​​2021-yil 2️⃣ -noyabr, seshanba

🎉Bayramlar:🎉

❌ Xalqaro Jurnalistlarga nisbatan jinoyatlar uchun jazosizlikka barham berish kuni
🇰🇬 Qirg'iziston madaniyat xodimlari kuni
✝️ G'arbiy xristianlar orasida barcha marhumlarni xotirlash kuni

📔Tarixda bugun📔:

📔1570 — Gollandiyadagi suv toshqini oʻn minglab odamlarni Shimoliy dengizga oqizib ketdi.
📔 1721 - Podsho Pyotr I Buyuk Butunrossiya imperatori unvonini oldi va Rossiya imperiyaga aylandi.
📔1894-yil - taxtga oxirgi rus imperatori Nikolay II taxtga o'tirdi
📔1914 — Birinchi jahon urushi: Rossiya Turkiyaga qarshi urush eʼlon qilgan;
📔1917 — Britaniya imperiyasi sionizmni rasman qoʻllab-quvvatladi.
📔1920 — AQSH 29-prezidenti Uorren Garding saylovda gʻolib boʻlgan;
📔 1937-yil - Oktyabr inqilobining yigirma yilligi munosabati bilan Kreml minoralariga yoqut yulduzlar o'rnatildi
📔 1938-yil - SSSRda birinchi ayollarga Sovet Ittifoqi Qahramoni unvoni berildi
📔1946 — Chotqol tizmasining shimoliy qismida sodir boʻlgan kuchli zilzila Toshkent va boshqa shaharlarda yuzlab binolarga zarar yetkazgan.
📔1947 — Hovard Hughes uchar kemada parvoz qildi.
📔1992 — Shimoliy Osetiya va Ingushetiya oʻrtasida nizo kelib chiqdi.
📔2000 — MKS-1 fazoga uchirildi

🎁Shu kuni tug'ilganlar:🎁

🇫🇷 1755-yil - Mari Antuanett - fransuz qirolichasi, Lui XVI ning rafiqasi
🇺🇸1795-yil - Jeyms Noks Polk - AQShning 11-prezidenti (1845–1849), AQShning eng faol prezidentlaridan biri.
🇬🇧 1815-yil - Jorj Bull - ingliz matematiki va logigi, matematik mantiq asoschisi
🇷🇺 1843-yil - Mark Antokolskiy - rus haykaltaroshi
🇫🇷1847-yil - Georges Sorel - fransuz faylasufi va publitsisti, anarxo-sindikatsionizm nazariyotchisi
🇺🇸1865-yil - Uorren Xarding - AQShning 29-prezidenti (1921-1923), davlat va siyosatchi
🇺🇿 1946 -yil - Saidkomil Umarov O‘zbekiston xalq artisti
🇮🇳1965 yil - Bollywood yulduzi Shoxruhxon.


👍Bizga qo‘shiling!!! https://t.iss.one/erkinvohidovmaktabi

Salom, Noyabr,
Ko'nglimning egizi,
Muhabbatim intihosi,
Umr yo'llarimning davomi.

Kelishing xush bo'lsin,
Kechmishing uzun,
Pok hislarga to'lsin karvoning.

Yomg'irlar aldamchi,
Shamollar yulg'ich,
Hadikka soladi mudroq dunyoni.

Senga asraganim–
xazon yanglig' gul,
Yulduzga mengzalgan egiz ummonim.

Salom, noyabr!
Tanib ol, men o'sha – seni sevgan qiz,
Istagan eshigingdan kir
kelguninggacha,
Axir qulab bo'ldi to'rtta tomonim...

Salom, noyabr!

Parizoda Ro'ziboyeva

👍Bizga qo‘shiling!!! https://t.iss.one/erkinvohidovmaktabi

#ustozlar_bisotidan

Barcha shodlik senga bo‘lsin,
Bor sitam, zorlik menga.
Barcha dildorlik senga-yu,
Barcha xushtorlik menga.

Sen mening jonimni olgin,
Men sening darding olay,
Barcha sog‘lik senga bo‘lsin,
Barcha bemorlik menga.

Senga bo‘lsin barcha husn-u
Menga bo‘lsin barcha ishq,
Kori xunxorlik senga-yu,
Mehr poydorlik menga.

Bu jahonning rohatin ol,
Bor azobin menga ber,
Senga bo‘lsin barcha orom,
Barcha bedorlik menga.

Ol o‘zing koshonalarni,
Menga qo‘y mayxonani,
Barcha hushyorlik senga-yu,
Barcha xummorlik menga.

Senga bo‘lsin nurli kunduz,
Menga qolsin qora tun,
Barcha gulshan senga bo‘lsin,
Barcha tikanzorlik menga.

Sen shahanshohlikni olgin,
Menga qullik bo‘lsa bas,
Bor jafokorlik senga-yu,
Bor vafodorlik menga.

Mayli, ostonangda yotsam,
Mayli, quvsang tosh otib.
Bor dilozorlik senga-yu,
Bor dilafgorlik menga.

Senga she’rni bitsin Erkin,
Yirtib otmoq o‘z ishing,
Kasbi inkorlik senga-yu,
Aybi iqrorlik menga.

© Erkin Vohidov


👍Bizga qo‘shiling!!! https://t.iss.one/erkinvohidovmaktabi

#Erkin_Vohidov_85_yoshda!

📃 "O'zbegim" qasidasi

⛪️ Erkin Vohidov nomidagi ijod maktabi matbuot xizmati

👍Bizga qo‘shiling!!! https://t.iss.one/erkinvohidovmaktabi

​​#parvoz_2021

TO QUYOSH SOCHGAYKI NUR

Hayot bog‘-u bo‘ston, jo‘shqinlik fasli,
Uni ulug‘lagan topgaydir e’zoz.
Men senda tirikman, ilhom nafasli,
Men senda yuksaldim, ayladim PARVOZ!

Baxtning tusidadir qalb chechaklari,
Shodlikdan yangragay baralla ovoz.
Bu kun tilaklarning ro‘yobi senda-
Parvoz, parvoz, PARVOZ!!!


Joriy yilning 2-noyabr kuni Erkin Vohidov nomidagi ijod maktabida har chorak yakunida o‘tkazilayotgan “PARVOZ” tanlovining noyabr oyidagi debochasi o‘tkazildi. Iste’dodli o‘quvchilar “To quyosh sochgayki nur” mavzusida O‘zbekiston Qahramoni, O‘zbekiston xalq shoiri Erkin Vohidov tavalludining 85 yilligi munosabati bilan uning hayoti va ijodini talqin qilish bo‘yicha bellashdilar. Tanlovda 7, 8, 9, 10-sinf o‘quvchilari faol ishtirok etdi. Shuningdek, 1-shart “Bizning ijod” sharti bo‘lib, unda o‘quvchilar Erkin Vohidovga bag‘ishlov she’rlarini badiiy ijro etdilar. 2-shart Erkin Vohidov ijodidan “Sahna ko‘rinish” sharti, 3-shart esa boshlovchi tomonidan berilgan ustoz shoirning ijodi bo‘yicha savollar sharti bo‘ldi. Tanlov hakamlari xulosasiga ko‘ra 8 “A”-sinf o‘quvchilari 93 ball, 7 “A”-sinf o‘quvchilari 82 ball, 10 va 7 “B”-sinf o‘quvchilari 76 ball, 8 “B” -sinf o‘quvchilari 72 ball va 9-sinf o‘quvchilari 67 balni qo‘lga kiritdilar. Shunga ko‘ra, 1-o‘rinni 8 “A” -sinf o‘quvchilari egalladi. Tanlov yakunida ilm egalarini yanada qo‘llab-quvvatlash, o‘quvchilar o‘rtasida sog‘lom ijodiy raqobatni yuzaga keltirish, ustozlarning mehnatini qadrlash maqsadida “PARVOZ-2021” tanlovining munosib sohiblari ya’ni 14 nafar eng bilimli, iste’dodli, faol, tashabbuskor, intiluvchan, ijodkor o‘quvchilar va ustoz-murabbiylar maktab direktori Nigoraxon Mannopova tomonidan taqdirlandilar.

✍️Erkin Vohidov nomidagi ijod maktabi Matbuot xizmati


👍Bizga qo‘shiling!!! https://t.iss.one/erkinvohidovmaktabi

👆👆👆TANLOV RASMLARI👇👇👇