«Көөчөөннөр» – ыалдьытымсах дьонноох Муомаҕа

🎭🤣 Майатааҕы Аркадий Новиков тэрийбит «Көөчөөн көрө» народнай мини-тыйаатыра тус хоту, көҕөрөн көстөр хайалардаах Муома, Томпо, Өймөкөөн, Абый улуустарын чулуу, хоһуун, ыалдьытымсах дьонугар-сэргэтигэр икки бырагыраамалаах кэнсиэринэн гастрол тууругар баран кэллибит.

🌄 Ол курдук, Муома улууһун Төбүлэх, Хонуу, Буор Сыһыы, Орто-Дойду (Сайдыы), Соболоох, Абый улууһун Кэбэргэнэ, Өймөкөөн улууһун Төрүт, Томпо улууһун Кэскил нэһилиэктэригэр сырыттыбыт.

🚌 Айаммыт-сырыыбыт Аллараа Бэстээхтэн саҕаламмыта. Суоппарбыт Муома олохтоох уола Алексей Федоров, эрэллээх, ыраах сындалҕаннаах айаҥҥа үөрэммит, хоту дойду айанын ымпыгар-чымпыгар тиийэ билэр уопуттаах суоппар. “Көөчөөн көрө” тыйаатыр артыыстара, сыыдам сырыылаах суоппарбытыгар эрэнэн айаннаатыбыт. Айаҥҥа утуйан, сарсыарда суһуктуйуута уһуктан кэлэн харахпытын аспыппыт, доҕоор, киһи уйулҕатын хамсатар, сүрэҕи өрүкүтэр, санааны манньытар хайалар быыстарынан айаннаан сыыйан иһэр эбиппит. Оо, киһи дуоһуйар, астынар көстүүтэ!

Сиһилии 👈

@gazetaerkeii
@ulusmedia

Социальнай хантараакка саҥа сүүрээн: оскуола оҕолоругар эбии дьарык бөлөҕө тэрилиннэ

📃 Мэҥэ Хаҥалас улууһугар сыллата Арассыыйа Бэрэсидьиэнэ 2019 с. олохтообут судаарыстыба өттүттэн социальнай өйөбүллээх буолуу хантараагынан бэйэ дьыалатын арынан, сорохтор кэтэх хаһаайыстыба тэринэн, элбэх ыал көдьүүстээхтик туһанан кэллэ.  

📚📝 Майа сэлиэнньэтин олохтооҕо, элбэх оҕолоох дьиэ кэргэн ийэтэ Екатерина Заровняева 2023 с. сэтинньигэ буолбут куонкуруска алын кылаас оҕолоругар эбии дьарык бөлөҕүн арыйан бэйэ дьарыктаах буоларга кыттарга холоммут итиэннэ, бэйэтэ соһуйуон иһин, 10-тан тахса киһи кыттыбытыттан 3 иһигэр хапсан, 500000 солкуобай суумалаах харчынан өйөбүлү ылбыт. Бу харчынан үөрэххэ туттуллар тэриллэрин ылбыт: ноутбук, принтер, “Айар” кинигэ кыһатыттан оҕо толкуйдуур дьоҕурун сайыннарар оонньуулары, хабылык, хаамыска, о.д.а.

📈✊ "Кэнэҕэскитин элбэх оҕолоох ыалларга “кыаллыбат, табыллыбат” диэн олорон хаалбакка, харса суох барытыгар киирсэн кыттан, боруобалаан иһэллэригэр сүбэлиэм этэ. Холобура, биирдэ аккаастыахтара, иккис сырыыгар табыллыаҥ", - диир Екатерина Дмитриевна.

Сиһилии ⬅️

@gazetaerkeii
@ulusmedia