Nufuzli EPAM tashkiloti tomonidan Python bo'yicha bepul onlayn kurs

Automated Testing in Python kursi davomida Python'ning boshlang'ich funksiyalari, obyektka yo'naltirilgan dasturlash tamoyillari hamda Python Test Automation muhandisi uchun kerakli bo'lgan barcha asosiy bilimlar o'rgatiladi.

Nomzodlarga qo'yilgan talablar:
— O'zbekiston, Gruziya, Armaniston yoki Qirg'iziston fuqaro bo'lishi.
— Dasturlashga oid boshlang'ich bilimga ega bo'lishi.
— Ingliz tilini kamida B1 darajada bilishi.
— Mustaqil shug'ullanish hamda dasrlarni o'z vaqtida yakunlash imkoniyatiga ega bo'lishi kerak.

Kurs davomida ishtirokchilar matnli ma’lumotlar, qiziqarli savol-javob va amaliy topshiriqlardan foydalangan holda ishtirokchilar o'z bilimlarini rivojlantirishlari mumkin.

Kursni yakunlagan ishtirokchilar maxsus sertifikatga ega bo'ladi.

👉 Kurs haqida batafsil ma'lumot BU YERDA

👉 Kursda qatnashish uchun BU YERDAN ro'yxatdan o'ting.

@grantlar_namuna

"Novda" loyihasi: shaxsiy rivojlanish va liderlik qobiliyatini oshirishga qaratilgan bepul loyiha

Shaxsiy rivojlanishga qaratilgan, yoshlardagi liderlik qobiliyatini yanada oshiruvchi, ijtimoiy va ma'naviy savodxonlikni boyitishda ko'mak beruvchi "Novda" loyihasiga start berildi.

Siz bu loyiha orqali quyidagilarga ega bo’lasiz:

— Tajribali spikerlardan bepul mahorat darslari.
— CV va turli motivatsion xatlar bilan ishlash
— Jamoaviy ilmiy musobaqalar va workshop
— Liderlik yo’lida amaliy yordam.
— Nutq madaniyatini oshirish.

Talablar:
— 16-20 yosh oralig'ida bo'lish.
— O'zbek/rus/ingliz tillarini tushunish va fikrni ifodalay olish (ingliz va rus tilini bilish majburiy emas, ammo saralashda ustunlik berilishi mumkin).
— Loyiha davomida Toshkent hududida bo'lish.
— Ilmga chanqoq, yangi g'oyalarga boy va faol bo'lish.

ESLATMA: Saralash 2 bosqichdan iborat bo'lib, 1-bosqich - ariza topshirishdan muvaffaqiyatli o'tgan nomzodlar 2-bosqich - suhbatga taklif qilinadilar.

👉 Dasturda ishtirok etish uchun BU YERDA ariza shaklini to'ldirishingiz kerak.

👉 Dastur haqida ko'p berilgan savollar va ularning javobi bilan BU YERDA tanishing.
Ariza to'ldirish muddati: 2023-yil 10-sentyabr 23:59ga qadar.

Qo'shimcha murojaatlar uchun:
Email: [email protected]
Telegram: @novda_aloqa
Tel: +998 91 124 30 16

Oktabrda qabul tugaydigan dasturlar

Eʼtiboringizga 2023-yil oktabr oyida qabul tugaydigan dasturlar roʻyxatini taqdim etamiz.

👉 Gollandiya: Dunyodagi 77-raqamli universitetda magistraturani oʻqish uchun qisman grantlar (dedlayn: 1-oktabr)

👉 6-15 yoshdagi bolalar uchun xalqaro rasmlar tanlovi (dedlayn: 2-oktabr)

👉 Getty Foundation: Olim va tadqiqotchilar uchun AQSHda 9 oygacha rezidensiya dasturi; stipendiya 65 ming dollargacha (dedlayn: 2-oktabr)

👉 Harvard Radcliffe Fellowship Program: Turli soha vakillari uchun AQSHda 9 oylik amaliyot! (dedlayn: 5-oktabr)

👉 Dunyoning 3-raqamli oliygohi – Stenford universitetida magistratura va PhD bosqichi uchun 100 tagacha toʻliq grant (dedlayn: 11-oktabr)

👉 NordArt 2024- zamonaviy san’at asarlari tanlovi; bosh mukofot – 10 000 yevro! (dedlayn: 13-oktabr)

👉 Gwangju Institute of Science and Technology (GIST): Koreyada magistratura yoki PhD kursida o’qish uchun to’liq grant va stipendiya! (dedlayn: 14-oktabr)

👉 OIST Research Internship: Yaponiyada xarajatlari toʻliq qoplanuvchi amaliyot dasturi! (dedlayn: 15-oktabr)

👉 Magistratura va PhD bosqichi talabalari uchun Jahon bankida haq toʻlanadigan amaliyot dasturi! (dedlayn: 31-oktabr)

👉 Yaponiyada bakalavriat, magistratura va doktoranturada oʻqish uchun 964 dollargacha oylik stipendiya! (dedlayn: 31-oktabr)

👉 Honjo International Scholarship Foundation: Yaponiyada magistratura va PhD bosqichida oʻqish uchun 1450 dollargacha oylik stipendiya! (dedlayn: 31-oktabr)

👉 AQSHda demokratiyani rivojlantirish boʻyicha 5 oylik amaliyot dasturi; barcha xarajatlar qoplanadi! (dedlayn: 31-oktabr)

👉 Germaniya universitetlarida magistraturani oʻqish uchun DAAD grantlari (dedlayn: 31-oktabr)

👉 ERP Study Scholarships (DAAD): Germaniyada iqtisodiyot va biznes boshqaruvi boʻyicha magistraturani oʻqish uchun toʻliq grant! (dedlayn: 31-oktabr)

👉 National Poetry Competition: havaskor va professional shoirlar uchun sheʼrlar tanlovi! (dedlayn: 31-oktabr)

👉 Ichki ishlar vazirligidan videoroliklar tanlovi: mukofot jamgʻarmasi 58 million soʻm! (dedlayn: 31-oktabr)

Sentabr oyida qabul tugaydigan dasturlar roʻyxatini BU YERDAN topasiz.

😎 Hujjat topshirish muhlatini oʻtkazib yubormang!

@grantlar

AQSHning nufuzli Fulbright Foreign Student Program dasturi g’olibi bilan suhbat

Navbatdagi suhbatimiz mehmoni — Abduaziz Isakulov.

Abduaziz Isakulov — Fulbright Foreign Student Program dasturi bo’yicha AQSHda magistraturani xalqaro huquq sohasida yakunlagan. Shundan so’ng AQSH, Shveysariya, Germaniya kabi davlatlarda o’z ish tajribasini orttirib, hozirda AQSHning Nyu-York shahrida Cardozo School of Law oliygohi doktorantura bosqichida o’z ilmiy ishi bilan shug’ullanmoqdalar.

Suhbatimiz davomida AQSHda o’qish, Fulbright Foreign Student Program dasturi, unga ariza topshirish bosqichlari ham dastur imkoniyatlari haqida batafsil ma’lumotga ega bo’lamiz.

Suhbat vaqti: 2023-yil 4-sentyabr 21:00
Suhbat manzili: @Grantlar_namuna telegram kanali

Suhbatimiz yakunida tinglovchilar o’zlarining qiziqtirgan savollariga javob olishlari mumkin bo’ladi.

@grantlar_namuna

Uzbekistan Incubator Program: American Councils tomonidan bepul 1 kunlik dastur

American Councils tashkiloti Uzbekistan Incubator Program dasturining 2023-yilgi mavsumiga arizalar qabul qilish boshlanganini e'lon qildi.

Dastur maqsadi:
O'zbekiston yoshlariga bugungi global bozorda muvaffaqiyatga erishish uchun zarur bo'lgan muhim ko'nikmalar, fikrlash tarzi va strategiyalar haqida umumiy ma'lumot berish.

Dastur O'zbekiston bo'ylab jami 6 ta viloyatda oflayn tarzda tashkil etiladi:
1. Toshkent — 2023-yil 21-oktyabr.
2. Samarqand — 2023-yil 23-oktyabr.
3. Buxoro — 2023-yil 25-oktyabr.
4. Qarshi — 2023-yil 27-oktyabr
5. Toshkent — 2023-yil 29-oktyabr
6. Namangan — 2023-yil 31-oktyabr
7. Farg'ona — 2023-yil 2-noyabr.

👉 Dasturda ishtirok etmoqchi bo'lganlar BU YERDA ariza shaklini to'ldirishlari kerak.

Qo'shimcha savol va murojaatlar uchun: [email protected]

@grantlar_namuna

#tavsiya

"Grant yutishning sehrli damlamasi yo’q. Qancha ko’p dasturlarga topshirsangiz, shuncha ko’proq yutish imkoniyat paydo bo’ladi. Yutsangiz - bu imkoniyat, yutmasangiz tajriba bo’lib qoladi"

Muhabbat Mamirova — Community Engagement Exchange (CEE) dasturi g'olibi, 2023-yil 17-apreldan 21-iyulga qadar AQSHning Vashington, Kolumbiya Okrugida malaka oshirib qaytgan.

@grantlar_namuna

​Grin Kard (Diversity Visa) endi berilmaydimi?

AQSHning Toshkentdagi elchixonasi 2023 Diversity Visa (Grin Kard) dasturi bo'yicha yangilangan ma'lumotni taqdim etdi. Unga ko’ra, yaqin kunlarda dunyo bo'ylab 2023-yil uchun belgilangan DV vizalari soni yakuniga yetishi mumkin.

Butun dunyo bo'ylab, yillik belgilangan 55 000 ta vizalar
soni cheklovi qamrab olingandan so'ng, barcha AQSH
elchixonalari DV dasturi bo'yicha vizalarni boshqa taqdim eta olmaydi.

Toshkentda ushbu oyda bo’lajak viza suhbati kuni belgilangan murojaatchilar, viza ololmasliklari mumkin. Viza uchun talab etilgan hujjatlari mavjud emasligidan xabardor murojaatchilar, viza suhbatiga kelishdan (va qaytarib berilmaydigan viza uchun to'lovni amalga oshirishdan) avval o'ylab ko'rishlarini so’raladi, chunki viza bo'yicha murojaatni ko'rib chiqib, uni yakunlash uchun yetarlicha vaqt qolmasligi mumkin.

Elchixona dunyo bo’ylab belgilangan viza sonlari cheklovi qamrab olinguniga qadar, DV vizalarini taqdim etishni davom ettiradi. Ma’lumot uchun, bugungi kunga kelib, 3 100 dan ortiq viza murojaatchilari bilan suhbat olib borilgan.

@grantlar_namuna

Yaqinda AQSHning nufuzli Fulbright Foreign Student Program dasturi g’olibi Abduaziz Isakulov bilan suhbat o'tkazgan edik. E'tiboringizga shu suhbatning yozib olingan shaklini taqdim etmoqdamiz.

Suhbatning yozib olingan video shaklini Grantlar.uz saytining YouTube kanaliga joyladik:

👉 VIDEO SHAKLDA KO'RISH 👈

Suhbat davomida AQSHda Fulbright Student Program dasturiga hujjat topshirish va uning bosqichlari haqida kerakli maslahatlar berildi.

ESLATMA: Fulbright Student Program dasturi AQSH departamenti tomonidan tashkil etilgan bo'lib quyidagi imtiyozlarni taqdim etadi:
— Magistratura bosqichini to'liq grant asosida AQSH universitetlarida o'qish.
— Xalqaro safar, turar-joy va boshqa xarajatlar to'liq qoplanadi.

@grantlar_namuna

Rasman tasdiqlandi: 2023-yil uchun Grin Kard DV dasturi uchun vizalar berilishi to’xtatildi.

O’zbekistondagi AQSH elchixonasi rasmiy ma’lumotiga ko’ra, AQSh hukumati joriy 2023-yilgi DV dasturi uchun belgilangan barcha immigratsion vizalarni taqdim etdi. Sentyabr oyining qolgan kunlariga belgilangan DV dasturi bo'yicha suhbatlar butun dunyo bo'ylab, jumladan O'zbekistonda ham bekor qilindi.

DV-2023 dasturi bo‘yicha viza uchun suhbatdan o'tgan, ammo viza olmagan DV murojaatchilari, viza olish huquqiga ega emaslar.

@grantlar_namuna

Erasmus Mundus grantiga topshirmoqchi boʻlganlar (topshirayotganlar) uchun maxsus!

@Grantlar_namuna loyihasi Erasmus Mundus boʻyicha toʻliq tartibli mentorlik kursini eʼlon qiladi.

Kursning asosiy jihatlari:
1. Grantni yutish imkoniyatingizni oshiradi.
2. Hujjatlarni (motivatsiya xati, CV va h.k.) tayyorlashda bevosita maslahat va yordam koʻrsatiladi.
3. Ariza va hujjatlarni xatolarsiz, 100% toʻgʻri va muvaffaqiyatli topshirishingizni taʼminlaydi.
4. Suhbatga alohida tayyorgarlik.
6. Ariza topshirishdan boshlab, to qabul qilinishgacha boʻlgan jarayonda istalgan payt istalgan savolingizni berishingiz va javob olishingiz mumkin boʻladi.

Maʼlumot uchun: Erasmus Mundus dasturi magistraturani Yevropa davlatlarida toʻliq grant asosida oʻqish imkonini beradi (oylik stipendiya 1400 yevro, borish-kelish, sugʻurta va boshqa xarajatlar qoplanadi).

Kursni kim olib boradi?

Dastur Erasmus Mundus granti gʻolibi Abdulaziz Murtozayev tomonidan olib boriladi.

Abdulaziz grantlar boʻyicha boy tajribaga ega. Uning ayrim yutuqlari:
– “Erasmus Mundus in Smart cities and communities MSc program” toʻliq grantini yutgan (2021).
– “Türkiye burslari & IsDB joint scholarship” toʻliq grantini yutgan (2021).
– Amerika kengashlarining “Young Professional Internships Program” haq toʻlanadigan amaliyot dasturini yutgan (2020).
– “The Nippon Foundation JACAFA scholarship” stipendiyasini yutgan (2019).

Dastur mashgʻulotlari Zoom/telegram konferensiyalar, telegram guruh va shaxsiy yozishmalardagi savol-javoblar orqali oʻtiladi.

Dasturga qatnashish uchun imkon qadar ertaroq roʻyxatdan oʻtish lozim.

Bakalavriatni bitirganlar yoki hozirda bakalavriatning oxirgi bosqichida o'qiyotganlar qatnashishi mumkin.

Oʻqish uchun deyarli barcha sohalar mavjud.

Kurs, uning haqi toʻgʻrisida batafsil maʼlumot va roʻyxatdan oʻtish uchun murojaat: @abdulaziz_murtozaev

@grantlar_namuna

​“WeekieHogwarts”: 11 yoshdan katta barcha uchun bepul 5 kunlik oromgoh

WeekieHogwarts — yoshlarning ilmiy salohiyatini oshirish, ularning o‘zbek tili rivoji uchun hissa qo‘shish imkoniyatini ko‘paytirish va o‘z qobiliyatlarini namoyon qilishlari uchun Yoshlar ishlari agentligi tomonidan tashkil etilayotgan loyiha.

Loyiha 2023-yil 25-30-sentyabr kunlari Toshkent viloyati Bo‘stonliq tumanidagi “Yoshlar oromgohi”da tashkil etiladi.

Kimlar uchun: 11 yoshdan katta barcha qiziuvchilar uchun

Loyiha imkoniyatlari:
— Zamonaviy kasblar va xorijiy tillarni bepul o‘rganish;
— Hech qanday to‘lovlarsiz IELTS imtihonini topshirish;
— OTMlar uchun to‘lov summasini davlat tomonidan qoplab berilishi kabilar.

Bundan tashqari, loyiha g‘oliblari qimmatbaho sovg‘alar bilan taqdirlanishadi.

Loyihada 2023-yil 6-sentyabr soat 12:00 dan 20-sentyabr 23:59 ga qadar o‘zbekcha Vikipediyada yaratgan maqolalari orqali ishtirok etish mumkin.

👉 Ishtirok etish shartlari va ariza topshirish jarayoni bilan batafsil BU YERDA tanishing.

Qo'shimcha murojaatlar uchun: @WeekieHogwarts

@grantlar_namuna

Toshkentdagi Buyuk Britaniya elchixonasi tomonidan bo'sh ish o'rinlari

E'tiboringizga O'zbekistondagi xalqaro tashkilot — Buyuk Britaniya elchixonasi tomonidan e'lon qilingan vakansiyalarni havola etmoqchimiz:

1. Trade Advisor — Elchixonaning Biznes va Savdo Departamenti (DBT) jamoasi a'zosi sifatida ishlaydigan savdo maslahatchisi.

Asosiy ish vazifasi: eksportni rag'batlantirish bo'yicha ishlarga rahbarlik qiladi, shu jumladan, Buyuk Britaniya kompaniyalari va O'zbekiston manfaatdor tomonlari bilan Buyuk Britaniya eksporti imkoniyatlarini aniqlash va amalga oshirish uchun aloqa o'rnatish.

Nomzodga qo'yilgan talablar: ta'lim, konchilik yoki toza energiya sohalarida kamida ikki yillik professional ish tajribasiga ega bo'lish hamda ingliz tilini yetarli darajada bilish.

Ish davomiyligi: ish 11 oy to'liq stavkada davom etadi, homiladorlik, onalik davri uchun belgilangan muddatga shartnoma qilinadi.

👉 Trade Advisor ish o'rni haqida to'liq ma'lumot 👈

Ariza topshirish muddati: 2023-yil 18-sentyabr

2. Climate/Governance Policy & Programme Manager. Nomzod Markaziy Osiyo taraqqiyot dasturi guruhiga iqlim/boshqaruv siyosati va proyekt menejeri sifatida qo'shiladi.

Asosiy vazifasi: qabul qilingan nomzod Markaziy Osiyoning beshta davlati boʻylab iqlim, atrof-muhit, shu jumladan energetika va suv tematik sohalarida faoliyat yuritadi, qolaversa, elchixonaning oʻziga xos ustuvor maqsadlariga hissa qoʻshadi.

Nomzodga qo'yilgan talablar: Iqlimning tematik sohasi, tabiiy resurslarni boshqarish bo'yicha kamida 3 yillik tajriba, shuningdek, ingliz va rus tillarini yaxshi bilish talab etiladi. O'zbek tilini mukammal bilish afzallik beradi.

👉 Climate/Governance Policy & Programme Manager ish o'rni haqida batafsil ma'lumot 👈

Ariza topshirish muddati: 2023-yil 19-sentyabr

3. Senior Policy and Trade Advisor. Nomzod raqobatbardosh Britaniya kompaniyalari sonini ko'paytirish, Buyuk Britaniya va O'zbekiston o'rtasidagi savdo masalalarini yaxshilash va erkin savdoni himoya qilish masalalari bo'yicha shug'ullanadi.

Nomzodga qo'yilgan talablar: nomzod biznes, iqtisod, menejment, moliya boʻyicha maʼlumotga hamda tegishli sohada 3-5 yillik professional ish tajribasiga, shuningdek ingliz, oʻzbek va rus tillarida mukammal ogʻzaki va yozma muloqot koʻnikmalariga ega boʻlishi kerak.

👉 Senior Policy and Trade Advisor ish o'rni haqida batafsil ma'lumot👈

Ariza topshirish muddati: 2023-yil 19-sentyabr

Ushbu postni xalqaro tashkilotda ishlashni reja qilib yurgan tanishingizga jo'natib qo'ying😉

@grantlar_namuna

Ko'pchilik talabiga binoan NSP dasturiga ariza topshiruvchilar uchun mentorlik kursi

Xabaringiz bor, NSP almashinuv dasturi uchun anchadan buyon ariza topshirishga yordam berib kelmoqdamiz.

O'tgan mavsumda tashkil etgan kursimiz orqali jami 61 nafar o'zbek talaba va tadqiqotchilari NSP dasturi g'olib bo'lib, hozirda Slovakiyada o'z o'qish yoki ilmiy ishlarini davom ettirmoqda.

Ko'pchilik talabiga binoan ushbu kursning yangi mavsumini e'lon qilamiz.

Kurs kimlar uchun?
Bakalavrni kamida 2,5 yilini tugatgan hozirda 4-kurs talabalari, magistr, PhD talabalari hamda tadqiqotchilar

Kurs mentori: Ozodaxon O'ktamova — NSP dasturi 3 marta g'olibi

Kursimiz afzalliklari:
— Slovakiya universitetga qabul qilinishda individual yordam.
— Kerakli hujjatlarni tayyorlash bo’yicha doimiy ko’rsatma.
— Haftada 2 marta mentor bilan jonli onlayn suhbat.
— Barcha hujjatlarni (CV, motivatsion xat, talabalik haqidagi ma’lumotnoma, tavsiyanomalar va boshqalarni) 2 martadan tekshirib berish.

Kurs narxi: 500 ming so'm.

ESLATMA: Avvalgi mavsumda ushbu kursni bepul tashkil etganmiz. Istovchilar aynan bepul kurs videolarini ko'rishlari va hujjatlarini o'zlari tayyorlashlari mumkin. Ular uchun esa maxsus hujjat tekshirib berish xizmatimizni taklif etamiz.

Bunda jami 4 ta hujjat tekshiriladi:
— Motivatsion xat
— O’quv rejasi
— Tavsiyanoma 2 ta

Hujjatlarni tekshirib berish xizmat narxi: 300 ming.

Kursga yozilish yoki hujjat tekshirish xizmatidan foydalanish uchun: @GN_Work telegram hisobi

👉 NSP almashinuv dasturi haqida batafsil ma'lumot BU YERDA

👉 NSP dasturi bo'yicha biz tayyorlagan qo'shimcha manbalar barchasi BU YERDA

@grantlar_namuna

NSP dasturi bo’yicha ko’p berilgan savollar

Bu postda Slovakiya hukumatining milliy stipendiya dasturi boʻyicha koʻp beriladigan savollarga javob topasiz.

1. Men 2-kurs talabasiman. Dasturda ishtirok eta olamanmi?
Yo’q. Dastur talabiga ko’ra, nomzod bakalavrning kamida 2,5 yilini (5 semestrini) yakunlagan bo’lishi kerak.

2. Men sirtqi/kechki ta’limda o’qiyman. Dasturda qatnasha olamanmi?
Ha, dasturda istalgan OTMning istalgan ta’lim shaklida o’qiyotgan (bakalavrning 2,5 yilini tugatgan) talabalar ishtirok etishi mumkin.

3. Men tibbiyot yo’nalishida 3-kursman. Dasturda qatnasha olamanmi?
Ha, dasturda istalgan yo’nalish bo’yicha ishtirok etish mumkin.

4. Dasturda ishtirok etish uchun til sertifikati talab etiladimi?
Yo’q, dastur uchun hech qanday til sertifikati talab etilmaydi. Lekin Slovak universitetlaridan qabul xati olish uchun ba’zida so’ralishi mumkin. Bunday hollarda til sertifikati bo’lmagan taqdirda universitet o’qituvchilardan “ingliz tilini B2/C1 darajada biladi” degan ma’lumotnoma yuborish ham mumkin.

5. Qabul xati olishda tanlagan yo’nalishim hozirgi o’qishim bilan bir xil bo’lishi kerakmi?
Yo’nalish bir xil bo’lishi shart emas, lekin qabul xati olishda ko’pincha universitetlar yo’nalish aloqadorligiga e’tibor berishadi. Iloji boricha yaqinroq yo’nalish tanlash tavsiya etiladi.

6. Dasturda qatnashsam, O’zbekistondagi o’qishimdan akademik ta’til olishim kerakmi?
Aksariyat hollarda O’zbekistondagi universitet xalqaro bo’limlari hech qanday muammosiz o’qishni davom ettirishi ruxsat bergan. Bunda ikkala universitet fanlari kamida 70% o’xshash bo’lishi zarur. Lekin ayrim universitetlar Slovak universitetlari bilan shartnoma bo’lgan taqdirdagina ruxsat bermoqda. Grant yutganingizdan so’ng universitetlar o’zaro shartnoma qilishi va muammosiz o’qishingizni davom ettirishingiz mumkin. Boshqa hollarda akademik ta’til olishga to’g’ri keladi.

7. Men hozir chet elda o’qiyman. Dasturda qatnasha olamanmi?
Ha, dasturning boshqa talablariga javob bersangiz, qayerda o’qiyotganingizdan qat’i nazar dasturda ishtirok etishingiz mumkin.

8. Dastur qancha vaqt davom etadi?
Dastur orqali 3 oydan 10 oygacha Slovak universitetlaridan birida o’qishingiz mumkin. Odatda talabalar 1 semestr (5 oy) muddatda o’qishni tanlashadi. O’qish boshlanish va tugash sanasini tanlagan universitetingiz xalqaro bo’limi kontaktidan so’rashingiz mumkin.

9. Men 4-kursman. Oktyabrdagi qabul uchun ariza topshira olamanmi?
Ha, topshira olasiz. Dastur fevralda boshlanadi va talabalar o'qishini iyunda yakunlab kelib, diplom yoki davlat imtihonini topshirishga ulgirishlari mumkin.

Qoʻshimcha savollaringiz boʻlsa, izohda qoldirishingiz mumkin.

@grantlar_namuna

“Hududning 100 nafar ixtirochi ayoli”: xotin-qizlar uchun respublika tanlovi

Kimlar uchun: Tanlovda olima, doktorant va tadqiqotchi ayollar, talaba qizlar, muhandis, dasturchi, oʼqituvchi, shifokor, farmatsevt, davlat xizmatchilari, agrar soha vakilalari va iqtisodiyotning turli sohalarida ishlayotgan xotin-qizlar qatnashishlari mumkin.

1. Olima va tadqiqotchi xotin-qizlar oʼrtasida oʼtkaziladigan
tanlovning nominatsiyalari:
— “Eng yaxshi ixtiro muallifi”;
— “Eng yaxshi foydali model muallifi”;
— “Eng yaxshi sanoat namunasi muallifi”;
— “Eng yaxshi selektsiya yutugʼi muallifi”;
— “Eng yaxshi EHM uchun dastur va maʼlumotlar bazasi muallifi” va boshqa 15 xil nominatsiyalar.

2. Talaba qizlar oʼrtasida oʼtkaziladigan tanlovning nominatsiyalari:
— “ Talaba qizning eng yaxshi innovatsion loyihasi ”;
— “Talaba qizning eng yaxshi ixtirosi”;
— “ Talaba qizning eng yaxshi mobil ilovasi”;
— “ Talaba qizning eng yaxshi veb sayti ”.

Ariza topshirish: xotin-qizlarning hujjatlari Qoraqalpogʼiston Respublikasi, Toshkent shahri va viloyatlardagi Oila va xotin-qizlar tuman (shahar) boʼlimlari masʼul xodimlari tomonidan joriy yilning 18-sentyabridan 6-oktabrgacha haftaning dushanba – juma kunlari soat 9.00 dan 17.00 gacha qabul qilinadi.

👉 Tanlovda qatnashish shartlari ve kerakli hujjatlar bilan BU YERDA tanishing.

Qo'shimcha murojaatlar uchun: 71-202-10-75; 99-727-84-23; 93-171-70-17.

@grantlar_namuna

U-ENTER Innovatsion tadbirkorlik markazi tomonidan akseleratsiya dastur

Yoshlar ishlari agentligi va bir nechta xalqaro dasturlar hamkorligida tadbirkorlikka qiziquvchi yoshlar uchun xalqaro akseleratsiya dasturi tashkil etilmoqda.

Dastur quyidagi imkoniyatlarni beradi:
Xorijiy ekspertlar va mentorlar ko‘magida loyihani dunyo bozoriga olib chiqish.
— Koreya Respublikasining “kremniy vodiysi”ga tashrif buyurish (Pangyo Techno Valley).
— Mahalliy va xalqaro venchur fondlari va donorlardan
mablag‘ jalb qilish.
— Dunyodagi eng yirik akselerator “K-Startup Grand Challenge”ga (Seul) tayyorlanish.

Kimlar uchun: tadbirkorlik va innovatsiyaga qiziquvchi yoshlar uchun

Dasturda to'liq ingliz tilida olib boriladi.

Dasturga ariza topshirish so'nggi muddati: 2023-yil 22-sentyabr

👉 Dastur haqida batafsil BU YERDA ma'lumot olishingiz mumkin

👉 Ariza shaklini BU YERDAN yuklab olsihingiz mumkin

Qo'shimcha murojaatlar uchun: +998 95 001 00 53

@grantlar_namuna