انقلابـــــ روژآوا

🚩 هاوسەرۆکی پژاک: بۆ لەناوبردنی دیکتاتۆر، کاتی یەکگرتنە ■ درێژه له👇👇 ❑ انقلابــــ روژآوا https://t.iss.one/enqelabrojava

🔳 هەڤاڵ سیامەند موعینی هاوسەرۆکی پارتی ژیانی ئازادی کوردستان- پژاک، بابەتێکی لەژێر ناونیشانی؛ “بۆ لە ناوبردنی سیستمی دیکتاتۆر کات کاتی یەکگرتنە” بڵاوکردووەتەوە،.

❑ لە وتارەکەیدا، هاوسەرۆکی پژاک، بە ئاماژەدان بەوەی کە پلانی وڵاتانی ڕۆژئاوا بۆ کۆنترۆڵکردنی ناوچەکە لە سەدەی ڕابردوو بووەتە کێشەیەکی گەورە بۆ کۆمەڵگاکانی ڕۆژهەڵاتی ناوەڕاست، دەڵێت: ئێرانیش وەک قەوارەیەکی ناڕێک لەناو ئەم پلانە، بەردەوام بەشێک بووە لە کێشەکان و هۆکاری ناسەقامگیرییەکان بووە لە ناوچەکە، بەهۆی زیهنییەت و هەیکەلی دەسەڵات و سیستمی ناوەندگەرایی، کێشەکانی ناو سنوورەکانی ئێران چارەسەر نابن و تا سەدەیەکی دیکەش بەردەوام دەبن، مەگەر شێواز و میکانیزمی بەڕێوەبردن لەو وڵاتە بە گشتیی ئاڵوگۆڕی جددیی و بنەڕەتی بەسەردا بێت.

❑ لە بەردەوامییدا ئاماژە بەوە دەدات، کە داڕمانی ئابووریی و سیاسیی سیستمی دەستەڵاتدارانی کۆماری ئیسلامی ئێران پێگەی دەستەڵاتداران لەناو گەلانی ئێراندا کەمتر دەکاتەوە و باڵە جیاوازەکانی دەسەڵاتی هێرش دەکەنە سەر یەکتر و شێوازی ئۆپۆزیسیۆن سازیی سیستم کارامەیی خۆی لەدەستداوە، کە نیشانەی هەڵوەشانەوەی دەسەڵاتە و دەڵێت: دەسەڵادارانی ڕژێمی داگیرکەری ئێران هیچ پرۆژەیەکی کارایان نییە بۆ بەڕێوەبردنی وڵات، تەنها پاراستنی خۆیان و دۆخی هەنوکەیی لە پلانی رۆژانەیان دایە، لەسەر ئەم بنەمایەش لەلایەنگرانی دەسەڵات بە تیرۆریزەکردنی کۆمەڵگا وەڵامی داواکارییەکانی گەل دەدەنەوە و بەکارهێنانی توندوتیژی بووەتە کاری ڕۆژانەی دام و دەزگا سەرکوتکاراەکانی دەسەڵاتەکەی، بە ئەشکەنجە و زیندانیکردن دەیانەوێت کۆمەڵگا چاوترسێن بکەن.

❑ موعینی هەروەها دەڵێت: خۆپیشاندانەکانی پایزی پار نیشانیدا، کە گەلان چیتر ئەم دۆخە قبوڵ ناکەن، دروشمەکانی وەک؛ “خامنەیی ونبە تۆمان ناوێت، دوژمنی ئێمە لێرەیە درۆ دەکەن ئامریکایە، سوریە بەردەن فکرێک بۆ خەڵک بکەن، بمرێ خامنەای، بمرێ دیکتاتۆر” لەو خۆپیشاندانانەدا، ئەم ڕاستییەی ئاشکراکرد، خۆپێشاندانەکان و ناڕەزایەتی دەربڕینەکان لە ماوەیەکی کورتدا لە زۆربەی شارەکانی ئێران سەریهەڵدا و شەڕێکی تەواو لە شارەکان هاتە ئاراوە و ئەمەش بە تەواوەتی مەترسی خستە ناو دڵی دیکتاتۆر و دەسەڵات بە هەمو هێز و توانایەوە دەستی دایە سەرکوتی خەڵک، بە سەدان کەس گیانیان لە دەست دا و دزگا سەرکوتکەرەکان بە فیشەکی ڕاستەوخۆ خۆپێشاندەرانیان دەکردە ئامانج، بە هەزاران کەس دەستگیرکران و لە ناو زیندانەکاندا کەوتنە بەر بێڕێزی و ئەشکەنجە، ئەو دۆخە دەری دەخات کە سیستەم بە تەواوەتی شەرعییەتی خۆی لە دەست داوە و ئێستا خەڵکی ئێران لە لێگەڕین دان بۆ گۆڕینی ئەم دەستەڵاتە دیکتاتۆرە.

❑ انقلابــــ روژآوا
https://t.iss.one/enqelabrojava

3.29K views21:02