Айни кунларда республикамиз мустақиллигининг 33 йиллигига бағишланган «Бир бўлсак – ягона халқмиз, бирлашсак – ватанмиз!» ғояси асосида бутун юртимиз бўйлаб «Маънавият марафони» ўтказилмоқда.

Республика Маънавият ва маърифат маркази, "Маърифат" тарғиботчилар жамияти, Маданият вазирлиги, Ёзувчилар уюшмаси, Ўзбекистон маҳаллалари уюшмаси тарғибот гуруҳи аъзолари Балиқчи туманида бўлишиб маънавий-маърифий, маданий тадбирларда қатнашишди.

Лойиҳа доирасида амалга ошириладиган маънавий-маърифий тадбирлар орқали ёшларга юртимизда олиб борилаётган изчил ислоҳотлар эришилаётган ютуқлар ҳақида кенг маълумот бериш, уларда Ватанга муҳаббат, садоқат ҳиссини янада кучайтириш, тарбиясига салбий таъсир этувчи ғоявий таҳдидларга қарши иммунитетни мустаҳкамлаш, ёшларни илм-фанга, маърифатга тарғиб қилиш баробарида маърифатли жамият қуриш, улар қалбида Янги Ўзбекистонни барпо этишдаги дахлдорлик ҳиссини кучайтириш кўзда тутилган.

Ўзбекистон маҳаллалари уюшмаси, Оила ва хотин-қизлар қўмитаси, Республика Маънавият ва маърифат маркази ҳамкорлигидаги “Маърифатли оила” лойиҳаси доирасида республика тарғибот гуруҳи аъзолари Балиқчи тумани Ўртақўрғон маҳалласида бўлишиб, аҳоли билан учрашишди.

Меҳнат фахрийлари Комилжон Режаббоев, Муҳаммаджон Қўшматов оиласи, босиб ўтган ҳаёт йўли маҳалладошлар, айниқса ёшларга ўрнак ва ибрат намунаси сифатида кўрсатилди.

Мақсад - оилаларга маърифат улашиш, зиё тарқатиш. Тарбия, садоқат, ватанпарварлик туйғуларини оила ва маҳаллада улғайтириш, маҳалладан бутун жамиятга олиб борадиган тизимни яратишдир.