“Ilm-fan oromgohi” loyihasi: tadqiqotchi ayol-qizlar uchun bepul 1 haftalik ilm-fan oromgohi

Yoshlar ishlari agentligi tashkiloti ilmiy tadqiqot bilan shug’ullanayotgan yosh ayol-qizlar uchun “Ilm-fan oromgohi” tashkil etilmoqda.

Maqsadi: yosh ayol-qizlarni ilmiy tadqiqot ishlarining natijadorligini oshirish, ularni ilmiy faoliyatga keng jalb qilish, iqtidorli tadqiqotchi qizlarni izlab topish hamda rag‘batlantirishdan iborat.

Ushbu loyiha 2024-yil 27-may — 2-iyun kunlari Toshkent viloyati, Bo’stonliq tumani, "Yoshlar oromgohi"da tashkil etiladi.

Kimlar uchun: O’zbekistondagi yosh tadqiqotchi ayol-qizlar uchun

Grantning manfaatli jihatlari:
Qabul qilingan ayol-qizlar 7 kunlik ushbu dasturda bepul ishtirok etish imkoniyatiga ega boʻladi. Oromgohda ishtirok etish bilan bogʻliq xarajatlar tashkilotchilar tomonidan qoplanadi.

👉ARIZA TOPSHIRISH👈

Ariza topshirish muddati: 2024-yil 24-may

@grantlar_namuna

I Respublika bolalar forumi: 10 yoshdan 18 yoshgacha bo‘lgan bolalar uchun forum

2024-yil 19-23-may kunlari O‘zbekiston bolalar tashkilotining I Respublika bolalar forumi bo‘lib o‘tishi reja qilinmoqda.

Forum doirasida seminar-treninglar, tanlovlar, sport musobaqalari, madaniy dasturlar tashkil etiladi. Shuningdek, ishtirokchilar taniqli soha mutaxassislari bilan uchrashish, vazir va rahbarlarga o‘z tashabbus hamda g‘oyalarini bildirish imkoniyatiga ega bo‘ladi.

Forumda ishtirok etish istagini bildirgan 10 yoshdan 18 yoshgacha bo‘lgan bolalar quyidagi yo‘nalishlar bo‘yicha ariza topshirishi mumkin:
- Ta’lim
- Imkon
- Madaniyat va san’at
- Ekologiya
- Media
- Sport
- Liderlik va jamoani shakllantirish
- IT

Ariza topshirish uchun ro'yxatdan o'tish lozim:

👉 RO'YXATDAN O'TISH 👈

Ariza topshirish oxirgi muddati: 2024-yil 15-may

👉 Batafsil ma'lumot BU YERDA

@grantlar_namuna

Water Innovation contest: barcha O'zbekiston talabalari uchun tanlov. Bosh mukofot 1000 AQSH dollari!

K-water Central Asia markazi talabalar o‘rtasida sun’iy intellektdan foydalangan holda suv xo‘jaligi, suv ta’minoti tizimlari va aqlli shaharlar bo‘yicha innovatsion yechimlarni ishlab chiqish bo‘yicha tanlov o‘tkazmoqda.

Mavzular:
— Markaziy Osiyoning suv resurslari
— Suv ta'minoti tizimini takomillashtirish
— Suvdan samarali foydalanish va sun'iy intellektga ega aqlli shaharni rivojlantirish

Sovrinlar:
— Best of the Best: taxminan 1000 AQSH dollari.
— Gold Award: taxminan 700 AQSH dollari.
— Silver Award: taxminan 500 AQSH dollari.
— Future Star Award: taxminan 200 AQSH dollari
miqdoridagi pul mukofoti va sertifikatlar bilan taqdirlanadilar.

Ariza topshirish muddati: 2024-yil 13-maydan 2024-yil 7-iyungacha

Batafsil ma’lumot uchun: [email protected]

@grantlar_namuna

AQSHda ta'lim: University of Kansas oliygohida o'qish, grantlar va imkoniyatlar bo'yicha bepul vebinar

EducationUSA tomonidan AQSHning University of Kansas oliygohida o'qish, xalqaro talabalar uchun grantlar va stipendiyalar, qolaversa, universitetga ariza topshirish bo'yicha onlayn vebinar tashkil etilmoqda.

Vebinarda ushbu dastur, unga ariza topshirish va hujjatlarni tayyorlash bo'yicha batafsil ma'lumot beriladi.

O'tkazilish vaqti: 2024-yil 22-may 17:00
O'tkazilish joyi: ZOOM platformasi

👉 QATNASHISH UCHUN ZOOM HAVOLASI 👈

AQSHda o'qishni davom ettirmoqchi bo'lgan barcha qiziquvchilar ishtirok etishi mumkin. Qatnashish uchun ro'yxatdan o'tish shart emas.

@grantlar_namuna

Shengen viza haqida to'liq: shengen viza o'zi nima, turlari va imkoniyatlari (1-qism).

Shengen viza nima?
Shengen vizasi Yevropaning katta bir qismi, ya'ni Shengenga a'zo davlatlarning ichki hududida hech qanday chegara tekshiruvisiz erkin sayohat qilish imkoniyatini beruvchi viza hisoblanadi.

Yevropaning bir nechta davlatlari ichki xavfsizlikni ta'minlash hamda sayohatni osonlashtirish maqsadida Shengen tashqi chegaralarida nazoratni kuchaytirgan bo'lib, barcha a'zo davlatlar yagona viza siyosati tizimiga amal qiladi.

Shengenga a'zo davlatlar:
Avstriya, Belgiya, Bolgariya, Xorvatiya, Chexiya, Daniya, Estoniya, Finlyandiya, Fransiya, Gretsiya, Niderlandiya, Islandiya, Italiya, Latviya, Lixtenshteyn, Litva, Lyuksemburg, Vengriya, Malta, Germaniya, Norvegiya, Polsha, Portugaliya , Ruminiya, Slovakiya, Sloveniya, Ispaniya, Shvetsiya, Shveytsariya.

Ushbu davlatlarning istalgan biridan olingan viza orqali butun shengen hududlarda sayohat qilish mumkin bo'ladi.

Shengen viza uchun qayerga ariza topshirish kerak?
- Agar siz Shengen a'zo davlatlaridan biriga sayohat qilayotgan bo'lsangiz, arizani ushbu a'zo davlatning diplomatik vakolatxonasiga (elchixona) topshirishingiz kerak.
- Agar sayohat davomida bir nechta a'zo davlatlarga tashrif buyurishingiz kerak bo'lsa, ariza asosiy boriladigan a'zo davlatning (uzoq vaqt o'tkazadigan davlat) diplomatik vakolatxonasiga topshirilishi kerak.
- Agar asosiy manzilni aniqlashning iloji bo'lmasa, qaysi davlat tashqi chegarasini birinchi bo'lib kesib o'tmoqchi bo'lsangiz, o'sha a'zo davlatning diplomatik vakolatxonasiga ariza topshirishingiz kerak.

Shengen hududlarga qaysi viza turi uchun ariza topshiraman?
Sizga kerak bo'lgan viza turi tashrifingizning davomiyligi va maqsadiga bog'liq. Viza bir, ikki yoki bir nechta kirish-chiqish uchun berilishi mumkin. Vizaning amal qilish muddati, qolish muddati va kirishlar soni to'g'risidagi qaror Shengen qoidalariga muvofiq diplomatik vakolatxona tomonidan qabul qilinadi.

Viza turlari:
- Aeroport tranzit vizasi (A viza) : Bu viza Shengen hududiga kirmasdan aeroportning xalqaro zonasidan o'tish uchun mo'ljallangan. 24 soat davomida amal qiladi.

- Qisqa muddatli viza (C viza) : Shengen mamlakatlari bo'ylab har qanday 180 kun ichida 90 kungacha sayohat qilish imkonini beradi.

- Milliy uzoq muddatli viza (D viza) : Shengen davlatida 90 kundan ortiq vaqt mobaynida o'qish, ishlash yoki yashashni niyat qilganlar uchun beriladi. Amal qilish muddati va qoidalari berilgan mamlakatga qarab farq qilishi mumkin.

@grantlar_namuna

16-22 yoshdagilar uchun Xalqaro eko oromgoh

Joriy yilning 24-30-iyun kunlari “Butunjahon yoshlar festivali” doirasida Samarqand va Toshkent shaharlarida Xalqaro eko-oromgoh loyihasi o’tkaziladi.

Oromgohda xalqaro ekspert va trenerlar ishtirokida o’quv mashg’ulotlari, liderlik ko’nikmalarini rivojlantirish, ekologik muammolarni bartaraf etishga qaratilgan yangi tashabbus hamda loyihalar ustida ishlash kabi tadbirlar tashkil etiladi.

Kimlar uchun: tadbirda 16 yoshdan 22 yoshgacha bo’lgan, ingliz tilini mukammal biladigan va ekologik masalalarga befarq bo’lmagan faol yoshlar ishtirok etishi mumkin.

Ro’yxatdan o’tish uchun:

👉 Ariza topshirish havolasi 👈

Arizalar 2024-yil 10-iyunga qadar qabul qilinadi.

@grantlar_namuna

Iyulda qabul tugaydigan dasturlar

Eʼtiboringizga 2024-yil iyul oyida qabul tugaydigan dasturlar roʻyxatini taqdim etamiz.

👉 Ayol-qizlarga magistraturani Qozogʻistonda oʻqish uchun toʻliq grant! (dedlayn: 1-iyul)

👉 Tech Briefs: Innovatsion texnologiyalar boʻyicha tanlov; bosh mukofot 25 ming dollar! (dedlayn: 1-iyul)

👉 AQSHda yetakchilar uchun 1 yillik malaka oshirish dasturi; barcha xarajatlar qoplanadi! (dedlayn: 2-iyul)

👉 Xalqaro shaxmat federatsiyasidan ijodiy ishlar tanlovi: bosh mukofot 800 yevro (dedlayn: 10-iyul)

👉 Tashkilotlar uchun taʼlim boʻyicha mahalliy loyihalar tanlovi; mukofot – 3000 dollar! (dedlayn: 12-iyul)

👉 Bilkent Universiteti: Turkiyada bakalavr kurslari uchun 100% gacha grantlar! (dedlayn: 12-iyul)

👉 Youth Eyes on the Silk Roads: 14-25 yoshlilar uchun xalqaro fototanlov! (dedlayn: 14-iyul)

👉 Milan Politexnika universitetining magistratura kurslarida oʻqish uchun toʻliq grant va yillik 10 ming yevrogacha stipendiya (dedlayn: 15-iyul)

👉 Germaniyada bakalavriat yoki magistraturada oʻqish uchun oyiga 300 yevro stipendiya; joy – 140 ta! (dedlayn: 15-iyul)

👉 Rossiyada magistratura va PhD bosqichida oʻqish uchun toʻliq grant va oylik stipendiya! (dedlayn: 15-iyul)

👉 Germaniyada magistraturani oʻqish uchun barcha xarajatlari qoplanuvchi grant! (dedlayn: 31-iyul)

👉 Foyle Young Poets: 11-17 yoshlilar uchun sheʼrlar tanlovi – sovrinli oʻrinlar 100 ta! (dedlayn: 31-iyul)

👉 Biopage Storytelling Writing Contest: ingliz tilida insho yozib, 300 dollargacha mukofot yutib oling! (dedlayn: 31-iyul)

Iyun oyida qabul tugaydigan dasturlar roʻyxatini BU YERDAN topasiz.

😎 Hujjat topshirish muhlatini oʻtkazib yubormang!

@grantlar

Shengen viza: ariza topshirish, kerakli hujjatlar va to'lovlar (2-qism)

Qachon ariza topshirish kerak?
Viza uchun ariza oldindan, rejalashtirilgan tashrif boshlanishidan ko'pi bilan 6 oy oldin topshirish mumkin. Qoida ko'ra, diplomatik vakolatxonaning ariza bo'yicha qaror qabul qilish muddatlarini hisobga olgan holda, mo'ljallangan tashrifdan kamida 15 kun oldin topshirish maqsadga muvofiq.

Qancha vaqtda ko'rib chiqiladi?
Arizalarni ko'rib chiqish tartibi 15 kungacha davom etishi mumkin. Ayrim hollarda, arizani qo'shimcha tekshirish zarur bo'lganda, muddat maksimal 30 kungacha uzaytiriladi. Istisno hollarda, agar qo'shimcha hujjatlar talab qilinsa, muddat maksimal 45 kungacha uzayishi mumkin.

Qanday hujjatlar topshiriladi:
- Viza uchun to'ldirilgan ariza shakli.
- Xalqaro sayohat pasport.
- Shaxsiy fotosurat (suratga qo'yilgan talablar).
- Sayohatdan maqsad aks etgan hujjat.
- Tibbiy sug'urta (qoplab berish miqdori kamida 30 ming yevro)
- Vaziyatga qarab sayohat muddati, turar joylar, borish-kelish safarlari aviabilet bronlari va boshqa hujjatlar tala etilishi mumkin.

Viza to'lovlari turlari:
- Voyaga yetganlar uchun shengen viza to'lovi: 80 yevro.
- 6-12 yoshdagi bolalar uchun: 40 yevro.
- 6 yoshdan kichkinalar uchun bepul.
Bundan tashqari, davlatlar o'rtasidagi o'zaro kelishuv va istesno holatlar uchun narxlarda o'zgarish bo'lishi mumkin. Batafsil ma'lumot uchun rasmiy vakolatxona, elchixona va konsulliklarga aloqaga chiqing.

ESLATMA: NSP dasturi g'oliblari milliy D viza uchun ariza topshiradi. Viza uchun to'lov 35 yevro (2024-yil 29-may holatiga ko'ra).

MUHIM: Inflatsiya sababli shengen viza narxlari 12% ga oshirilishi haqida Yevropa Ittifoqi xabar berdi.

Rejaga ko'ra, Shengen vizasiga ariza berish to‘lovi:
- Kattalar uchun 80 yevrodan 90 yevroga.
- Bolalar uchun esa 40 yevrodan 45 yevroga oshirilishi mumkin.

Ushbu tartib 2024-yil 11-iyundan amal qiladi, deya xabar beriladi Financialexpress sahifasida.

Shengen viza haqida yangiliklardan vaqtida boxabar bo'lish uchun kanalimizni kuzatib boring😊

@grantlar_namuna

“Inson huquqlari va erkinliklari sohasida ta’lim va innovatsiyalar” milliy tanlovi

Oliy ta’lim, fan va innovatsiyalar vazirligi boshqa tashkilotlar bilan hamkorlikda «Inson huquqlari va erkinliklari sohasida ta’lim va innovatsiyalar» milliy tanlovini e’lon qiladi.

Tanlov quyidagi nominatsiyalar bo‘yicha o‘tkaziladi:

– Inson huquqlari bo‘yicha eng yaxshi o‘quv kursi;
– Inson huquqlari va erkinliklariga bag‘ishlangan eng yaxshi videorolik;
– Inson huquqlari bo‘yicha eng yaxshi maqolalar;
– Inson huquqlari bo‘yicha eng yaxshi bilimdon va boshqalar.

Ariza topshirish: nomzodlar BU YERDAN arizani to‘ldirishi va tanlov materiallari bilan birga [email protected] elektron manziliga 2024-yil 1-noyabrga qadar jo‘natishi lozim.

G’oliblar dekabr oyida “Xalqaro inson huquqlari kuni” arafasida e’lon qilinadi va qimmatbaho sovg‘alar bilan taqdirlanadilar.

👉 Tanlov haqida batafsil BU YERDA

@grantlar_namuna

#natija 37

NSP dasturining so'nggi qabul natijalari e'lon qilindi.

Slovakiyada 2 semestrgacha oʻqish/tadqiqot olib borish imkonini beruvchi Slovakiya Milliy stipendiya dasturining (NSP) natijalari eʼlon qilindi.

Quvonarlisi, bu safargi qabulda jami 78 nafar oʻzbekistonlik nomzod ushbu grantni qoʻlga kiritgan.

Kategoriyalar kesimida oʻzbekistonlik gʻoliblar soni:
– A kategoriya: 83 ta gʻolibdan 66 tasi oʻzbekistonlik
– B kategoriya: 30 ta gʻolibdan 8 tasi oʻzbekistonlik
– C kategoriya: 59 ta gʻolibdan 4 tasi oʻzbekistonlik

G'oliblarning aksariyat qismi @grantlar_namuna loyihasi tomonidan tashkil qilingan maxsus kurs va/yoki hujjatlarni tekshirish xizmatidan foydalangan!

Ushbu g’oliblarimizga keyingi bosqichlar haqida ma’lumot berish uchun suhbat tashkillamoqdamiz.

Suhbat o’tkazilish vaqti: 2024-yil 22-iyun, 21:00

Suhbat o’tkazilish joyi: @grantlar_namuna telegram kanali.

Gʻoliblarni tabriklaymiz hamda ushbu suhbatimizda kutib qolamiz!

@grantlar_namuna

#Natija 38

GKS bo’yicha tashkil etilgan mentorlik kursimiz ishtirokchisi grant g’olibi bo’ldi.

Koreyada to’liq moliyalashtirilgan holda o’qish imkoniyatini taqdim etuvchi GKS dasturi bo’yicha mentorlik kursimiz ishtirokchisi Asadbek Isroilov ushbu grant g’olibi bo’ldi.

Asadbek Isroilov - Farg’ona Politexnika Instituti 4-bosqich talabasi.

Janubiy Koreyaning uchinchi eng katta metropoliten shahri Daegu da joylashgan TOP-500 talikdan joy olgan Kyungpook National University ga GKS-G 2024 dasturi doirasida magistratura uchun muhandislik yo’nalishida 3 yillik grantni qo’lga kiritdi

Dastur imkoniyatlari:
- Kontrakt puli to'liq qoplanadi.
- Yashash uchun oylik stipendiya beriladi.
- Tibbiy sug'urta bilan ta'minlanadi,
- Xalqaro borish-kelish chiptalari olib beriladi;
- Til kursi moliyalashtiriladi.

👉 GKS dasturi haqida batafsil 👈

Asabdek o’z izohida kanalimiz tomonidan tashkil etilgan NSP mentorlik kursi va GKS mentorlik kurslarida qatnashib, ikkala dasturda ham g’olib bo’lgani va bu kursda qatnashganligi eng yaxshi tanlovi ekanini ta’kidladi.

Asadbekni muvaffaqiyat bilan tabriklaymiz, kelgusi ishlarida zafar tilab qolamiz!

@grantlar_namuna

#Natija 39

Kanalimiz kuzatuvchisi Latvian State Scholarships g’olibi bo’ldi

Bahodir Aminov Latviyaning Daugavpils universitetida tarix yo’nalishi bo’yicha magistraturada o’qish uchun Latvian State Scholarships grant dasturi g’olibi bo’ldi.

Bahodir 2 yil davomida magistraturani to’liq grant asosida Daugavlips universitetida davom ettiradi. Oylik 600 yevro stipendiya bilan ta’minlanadi.

👉 Latvian State Scholarships haqida batafsil ma’lumot👈

Bahodir ushbu grantni yutishda @Grantlar_namuna kanalidagi manbalar hamda @Grantlar kanalidagi ma’lumotlar katta yordam berganini ta’kidlab o’tdi.

Bahodirni ushbu muvaffaqiyat bilan tabriklaymiz va kelgusi ishlarida zafarlar tilab qolamiz!

@grantlar_namuna

Amerika markazidan HTML ga qiziquvchi 12-16 yoshli qizlar uchun klub

Toshkentdagi Amerika markazi HTML ga qiziquvchi 12-16 yoshli qizlar uchun klub tashkil etmoqda.

Klubda ishtirokchilar HTML ga oid boshlang’och bilimlar va saytlarning yaratilishi haqida tushunchaga ega bo’ladi.

O’tkazilish vaqti: 2024-yil 9-iyul, soat 10:00-12:00 da.

Manzil: Toshkent, Yunusobod, 5-daha, Moyqo’rg’on 3

HTML klubining imkoniyatlari:
- HTML asoslarini o'rganish va o'z veb-sahifalarini yaratish;
- CSS yordamida sahifalarni uslubini o’zgartirish;
- Boshqa ishtirokchi qizlar bilan o’zaro fikr va tajriba almashish.

Ishtirok etish uchun ro’yxatdan o’ting:

👉Ariza topshirish havolasi 👈

Ariza topshirish muddati: 2024-yil 7-iyul, soat 23:59 gacha

@grantlar_namuna

"WeStart" biznes-inkubatsiya: ayol-qizlar uchun bepul dastur

USAIDning tadbirkorlik va ishbilarmonlik muhitini rivojlantirish loyihasi hamda KOICA agentligi ko‘magida "WeStart" biznes-inkubatsiya tashkil etilmoqda. Dastur ayollar startaplarini g‘oya bosqichidan minimal hayotiy mahsulot (MVP) bosqichiga ko‘tarishga qaratilgan.

Dasturning davomiyligi 1 hafta, undan keyin Demo kuni bo'lib o'tadi.

Dastur ishtirokchilarga quyidagilarga imkon beradi:
- MVP yaratish;
- 50 million so‘mgacha bo‘lgan grantni jalb qilish;
- xalqaro ekspertlardan mentorlik yordamini olish.

O'tkazilish sanasi: 2024 yil 22-26 iyul
O'tkazilish manzili: UEnter

Dasturda ishtirok etish bepul, qatnashish uchun onlayn ro'yxatdan o'tish zarur:

👉 Ro'yxatdan o'tish havolasi 👈

Arizani qabul qilish muddati: 2024-yil 15-iyul

@grantlar_namuna

FLEX dasturiga qabul 2024-yilda avgust oyidan boshlanadi!

FLEX dasturi maktabning 9-10-sinf o'quvchilari hamda litsey va kollejning 1-kurs oʻquvchilari uchun AQSHda 1 yil davomida yashash va oʻqish imkoniyatini beradi.

Manfaatli tomonlari:
– AQSHga borish va qaytish xarajatlari qoplanadi
– Oylik stipendiya
– Mezbon oilada bir yil mobaynida bepul yashash imkoniyati
– Amerikadagi oʻrta maktabga roʻyxatga olinadi va 1 yil davomida oʻqiladi
– Oldidan tayyorlov mashgʻulotlari
– AQSHda tashkil etiladigan mahalliy tadbirlarda ishtirok etish imkoniyati
– Bepul tibbiy sug‘urta

DIQQAT: Hali FLEX dasturiga qabul boshlanmagan. Qabul 2024-yil avgust oyidan boshlanadi (bu haqida FLEX dasturining Oʻzbekistondagi vakilligi eʼlon qildi).

Qabul boshlangunga qadar ushbu dastur bilan tanishib chiqishingiz mumkin👇

https://grantlar.uz/aqsh-maktab-litsey-va-kollej-oquvchilari-uchun-toliq-grant-barcha-xarajatlar-qoplanadi/

@grantlar

Barcha kutgan DAAD to'liq mentorlik kursi

Ko'pchilik talabiga binoan magistraturani Germaniyada to'liq grant asosida o'qish imkoniyatini taqdim etuvchi DAAD dasturlari uchun mentorlik kursini tashkil etdik.

Kim tomonidan: @grantlar_namuna kanali hamkorligida DAAD granti 2024-yilgi sohibi Izzatullayev Bahodir tomonidan olib boriladi .

Kimlar uchun: Magistratura bosqichini Germaniyada davom ettirish istagida bo’lganlar uchun.

Kursda o'rgatiladi: DAAD ERP va DAAD ALL DISCIPLINES dasturiga ariza topshirishda kerak bo'ladigan barcha hujjatlarni qanday tayyorlash bo'yicha to'liq ko'rsatma beriladi, hujjatlar tayyor bo'lgach tekshiriladi. Qolaversa, universitet va yo'nalish tanlash, dastur g'olibi bo'lganingizdan so'ng viza jarayonlarida ham to'liq ko'rsatma beriladi.

Kurs narxi:
- Guruh tarzda 700 ming so'm.
- Individual tarzda 1,5 million so'm.

Kurs haqida qo'shimcha ma'lumotlar uchun @Ozodakhon_Work hisobiga yozing.

Kursga qabul 2024-yil 10-avgustga qadar davom etadi.

@grantlar_namuna

FLEX dasturiga qabul boshlandi!

FLEX dasturi maktabning 9-10-sinf o'quvchilari hamda litsey va kollejning 1-kurs oʻquvchilari uchun 1 yil davomida AQSHda yashash va AQSH maktabida oʻqish imkoniyatini beradi.

Manfaatli tomonlari:
– AQSHga borish va qaytish xarajatlari qoplanadi
– Oylik stipendiya
– Mezbon oilada bir yil mobaynida bepul yashash imkoniyati
– Amerikadagi oʻrta maktabga roʻyxatga olinadi va 1 yil davomida oʻqiladi
– Oldidan tayyorlov mashgʻulotlari
– AQSHda tashkil etiladigan mahalliy tadbirlarda ishtirok etish imkoniyati
– Bepul tibbiy sug‘urta

Arizalar 2024-yil 28-sentabrgacha qabul qilinadi.

Batafsil👇
https://grantlar.uz/aqsh-maktab-litsey-va-kollej-oquvchilari-uchun-toliq-grant-barcha-xarajatlar-qoplanadi/

@grantlar

FLEX boʻyicha savollarga javoblar.

Quyida FLEX 2025-2026 dasturi boʻyicha eng koʻp berilayotgan va eng muhim savollarga javoblar berilgan.

1. 2008-yil 15-iyuldan keyin tugʻilganman, lekin 11-sinfman yoki kollej/litseyning 2-kurs talabasiman. FLEX dasturiga qatnasha olamanmi?
– Yoʻq. Faqat 2008-yil 15-iyul va 2010-yil 15-iyul oraligʻida tugʻilgan maktabning 9-10-sinf va kollej/litseyning 1-kurs oʻquvchilari qatnasha oladi.

2. FLEX dasturi davomida AQSH universitetiga hujjat topshirib, qabul qilinsam, FLEX tugagach AQSHda qolsam boʻladimi?
– Yoʻq, boʻlmaydi. FLEX ishtirokchilari dastur tugagach vataniga qaytishi SHART. Qaytgach AQSH universitetiga topshirib, qaytadan viza uchun hujjat topshirishingiz va universitet qabul qilsa hamda viza chiqsa, keyin AQSHga qaytsangiz boʻladi.

3. Qatnashish uchun til sertifikatim (IELTS, TOEFL va h.k.) boʻlishi shartmi?
– Yoʻq, shart emas. Til sertifikatisiz ham bemalol qatnashish mumkin.

4. Ingliz tilini bilish darajam qanday boʻlishi kerak?
– FLEX ingliz tili dasturi emas. Shu uchun ingliz tili darajasi uchun aniq talab qoʻyilmagan. Agar nomzodda FLEX dasturi uchun barcha xislatlar boʻlsa, lekin til darajasi u qadar yuqori boʻlmasa, til boʻyicha qoʻshimcha tayyorgarlik kursi qoʻyib beriladi.

Lekin hozirga qadar FLEXga qabul qilingan oʻzbek oʻquvchilarning aksariyatida til darajasi kamida B2 darajada boʻlgan. Lekin til darajangiz qancha yuqori boʻlsa, oʻzingiz uchun shuncha yaxshi.

5. Nogironligim bor, men ham qatnashsam boʻladimi?
– Albatta, boʻladi. FLEX dasturi nogironligi bor oʻquvchilarni ham dasturga ariza topshirishga ragʻbatlantiradi. Hozirga qadar FLEX dasturiga dunyo boʻylab 300 dan ortiq nogironligi bor (koʻzi ojiz, qulogʻi ogʻir/eshitmaydigan, jismoniy kamchiliklarga ega) oʻquvchilar qabul qilingan.

6. Gʻolib boʻlsam, qaysi shtat, shahar yoki maktabda oʻqishni oʻzim tanlaymanmi?
– Yoʻq, siz tanlamaysiz. Oʻquvchilar boradigan shtat va maktablarni dastur maʼmuriyati belgilab beradi.

7. FLEX gʻoliblarning qanday xarajatlarini qoplaydi?
– Barcha xarajatlar (AQSHga borish-kelish, yashash, turar joy, oziq-ovqat va h.k.) qoplanadi.

8. Imtihonda qanday savollar tushadi?
– Asosan ingliz tilidan savollar tushadi va ayrim testlarda orada 3-4 ta matematikadan savol tushishi mumkin.

9. Imtihonga qanday tayyorlansam boʻladi?
– Shunchaki, ingliz tilingizni (reading, listening, writing, speaking) orqali tayyorlaning.

10. Suhbatda ingliz tilida gapirish shartmi?
– Yoʻq, shart emas. Oʻzbek yoki rus tilida gapirsangiz ham boʻladi. Lekin ingliz tilida gapira olsangiz, ingliz tilida gapirish tavsiya etiladi.

Suhbatda oʻzbek yoki rus tilida gapirib, FLEX dasturini yutganlar anchagina.

11. Bu yilgi qabulda gʻolib boʻlsam, AQSHga qachon ketaman?
– 2025-yil kuzda ketasiz va keyingi yili qaytasiz.

12. Oʻzbekistondan nechta oʻquvchi qabul qilinadi?
– 2020, 2021, 2022 va 2023-yildagi qabulda 40-55 nafar oʻzbek oʻquvchi qabul qilingan. Shundan kelib chiqib, bu yili ham oʻrtacha 40-50 nafar oʻquvchi qabul qilinishini taxmin qilish mumkin.

13. FLEX dasturiga qayerda roʻyxatdan oʻtaman va ariza topshiraman?
– Arizalar MANA BU YERDA topshiriladi. Ariza topshirishni boshlashdan oldin akkaunt yaratishingiz kerak (Create an account). Arizalar 2024-yil 26-sentabrgacha qabul qilinadi.

14. AQSHda o'qib kelgan yilim O'zbekistindagi maktabda hisobga olinadimi?
– Agar siz o'qiydigan (O'zbekistonda) maktab, litsey yoki kollej Xalq ta'limi vazirligiga qarasa, ha, hisobga olinadi. Masalan, 9-sinfni bitirib, AQSHga FLEX orqali ketdingiz, 10-sinfni AQSHda tugatdingiz. O'zbekistonga qaytgach, o'qishni 11-sinfdan davom ettirasiz.

Xususiy ta'lim muassasasida o'qisangiz, buni o'sha o'qish joyingizdan so'rab ko'ring.

15. Muhim:
– Akkaunt ochishda o'zingiz doim ishlatadigan, paroli yodingizda bo'lgan emaildan foydalaning. Emailingiz bo'lmasa, oching va login hamda parolini qayergadir yozib, saqlab qo'ying. Saralash davomida shu emailingizga xabarlar yuborib turiladi.

Email ochish bo'yicha tavsiyalarni BU YERDAN topasiz.

👉 FLEX dasturi haqida batafsil

Barcha nomzodlarga omad tilaymiz! 💪

@grantlar_namuna

Grantga hujjat topshirishdagi muhim qoida: qabulning oxirgi kunini kutmang

Biror grant yoki dasturga ariza topshirishni oxirgi kun/daqiqagacha kutmasdan, ertaroq ariza topshirish qattiq tavsiya qilinmadi. Chunki arizani qabul oxiriga taqash bir nechta ko'ngilsiz oqibatlarga olib kelishi mumkin.

Masalan:

1. Oxirgi kun / daqiqalargacha taqab borish arizangizning pala-partish boʻlib qolishiga sabab boʻlishi mumkin. Muddat qancha yaqinlashsa, kishida tezroq harakat qilishim kerak degan vahima kuchayadi.

Bu esa diqqatni jamlashga xalal beradi va soʻnggi daqiqalarda tayyorlanayotgan / yozilayotgan hujjatlarning sifatiga salbiy taʼsir qiladi. Natijada qabul qilinish ehtimolingiz pasayishi mumkin.

2. Qabul muddatdan oldin yopib qoʻyilishi mumkin. Dastur/grantga qabulning muddatdan oldin yakunlanishi holatlari, ayniqsa, qisqa muddatli grantlarda (yozgi maktab, kurs, lager va hk) tez-tez uchrab turadi. Bunga asosiy sabab arizalarning nihoyatda koʻpayib ketishidir. Bunday holat Oʻzbekistondagi AQSH elchixonasi eʼlon qilgan dasturlarda bir necha bor kuzatilgan.

Agar oxirgi kunni kutib yurgan boʻlsangiz, qabul muddatdan oldin tugasa, ishtirok etish imkoniyatini toʻliq qoʻldan chiqarasiz.

3. Grantlarning ertaroq ariza topshirilgan nomzodlarga ajratilishi. Bir qancha universitetlar bakalavriat, magistratura va boshqa bosqichlarga grant ajratishda “First-come, first-served” qoidasiga amal qiladi.

Yaʼni maʼlum grant oʻrinlari boʻladi, shu oʻrinlar eng birinchi ariza topshirgan munosib nomzodlarga taqsimlab beriladi. Bu oʻrinlar munosib nomzod chiqmasagina qabulning soʻnggi kunigacha saqlanib qolishi mumkin. Bu qoida AQSH, Britaniya kabi davlatlarda tez-tez qoʻllaniladi.

Bunda qabulning oxirgi kunigacha kutish tayyor imkoniyatdan oʻz xohishi bilan voz kechish degani.

4. Savol chiqib qolsa, javob ololmay qolasiz. Biror muhim savol tugʻilganda uni aniqlashtirish uchun tashkilotchilarga telefon qilish yoki koʻp hollarda email yozish kerak.

Lekin telefonga javob berish uchun ish vaqti tugagan boʻlishi yoki emailga javob berilishi uchun kamida 1-3 kun muddat talab etilishi mumkin. Oxirgi kun / daqiqada hujjat topshirayotib shunday savolga duch kelsangiz, javob ololmay qolishingiz mumkin. Bu esa yana sizning qabul qilinishingizga salbiy taʼsir qilishi mumkin.

5. Qoʻshimcha qoida: shoshilib ham topshirmang! Eng erta topshiraman degan oʻy bilan, shoshma-shosharlik qilib ariza topshirish ham tavsiya qilinmaydi.

Biror grantga topshirmoqchi boʻlganingizda, dastlab, uning talablari, qoidalari, mezonlari, koʻp beriladigan savollarga javoblari va boshqalarni diqqat bilan oʻqib chiqing. Biroq ularni oʻqib chiqishni orqaga surib yurmang, imkon qadar ertaroq oʻqib chiqing.

Biror savol tugʻilsa, darhol tashkilotchilarda email yoki telefon orqali soʻrab aniqlashtirib oling.

Dastur va uning talablari, hujjatlar tarkibi hamda boshqa muhim masalalarga toʻliq tushunib olganingizdan keyingina hujjatlaringizni topshiring.

Yuqoridagi qoidalarga amal qilsangiz, dasturga qabul borasida anchagina koʻngilsizliklarning oldini olgan boʻlasiz.

Albatta, qabulning oxirgi daqiqalarida hujjat topshirib, grant yutganlar ham bor. Lekin hujjat topshirishni soʻnggi kun / soʻnggi daqiqalarga qadar taqab olib borish yuqoridagi koʻngilsiz oqibatlarga olib kelishi mumkin. Shu sababli oxiriga taqash mutlaqo tavsiya qilinmaydi.

@grantlar_namuna