#islohotlar_amalda

✅Farg'ona viloyati Bagʻdod tumanining “Samarqand” mahalla fuqarolar yigʻinidagi ta'mirtalab ichki yoʻllar asfaltlashtirildi.

#islohotlar_amalda
Quvasoydagi ichki koʻchalarimiz ravon boʻlmoqda

Quvasoy shahrida Prezidentimizning 2022-yil 25-oktyabrdagi “2022-2023-yillarda mahallalar infratuzilmasini yanada yaxshilash boʻyicha qoʻshimcha chora-tadbirlar toʻgʻrisida”gi qarori ijrosi taʼminlanmoqda.

Xususan, Quvasoy shahar Soy boʻyi mahallasining Sohil koʻchasini 350 metr, Mustaqillik koʻchasini 150 m, Bobur koʻchasining 600 metr qismini asfaltlashtirish hamda Mustaqillik koʻchasida 1 km piyodalar yoʻlagini qurish ishlari amalga oshirilmoqda. Mazkur ishlarga 1,15 mlrd.soʻm mablagʻlar yoʻnaltirilgan.

Fargʻona viloyat Avtomobil yoʻllari bosh boshqarmasi axborot xizmati

🛣TOSHLOQ TUMANIDA 2023-YILDA 40 KM MASOFADAGI ICHKI YOʻLLAR ASFALT QILINDI

Oʻzbekiston Respublikasi Prezidentining “2022-2023-yillarda mahallalar infratuzilmasini yanada yaxshilash boʻyicha qoʻshimcha chora-tadbirlar toʻgʻrisida”gi PQ-408-sonli qaroriga asosan Toshloq tumanida koʻplab ichki yoʻllarda asfaltlash ishlari olib borilmoqda. Shu kunga qadar qarorga koʻra, 10 ga yaqin mahallalarning 40 km uzunlikdagi ichki yoʻllari sifatli qilib afalt qilindi.

Ayni kunlarda “Istiqlol” MFYdagi ichki yoʻllarning 6 km qismida asfaltlash ishlari bajarilmoqda. Qurilish-taʼmirlash ishlari uchun Davlat byujetidan 3 milliard soʻm mablagʻ ajratilgan.

Koʻp yillardan buyon murojaat qilar edik, bu yoʻllarda farzandlarimiz maktabga borib kelishga qiynalar edi,-deydi 80 yoshli Mahammadjon ota Mirzaahmedov.

Fargʻona viloyat Avtomobil yoʻllari bosh boshqarmasi axborot xizmati

#Islohotlar_samarasi
“Qirguli” mahallasining ichki yoʻllari asfalt qilinmoqda

Ayni kunlarda Fargʻona shahridagi mahalla fuqarolar yigʻinlarida Oʻzbekiston Respublikasi Prezidentining 2022-yil 25-oktyabrdagi “2022-2023-yillarda mahallalar infratuzilmasini yanada yaxshilash boʻyicha qoʻshimcha chora-tadbirlar toʻgʻrisida”gi PQ-408-sonli qaroriga asosan keng koʻlamli ishlar olib borilmoqda.

Xususan, “Qirguli” mahalla fuqarolar yigʻini hududidagi ichki yoʻllarning 2500 metr qismi asfalt qilinishi belgilangan. Hozirda yoʻllarni asfaltlashtirish ishlari amalga oshirilmoqda. Mazkur ishlar uchun qaror asosida 1 mlrd. 300 mln. soʻmga yaqin mablagʻ ajratilgan.

Ana shu ishlardan soʻng hudud qiyofasi butunlay oʻzgardi. Ravon va koʻrkam, fuqarolar avvalgidek, oʻnqir-choʻnqir yoʻlda emas, ravon yoʻlallardan foydalanmoqda. Aholiga ertalab va kechqurun sayr qilishi uchun imkoniyati yaratildi.

Fargʻona viloyat Avtomobil yoʻllari bosh boshqarmasi axborot xizmati

#Sox
#open_budget
#Inson_qadri_uchun

So'x tumani Chumoqcha mahallasidagi 3,4 kilometr ichki yoʻllar “Tashabbusli budjet” loyihasi asosida asfaltlashtirilmoqda.

Fargʻona viloyat Avtomobil yoʻllari bosh boshqarmasi axborot xizmati

#Qonunchilikdagi_yangiliklar

❗️Ish haqi, pensiyalar va nafaqalar miqdori oshiriladi

“Ish haqi, pensiyalar va nafaqalar miqdorini oshirish toʻgʻrisida”gi Prezident Farmoni qabul qilindi

🔰Farmonga koʻra:

🔸2023-yil 1-apreldan pensiyalar va nafaqalar miqdori 7 foizga oshiriladi.

🔸2023-yil 1-apreldan Oʻzbekiston hududida:

▫️pensiyani hisoblashning bazaviy miqdori – oyiga 347 000 soʻm;

▫️yoshga doir eng kam pensiya miqdori – oyiga 677 000 soʻm;

▫️nogironlik pensiyalari, jumladan ish staji toʻliq boʻlmagan chogʻdagi nogironlik pensiyasining eng kam miqdori – oyiga 747 000 soʻm;

▫️mehnatga layoqatsiz fuqarolarga beriladigan nogironlik nafaqasi va bolalikdan nogironligi boʻlgan shaxslarga beriladigan nafaqa miqdori – oyiga 747 000 soʻm;

▫️1941–1945-yillardagi urush oqibatida nogiron boʻlgan shaxslar va uning qatnashchilari, shuningdek, fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan shaxslarning eng kam pensiya miqdori ustamalarni inobatga olgan holda – oyiga 3 296 000 soʻm;

▫️belgilangan yoshga doir eng kam pensiya miqdoridan (677 000 soʻmdan) 747 000 soʻmgacha pensiya oluvchilarning yoshga doir pensiyalari miqdori – oyiga 747 000 soʻm;

▫️zarur ish stajiga ega boʻlmagan keksa yoshdagi fuqarolarga beriladigan nafaqa miqdori – oyiga 535 000 soʻm;

▫️ish staji toʻliq boʻlmagan chogʻdagi yoshga doir pensiyaning eng kam miqdori qoʻshimcha toʻlovni hisobga olgan holda – oyiga 535 000 soʻm;

▫️oʻzgalar parvarishiga muhtoj nogironligi boʻlgan 18 yoshgacha bolalarning parvarishi bilan band boʻlgan bolaning qonuniy vakiliga beriladigan nafaqa miqdori – oyiga 535 000 soʻm;

▫️boquvchisini yoʻqotganlik nafaqasi oluvchilarning bir nafar mehnatga qobiliyatsiz oila aʼzosi uchun nafaqa miqdori – oyiga 535 000 soʻm etib belgilandi va keyingi har bir mehnatga qobiliyatsiz oila aʼzosi uchun – 198 000 soʻmdan qoʻshiladi;

▫️boquvchisini yoʻqotganlik pensiyasi oluvchilarning bir nafar mehnatga qobiliyatsiz oila aʼzosi uchun pensiyaning eng kam miqdori – oyiga 535 000 soʻm etib belgilandi va keyingi har bir mehnatga qobiliyatsiz oila aʼzosi uchun amaldagi tartibga muvofiq pensiya toʻlanadi.

🔸Shuningdek, 2023-yil 1-maydan byudjet tashkilotlari xodimlarining ish haqi miqdori 7 foizga oshiriladi.

🔸 2023-yil 1-maydan Oʻzbekiston hududida:

▫️mehnatga haq toʻlashning eng kam miqdori – oyiga 980 000 soʻm;

▫️bazaviy hisoblash miqdori – oyiga 330 000 soʻm etib belgilandi.