🔹Түбэлэр: Үрүҥ Күөлү харыстыырга үлэни күүскэ ыытыахха

Бүгүн Түбэҕэ «Нам улууһа» МТ дьаһалтатын 2023 сыллаах үлэтин отчуотугар нэһилиэк 45 олохтооҕо кыттыыны ылла. Видеонан отчуот кэнниттэн Юрий Дьяконов ааспыт сыллааҕы отчуокка киирбит ыйытыыларга, туруорсууларга туох үлэ барбытын билиһиннэрдэ.

Олохтоохтор Үрүҥ Күөлү харыстыырга үлэни күүскэ ыытарга, балыктыырга үптээх-харчылаах программа оҥоһулларын, оскуола тутуутун, детсад дьиэтин өрөмүөнүн, оскуола музейын үлэһитигэр хамнас көрүллэрин, оскуола библиотеката сахалыы кинигэнэн хааччыллыытын, урбаанньыттар бэйэлэрин кыһалҕаларынан программаларга хайдах хапсыахтарын сөбүн о.д.а. көрсөр кыһалҕаларын туруорустулар.

✅ Сиһилии аах 👈

🟠🟠 @gazetaensieli

🔴 2 Хомустаахха Нам улууһун дьаһалтатын 2023 сыллааҕы үлэтин улуус дьаһалтатын дьыалаларын дьаһайааччы Петр Сергучев салайааччылаах 3-с бөлөх отчуоттуур.

Нэһилиэк олохтоохторо улууска бары эйгэҕэ туох үлэлэр ыытыллыбыттарын иһиттилэр.

Лев Новгородов баһылыктаах 2 хомустаахтар отчуоттуур бөлөххө сүрүн долгутар ыйытыыларын биэрэллэр.

🟠🟠 @gazetaensieli

🔸Таастаах нэһилиэгин оскуолата 34 блиндаж чүмэчитин оҥордо

М.В. Петрова аатынан Таастаах оскуолатын коллектива: тех. үлэһиттэр, педагогтар "Блиндажная свеча" акцияҕа кытыннылар.

Технология учуутала Атласова Ольга Семеновна маастар-кылаас ыыппыт. Барыта 34 чүмэчини оҥорбуттар.

Нэһилиэк олохтоохторун күүһүнэн 15 500 солк. хомуллан, Дьокуускайтан чүмэчи атыыласпыттар. Тэрилтэлэринэн үллэрэн оҥорбуттар.

🟠🟠 @gazetaensieli