#Ózbekiston_tumani
#Bir_nuroniy_ón_yoshga_masùl

Bugun O‘zbekiston tumanida Respublika Ma'naviyat va ma'rifat markazi tuman bo‘linmasi, Yoshlar ishlari agentligi tuman bo‘limi, tuman Nuroniy jamg‘armasi, tuman hokimligi   bilan hamkorlikda mahallalarda istiqomat qilayotgan nuroniylarni ijtimoiy faolliklarini qo‘llab-quvvatlash maqsadida "Bir nuroniy o‘n yoshga mas'ul" tanlovining O‘zbekiston tuman bosqichi bo‘lib o‘tdi.

Yoshlarga biriktirilgan nuroniylarni jamiyat hayotiga faol jalb qilish, ularning ijtimoiy faolligini oshirish, yoshlarimiz tarbiyasida keksa avlod vakillarining tajribasidan foydalanish, jinoyatchilik va huquqbuzarliklarning oldini olish, ajrim yoqasida turgan yosh oilalar o‘rtasida barqaror muhitni qaror toptirish borasida amalga oshirilayotgan ishlarni targ‘ib qilish va ijrosini taʼminlashda faol ishtirok etayotgan bir guruh  nuroniylar Ma‘naviyat va ma‘rifat markazi tuman bo‘linmasining kitoblar jamlanmasi bilan taqdirlandi.

@fargonamanaviyhayoti

Вилоятдаги ахборот-кутубхона марказларига "Туркий адабиёт дурдоналари" китоб жамланмалари топширилди

Кеча Аҳмад Фарғоний номидаги вилоят ахборот-кутубхона маркази фаоллар залида Ахборот ва оммавий коммуникациялар агентлиги ҳамда Ўзбекистон Миллий кутубхонаси томонидан вилоятдаги ахборот-кутубхона марказлари учун совға қилинган "Туркий адабиёт дурдоналари" китобларининг тақдимот маросими бўлиб ўтди.

Тақдимотда вилоят Ахборот ва оммавий коммуникациялар бошқармаси бошлиғи Иброҳимжон Халимбеков, вилоят ахборот-кутубхона маркази раҳбари Ҳуснияхон Шерматова ҳамда барча шаҳар ва туман ахборот-кутубхона марказлари раҳбарлари иштирок этдилар.

Тадбирда сўз олганлар китобнинг инсон ҳаётидаги ўрни, жамиятда мутолаа, инсонлар онгида эса китобхонлик маданиятини янада ошириш ҳақида тўхталдилар.

Маълумки, Президент Шавкат Мирзиёев Туркий асарлар илк марта лотин ёзувига асосланган ўзбек алифбосида-она тилида чоп этилиши ташаббусини илгари сурганларидан кейин, 100 жилдлик "Туркий адабиётлар дурдоналари" тўплами нашрдан чиқди.

Мазкур кенг кўламли, залворли бадиий силсилага умумтуркий адабиётининг энг етук намуналари, Ўзбекистон, Туркия, Қозоғистон, Қирғизистон, Озарбайжон, Туркманистон ва Венгрия давлатларининг атоқли шоир, адиб ва мутафаккирларининг асарлари киритилган.

Шу куни “Туркий адабиётлар дурдоналари” тўплами вилоятдаги ҳар бир шаҳар-туман ахборот-кутубхона марказлари учун 170 номда ва 470 нусхада тантанали топширилди.

Fergana.uz | Telegram | Facebook | YouTube | Facebook | Instagram | Twitter