2021 yil 19-fevral, muborak juma


BAYRAMLAR:

- 🇺🇳Jahon dengiz sutemizuvchilar kuni (kit kuni)
- 🇷🇺Rossiyada ornitologlar kuni
- 🇦🇲Armanistonda kitob berish kuni
- 🇰🇬Qirg'iziston moliyaviy politsiyasi xodimi kuni

TARIXDA BUGUN:

- 1855 yil - Sinoptik kartaning tug'ilgan kuni
- 1878 yil - ovoz yozish davri boshlandi - Tomas Edison fonograf uchun patent oldi
- 1918 yil - Boltiq floti muzliklari boshlandi
1938 yil - Dunyodagi birinchi "Shimoliy qutb-1" tadqiqot stantsiyasi o'z ishini yakunladi
- 1990 yil - Photoshop paydo bo‘ldi.

TAVALLUDLAR:

- 1473 - Nikolay Kopernik - Polshalik astronom, matematik, dunyoning geliotsentrik tizimining muallifi.
- 1630 yil - Shivaji - Hindiston milliy qahramoni
- 1778 yil - Fridrix Karl Tettenborn - nemis baroni, Rossiya harbiy etakchisi, Napoleonga qarshi urush qatnashchisi.
- 1792 - Roderick Murchison - Ingliz geologi
- 1833 yil - Eli Dyukmen - shveytsariyalik jurnalist, tinchlik faoli, Nobel mukofoti sovrindori
- 1843 yil - Adeline Patti - italiyalik qo'shiqchi
- 1859 yil - Svante Arrenius - shved fizik-kimyogari, Nobel mukofoti sovrindori
- 1869 yil - Ovannes Tumanyan - arman shoiri va yozuvchisi, jamoat arbobi
- 1933 yil - Elza Lejdey - sovet aktrisasi, RSFSRda xizmat ko'rsatgan artist
- 1952 yil - Mixail An Paxtakor futbol klubi yarim himoyasi.
- 1979 yil - Vitas - rus va ukrain pop qo'shiqchisi va aktyori
- 1989 yil - Arsen Galstyan - rossiyalik dzyudochi, Olimpiya chempioni, Rossiyada xizmat ko'rsatgan sport ustasi

Obuna bo‘ling:
👉 @kalendarlar

OSMON PARCHALANIB TUSHDI YONIMGA


Osmon parchalanib tushdi yonimga,
Har zarraning uchi yurakka yaqin.
Zamindan tobora uzoqlab ketdim,
Bosgan yoʻllarimda qorishdi chaqin.

Taqdir aravasin tortdi ortimdan,
Biroq taqdirga ham bermadim jilov.
Kechishim umrning qaro yoʻli-yu,
Sening nafasingsiz kechmishim yigʻlov!

Osmonga qaragin naqadar tiniq,
Unda tuygʻularning bari mujassam.
Bugun bulutlarning sagʻrida turib,
Sendan kechmaslikka ichaman qasam.

Bulut qatlarida umrim oʻtmoqda,
Jonim yomgʻirlarga yetmaydi kuchim.
Quyoshga aylandim, yuksak quyoshga,
Sening yuragingni isitmoq uchun.

Kel, shunday kelki kuzaklar tugab,
Bahor chechaklari yogʻilsin boshga.
Sev, shunday sevki koʻzlaring quvnab,
Menda yoʻl qolmasin sevishdan boshqa!

✍️Ismoiljon Odilov, Erkin Vohidov nomidagi ijod maktabi 11 – sinf o‘quvchisi.

👉TelegramI OromgohI FacebookI O‘zbegim👈

2021 yil 20-fevral, shanba

BAYRAMLAR:

- 🇺🇳Jahon ijtimoiy adolat kuni

TARIXDA BUGUN:

- 1872 yil - Nyu-Yorkda Metropolitan muzeyi ochildi
- 1909 yil - Birinchi futurizm manifesti nashr etildi
- 1940 yil - ekranlarda birinchi marta Tom va Jerri multfilmlari juftligi paydo bo'ldi
1975 yil - SSSRda Havodan mudofaa kuchlari kuni tashkil etildi
1986 yil - "Mir" ilmiy stantsiyasi kosmik orbitaga chiqarildi
-1992 — Oʻzbekiston va Saudiya Arabistoni oʻrtasida diplomatik aloqalar oʻrnatildi.

TAVALLUDLAR:

- 1886 yil - Bela Kun - venger va sovet siyosatchisi va jurnalist
1898 yil - Porfiriy Ivanov - rus tabibi, mashhur "Baby" shifo metodi muallifi.
- 1903 yil - Leo Dovator - Sovet harbiy qo'mondoni, general-mayor, Sovet Ittifoqi Qahramoni
- 1966 - Sindi Krouford - Amerikalik supermodel, aktrisa, teleboshlovchi
- 1967 - Kurt Kobain - amerikalik qo'shiqchi, rok musiqachi, gitarist.

Ulanish uchun:
👉 @kalendarlar

Бугун шоир Матназар Абдулҳаким туғилган кун

СИРТҚИ САБОҚ

«Имло хатоларим бўлса кечиринг,
хозир паришонроқмон...»
Мактубдан
Мен сени севаман... о, қурсин эсим,
Наҳотки «Мен» — эга?.. «Севаман» — кесим?..
Қоидага маҳкуммиз бунча нега биз?
Муҳаббат эмасми, ахир, эгамиз?
... Сен бўлсанг мактабда — машаққатдасан,
Руҳимда хавотир ғалаён бошлар.
Сени толиқтириб қўймадимикин
Ҳар хил ундалмалар, отлар, олмошлар?
«Ни»ни эмас, сени севаман ўзим,
Дийдорингга етмоқ умидим минг-минг,
Сенинг кўзларингни соғиндим, кўзим,
Кўзим йўқ кўришга турқини «нинг»нинг.
Юрагим ким, ўзи юрагим нима?
Юрагим занжирбанд — зулфингга боғлиқ.
Юрагим бўм-бўш уй, файзли қилмасанг,
Очмасанг берк уйдир, маҳкам қулфлоғлиқ.
Қулфлар синсинлар, кел, эшикларинг,
Уйига ўт тушсин келишикларнинг.
Қаратқичнинг ўзи сенсиз қаратқич,
Сенсиз тушумни мен туш кўрибмидим?!
Сен бўлсанг шу қадар келишгансанки,
Муҳаббатдан бошқа келишигинг йўқ...
На бир дарак гап бор мактубларингда,
На бир эргаш гап бор мактубларингда,
Фақат юрак гап бор мактубларингда,
Фақат тергаш гап бор мактубларингда.
Руҳимга ҳеч тинмас ғамдан таъқиблар,
Мактублар ишқ дардин маҳзун иложи.
Ўқир, конверт йиртиб, хатим рақиблар,
Юракни олгандек кўксимни очиб.
О, юрагим менинг — мактаб боласи!
Таҳликага тушмай, чўкмай севади.
Юрагим индамай севади сени.
Қучоқламай севар, ўпмай севади.
Мен севмоқ бахтига минг дардда етдим,
Бироқ бу не ҳикмат, бироқ бу не сир?
Лабларимда сенсиз бўсалар етим,
Лабларингда менсиз бўсалар есир.
Сенинг йўқловингсиз ҳислар ҳам сағир,
Хоҳи гар ишонма, хоҳи гар ишон.
Мени унутмабсан, хайрият, ахир,
Мактублар битибсан хотирпаришон.
Бироқ сендан хат йўқ кечадан бери,
Зор этдинг кўзларим — гадоларингни,
Мени соғинсайдинг соғинганимдек
Жондан азиз имло хатоларингни.
Бахт ва кулфат билан севаман сени,
Севаман зарарлар ва фойдаларсиз.
Кўзларим йўлингга термула берар
Ҳеч қандай бир имло қоидаларсиз.
Сен эса омон бўл бош келишикда,
Сарвиқад ва қаламқош келишикда.
Мактублар битавер, майли, паришон,
Таъна келишикда, тош келишикда.
Сен фақат унутма, фақат унутма,
Кўзларим кўп ёмон соғинди сени
Қайғу келишикда...
ёш...
келишикда...
@mittihaqiqatlar

2021 yil 22-fevral, dushanba

BAYRAMLAR:

- 🇺🇳Xalqaro jinoyat qurbonlarini qo‘llab quvvatlash kuni
- 🇰🇬Qirg'iziston yer tuzish, geodeziya va kartografiya xodimlari kuni
- 🇺🇸Jorj Vashingtonning tug'ilgan kuni
- Bremendagi Samba karnavali
- 🇪🇬Misrda Abu Simbel quyosh festivali
- 🇯🇵Yaponiyada mushuklar kuni

TARIXDA BUGUN:

- 1632 yil - Galileo Galiley unga Toskana gersogiga bag'ishlangan kitobni taqdim etdi
- 1714 yil - Sankt-Peterburg botanika bog'i tashkil etildi
- 1878 - P.I. Chaykovskiy To'rtinchi simfoniyasi.
- 1921 yil - Sovet Rossiyasida SSSR Davlat Rejalashtirish Komissiyasi tuzildi
- 1968 yil - birinchi Bellingshausen Sovet qutb stantsiyasi ochildi

TAVALLUDLAR:

- 1732 yil - Jorj Vashington - AQShning birinchi Prezidenti (1789-1797), Amerika davlat arbobi va harbiy rahbari
- 1800 - Anna Kern - rus zodagon ayol, memuarist
- 1850 yil - Fedor Vasilyev - rus peyzaj rassomi
- 1857 yil - Xaynrix Gerts - nemis fizigi, elektrodinamikaning asoschilaridan biri
- 1897 yil - Leonid Govorov - Sovet harbiy rahbari, Marshal va Sovet Ittifoqi Qahramoni

Obuna bo‘ling:
👉@kalendarlar

Arabboy Ahmadjonov, Erkin Vohidov nomli ijod maktabining 9-sinf o‘quvchisi. 2006-yil Toshloq tumanida tug‘ilgan. Uning ijod namunalari “Qalb sadosi” gazetasida nashr qilingan.

***
Tunda tunab tondi tantiq tong,
Qorachiqqa indi mash’um tin.
Kecha urush bo‘ldi qaydasan,
Farishtalar chiqarmadi un.

Nag‘malarin boshlaydi shayton,
Budda uxlar, Yupiter mizg‘ir.
Ko‘chalarda esa haliyam,
Miltiq bilan urushlar izg‘ir.

Tinchlik o‘zin o‘lganga solar,
Qonli qafas ichra yurar erk.
O‘ngim urush, so‘lim jahannam,
Arosatda qoldim yo‘lim berk.

Qo‘limdagi gullar so‘ligan,
Bu dunyoning umri oxirlar.
Urush dastxat qo‘ymas yuzimga,
Men chun dastxat qumsiz qabrlar.

👉TelegramI OromgohI FacebookI O‘zbegim👈

​​22 февраль – атоқли шоир Азим Суюн туғилган кун

ХОТИРА

Бугун элимизнинг суюкли шоири Азим Суюн таваллуд топган кун! Шоир ҳаёт бўлганида 73 ёшни қаршилар эди.
Азим Суюн 1948 йил 22 февралда Самарқанд вилояти Накурт қишлоғида туғилган. Бу овлоқ қишлоқ Нурота тоғларининг Қоратоғ тизмаси орасида жойлашган. У 1969-1971 йилларда ҳарбий хизматда бўлди. Хизматдан қайтгач, ТошДУ (ҳозирги ЎзМУ)нинг журналистика факультетининг кечки бўлимида ўқиди.
Азим Суюннинг илк шеърий машқлари, мақолалари ўқувчилик кезларидаёқ “Гулхан”, “Ғунча” журналларида, туман, вилоят газеталарида ёритила бошлади. Биринчи китоби – “Менинг осмоним” (1978). Шундан сўнг шоирнинг “Зарб” (1979), “Замин тақдири” (1981), “Хаёлот” (1984), “Зиё йўли” (1986), “Жавзо” (1987), “Олис тонглар” (1989), “Куйганим-суйганим” (1992), “Сарбадорлар” (1994), “Қора кўзинг сенинг” (1994), “Сайланма” (1997), “Ўзлик” (1999), “Шарқ ҳикмати” (2000), “Эй дўст” (шеърий қайирмалар, 2005), “Ватан фасллари” (2007), “Муҳаббат ҳайратлари” (2009), “Андиз ўсган ерларда” (2012), “Эй дўст” (насрий қайирмалар, 2014), “Навоийдан топдим” (2015), “Мен – ерликман” (шеърлар ва достон, 2020) номли китоблари нашр этилди.
Шунингдек, шоирнинг 7 жилдлик “Танланган асарлар”и Ғафур Ғулом номидаги нашриёт-матбаа ижодий уйида чоп этилмоқда. Уларнинг 1-жилди “Эй дўст” 2009 йил, 2-жилди “Ўзбекюрт” 2015 йил, 3-жилди “Мен сизни севаман” 2016 йил, 4-жилди “Туғдона” 2020 йилда китобхонлар қўлига етиб борди.
Азим Суюннинг бир қанча шеърлари, шеърий туркумлари, китоблари, рус, инглиз, турк, қозоқ, тожик каби ўнлаб тилларга таржима қилинган. Ўз навбатида унинг ўзи ҳам бир қанча чет эл шоирларининг асарларини ўзбек тилига ўгирган.
Азим Суюн “Қайирма” жанрига асос солди. Унинг шеърий ва насрий қайирмалардан иборат “Эй дўст” китоби маълум ва машҳур бўлиб, бир неча бор чоп этилган. Шунингдек, шоир ижодида “Иморат ва ёки бир томчи Денгизга айланган кеча достони”, “Замин тақдири”, “Сарбадорлар” драматик достони, “Ўзбекистон” достони алоҳида аҳамиятга эга. Унинг “Ўзбек давлати” достони эса мустақиллик мавзусидаги етук асарлардан биридир.
Азим Суюн Ватан, табиат ва муҳаббат шоири.
Шоир 1991 йили “Ўзбекистон” достони ва бир туркум шеърлари учун Абдулҳамид Чўлпон номидаги биринчи халқаро мукофотга сазовор бўлган. 1996 йили “Ўзбекистонда хизмат кўрсатган маданият ходими” унвони билан мукофотланган.
Азим Суюн 2020 йилда вафот этган.

Ўзбекистон Ёзувчилар уюшмаси Ахборот хизмати

ФЕВРАЛЬ
Февраль. Эй, дўст!
Келдингми, қани,
Бир кўришиб қўяйлик аввал.
Ойлар ичра
гарчи қаддинг паст,
Лекин қадринг баланд, мукаммал.
Қиш чилласин
сурасан ортга,
Жилғаларда бошлайсан қўшиқ.
Тезроқ кўклам
инсин ҳаётга,
Ҳаммадан кўп сен унга ошиқ.
Тўққизингда
бошлайсан бир тўй –
Дахлдордир адабиётга.
Бир қадаҳ сун,
бир қадаҳ май қуй,
Бу тўй ёрдир абадиятга!
Мир Алишер
таваллуд куни,
Ортга ташлаб не саналарни,
Ватан узра
бошлаб юборар
Ҳидоятли тантаналарни.
О, бобомнинг
номи янграгай
Қардош тиллар, ёт тилларда ҳам.
Наволари
навозиш этгай
Яқин эллар, ёт элларда ҳам.
Тоғу боғу
чўл-саҳроларда
Гулга қараб очилгандек гул,
Боку, Масков,
Токиоларда
Ғазал ила боғланур кўнгил!!!
Февраль. Эй, дўст!
Келдингми, қани,
Бир кўришиб қўяйлик аввал.
Ойлар ичра
гарчи қаддинг паст,
Лекин қадринг баланд, мукаммал.
Ўн тўртинг ҳам
етиб келгайдир,
Шоҳ ва шоир келади отда, –
Созу созгар
Заҳриддин Бобур
Ҳар ғазалин куйлар ҳур Юртда!
Инжа мавқе
мақомларига
Не кўнгиллар кетади ийиб.
Дейсан: Дунё
ўлмаганники –
Зоти шариф Бобурни суйиб.
Кўклам яқин...
Акси, садоси
Уйғотади дашт тўрғайларин.
Оҳ, куйлатиб
юборар ҳатто
Ёбонларнинг қамиш-найларин.
Қиш офтобин
қўри кун-бакун
Чўғланади тандир чўғидек.
Кечаги қор
қайдадир бугун,
Улар қочар... қочган ёғийдек.
Февраль. Ўсган
бўйингга таъзим, –
кетдинг барча ойлардан ўзиб.
Минбарларда
шеър ўқир, Азим,
Не шоирлар юрагин ёзиб!

2008 й.

Азим Суюн

Сайт I Телеграм I Фейсбук

Rustamjon Xalimov, Erkin Vohidov nomli ijod maktabining 10 – sinf o‘quvchisi. 2003-yil Uchko‘prik tumanida tug‘ilgan. Uning ijod namunalari viloyat hamda respublika nashrlarida chop qilingan.

SHOIR

G‘amlarni o‘lguday ko‘radi yomon,
Lek dardga o‘zini uraveradi.
To‘lib ketsa hamki tanidagi jon,
Junundek jilmayib turaveradi.

Qora bilan turfa ranglar kashf etar,
Kaftida yashaydi qalami tannoz.
Hali nomi mavhum mavjudotdir u
Vujudi odamga o‘xshaydi xolos.

Tan ololmas aslo taqdir izmini,
Sinalar sevgida hammadan ko‘proq.
Berahm yillar ham tinch qo‘ymas uni.
Sochiga oq tushar sizdan ertaroq.

Tilini nolishga bermas bo‘shatib,
Kerak emas unga yupanch, maqtovlar.
Ko‘klarga ko‘tarmang pirga o‘xshatib.
O‘ldiradi uni shirin alqovlar.

Ishqiga bo‘yalgan uning hayoti,
Yuzi qiblagamas Haqqa qaralgan.
Yashagani emas, bu shoir zoti-
Muhabbatni kuylash uchun yaralgan.

👉TelegramI OromgohI FacebookI YoutubeI O‘zbegim👈

2021 yil 23-fevral, seshanba

BAYRAMLAR:

- Rossiyada Vatan himoyachilari kuni
- Belarus Respublikasi Qurolli kuchlari kuni
- Qirg'izistonda Vatan himoyachilari kuni

TARIXDA BUGUN:

- 1826 yil - Nikolay Lobachevskiy Evklid bo'lmagan geometriyaning kashfiyoti to'g'risida ma'ruza qildi.
- 1874 yil - Tennis korti patetlandi
- 1958 yil - Moskvada Poklonnaya tepaligidagi G'alaba monumenti o'rnatildi
1959 yil - Strasburgda Inson huquqlari bo'yicha Evropa sudining birinchi majlisi ochildi
- 2006 yil - Moskvada "Basmanny Market" savdo markazi ishdan chiqdi

Shu kuni tug'ilganlar:

- 1903 yil - Yuliy Fucik - Chexoslovakiyalik jurnalist, yozuvchi, kommunistik harakat rahbari
- 1929 yil - Aleksi II - Moskva va butun Rossiyaning Patriarxi (1990-2008)
- 1931 yil - Tom Vesselman - Amerikalik rassom va grafika bo'yicha rassom
- 1931 yil - Nikolay Xoladjan - rus teatr rejissyori, olim, o'qituvchi
- 1944 - Oleg Yankovskiy - Sovet va Rossiya kino va teatr aktyori, rejissyor, SSSR xalq artisti
— 1954 yil-Viktor Yushchenko-Ukraina siyosatchisi va davlat arbobi, 3-Ukraina prezidenti (2005-2010)
— 1960 yil-Naruhito-Yaponiyaning 126 imperatori

Obuna bo‘ling:
👉 @kalendarlar

Fuchik Yulius 118 YOSHDA!

Chex yozuvchisi, tanqidchi va jurnalist. 23 – fevral 1903 – yilda Pragada tavallud topgan. CHSSR Milliy qahramoni. Plzendagi real gimnaziyani tugatgach (1921), Praga universitetining falsafa ftida oʻqigan. 1922 yildan adabiyot va teatr masalalariga oid maqolalar chop eta boshlagan. "Kmen" ("Stvol", 1927—29) va "Tvorba" ("Ijod", 1927—28) jur.lariga muharrirlik qilgan paytida barcha ilgʻor kuchlarni yagona front atrofida birlashtirishga uringan. 1930 va 1934—36 yillarda SSSRda boʻlib, safar taassurotlari asosida "Ertangi kunimiz kechagi kun boʻlib qolgan mamlakatda" (1932) kitobini yozgan. F. ning 30-yillar soʻngidagi adabiytanqidiy faoliyatida umuminsoniy qadriyatlarni fashizm xavfidan saklab qolish gʻoyalari ustuvorlik kiladi. 1942- yil aprelda Chexoslovakiya kompartiyasining yashirin nashrlariga rahbarlik qilgani uchun gestapo tomonidan hibsga olingan va 1943- yilning yozida Germaniyaga olib ketilib, qatl etilgan.

👉TelegramI OromgohI FacebookI O‘zbegim👈

2021 yil 24-fevral, chorshanba

BAYRAMLAR:

- 🇪🇪Estoniya mustaqilligi kuni
- 🇲🇽Meksika bayrog'i kuni
- 🇨🇺Kubaning mustaqilligi uchun urush boshlangan kun

TARIXDA BUGUN:

- 1582 yil - Papa Gregori XIII Grigorian taqvimiga o'tish to'g'risida qaror chiqardi
- 1938 yil - dunyoda birinchi sun'iy sintetik tolali tish cho'tkasi ishga tushirildi
- 2008 — Fidel Castro Kuba davlat rahbari lavozimidan iste’foga ketdi.

TAVALLUDLAR

- 1500 yil - gabsburglar sulolasining vakili imperator Karl V
- 1744 yil - Fyodor Ushakov - rus dengiz qo'mondoni, admiral
- 1932 yil - Mishel Legrand - fransuz bastakori, pianinochi, dirijyor, qo'shiqchi
- 1932 yil - Mayya Kristalinskaya - sovet pop qo'shiqchisi, RSFSRda xizmat ko'rsatgan artist
- 1947 yil - Elena Solovey - sovet va rus teatr va kino aktrisasi, RSFSR xalq artisti
- 1955 yil - Stiv Djobs - amerikalik tadbirkor, Apple korporatsiyasining asoschisi va bosh direktori

OBUNA BO‘LING:
👉 @kalendarlar

Nuriddin RAHMONALIYEV, Erkin Vohidov nomli ijod maktabining 8 – sinf o‘quvchisi. 2006-yil Yozyovon tumanida tug‘ilgan. Uning ijod namunalari viloyat hamda respublika nashrlarida chop qilingan.


''KO‘RMADIM'' radifli g‘azal

Ey ko‘ngul dastingcha ul kun beozor ko‘rmadim,
Ozoringdan muncha ayyom bir firog‘bol ko‘rmadim.

Jim ayog‘ ichra ko‘z tiktim anga zihi ushshoq,
Bahr aro ol chog‘iru chun pariro‘xsor ko‘rmadim.

Istab ondin xub surud-u la'lidek mohitobon,
G‘amzasida bedod ko‘rib chun bir izhor ko‘rmadim.

Ne tong ar chashming rafiq ranji obing ko‘rinur,
Ko‘zlarimda sargashta usruk shashqator ko‘rmadim.

Bir oshiq-u furqatnamo nesh urib tovonimg‘a,
Tilka bo‘lgan neshingizdan bore dilafgor ko‘rmadim.

Ey Nuriddin tor asrada shuncha mehnat totmading,
Sayyor bo‘lib seningdek bedili bisyor ko‘rmadim.

👉TelegramI OromgohI FacebookI O‘zbegim👈

ЗИЁРАТ

Боболар ётибди бу ерда,
Момолар ётибди бу ерда.
Бир ҳазин, бир узун зўр қўшиқ,
Нидолар ётибди бу ерда.

Мен ҳали қадрига етмаган,
Кўксининг яраси битмаган.
Худодан яхшилик тилаган,
Дуолар ётибди бу ерда.

Бағрида адоқсиз сеҳри бор,
Дунёга етгудай меҳри бор.
Лек ўзи меҳрга интизор,
Гадолар ётибди бу ерда.

Қорайган тоғ эмас, армони,
Сарғайган боғ эмас, ҳижрони.
Қалбига ҳукмдор иймони,
Подшолар ётибди бу ерда.

Туркийда қушни ҳам сайратган,
Дунёга назмни ўргатган,
Ўзбекни қайтадан яратган,
Устолар ётибди бу ерда.

Елкамдан босганда саволлар,
Кўксимни кўтаргай хаёллар,
Бобуршоҳ қадаган ниҳоллар,
Даҳолар ётибди бу ерда.

2003й

Шодмонқул САЛОМ

@Shodmonqul_SALOM

Ochiq dars mashg'uloti. Z.M.Bobur - dilbar shaxs.

📣Nigoraxon Mannopova, Erkin Vohidov nomidagi ijod maktabi direktori

🏢Erkin Vohidov nomidagi ijod maktabi

🏢 Erkin Vohidov nomidagi ijod maktabida bo'lib o'tgan uchrashuvdan lavha.
Unda Prezident maslahatchisi, yozuvchi Xayriddin Sultonov, Respublika ma’naviyat va ma’rifat markazi rahbari, shoir Minhojiddin Mirzo, O‘zbekiston Yozuvchilar uyushmasi raisining birinchi o‘rinbosari, shoir Nodir Jonuzoq, O‘zbekiston Yozuvchilar uyushmasi Farg‘ona viloyat bo‘limi rahbari, O‘zbekiston xalq shoiri Enaxon Siddiqova, O‘zbekiston Yozuvchilar uyushmasi a’zosi, shoir Rustam Mirvohidlar ishtirok etishdi.

👉TelegramI FacebookI OromgohI O‘zbegim👈

✍️Ko'ngil mulki. Alisher Navoiy - so'z mulkining sultoni.

📣 O'ktamxon Soliyeva hamda Erkin Vohidov nomidagi ijod maktabi o'quvchilari.

🏢 Erkin Vohidov ijod maktabi

👉TelegramI OromgohI FacebookI O‘zbegim👈

***
Sensiz, sensizlikda yuraman unsiz,
Sensiz orzularga yeta olmasam.
Azob deb atalgan ro‘mollarimni,
Yecholmasam…

Xilvat ko‘chalarga boshimni urib,
Zamindan so‘rayman, bilolmas u ham.
Ne qilay shunday alam ekan-da
Topolmasam…

Menga do‘st bo‘ladi dahshatli tuman,
Hatto yuragimda turmas yuragim.
Zarracha imkonim, zarracha dardim
Tirgagim…

Sening zarralaring terdim olamdan
Seni berolmadi, o‘sha xasisim.
Lek sira butun bo‘lmading. Nega?
Azizim...

Dod solay, meni kechirgin, Alloh
Uni topaman. Bormi imkonim?
Endi seni qaydan axtaray, aytgin
Iymonim...

✍️ Hilola Odilova, Erkin Vohidov nomidagi ijod maktabi 9 – sinf o‘quvchisi.

👉TelegramI OromgohI FacebookI O‘zbegim👈