Anchadan buyon Warp terminalini ishlataman: boshqa terminallarga nisbatan yangi, tez, va asosiysi, SI bilan yaxshi integratsiya qilingan.

Masalan, biror papkada quyidagi prompt’ni berish mumkin va u kutilgan natijaga olib boradi - turli komandalarni eslash yoki ChatGPT/Google qilish shartmas.

In this folder, rename all images using the following: NNNNN.jpg where NNNNN is a number with leading zeros.

Terminal fayllar bilan to’g’ridan-to’g’ri ishlaydi va bir qancha amallarni mustaqil bajarishi mumkin.

Yangi versiyasida agentlar va kod yozish imkoniyati qo’shilgan.

@farhodjon

📣 Hiring alert (July 2025 Edition)

Tandirdan yaqinda uzilgan yangi vakansiyalar:

- Senior Frontend Engineer
- Senior Backend Engineer (Python)

Odamlarning hayotini va ishini o’zgartirish, professional o’sish, yaxshi komanda bilan ishlash imkoniyati. Tanishlarga yuborganlarga mendan cheksiz minnatdorlik!

@farhodjon #superdispatch #hiring

CTO (Texnik Direktor) kerak

ConnectaCRM asoschisi Ziyobek yangi startap uchun texnik direktor qidirmoqda. Startap hali yosh, biroq allaqachon to’lov qilayotgan mijozlarga ega. Yangi CTO mahsulotni rivojlantirish, texnik infratuzilmani qurish, sun’iy intellektni integratsiya qilish va texnik jamoani shakllantirishda Ziyobekka hamkor bo’ladi.

Texnik stek: Python/Django, TypeScript/React.

Oylikdan ($2000+) tashqari startapdan ulush ham beriladi. Yosh startapni rivojlantirish va startap bilan birga o’sish uchun yaxshi imkoniyat.

Qisqacha intro va rezyume bu yerga yuboriladi: [email protected]

P.S.: Bu xabar reklama emas. Ziyobekni shaxsan taniyman va startaplarga yordam berish juda yaxshi ish.

Ziyobekdan: Qo’shimcha takliflar bo’lsa interviewda kelishamiz.

@farhodjon #jobs

The Startup CTO’s Handbook - CTO qo’llanmasi

Men Super Dispatch’ga CTO sifatida tayinlanganimda juda ko’p narsani ko’p xatolar orqali va komandadagi mendan ko’ra ancha aqlli odamlardan o’rganganman. Ikkalasi ham yaxshi, lekin birinchisini kamroq qilish mumkin.

Tajribali odamlar bilan gaplashish, boshqalarning tajribasini o’rganish, turli tajribalarni qisqa muddat va qisqa ta’sir bilan qilish orqali xatolarni kamaytirsa bo’ladi.

Yaxshi kitoblar ham ko’p, lekin shu kitoblar va boshqa CTO’lardan to’plangan tajribani bitta qo’llanma qilingani boshida menga juda foydali bo’lardi.

Zach Goldberg aynan shunaqa qo’llanma qilgan: The Startup CTO's Handbook. GitHub’da bepul o’qisa bo’ladi, lekin PDF faylini biriktiryapman.

Qo’llanmaning yaxshi tomoni - CTO uchun kerak bo’lgan hamma tomonlarni qamrab olgan: madaniyat, jarayonlar, ishga olish, arxitektura, xavfsizlik va hokazo.

Senior+ injenerlar va menejerlar uchun qattiq tavsiya qilaman. Yuqoridagidek imkoniyatlarga tayyor bo’lish uchun.

@farhodjon

📣 Hiring Alert

Super Dispatch dizayn komandamizga ikki nafar Senior Product Designer qidirmoqdamiz.

Murakkab muammolarni chuqur tahlil qilib, foydalanuvchilar bilan tadqiqotlar olib borib, oddiy va intuitiv dizayn yechimlar ishlab chiqa oladigan, odamlarga nisbatan kuchli empatiyaga ega dizayner qidiryapmiz.

Dizaynerning har bir qarori odamlar ishini soddalashtirishi va biznes samaradorligini oshirishga xizmat qilishi kerak. Yaxshi komanda bilan ishlash uchun zo’r imkoniyat.

Barcha talablar bilan havola orqali tanishish mumkin:

👉 Senior Product Designer

Repostlar uchun cheksiz minnatdorman!

@nodizayn #superdispatch #hiring

Engineering Ladder

Super Dispatch’da taxminan 20 ta injener bo’lgan paytida professional darajani baholashda ba’zi muammolar paydo bo’ldi:

1. Ishga olishda darajani aniqlash qiyinligi. Odamlarni ishga olayotganda darajani aniq ajratib olishimiz to’g’ridan-to’g’ri byudjet va ishga ta’sir qiladi: junior injenerni senior oyligi bilan olmaslik kerak, albatta.
2. Komandalarda har xil darajalar. Agar injener bir komandada senior, lekin boshqasiga o’tganda middle hisoblansa, bu muammoga olib keladi: sifat talabi har xillashib boradi va bir xil ishni qiladigan odamlar har xil komandalarda turlicha taqdirlanishi mumkin.
3. O’sish uchun aniq ko’rsatma yo’qligi. Bu injenerlar qaysi sifatlarga e’tibor berishi, keyingi darajaga chiqishi uchun aniq ko’rsatmalar olishiga to’sqinlik qiladi.
4. Senior darajasidan keyingi daraja yo’qligi. Senior injenerning keyingi darajasi nima, qanaqa sifatlarni rivojlantirish kerak, kabi savollar tug’ilgan.

Bu muammolarning hammasini Software Engineering Ladder yechadi. O’zbekchada karyera zinapoyasi yoki narvoni, deyish mumkin. Maqola davomida shunchaki “narvon” so’zini ishlataman.

Xullas, biz ham shunaqa narvon qurishga qaror qildik.

Birinchi urinish

Birinchi narvonni qurganimizda u juda texnik tomonga va biror narsani bilish-bilmaslikka ko’p e’tibor bilan chiqdi. Masalan, Python dasturchi qo’shimcha yoki yangi freymvorkni bilishi unga bitta sifat qo’shadi. Yoki, QA injener load testing qilishni bilishi ham uni senior qilishi mumkin.

Texnik tomondan turli usullar va bilimlarni o’rganish yaxshi. Lekin, bilish - qilishmas. Men bir hafta sarflab Flask’ni o’rganib chiqishim meni seniorga aylantirib qo’ymaydi. Har qanday injener qisqa muddat davomida biror yangi texnologiyani o’rganib olishi mumkin. Ammo, bu uni shu texnologiya bo’yicha tajribali mutaxassisga aylantirmaydi.

Bilimdan tashqari injenerlar yaxshi tajribalarni doimiy ishlatishi, ular foydalanuvchi, komanda va kompaniyaga foyda keltirishi ham zarur. Mingta narsani bilib birortasini amalda qo’llamaydigan odam mahsulot quradigan komandalarda foydasiz odamga aylanadi.

Ikkinchi urinish

Velosipedni qaytadan ixtiro qilmaslikni tanladik. The Manager's Path nomli juda yaxshi kitob bor. Muallif - Camille Fournier - Rent the Runway kompaniyasida CTO sifatida ishlab yurganida injenerlar uchun narvon qilgan (haligacha ochiq turibdi). Bizga kitob ham, narvon ham yoqqan va shuni asos sifatida ishlatishga qaror qildik.

Yangi narvon bir nechta sifatlarga e’tibor qaratadi:
- Texnik sifatlar - Dexterity
- Bajarish qobiliyati - Strength
- Ta’sir - Impact
- Kommunikatsiya va liderlik - Charisma.

Endi faqat biror narsani bilishmas, injenerning topshiriq va loyihalarni bajarishi, hissa qo’shishi, yaxshi kommunikatsiyasi va faolligi o’lchanadigan bo’ldi.

Bundan tashqari, bir darajadan ikkinchi darajaga o’tish jarayoni ham o’zgardi. Komanda liderining o’zi shunchaki qaror qabul qilmaydi: nomzod bilan yaqin ishlaydigan, injenerning sifatlarini to’g’ri baholaydigan odamlardan ham fikr olinadigan bo’ldi.

Aynan shu narvon yuqoridagi to’rtta muammoni yechdi:
1. Ishga olishda narvondagi sifatlar asosida savollar beriladi va narvon asosida daraja qo’yiladi.
2. Talablar hamma komandalar uchun standart, darajani baholash jarayoni ham aniqlashdi.
3. Har bir injener o’zining narvonida sifatlarni o’rganish jarayonini belgilab borishi, lideri bilan muhokama qilishi mumkin.
4. Senior II, Staff kabi darajalar qo’shildi.

Xulosa

Albatta, keyinroq narvonni rivojlantirib bordik. Lekin, o’sha paytdagi Super Dispatch uchun aynan ikkinchi narvon juda katta yordam bergan.

Injenerlar soni oshgan, bir nechta komandalar paydo bo’lganda shunaqa narvon joriy qilishni qattiq tavsiya qilaman. Kichik komandalar uchun zarurmas, albatta.

Ikkinchi narvonga eng katta hissani Bekzod (Telegram, LinkedIn) qo’shgan - o’sha paytdagi Director of Engineering. Dizaynerlarimiz uchun esa Nodirxon narvon qilgan.

Quyidagi saytni yaxshi resurs sifatida tavsiya qilaman: progression.fyi - turli (katta) kompaniyalarning karyera freymvorklari (narvonlari).

@farhodjon #superdispatch #eng_ladder

Individual Contributor / Yakka hissakor

Agar qilayotgan ishingiz to’g’ridan-to’g’ri natija keltirsa, tabriklayman, siz “individual contributor” sifatida hissa qo’shyapsiz. O’zbekchasiga: yakka hissakor. Yozayotgan kodingiz, qilayotgan testingiz, yaratayotgan dizayningiz, qurayotgan infratuzilmangiz va hokazolar aynan shu yo’ldan ketayotganingizni bildiradi.

Deyarli hamma narvonlarda bu yo’l alohida ajratilgan. Boshqa yo’l - menejment haqida keyinroq gaplashamiz.

Dasturiy ta’minot injeneri (software engineer) uchun kod yozish - ish va majburiyatlarning bir qismi xolos. Shuning uchun ham, injener koder va programmistdan farq qiladi: injener narvondagi faqat bitta sifat bo’yichamas, hamma sifatlar bo’yicha rivojlanishi kerak.

Darajalar

Juda qisqa qilib darajalar haqida to’xtalsak. E’tibor qilish kerak, darajalarga bo’lgan talablar kompaniyadan-kompaniyaga o’zgaradi; agar kompaniyaning ichida standartlashtirilmagan bo’lsa, turli komandalarda ham farq qilishi mumkin. Masalan, kichikroq kompaniyadagi Senior, deylik, FAANG kompaniyasida xuddi shu darajani ololmasligi ehtimoli katta.

Engineer I
Bu daraja birinchi mustaqilroq ishlaydigan mutaxassislarniki. Xalq tilida “junior” deyiladi. Injener bu darajada kichik va o’rtacha topshiriqlarni boshqa tajribaliroq odamlar yordamida bajara oladi. To’xtamasdan o’rganadi.

Engineer II
Bu dajaradagi injenerlarga yaxshi aniqlangan topshiriqlar beriladi. Injener topshiriq ustida mustaqil ishlaydi, kerak bo’lganda boshqalarni chaqiradi, komanda bilan ishlaydi, kelishuvlar va sifat darajasiga to’liq amal qiladi. Juniordan farqli ravishda, bu darajadagi injenerning “tepasida turish” shart emas.

Senior Engineer I
Bu darajadan boshlab injenerga topshiriqmas, muammolar topshiriladi. Senior I texnik tomondan to’g’ri qarorlar chiqara oladi (dizayn, arxitektura), to’g’ri tanlov qiladi, turli tomonlarning qarashlarini hisobga oladi, komandasidan tashqaridagi odamlar bilan ham ishlaydi. Mahsulot va biznesni yetarlicha chuqur bilish ham lozim.

Senior Engineer II
Yuqoridagi darajaning davomi, lekin qisman texnik stekning katta farqi yo’q. Deylik, Senior II darajasidagi injener asosiy stekining atrofidagi steklarni ham yetarlicha tushunadi. Mahsulot menejerlarining texnik hamkoriga aylanadi: kattaroq muammolarni qanaqa yechish, qanday amalga oshirish, foydalanuvchilarga tezroq va muammolarsiz qiymat olib kelishni ham hisobga oladi.

Staff Engineer
Katta (bir nechta mahsulot yoki komanalar qatnashadigan) loyihalarni boshidan oxirigacha olib boradigan odamlar. Kompaniyaning mahsulotlari va biznesini juda yaxshi tushunadi. Arxitektura va tizim dizayni, loyiha boshqaruvi, monitoring, turli komponentlar qanaqa ishlashi haqida chuqur bilimga ega. Ko’p narsada “go-to-person”ga aylangan.

Principal Engineer
Kompaniyada odamlarni boshqarmaydigan eng zo’r, almashtirish qiyin injener. Har tomonlama chuqur bilimga ega, deyarli CTO darajasida. Texnologiya tomondan strategiyani qura oladi va amalga oshiradi. Juda katta muammolar va biznesga yangi imkoniyatlar ochish bilan shug’ullanadi.

Ko’nikmalar (soft/hard skills)

Narvonning o’zi keng qamrovli: injenerning sifatlarini har tomondan hisobga oladi. Lekin ishga olishda faqat bir tomondan kompromiss qilish kerak bo’lsa, u hard skill bo’ladi. Ochiq fikrlaydigan, komandada yaxshi ishlaydigan, kommunikatsiyasi zo’r, o’sadigan, boshqalarni eshita oladigan odam texnik tomondagi yetishmayotgan bilimlarni tezroq rivojlantirishi mumkin. Ayniqsa, hozir bilimga cheksiz imkoniyat bo’lgan davrda (+sun’iy intellekt). O’zingiz o’sishingizda ham shu sifatlarga juda qattiq e’tibor bering: bular bitta kitob o’qib yoki topshiriq bajarib tuzatadigan sifatlar emas.

Xulosa

Injenerlarning juda katta qismi yakka hissakor sifatida ishlaydi. Har qanday odam uchun “endi nima?” yoki “keyingi qadam qaysi?” savoliga javob bo’lishi juda ijobiy narsa. Yuqoridagi darajalar juda qisqartirilgan. Agar aniqroq talablarni bilmoqchi bo’lsangiz, boshlig’ingiz yoki komandadagi kuchliroq injenerlar bilan gaplashing. Savollar → izohlarda.

@farhodjon #superdispatch #eng_ladder

📣 Hiring alert (October 2025 Edition)

Hozir hamma ham paxta terish bilan band emas, shuning uchun, kuzgi vakansiyalarga nima yetsin?

- Backend Engineer II (Python)
- Director / VP of Engineering
- Senior Product Designer

Odamlarning hayotini va ishini o’zgartirish, professional o’sish, yaxshi komanda bilan ishlash imkoniyati. Tanishlarga yuborganlarga mendan (va Nodirxondan) cheksiz minnatdorlik!

@farhodjon #superdispatch #hiring

Figure robotining 3-versiyasining videosini ko’rishni tavsiya qilaman - yaqin kelajakni ko’rsatadigan videolardan biri.

https://youtu.be/Eu5mYMavctM?si=pkJjx09z0QHV0Rkv

Xullas, yangi robot uy ishlariga ham mo’ljallangan: bozor mahsulotlarini taxlash (hatto tuxumgacha) va uydagi buyumlarni tartibga solish, simsiz quvvat olish uchun platformasi bor, yuvib tozalanadigan kiyimi va hokazo.

Mish-mishlarga qaraganda, narxi 20 ming dollar atrofida bo’ladi. Amerikada oddiyroq mashinaning puli.

Bunaqa videolarni ko’rgandan keyin, kompaniya kimlarni izlayotganiga qarab yaqin 5-10 yil ichida bozorda qaysi mutaxassislar ko’proq kerak bo’lishini ham bilsa bo’ladi. Saytida eng asosiy e’tibor berilgan sohalar: sun’iy intellekt, ishlab chiqarish, hardware/mechanical engineering, test qilish va platforma uchun dasturchilar.

@farhodjon #robotics

Menimcha, veb interfeys qurish bo’yicha eng foydali qo'llanmani topdim. Ishingizning ozgina qismi ham interfeys qurishga bog’liq bo’lsa, bu qo’llanma juda foydali bo’ladi. Ayniqsa, frontend/veb dasturchilar va dizaynerlar uchun.

Web Interface Guidelines

Vercel o’zi alohida ajralib turadigan kompaniyalardan biri. Yaxshi kontent va mahsulotlar qiladi.

📣 Hiring alert - Senior QA Engineer II

Super Dispatch juda tajribali, analitik fikrlaydigan, ingliz tilini juda yaxshi biladigan QA Engineer izlayapti. Bu injener sun’iy intellekt asosida ishlaydigan mahsulotlarning sifatini nazorat qilish, foydalanuvchilarga eng yaxshi tajribani yetkazish bilan shug’ullanadi.

Nomzodlar bu yerda qabul qilinyapti:

https://superdispatch.breezy.hr/p/3fddc0fba578-senior-qa-engineer-ii

* * * * *

Senior QA Engineer II - senior injenerning keyingi darajasi. Dasturchilardan kutiladigan taxminiy talablar bu injenerga ham qo’yiladi. Nisbatan kengroq mas’uliyatni oladi, to’liq avtonom, ishni avtomatlashtirishning yangi usullarini topadi, boshqa jamoalar va odamlar bilan yaxshi kommunikatsiya/munosabat quradi.

@farhodjon #superdispatch #hiring