“Олтин водий” Фарғона тадбиркорлари клуби иш бошлади

Фарғона шаҳридаги “Афросиёб” тантаналар мажмуасида янги ташкил этилган “Олтин водий” Фарғона тадбиркорлари клубининг таъсис учрашуви бўлиб ўтди.

Тадбирда вилоят ҳокими Хайрулло Бозоров, вилоят ҳокимининг ўринбосари – инвестициялар ва ташқи савдо бошқармаси бошлиғи Муҳсинхўжа Абдураҳмонов, вилоят секторлари раҳбарлари иштирок этдилар.

Фарғона вилояти тадбиркорлари ва вилоятнинг хорижий ҳамкорларини бирлаштирган “Олтин Водий” тадбиркорлар клубининг илк учрашуви 65 нафар маҳаллий ишбилармонлар ҳамда 32 нафар чет эллик сармоядорнинг ўзаро мулоқот платформасига айланди.

“Олтин водий” Тадбиркорлар клубида доимий учрашувлар эркин мулоқот тарзида, ўзаро баҳслашув, музокаралар йўли билан янги ғояларни ўртага ташлаш, уни амалга ошириш бўйича маслаҳатлашув тартибида бўлиб ўтади. Клуб ўз фаолиятига бирорта давлат идоралари аралашмаган, нодавлат нотижорат шаклида ишлайдиган уюшма сифатида иш олиб боради.

Вилоят раҳбари учрашув чоғида таъкидлаганидек, клубни ташкил этишдан асосий мақсад тадбиркорни тадбиркор билан учраштириб, уларни ғоялари, фикрларини ҳаётга татбиқ қилиш, вилоятдаги маҳаллий ва хорижий ишбилармонлик доираларида ўзаро ҳамжиҳатликни ошириш. Қаерда тадбиркорликка яхши муҳит яратилса, давлат томонидан қўллаб-қувватлаш бўладиган бўлса, улар эркин фаолият кўрсатадиган бўлса биринчи тадбиркор иккинчи тадбиркорни бошлаб келади, уларда ишонч пайдо бўлади. Мана шу ишончни мустаҳкамлаш учун ҳам “Олтин Водий” тадбиркорлар клуби ўз фаолиятини бошлади.

Вилоят ҳокими Хайрулло Бозоров “Олтин водий” Тадбиркорлар клубининг фахрий раҳбари этиб сайланган бўлса, маҳаллий тадбиркор Авазхон Пайғамов клубнинг раиси сифатида фаолият юритадиган бўлди.

Тузилманинг ҳар бир шаҳар ва туманда хорижий тилларни яхши биладиган, ўз бизнесига ва ғоясига эга вакиллари бўлади. Уларнинг вазифаси ҳар бир ҳудуддан янги бизнес лойиҳаларни излаб топиш бўлади. Ҳар ҳафта улар жамлаган лойиҳалар вилоят ҳокимига тақдим этиб борилади. Бундан кўзланган асосий мақсад – жойларда тадбиркорнинг истиқболли лойиҳасини илғаб, уни қўллаб-қувватлаш учун клубнинг тадбиркорлик кўникмасига эга аъзолари кўмак беришади. Зеро тадбиркорнинг тилини тадбиркор тушунади.

Ҳар ойда бир марта “Олтин водий” Тадбиркорлар клубининг норасмий муҳитда “галстукларсиз” учрашуви ўтказилишига келишиб олинди.

#Биласизми | #2021_йил_1_мартдан

Адлия вазирлиги 1 мартдан мамлакат қонунчилигида рўй берадиган ўзгаришлар ҳақида маълумот тайёрлади.

1 мартдан нималар ўзгарди?

🔸Бошқа ҳудудга бориб ишлайдиган ўқитувчи-педагогларга устамалар тўланади ➖ БАТАФСИЛ

🔸Тадбиркорларга махсус автоматлаштирилган фото ва видео дастурий-техник воситаларни ўрнатишга рухсат берилади ➖ БАТАФСИЛ

🔸Айрим таълим ташкилотлари халқ таълими соҳасидаги ходимларнинг малакасини оширади ➖ БАТАФСИЛ

🔸Алимент мажбуриятларини бажариш алимент мажбуриятларни ижро этиш ва назорат қилишнинг ягона ахборот тизими орқали амалга оширилади ➖ БАТАФСИЛ

🔸Тадбиркорлар давлат органлари ва ташкилотлари томонидан айрим турдаги давлат хизматлари кўрсатилишида агент сифатида иштирок этиши мумкин ➖ БАТАФСИЛ

🔸Электр, иссиқлик энергияси, газдан фойдаланиш қоидаларини бузиш билан боғлиқ маъмурий ҳуқуқбузарликлар ички ишлар органлари томонидан аниқланади ➖ БАТАФСИЛ

🔸Икки қаватдан юқори бўлган бино ва иншоотлар уларнинг лойиҳа ҳужжатлари мажбурий экспертизадан ўтказилган ҳолда қурилади ➖ БАТАФСИЛ

🔸Қаттиқ маиший чиқиндиларни саралаб йиғиш тизими босқичма-босқич жорий этилади ➖ БАТАФСИЛ

🔸Бир қатор давлатлар фуқароларига Ўзбекистонга визасиз киришга рухсат берилади ➖ БАТАФСИЛ

🔸Кумушни биржа орқали заргарлик буюмларини ишлаб чиқарувчиларга эркин сотиш тартиби жорий этилади ➖ БАТАФСИЛ

🔸Қишлоқ хўжалигида тадбиркорларни жалб этган ҳолда кичик илмий-инновацион корхоналар ташкил этишга рухсат берилади ➖ БАТАФСИЛ

Фарғонадан Истанбулга янги мунтазам авиақатновлар йўлга қўйилди

Uzbekistan Airways авиакомпанияси ««Фарғона-Истанбул-Фарғона» йўналишида янги мунтазам қатновларни йўлга қўйди.

«Фарғона-Истанбул-Фарғона» йўналишидаги авиапарвозлар эса 3 апрелдан қуйидаги жадвалга мувофиқ, ҳафтада икки марта – чоршанба ва шанба кунлари йўлга қўйилади:
• Фарғона-Истанбул учиш - 08:50, қўниш - 12:30
• Истанбул-Фарғона учиш - 14:00, қўниш - 20:50.

Авиачипталарни компания веб-сайтида ёки Uzbekistan Airways Sales орқали сотиб олиш мумкин.

Шунингдек, жорий йилнинг 28 мартидан бошлаб якшанба кунлари «Урганч-Истанбул-Урганч» йўналишидаги парвозлар ҳам амалга оширилади.

Марказий сайлов комиссиясининг навбатдаги мажлиси

1 март куни Марказий сайлов комиссиясининг навбатдаги мажлиси бўлиб ўтди. МСК раҳбарияти ва аъзолари, масъул ходимлар иштирок этган мажлис кун тартибидан Наманган ҳамда Фарғона вилоятлари давлат ҳокимияти вакиллик органлари депутатларининг бўшаб қолган ўринга Ўзбекистон Республикаси Олий Мажлисининг Сенати аъзоларини рўйхатга олиш масаласи ўрин олди.

Батафсил: https://elections.uz/uz/lists/view/3835