#xotira_va_qadrlash_kuni
#Toshloq_tumani

Bugun Respublika Maʼnaviyat va maʼrifat markazi Toshloq tuman boʻlinmasi tashabbusi bilan tuman hokimligi hamda Oʻzbekiston mahallalari uyushmasi tuman boʻlimi hamkorligida Toshloq tumani "Xonariq" mahallasida yashab oʻtgan Oʻzbekiston qahramoni Komiljon Mamajonovni nomini abadiylashtirish, uning ibratli hayot yoʻlini yosh avlodga naʼmuna qilib koʻrsatish maqsadida "Fidoyilik" mavzusida xotira tadbiri boʻlib oʻtdi.

Xotira tadbirida qahramonimiz qishloq va mahallalarni obod qilish, yoshlarni vatanparvarlik va istiqlol gʻoyalariga sadoqat ruhida tarbiyalash, qishloq xoʻjaligi sohasini malakali kadrlar bilan taʼminlash ishlarida tashabbus koʻrsatganligi tadbir ishtirokchilari tomonidan eʼtirof etildi.

Komiljon ota Mamajonov 1989-yil “Oʻzbekistonda xizmat koʻrsatgan paxtakor” faxriy unvoni va 1995-yil 25-avgust kunidagi Prezident farmoni bilan “Oʻzbekiston qahramoni” unvoni bilan mukofotlangan.

🌐 Rasmiy sahifalarimiz:
Telegram | Instagram | Facebook