Мэҥэ Хаҥаласка теннис – успуорт сайдар, кэскиллээх көрүҥэ

🏓 Майа сэлиэнньэтигэр оҕо-ыччат упсуорт оскуолатыгар улуустааҕы биир кэлим ыспартакыйаада остуол тенниһигэр күрэҕэ ыытыланна. 20 нэһиэлиэктэн уопсайа 59 успуорду көҕүлээччи 3 бөлөххө арахсан күрэхтэстилэр.

🏓 Тэрээһиҥҥэ төрөөбүт-үөскээбит Дьабыыл нэһилиэгин чиэһин көмүскүү СӨ остуол тенниһигэр федерациятын толорооччу дириэктэрэ Михаил Варламов кыттыына ылла:
— Бу успуорт көрүҥэ биир саамай маассабай буолан эрэрэ биһигини, остуол тенниһин сөбүлээччилэри, дьарыктанааччылары, олус үөрдэр. Онон Мэҥэ Хаҥаласка теннис баар, сайдар, кэскиллээх диэн бигэ эрэллээхпин. Билиҥҥи туругунан өрөспүүбүлүкэ үрдүнэн 50-тэн тахса тириэньэр баарыттан 5-һэ биһиги улууспутугар үлэлииллэр. Бүгүҥҥү күрэхтэһии кыттааччыларыгар, биир дойдулаахтарбар ким күүстээх, ким бэлэмнээх, ол кыайдын диэн баҕарыам этэ.

🏓 Күрэхтэһии түмүгүнэн бастакы бөлөххө, улахан нэһилиэктэргэ, бастакы миэстэни Майа сэлиэнньэтэ ылла. Иккис Аллараа Бэстээх, үһүс – Төҥүлү спортсменнара буоллулар. Иккис бөлөххө Ходоро нэһилиэгэ бастаата, иккискэ Балыктаах, үһүскэ – Тиэлиги таҕыстылар. Үһүс бөлөххө бастыҥынан Тарат хамаандата ааттанна, иккис – Ороссолода, үһүс – Мэлдьэхси буоллулар.

@gazetaerkeii
@ulusmedia