💥 ЧЫСЦІНЯ ТАМ, ДЗЕ МЫ!

🍁🍂🍁 Поўным ходам ідзе месячнік па навядзенні парадку і добраўпарадкаванні ў гімназіі №14 г. Мінска.

📍На ўборку стадыёна гімназіі і прылеглай тэрыторыі па вуліцы Васняцова  16 кастрычніка выйшлі педагогі і тэхнічны персанал.

👪 Не засталіся ўбаку вучні і іх бацькі. На дапамогу работнікам гімназіі прыйшоў тата вучня 9 "Б"  класа Сяргей Віктаравіч Башчук.

🍁🍂🍁 Наш любімы Заводскі раён - наш агульны дом. Толькі мы разам можам зрабіць яго чыстым і прыгожым. Далучайцеся!

#Заводскі
#гімназія14
#наводзімпарадак
#чыстатамдземы

📍РЫХТУЕМСЯ ДА КАНФЕРЭНЦЫІ

🇧🇾Да ўдзелу ў раённай навукова-практычнай канферэнцыі актыўна рыхтуюцца вучні гімназіі №14 г.Мінска.

📚 З мэтай напісання даследчай працы вучаніцы 9 "Б" класа Дар’я Музыка і Ксенія Яфімчык  наведалі Дом-інтэрнат для пенсіянераў і інвалідаў, дзе сустрэліся з  цікавым чалавекам. 

🇧🇾Уладзіслаў Платонавіч Біран адзін з тых, хто ніколі не забудзе жахі Вялікай Айчыннай вайны. Дзевяцігадовым хлапчуком фашысты забралі яго ў канцлагер "Азарычы". 

💊💉 Пасля вайны ён пайшоў у медыцыну і працаваў галоўным афтальмолагам Мінска.

📚 Жыццё і працоўная дзейнасць гэтага цікавага чалавека  стануць асновай даследчай  працы  вучняў гімназіі. 

#Заводскі
#гімназія14
#цікавыя_сустрэчы

🎯 МЫ СУПРАЦЬ БУЛІНГУ!

🇧🇾 Гімназія №14  г.Мінска ўжо другі год з’яўляецца эксперыментальнай пляцоўкай рэспубліканскага праекта "Дружалюбнае і падтрымліваючае асяроддзе ва ўстановах адукацыі".

📍Праект рэалізуецца сумесна з кафедрай псіхалогіі  Мінскага дзяржаўнага педагагічнага ўніверсітэта імя М. Танка і накіраваны на прафілактыку булінгу ў школах.

📚 У гэтым навучальным годзе пачаўся чацвёрты этап эксперыментальнага праекта. Пад кіраўніцтвам педагога-псіхолага Яніны Сяргееўны Ліхаманавай  актыўна ідуць трэнінгі і  навучальныя заняткі.

👨‍🎓👩‍🎓 Вучні гімназіі выпрацоўваюць асабістыя рэкамендацыі, ствараюць інфармацыйныя прадукты і выказваюць сваё бачанне прафілактыкі булінгу.

#Заводскі
#гімназія14
#супрацьбулінгу
#эксперыментальнаядзейнасць

🎯 ЛІТАРАТУРНЫЯ СУСТРЭЧЫ

📚 Сустрэча з беларускай пісьменніцай Надзеяй Ясмінска прайшла ў гімназіі №14 г. Мінска 29 кастрычніка.

📜📖📕Мерапрыемства арганізавана ў межах працы "Літаратурнай гасцёўні" для вучняў пачатковых класаў.

👦👧Дзеці з задавальненнем слухалі аповед госці, якая працуе ў жанрах фэнтэзі, дзіцячай літаратуры, магічнага рэалізму, акрыляючай прозы.

💥Надзея Ясмінска прэзентавала пачаткоўцам сваю кнігу "Чароўныя ніткі пані Яніны".

📚 Вучні не толькі слухалі госцю, але і задавалі пытанні аб яе творчасці і новых кніжках для дзяцей.


#Заводскі
#гімназія14
#цікавыя_сустрэчы

🎯 ЗАЙМАЛЬНАЯ РОБАТАТЭХНІКА

🤖 Ужо многа гадоў запар паспяхова працуе  працуе ў гімназіі №14 г. Мінска гурток "Робататэхніка".

👧👦 Яго з задавальненнем наведваюць вучні пачатковых класаў.  На кожным занятку яны пазнаюць новае, ствараюць цікавыя канструкцыі.

🎃👻Напярэдадні  Хэллоуіна вучні сканструявалі ведзьму.

#Заводскі
#гімназія14
#робататэхніка

5️⃣ ЦУДАЎ МУЗЕЯ ПАРТЫЗАНСКАЙ СЛАВЫ

👧👦 30 кастрычніка ў гімназіі №14 г. Мінска лектарамі музея Партызанскай славы была праведзена абзорная экскурсія па музеі для вучняў пачатковых класаў.

📋Экспазіцыі музея распавядаюць аб пачатку Вялікай Айчыннай вайны, аб зараджэнні партызанскага руху на Беларусі, аб дзеяннях партызан на акупіраванай тэрыторыі.

✅ Вучні з задавальненнем слухалі лектараў, якія звярнулі ўвагу на патрыятычныя пачуцці, гонар за сваю Радзіму, за свой народ, які мужна і гераічна абараняў сваю зямлю ад акупантаў!
Запрашаем да нас у музей!

#заводскі
#гімназія14
#музей
#экскурсія_ў_музей

🚩 ШОСТЫ ШКОЛЬНЫ ДЗЕНЬ: ЦІКАВА І ЗАЙМАЛЬНА

📍У шосты школьны дзень, 30 кастрычніка, у гімназіі №14 кіпела жыццё.

🇧🇾 Экскурсію "Пяць цудаў музея" правялі для вучняў лектары музея Партызанскай славы.

📖 Першакласнікі знаёміліся з дзіцячай літаратурай у бібліятэцы.

🎯 Старэйшакласнікі рыхтаваліся да НПК: праводзілі фізіка-хімічнае даследванне глебы.

🏓⛳ У спартыўнай зале праходзілі спаборніцтвы па міні-футболе.

#Заводскі
#гімназія14
#школьная_субота