Быйыл 81 сааһын туолар, Бэрдьигэстээх олохтооҕо 🏡🏠🏢Дьөгүөр Павлов 👴🏻👍 бу күннэргэ Таралҕан күөлүгэр, ☀️❄️ катокка хаҥкылыы кэллэ.⛸⛸
"Үлэ күүһэ"
@silatrudagorny
#үлэкүүһэ

☀️☀️☀️

Сарсыарда тулабын сырдатан
Саҕахтан саһарҕа таҕыста,
Сардаҥа утаҕын тарҕатан
Сандалҕан күн уотугар ыста.

Сандал саас сандаархай тунала
Сыһыыбар арыллан сырдаата,
Сааскы күн чэмэлкэй сарыала
Сыдьаайа көстөн тырымнаата!

✍🏻Онтуон

Үтүө сарсыарданан!☀️

Бүгүн сарсыарда таһырдьа -28 С, күнүс -17 буолара күүтүллэр⛅️

"Эҥсиэли" хаһыат

🐎Бүгүн Нам сэлиэнньэтин "Куонда Кириэс" ипподромугар Нам улууһун сылгыһыттарын икки ардыларыгар Сылгыһыт күрэҕэ сарсыарда 9 чаастан саҕаланар. Хас биирдии ыалдьыты итии чэй, сахалыы ис миинэ уонна күүрээннээх күрэхтэр кэтэһэллэр.

"Эҥсиэли" хаһыат

Кулун тутар 17 күнүгэр 4 чаастан М.К. Аммосов аат. болоссуокка "Нам улууһугар Крым сааһа" («Крымская весна в Намском улусе») диэн акция ыытыллыаҕа. Тэрээһин Крым РФ састаабыгар киирбит бэлиэ күнүгэр (кулун тутар 18 күнүгэр 2014 сыл ) ананар.

Нам сэлиэнньэтин устун Россия уонна СР былаахтарын иилиммит массыыналар сэлэлии сүүрүөхтэрэ.
Болуоссакка бырааһынньыктааҕы кэнсиэр буолуоҕа.

Үөрэнээччилэр, устудьуоннар, общественнай хамсааһын көхтөөх кыттааччылара дойдубут былааҕын күөрэччи тутан Z уонна V буукубалар моһуоннарынан флешмобка кыттыахтара. Манан кинилэр бүттүүн норуот биир санааланыытын, кыайыыны-хотууну, билиҥҥи балаһыанньаҕа армиябытын, президеммитин өйүүрбүтүн биллэриэхтэрэ.

"Эҥсиэли" хаһыат

⭕️«Нам улууһун 1 Хомустаах нэһилиэгэр ыттар почтаҕа пенсиятын ыла кэлбит саастаах дьахтары тырыта тыыппыттар, ол эрэйдээх ыарахан туруктаах балыыһаҕа киирбит. Иэдээн тута тахсыан, массыыналаах киһи кэлэн быыһаабыт, ыттар киниэхэ түспүттэрин нэһиилэ көмүскэммит», - диэн дьулааннаах сурах бу күннэргэ социальнай ситимнэргэ тарҕанна.

⭕️Кырдьык, Дьокуускайга уонна атын даҕаны регионнарга бэйдиэ сылдьар ыттар дьону сэймэктээбит түбэлтэлэрэ өссө даҕаны дьон өйүгэр-санаатыгар уоста илик кэмигэр тарҕаммыта киһини эрэ соһутара, дьулатара баар суол. Оттон дьиҥ иһигэр туох быһылаан буолбутун чуолкайдаары биһиги корреспондеммыт «Хомустаах Бастакы нэһилиэгэ» МТ баһылыга Василий Жирковтан баары баарынан быһаарарыгар көрдөстө.

Сиһилии манна аах

"Эҥсиэли" хаһыат

Нам улууһун Үөдэй нэһилиэгиттэн Петр Егорович Федотов улуус дьаһалтатын уонна СР правительствотын отчуоттарыгар биэрбит ыйытыыларыгар эппиэт туппакка биһиэхэ, хаһыат редакциятыгар, кэллэ. Ону «Эрэйдээх этигэс» рубрикаҕа таһаарабыт. Сиһилии — видеоҕа.

"Эҥсиэли" хаһыат

Украинаҕа ыытыллар анал байыаннай операция уонна онтон сиэттэрэн арҕаа дойдулар санкцияларын туһунан медиа эйгэҕэ сүрэҕэ суох эрэ суруйбат, саҥарбат быһыылаах. Социальнай ситимнэри көрдөххө, дьон санаата икки сүрүн түгэҥҥэ хайдыһар эбит.

Ол курдук, «бандеровецтары бүгүн-сарсын уодьуганныахпыт, арҕааҥы санкциялар биһиэхэ үтүө эрэ өттүнэн дьайыахтара» диэн өрөгөйдөөх санаалартан «сэрии диэн сэрии, сотору аспыт-үөлбүт карточканан тыырыллыаҕа, арҕааҥы санкциялартан экономикабыт улаханнык айгырыаҕа» диэн санаа түһүүлээх этиилэри ахтыахха сөп. Оттон дьиҥнээх балаһыанньа ортотунан соҕус буолуоҕа диэн сэрэйиэххэ сөп.

Бу туһунан суруналыыс Владислав Касьянов анаарыытын сиһилии манна аах

"Эҥсиэли" хаһыат