgan talaba – bakalavr

👉 Oʻtgan yili mentorlik kursiga qatnashib, shu grantni yutgan talaba – magistr

Kurs mashgʻulotlari Zoom konferensiyalar va/yoki telegram guruh va shaxsiy yozishmalardagi savol-javoblar orqali oʻtiladi.

Dasturga qatnashish uchun 2023-yil 31-yanvar, soat 23:59 gacha roʻyxatdan oʻtish lozim.

Hozirda oxirgi sinf yoki bosqichda oʻqiyotgan oʻquvchilar va talabalar ham topshira oladi.

Kurs, kurs narxi haqida batafsil maʼlumot olish va roʻyxatdan oʻtish uchun murojaat: @gn_work

@grantlar_namuna

Oʻqishini xorijga grant asosida koʻchirmoqchi boʻlganlar, qayerdasizlar? :)

Nima gap oʻzi?

Yaponiyadagi 1-raqamli, dunyoda nufuzi boʻyicha 23-oʻrinda turuvchi Tokio universiteti xorijlik bakalavriat talabalariga oʻqishni ushbu universitetga grant asosida koʻchirish imkonini taklif etmoqda (Global Science Course dasturi).

Dastur toʻliq ingliz tilida; hujjat topshirish va oʻqish uchun yapon tilini bilish shart emas.

Grant nimalarni oʻz ichiga oladi?

Grant imkoniyatlari:
– Oyiga 1300 dollar stipendiya
– Bepul turar joy
– Bepul yapon tili kurslari
– Yordam uchun masʼul shaxs biriktiriladi

Kimlar topshirishi mumkin?

Hozirda oliy ta'lim muassasasida 2, 3 va 4-kursda o'qiyotgan talabalar ariza topshira oladi. Qabul qilinganlar Tokio universitetida oʻqishni 3-kursdan davom ettiradi.

Bundan tashqari, nomzod kimyo fanidan, shuningdek, matematika, fizika va biologiya fanlarining kamida 2 tasi bo’yicha universitetning bakalavr kurslarida boshlang’ich ta’limni olgan bo’lishi kerak.

IELTS 6.5 talab qilinadi.

Qaysi soha boʻyicha oʻqiladi?

Qabul qilingan talabalar kimyo sohasi boʻyicha oʻqiydi va tadqiqot olib boradi. Lekin oʻqishni koʻchirmoqchi boʻlganlar hozirda aynan kimyo sohasi boʻyicha bakalavriatda oʻqiyotgan boʻlishi shart emas (talablarga mos boʻlsa, sohasi boshqa boʻlsa ham topshirish mumkin).

Qabul qachongacha?

Arizalar 2023-yil, 23-mart, soat 13:00 gacha qabul qilinadi.

Batafsil maʼlumot bormi?

Bor. Batafsil maʼlumotni BU YERDAN topasiz.

Boshqa universitet va davlatlarga ham oʻqishni grant asosida koʻchirsa boʻladimi?

Koʻp hollarda, ha, boʻladi. Bu haqida BU YERDA batafsil bilib oling.

@grantlar_namuna

Turkiya burslari grantining stipendiya miqdorlari oshirildi!

Ushbu grantning stipendiya miqdorlari quyidagicha ochiriladi:
– Bakalavriat uchun oyiga 1700 lira (avval 1000 lira edi)
– Magistratura uchun oyiga 2400 lira (avval 1800 lira edi)
– PhD uchun oyiga 3000 ming lira (avval 1800 lira edi)

Eslatma: Turkiya burslari granti Turkiya universitetlarida bakalavriat, magistratura va PhD bosqichini toʻliq grant asosida oʻqish imkonini beradi. Bu grant uchun bu yilgi qabul 2023-yil 20-fevralgacha davom etadi.

👉 Turkiya burslari granti haqida batafsil

👉 Turkiya burslari grantni boʻyicha mentorlik kursi

@grantlar

#Natija 26

"Path to the US High Schools" dasturi finalistlaridan biri, AQShning TOP maktablaridan biriga qabul qilindi va grant yutdi.

"Path to the US High Schools" dasturi finalistlaridan biri Sardorbek Sarvarov AQSHning Nyu-York shahrida joylashgan Leman Manhattan Preparoty School maktabiga qabul qilinib, 15 ming dollar miqdorida grantga ham ega bo'ldi.

Sardorbek ushbu maktabning 11-sinfiga qabul qilindi. Leman Manhattan Preparoty School eng yaxshi maktab-internatlar reytingida AQSH bo'yicha 84-o'rinda, Nyu-York bo'yicha 5-o'rinda turadi.

Jamoamiz Sardorbekning kelajakdagi faoliyatida muvaffaqiyat tilaydi.

@grantlar_namuna

Maktab, kollej va litsey oʻquvchilari uchun grant dasturlari

Obunachilarimiz koʻpincha “maktab, kollej va litsey oʻquvchilari uchun ham dasturlar bormi”, deb soʻraydi.

Ha, koʻp.

Bugun hozirda arizalar qabul qilinayotgan shunday dasturlar haqida maʼlumot beramiz.

👉 Worldwide Youth Multimedia Competition tanlovida ishtirok etib, AQSHdagi lagerda qatnashish imkoniyatini qo'lga kiriting!

👉 12-25 yosh boʻlganlar uchun onlayn olimpiada: mukofot jamgʻarmasi 15 000 dollar; gʻoliblar Dubayga bepul safar qiladi!

👉 13-18 yoshli oʻquvchilar uchun AQSHda yozgi matematika oromgohi; toʻliq moliyaviy yordam mavjud!

👉 8-16 yoshlilar uchun ekologik loyihalar tanlovi; gʻoliblar pul mukofoti va sertifikat bilan taqdirlanadi!

👉 YHSA(Asia): maktab va kollej/litsey oʻquvchilari uchun tanlov; bosh mukofot – 5 ming AQSH dollari!

👉 Anthem Essay Contest: Maktab, kollej va litsey oʻquvchilari uchun insholar tanlovi; sovrinli oʻrinlar – 84 ta!

👉 The Fountainhead Essay Contest: insho yozib, 5000 dollargacha mukofot yutib oling; sovrinli oʻrinlar 84 ta!

👉 JASNA Essay Contest: Maktab, kollej/litsey oʻquvchilari va barcha bosqich talabalari uchun insholar tanlovi!

👉 Ocean Awareness Contest: 11-18 yoshli maktab, litsey va kollej oʻquvchilari uchun ijodiy ishlar tanlovi!

👉 Toshkentdagi Amerika markazidan insholar tanlovi!

👉 “EO Global Wildlife & Natural World Photography Competition” fototanlovida qatnashib, 1000 dollargacha mukofot yutib oling!

👉 Hajviy she'rlar uchun Wergle Flomp Humor Poetry Contest tanlovi: mukofot – 2000 AQSh dollari!

👉 Tom Howard/Margaret Reid Poetry Contest she'rlar tanlovi: mukofot – 3000 AQSh dollarigacha!

✊ Imkoniyatlarni boy bermang!

@grantlar

Goi Peace Foundation: 25 yoshgacha boʻlganlar uchun insholar tanlovi; sovrinli oʻrinlar 60 dan ortiq!

Ushbu xalqaro insholar tanloviga 2 kategoriya boʻyicha qatnashish mumkin:
– 14 yoshgacha boʻlganlar;
– 15-25 yoshlilar.

Bu yilgi tanlov mavzusi: Youth Creating a Peaceful Future (Tinch kelajakni yaratuvchi yoshlar).

Insholar ingliz, fransuz yoki yapon tilida yozilishi mumkin.

Mukofotlar: Jami 60 dan ortiq sovrinli oʻrinlar bor. Sovrindorlar diplom, sovgʻalar va pul mukofoti (740 dollargacha) bilan taqdirlanadi.

Insholar 2023-yil 15-iyun, 23:59 gacha qabul qilinadi

Batafsil👇
https://grantlar.uz/goi-peace-foundation-25-yoshgacha-bolganlar-uchun-insholar-tanlovi/

@grantlar

DAAD dasturi suhbat bosqichidan muvaffaqiyatli o’tish uchun namunaviy savollar va maslahatlar

Shu kunlarda Germaniyada magistraturani grant asosida o’qish imkoniyatini taqdim etuvchi DAAD dasturiga ariza topshirib, keyingi bosqichga o’tganlar bilan intervyu (suhbat) bosqichi bo’lib o’tmoqda.

Nomzodlarga yordam bo’lishi uchun avvalgi yillarda intervyuda berilgan savollardan namunalar taqdim etmoqchimiz.

1. O’zingiz haqingizda gapirib bering. Bir qarashda oson tuyilgan ushbu savolga aksariyat nomzodlar javob berishda qiynaladi. O’zingiz va hozirgi faoliyatingiz haqida qisqa va aniq gapirib bering.

2. Nega bu sohani tanlagansiz? Bakalavrda qaysi yo’nalishda o’qiganingiz va magistratura uchun nega shu yo’nalishni tanlaganingiz sababini aniq izohlang.

3. Nega boshqa davlatda emas, Germaniyada o’qimoqchisiz? Tanlagan sohangiz va Germaniya o’rtasidagi aloqadorlikni tekshirib chiqing. Aniq faktlar bilan gapirish suhbat oluvchilarda yaxshi taassurot qoldiradi.

4. Nega shu universitetni tanladingiz? Odatda 3-5 tagacha universitet tanlash imkoniyati berilishidan xabaringiz bor. Suhbatda asosan ro’yxatda birinchi bergan universitetingiz haqida so’ralishi mumkin. Lekin qolganlariga ham tayyor turing.

5. Tanlagan universitetingiz qayerda joylashgan? Aynan qaysi hududda ekanligi va joylashgan hudud nomlarini oldindan bilib oling.

6. Nechta til bilasiz? Nemis tilini bilasizmi? Nemis tilini bilish, albatta, ustunlik beradi. Lekin talabga ko’ra, dasturda ingliz tilini o’zi bilan ham ishtirok etish mumkin. Nemis tilini nega o’rganmagansiz degan savolga ham aniq javob topib qo’ying.

7. Nega DAAD dasturida ishtirok etmoqchisiz? Dastur sizga nima bera oladi, nimalar kutasiz, dastursiz rejalaringiz amalga oshirish qanchalik qiyin, batafsil ayting.

8. Dastur davomida nimalar qilmoqchisiz? O’qimoqchi bo’lgan fanlaringiz, ilmiy faoliyatingiz va o’qishdan tashqari nimalar qilishingiz haqida gapiring.

9. Kelajakdagi rejalaringiz qanday? Dastur yakunlangandan so’ng nima qilmoqchisiz, kelajakdagi kasbiy faoliyatingiz va rejalaringiz haqida ayting.

Keyingi savollar tanlagan sohangizga doir bo’ladi. Yo’nalishingizga bo’yicha tajribali professorlar sizdan turli umumiy va ma’lum sohaga doir savollar so’rashi mumkin.

Bundan tashqari, ko’p savollar CV, motivatsion xatingiz va ariza topshirishda yuklagan boshqa hujjatlaringizdan kelib chiqib so’raladi.

Savollarga javob berishda aniq, qisqa va faktlar orqali ishonch bilan gapiring. Hamma aytadigan umumiy gaplardan qoching. Fikrlaringiz ariza topshirgandagi hujjatlaringizda aytilgan gaplardan keskin farq qilmasligi kerak. Yolg’on gapirmang, ochiq bo’ling.

Yodingizda bo’lsin, siz shu holatingizda grant yutish uchun munosib deb topilganingiz uchun intervyu bosqichiga qabul qilingansiz. Aniq reja va maqsadlaringizni amalga oshira olishingizga ishontirolsangiz, dasturga qabul qilinish ehtimoligingiz oshadi.

ENG MUHIMI suhbat bosqichidan muvaffaqiyatli o’tgandan so’ng biz bilan bog’lanishni yodingizdan chiqarmang. Omad tilaymiz :)

@grantlar_namuna

Tavsiyanoma yozish haqida kerakli ma'lumotlar

Har bir xalqaro grant dasturga yoki universitetga ariza topshirayotganda so'raladigan hujjatlardan biri tavsiyanoma — recommendation letter hisoblanadi. Odatda nomzoddan kamida bitta, ko'p hollarda 2 yoki 3 ta tavsiyanoma topshirish talab etiladi.

Tavsiyanoma kim tomonidan yoziladi?
Tavsiyanomalar nomzodni yaxshi biluvchi, kamida 6 oydan beri taniydigan, uning ilmiy va akademik yutuqlaridan xabardor shaxs tomonidan yoziladi. Grant dasturlari uchun tavsiyanomalar nomzodning ilmiy rahbari, fan o'qituvchisi yoki universitetdagi boshqa ilmiy xodim tomonidan yozilgani maqsadga muvofiq. Ilmiy darajasi yuqori professorlardan tavsiyanoma olish tavsiya etiladi. Ayrim hollarda, magistratura va undan keyingi dasturlar uchun ish joyidan tavsiya xati olinishi so’ralishi mumkin. Bu haqida dastur talabida alohida aytib o’tiladi.

Shuningdek, vaziyatga qarab, tavsiyanoma ish beruvchi tomonidan ham berilishi mumkin.

Tavsiyanomalar odatda quyidagi ma'lumotlarni o'z ichiga oladi (ayrim hollarda bundan biroz farq qilishi mumkin):
1. Tavsiya beruvchi shaxs kimligi va uning tavsiya qilinuvchi nomzod bilan aloqadorligi;
2. Nomzodning ilmiy va akademik yutuqlari;
3. Nomzodning darsdan tashqari faoliyati, ijtimoiy faolligi;
4. Nomzodning shaxsiy xislatlari, fe'l-atvori, harakatchanligi va qat'iyatliligi.
5. Boshqa muhim yoki grant beruvchi tashkilot tomonidan soʻralgan jihatlar.

Nomzodning ushbu dastur uchun munosibligi batafsil ta'kidlanishi, qolaversa, har bir jihat haqida gapriliyatoganda misollar bilan aniq ma'lumotlar berilishi lozim.

Xat so'nggida tavsiyanoma yozuvchining kontakt ma'lumotlari berilgan holda, nomzod haqida qo'shimcha savollar bo'lsa, bemalol murojaat qilishlari mumkinligi aytib o'tiladi.

ESLATMA: Tavsiyanoma yozayotganda shaxsiy yondashuv yaqqol aks etishi, aniq, haqiqatga to'g'ri keluvchi ma'lumotlar beriliishi lozim. Shu bilan birga, tavsiyanoma yozib bo'lingandan so'ng uni qayta o'qib, imloviy va grammatik xatolardan holi ekanligiga ishonch hosil qiling.

P.S. Kanalimizda turli grantlarni yutgan nomzodlarga berilgan tavsiyanomalar joylangan. “Tavsiyanoma” deb izlab, ularni topib, namuna sifatida tanishib chiqishingiz mumkin.

@grantlar_namuna