#Farg‘ona
   #Yo’llar sifati nazorati tadbirlari.
     Farg‘ona viloyati Avtomobil yo‘llari bosh boshqarmasi hamda Transport Vazirligi huzuridagi Transport nazorati inspeksiyasi Yo‘l-qurilish ishlari sifatini nazorat qilish inspeksiyasi Farg‘ona viloyati hududiy bo‘limi mas’ul xodimlari ishtirokida O‘zbekiston Respublikasi Prezidentining 2022-yil 13-sentabrdagi PQ-374-son “Tadbirkorlik subyektlari faoliyatida tekshiruvlar o‘tkazishni muvofiqlashtirish tartibini takomillashtirish chora-tadbirlari to‘g‘risida”gi Qarori bilan tasdiqlangan “Nazorat qiluvchi organlar tomonidan tadbirkorlik subyektlari faoliyatida tekshiruvlar va profilaktika tadbirlarini o‘tkazish tartibi to‘g‘risida”gi Nizom talablaridan kelib chiqib, avtomobil yo‘llari qoplamalari ostidan va yo‘l mintaqalarida kommunikatsiya tarmoqlarini tortish va ta’mirlashda noqonuniy qazish ishlarini oldini olishga qaratilgan  profilaktika tadbiri o‘tkazildi.
  Tadbirda avtomobil yo‘llarida qazish va sun’iy notekisliklar o‘rnatish yuzasidan atroflicha muhokamalar olib borilib, kelgusida mavzuga oid keng miqyosli qo‘llanma ishlab chiqib, Farg‘ona viloyati Avtomobil yo‘llari bosh boshqarmasi tarkibidagi tashkilotlarga va avtomobil yo‘llaridan foydalanuvchi jismoniy va yuridik shaxslarga yetkazishga kelishildi. 
  Shu o‘rinda avtomobil yo‘llaridan foydalanuvchi fuqarolar va tadbirkorlik subyektlariga eslatib o‘tamiz. O‘zbekiston Respublikasining “Avtomobil yo‘llari to‘g‘risida”gi qonuni va tegishli shaharsozlik to‘g‘risidagi qonunchilik hujjatlari va texnik jihatdan tartibga solish sohasidagi normativ hujjatlar talablariga zid ravishda ya’ni belgilangan tartibda ruxsat olmasdan avtomobil yo‘llari qoplamalari ostidan yoki yo‘l mintaqalarida kommunikatsiya tarmoqlarini tortish va ta’mirlash huquqbuzarlik hisoblanishi va O‘zbekiston Respublikasi “Ma’muriy javobgarlik to‘g‘risida”gi kodesning 147-moddasiga asosan fuqarolarga bazaviy hisoblash miqdorining ikki baravari miqdorida, mansabdor shaxslarga esa o‘n baravari miqdorida jarima solishga sabab bo‘lishi mumkin.

#Huquqiy_targ‘ibot
      #Farg‘ona_tumani
   Farg'ona tumani Yo'llardan foydalanish davlat muassasasi huquqshunosi J. Vahobov tomonidan "Konstitusiy-bosh qomusimiz"  mavzusida huquqiy targibot tadbiri o'tkazildi. Unda O‘zbekiston Respublikasi Konstitusiyasi  qabul qilingan sana munosabati bilan ishchi-xodimlar bilan huquqiy savodxonlikni oshirishga qaratilgan uchrashuv bo‘lib o‘tdi. Tadbirda qonunchilikdagi yangiliklar haqida ma'lumot yetkazildi.
           Farg‘ona viloyati Avtomobil yo‘llari bosh boshqarmasi matbuot xizmati.

#Farg‘onada_qor
    Farg‘ona viloyatida harakat xavfsizligini ta'minlashga qaratilgan ishlar davom etmoqda. Bugun (8.12.2024) soat 21:30 da ob-havo bulutli, So‘x tumani va Shohimardon qishlog‘ida maydalab kuchsiz qor yog‘moqda. Umumfoydalanuvdagi avtomobil yo‘llariga muzlamaga qarshi aralashma sepilmoqda. Yo‘llarda avtotransport harakati ikki tomonlama davom etmoqda. Harorat     -1 daraja. Yo‘l bilan bog‘liq favqulodda xodisa va YTX lar kuzatilmadi.  Farg‘ona viloyati Avtomobil yo‘llari bosh boshqarmasi tuman korxonalarining 250 nafar ishchi-xodimlari navbatchilikka jalb etilgan. 
  Agar ushbu yo‘nalishda murojaatingiz bo‘lsa, бошқарманинг (73) 226-26-53 raqamlariga qo‘ng‘iroq qiling. 
  Farg‘ona viloyati Avtomobil yo‘llari bosh boshqarmasi matbuot xizmati.

#Farg‘onada_qor
Vodil qishlog‘i  tog‘li hududda joylashgan. Farg‘ona tumani Yo‘llardan foydalanish davlat muassasasining navbatchilik qismi ayni daqiqalarda (8.12.2024. Soat 22-00) yo‘llarda harakat xavfsizligini ta'minlash maqsadida ushbu manzilda o‘z ish faoliyatini olib birmoqda. 
Mavsum davomida harakat xavfsizligini ta'minlash maqsadida 600 tonna tuz,1900 m3 qum, 250 м3 qum-tuz aralashmasi zahirasi yaratilgan bo‘lib,  tunu kun uzluksiz faoliyat ham yo‘lga qo‘yilgan. Navbatchi xodimlar issiq kiyim-bosh, yotoq joylar bilan ta'minlangan. 
Farg‘ona viloyati Avtomobil yo‘llari bosh boshqarmasi matbuot xizmati.

#Farg‘ona
#Korrupsiyaga_qarshi_kurashishda bizning hissamiz.
Farg‘ona viloyati Avtomobil yo‘llari bosh boshqarmasining korrupsiyaga qarshi kurashish mas’ul xodimlari tomonidan Toshkent axborot texnologiyalari universiteti Farg‘ona filialida aksilkorrupsiya haftaligi doirasida “9-dekabr – Butunjahon korrupsiyaga qarshi kurashish kuni”ga bag‘ishlangan “Korrupsiya-xalqaro muammolardan biri” mavzusida talablar o‘rtasida uchrashuv tashkil qilindi. Uchrashuvda talablarga korrupsiya tushunchasi, uni kelib chiqishiga sabab bo‘layotgan omillar haqida tushuntirishlar berilib, korrupsiya jamiyatga milliardlab zarar keltirayotganligi, bunga qarshi kurashishda avvalo xalqimiz madaniyatini oshirish va ularning ongida murosasizlik munosabatini shakllantirish lozimligi tushuntirildi.
Yurtimizda korrupsiyaga qarshi kurashish masalasida qabul qilingan Qonun hujjatlari va hukumat qarorlari mazmun-mohiyati borasida ma’lumotlar yetkazildi.
Farg‘ona viloyati Avtomobil yo‘llari bosh boshqarmasi matbuot xizmati.

#Farg‘ona
#Jarayon
Bugun 20-dekabr sanasida Farg‘ona viloyatining So‘x, Farg‘ona, Oltiariq, Qo‘shtepa, Toshloq, Yozyovon, Quva tumanlari hamda Quvasoy shahrida qor ko‘p yoqqanligi sababli yo‘llarga sirpanchiqqa qarshi qum-tuz aralashmasidan sepish ishlari amalga oshirilmoqda. Bunga Farg‘ona viloyati Avtomobil yo‘llari bosh boshqarmasi tasarrufidagi tuman korxonalarining 481 nafar ishchi-xizmatchilari, hamda 75 ta maxsus texnikalari jalb etilgan. Yo‘llar xavfsizligiga qaratilgan ishlar davom etmoqda.

#Farg‘ona
  Buvayda tumani Yo‘llardan foydalanish davlat muassasasi ishchi-xizmatchilari tomonidan hududdagi umumfoydalanuvdagi avtomobil yo‘llarida harakat xavfsizligini taʼminlashga qaratilgan ishlar amalga oshirildi.  Unda yo‘l yoqalari chiqindilardan tozalanib,  yangi yo‘l belgilari o‘rnatildi.

#Farg‘ona
#Ishchi-xodimlar uchun yana bir qulaylik.
    Farg‘ona viloyati Abtomobil yo‘llari bosh boshqarmasi ishchi-xodimlari uchun yangi oshxona  foydalanishga topshirildi.  U 30 o‘rinli bo‘lib,  ovqatlanish xonasi, oshxona va yordamchi binolardan iborat.
Yangi jihozlarga ega,  shinam,  barcha qulayliklar mavjud bo‘lgan oshxonaning faoliyat boshlashi munosabati bilan tizimda ko‘p yillar faoliyat olib borgan va bugungi kunda nafaqada bo‘lgan soha faxriylari  taklif etildilar.