9-avgust, 20:00 da FLEX dasturi g'olibi Zafar Akhtamov bilan bo'lgan ovozli chat audiosi.

Zafarning telegramda oʻz kanali bor, qiziquvchilar qoʻshilishi mumkin: @flexwithzafar

Suhbat uchun Zafarga o'z minnatdorchiligimizni bildiramiz.

👉 FLEX dasturi haqida batafsil

👉 FLEX dasturiga topshirish bo'yicha qadamma-qadam qo'llanma (3 xil tilda)

👉 FLEX dasturiga oid savol-javoblar

@grantlar_namuna

#tavsiya

Grant g'oliblaridan tavsiya

"Maqsad va harakatlaringizda uyg'unlik bo'lsin. Har doim o'zingizga pastroq baho bering. Har bir xulosada vazmin va teran bo'ling. Bu yo'l har qanday holatda sizni foydangizga ishlaydi"

Diyorbek Toshniyozov - DAAD All Disciplines (barcha yo'nalishlar) bo'yicha magistraturada o'qish uchun to'liq grant yutgan.

@grantlar_namuna

Abu Dabi orqali uchish arzon, bu uchun viza olish kerakmi?

Ko'pchilik o'qish, ish yoki sayohat sabab chet elga uchishni reja qilayotganda arzon bilet qidirishga harakat qiladi. Abu Dabi orqali uchish shu kunlarda eng hamyonbop usul bo'lib turibdi.

Lekin Abu Dabi orqali uchganda ham, hatto aeroportdan chiqmasa ham transit uchun visa talab etiladi. Xo'sh, bu nima degani?

Avvalo, Abu Dabi orqali uchganda 2 xil transit visa olish mumkin:

— 48 soatlik transit viza. Bu vizani olish uchun Abu Dabi orqali uchayotganda oradagi kutish vaqti 8-48 soat bo'lishi kerak hamda uchish sanasidan 14 kun oldin onlayn tarzda olish mumkin. Viza to'lovi mutlaqo bepul.

— Transit visa. Bu vizani olish uchun Abu Dabi orqali uchayotganda oradagi kutish vaqti 8 soatdan 4 kungacha bo'lishi kerak hamda uchishdan 14 kun oldin onlayn tarzda olish mumkin. Viza to'lovi — AED 150 (taxminan 40,84 AQSH dollari)

Onlayn viza uchun ariza topshirilganda odatda tasdiqlanishi 3-4 kun vaqt oladi.

👉 Vizaga onlayn ariza topshirish

Viza uchun kerakli hujjatlar:
— Viza uchun to'ldirilgan ariza shakli.
— 6x6 sm rangli shaxsiy foto. Orqafon oq rangda bo'lishi va yuzning kamida 80% qismi ko'rinishi kerak.
— Pasportning rangli nusxasi. Pasport muddati tugashiga kamida 6 oy qolgan bo'lishi kerak.
— Abu Dabi orqali boshqa davlatga uchish ko'rsatilgan aviabilet.

ESLATMA: hujjatlar JPEG formatda bo'lishi va hajmi 1 MB dan oshmasligi kerak.

Ko'rib turganingizdek, Abu Dabi orqali uchish va viza olish jarayoni murakkab emas hamda oradagi kutish vaqti 48 soatdan oshmagan hollarda bepulga viza olish ham mumkin.

👉 Abu Dabi uchun viza turlari va narxlari bilan batafsil BU YERDA tanishing.


@grantlar_namuna

Zamonaviy kasblar, SMMga qiziquvchilar uchun trening

Yoshlar uchun ijtimoiy markaz tomonidan navbatdagi "SMM — ijtimoiy tarmoqlarni yuritish" treningi tashkil etilmoqda.

Kimlar uchun: mobil telefonda video olishga qiziqadigan barcha yoshlar uchun

Nimalar o'rgatiladi?
— Kontent reja tuzish
— Reels olish va targ'ib qilish
— Postlar dizaynini qiziqarli formatda yaratish
— Ijtimoiy tarmoqda reklama (targetni) yoqishni o'rganish

O'tkazilish sanasi: 2023-yil 21-avust, 10:00 da
O'tkazilish joyi: Toshkent shahri, "Yuksalish" harakati ofisida.

Ro'xatdan o'tish oxirgi sanasi: 2023-yil 18-avgust

👉 Arizalar BU YERDA qabul qilinadi.

Qo'shimcha savollar uchun: +998 95 196 97 97

@grantlar_namuna

O'zbekistondagi OTM talabalari uchun nomli stipendiyalar roʻyxati yangilandi

Xabaringiz bor, O'zbekistonda bakalavr, magistratura va doktorantura bosqichlarida a'lo baholarga o'qiyotgan, qolaversa, ijtimoiy jihatdan faol talabalar uchun turli nomli stipendiyalar tashkil etilgan.

Endilikda barcha fanlardan oʻzlashtirish koʻrsatkichlari “aʼlo” (koʻpi bilan 25 foizi “yaxshi”) boʻlgan hamda ijodiy ishda qatnashadigan bakalavriat taʼlim yoʻnalishida oʻqiyotgan oxirgi ikki kurs (keyingi oʻrinlarda — yuqori kurs) talabalari uchun quyidagi nomli davlat stipendiyalari taʼsis etildi:

- texnika yoʻnalishlarida — Beruniy,
- tibbiyot yoʻnalishlarida — Ibn Sino,
- gumanitar yoʻnalishlarda — Navoiy,
- tasviriy va amaliy sanʼat hamda dizayn yoʻnalishlarida — Kamoliddin Behzod,
- tabiiy yoʻnalishlarda — Ulugʻbek,
- kinematografiya yoʻnalishida — Xudoybergan Devonov,
- tarix va geografiya yoʻnalishlarida — Bobur,
- jismoniy tarbiya va sport yoʻnalishlarida — Pahlavon Mahmud,
- Oʻzbekiston xalqaro islom akademiyasida — Imom al-Buxoriy,
- Qoraqalpogʻiston Respublikasidagi oliy taʼlim muassasalarida — Toʻlepbergen Qaipbergenov va Ibroyim Yusupov,
- shuningdek, barcha yoʻnalishlarda — Islom Karimov nomli.

Belgilandiki:

— Beruniy, Ibn Sino, Navoiy, Kamoliddin Behzod va Ulugʻbek nomli davlat stipendiyalari bakalavriat taʼlim yoʻnalishlari boʻyicha yuqori kurslarning har ming nafar talabasiga bittadan;

— Imom al-Buxoriy nomli davlat stipendiyasi Oʻzbekiston xalqaro islom akademiyasining uch nafar yuqori kurs talabasiga;

— Xudoybergan Devonov nomli davlat stipendiyasi kinematografiya sohasi uchun kadrlar tayyorlovchi har bir oliy taʼlimmuassasasining bir nafar yuqori kurs talabasiga;
— Bobur nomli davlat stipendiyasi tarix va geografiya yoʻnalishlari uchun kadrlar tayyorlovchi har bir oliy taʼlimmuassasasining bir nafar yuqori kurs talabasiga;

— Pahlavon Mahmud nomli davlat stipendiyasi jismoniy tarbiya va sport yoʻnalishlari uchun kadrlar tayyorlovchi har bir oliy taʼlim muassasasining bir nafar yuqori kurs talabasiga;

— Toʻlepbergen Qaipbergenov va Ibroyim Yusupov nomli davlat stipendiyalari Qoraqalpogʻiston Respublikasidagi har bir oliy taʼlim muassasasining bir nafar yuqori kurs talabasiga;

— Islom Karimov nomli davlat stipendiyasi har bir oliy taʼlim muassasasining bir nafar yuqori kurs talabasiga tayinlanadi”.

Ushbu postni davlat stipendiyalariga harakat qilayotgan tanishingizga yuborib qo'yish yodingizdan chiqmasin ;)

@grantlar_namuna

FLEX g'olibi ishtirokidagi savol-javob guruhi

FLEX 2023-2024 dasturi g'olibi Zafar Akhtamov ishtirokida ushbu dasturga ariza topshirmoqchi bo'lganlarga yordam berish uchun maxsus guruh tashkil etildi.

Bu guruhda FLEX dasturiga oid savollaringiz bo'lsa, so'rab olishingiz mumkin. Ularga Zafar va guruhning boshqa a'zolari javob beradi.

👉 GURUHGA QO'SHILISH 👈

@grantlar_namuna

"Media plyus": nogironligi bo'lgan yosh mutaxassislar uchun bepul media savodxonlik kursi

Yoshlar ishlari agentligi, "SHAROIT PLYUS" Toshkent shahar nogironlar jamoat birlashmasi bilan hamkorlikda nogironligi bo'lgan yosh mutaxassislarni qo'llab-quvvatlash maqsadida media savodxonlik kurslariga qabul e'lon qiladi.

Kurs davomiyligi 2 oy bo'lib, o'zbek va rus tillarida olib boriladi. Ishtirokchilarga kurs yakunida sertifikat taqdim etiladi.

Birinchi mavsum TOSHKENT shahrida bo'lib o'tadi. Ishtirokchilar faqat TOSHKENT shahridan qabul qilinadi.

Kurs davomida ishtirokchilar:

— Ommaviy axborot vositalari xabarlarini tahlil qilishni, noto'g'ri va fake xabarlarni aniqlashda o'z tanqidiy fikrlash qobiliyatlaringizni shakllantirishni;

— Media va uning turlari haqida to'liq ma'lumotga ega bo'lishni, ularning manbalarini tahlil qilish ko'nikmalarini rivojlantirishni;

— Ommaviy axborot vositalarining yangi tendensiyalari va blogerlik haqida o'rganish bilan birga o'z kontentingizni yaratish imkoniyatiga ega bo'lasiz.

ESLATMA: Kurslarda ishtirok etish mutlaqo bepul. Ishtirokchilar tanlov asosida qabul qilinadi. Birinchi mavsum Toshkent shahrida bo'lib o'tadi.

👉 Ariza topshirish BU YERDA amalga oshiriladi.

Ariza topshirish oxirgi muddati: 2023-yil 17-avgust, 23:59 ga qadar

@grantlar_namuna

Foto: Yosh Menejer dasturi 5-mavsum Yopilish marosimidan

Yangilik: 6-mavsumga ro'yxatdan o'tish boshlandi.

🆒 Dastur sizga nima bera oladi?

1. Loyihalar boshqaruvi (Project management) — 8 ta dars
2. Shaxsiy rivojlanish (Personal development) — 8 ta dars
3. TOP kompaniyalarga ekskursiyalar — 5+ tashkilot
4. 2 ta mustaqil loyiha
5. Yosh Menejer Alumni Club'iga qo'shilish

Jamoaviy vazifalar, koordinatorlar yordami, 12 dan ortiq tajribali ekspertlar va 50 ta filtrlangan yoshlar bilan netvorking, ish/internship imkoniyatlari — barchasi bir manzilda: Yosh Menejer dasturining 6-mavsumida!

🔝 170 dan ortiq insonlarni hayotiy va karyeraviy burilishlariga sabab boʻlgan loyihada qatnashing.

Roʻyxatdan oʻting: https://forms.gle/XbhnAaJBv5YSpVVs9

⚠️ Ma'lumot o'rnida, registratsiya jarayoni 26-avgust, 23:59 gacha davom etadi.

Murojaat va savollar uchun:
@young_manager_support
📞 +998901206810

@yosh_menejer_uz

Erasmus Mundus grantiga topshirmoqchi boʻlganlar (topshirayotganlar) uchun maxsus!

@Grantlar_namuna loyihasi Erasmus Mundus boʻyicha toʻliq tartibli mentorlik kursini eʼlon qiladi.

Kursning asosiy jihatlari:
1. Grantni yutish imkoniyatingizni oshiradi.
2. Hujjatlarni (motivatsiya xati, CV va h.k.) tayyorlashda bevosita maslahat va yordam koʻrsatiladi.
3. Ariza va hujjatlarni xatolarsiz, 100% toʻgʻri va muvaffaqiyatli topshirishingizni taʼminlaydi.
4. Suhbatga alohida tayyorgarlik.
6. Ariza topshirishdan boshlab, to qabul qilinishgacha boʻlgan jarayonda istalgan payt istalgan savolingizni berishingiz va javob olishingiz mumkin boʻladi.

Maʼlumot uchun: Erasmus Mundus dasturi magistraturani Yevropa davlatlarida toʻliq grant asosida oʻqish imkonini beradi (oylik stipendiya 1400 yevro, borish-kelish, sugʻurta va boshqa xarajatlar qoplanadi).

Kursni kim olib boradi?

Dastur Erasmus Mundus granti gʻolibi Abdulaziz Murtozayev tomonidan olib boriladi.

Abdulaziz grantlar boʻyicha boy tajribaga ega. Uning ayrim yutuqlari:
– “Erasmus Mundus in Smart cities and communities MSc program” toʻliq grantini yutgan (2021).
– “Türkiye burslari & IsDB joint scholarship” toʻliq grantini yutgan (2021).
– Amerika kengashlarining “Young Professional Internships Program” haq toʻlanadigan amaliyot dasturini yutgan (2020).
– “The Nippon Foundation JACAFA scholarship” stipendiyasini yutgan (2019).

Dastur mashgʻulotlari Zoom/telegram konferensiyalar, telegram guruh va shaxsiy yozishmalardagi savol-javoblar orqali oʻtiladi.

Dasturga qatnashish uchun imkon qadar ertaroq roʻyxatdan oʻtish lozim.

Bakalavriatni bitirganlar yoki hozirda bakalavriatning oxirgi bosqichida o'qiyotganlar qatnashishi mumkin.

Oʻqish uchun deyarli barcha sohalar mavjud.

Kurs, uning haqi toʻgʻrisida batafsil maʼlumot va roʻyxatdan oʻtish uchun murojaat: @abdulaziz_murtozaev

@grantlar_namuna

Kanadaga ketish usullari haqida 2 kunlik bepul vebinar

@Grantlar_namuna kanali kuzatuvchilari uchun Kanadaga ketish usullari haqida maxsus vebinar tashkil etmoqda.

Suhbatimiz mehmoni: Alimardon Butayev

Alimardon Butayev — 6 yillik ish tajribasiga ega huquqshunos, hozirgi kunda esa Kanadaning Vankuver shahrida MBA (Biznes boshqaruvi) yo'nalishida magistraturada tahsil olmoqda. Shuningdek tegishli litsenziyaga ega Kanada mahalliy immigratsion advokatiga yordamchi assistent bo'lib ishlaydi.

Vebinarimiz 2 qismdan iborat:
— 1-qism: Kanada talaba sifatida ketish - 2023-yil 16-avgust soat 21:00 da
— 2-qism: Kanadaga boshqa usullar (ish vizasi, turist vizasi yoki doimiy yashash uchun immigratsiya qilish) bilan ketish - 2023-yil 17-avgust soat 21:00 da

Vebinar oʻtkaziladigan joy: @grantlar_namuna kanali

Vebinar davomida o'zingizni qiziqtirgan savollarga javob olishingiz mumkin.

@grantlar_namuna

Fransiya elchixonasi tomonidan media boshqaruvi bo'yicha seminar-trening

Milliy mass-mediani qo‘llab-quvvatlash va rivojlantirish jamoat fondi hamda Fransiyaning O‘zbekistondagi elchixonasi tomonidan jurnalistlar, blogerlar va media mutaxassislari uchun “Media boshqaruvi: OAVni samarali boshqarish asoslari – France 24 usuli” onlayn seminar-trening tashkil qilinmoqda.

Ma’ruzachi: Antuan Kormeri - France 24 kanalida bosh muharrir, Fransiya media akademiyasi (Academie France Medias Monde) direktori.

O’tkazilish vaqti: 2023-yil 17-avgust kuni soat 10:00-12:00

Suhbat onlayn formatda ingliz tilida bo’lib o’tadi hamda o’zbek va rus tillariga sinxron tarjima qilinadi.

👉 Treningda ishtirok etish uchun BU YERDAN ro'yxatdan o'tishingiz mumkin.

👉 Seminar haqida batafsil BU YERDA ma’lumot oling.

@grantlar_namuna

AQSH universitetlariga (bakalavriat) hujjat topshirishda sifatli yordam xizmati

@Grantlar_namuna loyihasi AQSH universitetlarining bakalavriat bosqichiga hujjat topshirmoqchi boʻlganlar uchun yordam xizmatlarini yoʻlga qoʻydi.

Xizmatlar oʻzi AQSHda toʻliq grant asosida oʻqiyotgan va hujjatlarni tayyorlash hamda topshirishda 3 yillik tajribaga ega mutaxassislar tomonidan koʻrsatiladi.

Koʻrsatiladigan xizmatlar:
– AQSH universitetlari roʻyxati, universitet tanlashda yordam
– Common App akkauntini ochish va toʻldirish
– Barcha hujjatlarni (toʻliq ariza, CV, tavsiyanoma, insholar va h.k.) tayyorlashda yordam
– Nomzod xohishiga qarab, faqat 1 ta yoki bir nechta hujjatni tayyorlashda yordam
– Hujjatlar tayyor boʻlgach, Common App orqali hujjatlarni topshirish – toʻliq va qisman grantlar uchun ham ariza berish (bir vaqtning oʻzida 10 lab universitetlarga hujjat topshirish mumkin)
– Qabul qilingandan keyin nimalar qilish kerak, qanday qilish kerakligi boʻyicha yoʻl-yoʻriq
– Viza hujjatlarini tayyorlash va topshirishda yordam

Muhim jihatlar

1. Xizmatlar ishonchli. @Grantlar_namuna jamoasi bir necha yillardan beri yoshlarga turli universitet va grantlarga topshirishda koʻmak berib keladi.

Kanalda #Natija heshtegi bilan qidiruv bersangiz, jamoamiz yordamida turli grantlarni qoʻlga kiritgan talabalarni topishingiz mumkin (faqat ayrimlari keltirilgan). Bu orqali yillar davomida shunday xizmat koʻrsatib kelganimiz va bizga ishonish mumkinligiga ishonch hosil qilishingiz mumkin.

2. Xizmatlar sifatli. Xizmatlar oʻzlari toʻliq grant yutgan va kamida 3 yillik tajribaga ega mutaxassislar tomonidan koʻrsatiladi. #Natija heshtegi yordamida qidirsangiz, yordam olganlarning aksariyati dunyoning eng nufuzli grantlarini qoʻlga kiritganiga guvoh boʻlasiz.

3. Hamyonbop narxlar. Xizmatlar narxi konsalting agentliklari xizmati narxidan 4-5 barobar arzon.

Foydalanish turlari

Xizmatlardan turlicha foydalanish mumkin. Jumladan:
– Birdan 10-15 ta universitetga topshirish yoki faqat bir nechta/bitta universitetga topshirish;
– Xohishga qarab, toʻliq hujjatlar, bir nechta hujjatni yoki bitta hujjatni tayyorlashda yordam olish;
– Faqat grantga yoki vizaga hujjat topshirishda yordam olish mumkin.

Murojaat

Xizmatdan foydalanish, xizmat turlari, narxlari va boshqalar haqida batafsil maʼlumot olish uchun murojaat qiling: @studyusa_support

Kecha Kanadaga ketish bo'yicha vebinarimizning 1-qismini o'tkazgan edik. Ushbu suhbatning yozib olingan variantini e'tiboringizga havola etmoqchimiz.

Suhbat davomida Alimardon Butayevdan quyidagi savollarga javob oldik:
— Kanadada o'qish, ta'lim, sifati, o'qish kontrakt to'lovlari va stipendiyalar
— O'qish uchun tavsiya etilgan shahar va universitetlar.
— Talaba sifatida ishlash imkoniyati, oylik maosh va ish turlari.
— Ayol-qizlar uchun Kanadada o'qish va yashash sharoitlari
— Kanadada o'qish yakunlangandan so'ng qolish imkoniyati va boshqalar.

ESLATMA: Bugun 21:00 da suhbatimizning 2-qismi bo'lib o'tadi. Suhbat davomida Kanadaga ketishning boshqa yo'llari: ishchi vizasi, immigratsion ko'chib ketish usullari haqida gaplashamiz.

@grantlar_namuna

Kuni kecha Kanadaga ketish usullari bo'yicha vebinarimizni yakunladik. E'tiboringizga suhbatning yozib olingan shaklini havola etmoqchimiz.

Suhbatda quyidagilar haqida ma'lumot olishingiz mumkin:
— Kanadaga ketish usullari haqida umumiy ma'lumot.
— Turistik viza olish, xarajatlar, keyinroq ishchi maqomiga o'zgartirish.
— Kanadaga ketishda til talablari, ingliz va fransuz tillarining ahamiyati.
— Ishchi vizasi olish tartibi, dolzarb ish sohalari.
— Oilaviy Kanadaga ketish imkoniyatlari.
— Viza olishda viza tarixi ahamiyati, hech qaysi chet davlatga chiqmaganlar ham Kanadaga ketishi mumkinmi?
— O'zbekistonda filologiya va pedogogika sohalarini bitirganlar uchun Kanadada ishlash imkoniyati
— Oylik maosh, xarajatlar va boshqalar

Suhbat uchun Alimardon Butayevga yana bir bor samimiy minnatdorchilik bildiramiz va kelgusi ishlarida omad tilab qolamiz.

@grantlar_namuna