انقلابـــــ روژآوا

🔊 وتاری ڕۆژ 🚩 فەرماندە جەمیل بایک ⬅️ بۆ لەناوبردنی پلانەکان پێویستە هەمووان پشتیوانیی یەنەکە بن ■ درێژه له👇👇 ❑ انقلابــــ روژآوا https://t.iss.one/enqelabrojava

🔳 هەڤاڵ جەمیل بایک هاوسەرۆکی دەستەی بەڕێوەبەریی کۆما جڤاکێن کوردستان (کەجەکە) بەشداری بەرنامەی تایبەتی ستێرک تیڤی بوو و سەبارەت بە دوایین پێشهاتەکانی ناوچەکە قسەیکرد.

❑ جەمیل بایک سەبارەت بە هێرشەکانی شەش مانگی ڕابردووی سوپای داگیرکەری تورک بۆسەر هەرێمەکانی پاراستنی مەدیا و ١٥٧ جار بەکارهێنانی چەکی کیمیایی تەنیا لە ماوەی یەک ماندگدا، ئاماژەی بەوەکرد کە بەرخۆدانێکی مێژوویی لەئارادایە و لە مێژووی تێکۆشانیاندا بەرخۆدانێکی بەو شێوەیە نەبووە و وتی: دەوڵەتی تورک پێش ئەو هێرشانە، هەڕەشەی ئەوەی کردووە تا لە ماوەی ١٥ ڕۆژدا هێزی گەریلا تێکبشکێنێت و هەموو هەرێمەکانی گەریلا داگیر بکات بەڵام ئێستا تەنیا چەند گردێکی بەدەست خستووە کە ناشتوانێت لەو گردانەدا بجوڵێتەوە، ئامانجی دەوڵەتی تورک داگیرکردنی تەنیا زاپ، مەتینا و ئاڤاشین نەبوو، ویستی هەموو گۆڕەپانی گەریلا بگرێت و هێزی گەریلا لەناو ببات، دەیویست هەموو کوردستان داگیر بکات و پاشان بەسەر هەموو ڕۆژهەڵاتی ناوەڕاستدا زاڵبێت، بەڵام ئەو ستراتیژیە بە بەرخۆدانی گیانفیداییانەی گەریلا پوچەڵ کرایەوە.

❑ جەمیل بایک هەروەها ئاماژە بە هاوکارییەکانی پەدەکە و دەوڵەتی تورک کرد و وتی: دەوڵەتی تورک پاش تێکچوونی سوپاکەی لەبەرامبەر بەرخۆدانی هێزی گەریلادا، پەدەکەی خستە گەڕ، بەڵام ئەو سیاسەتەش سەرنەکەوت و دواجار پەنای بۆ هێرشی کیمیاوی هێناوە، تەنیا لە ماوەی یەک مانگدا ١٥٧ جار چەکی کیمیاوی بەکارهێناوە، ئاکەپە و پەدەکە چی لە دەستیان دێت با بکەن، ئەم تێکۆشانە هەر سەردەکەوێت.

❑ جەمیل بایک هاوسەرۆکی دەستەی بەڕێوەبەریی کۆما جڤاکێن کوردستان (کەجەکە) لە درێژەی قسەکانیدا سەبارەت بە بۆسەدانانی پەدەکە بۆ دوو گروپی گەریلا و ئاشکرا نەبوونی چارەنووسی ئەو گەریلایانە ئاماژەی بەوەدا کە بۆسەکان ئاستی هاوکاریی پەدەکە بۆ دەوڵەتی تورک دەردەخات و وتی: پەدەکە ڕێگای گەریلا دادەخات، گەمارۆ خستووتە سەر هێزی گەریلا و لە بەردەم ڕێگای هاتوچوونیاندا بۆسە دادەنێت، ئەمە خواستی دەوڵەتی تورکە کە پەدەکە جێبەجێی دەکات، سەرەڕای ئەوەی کە گەلەکەمان داوا لە پەدەکە دەکەن، ئامانجی ئەو بۆسانە ئاشکرا بکات و چارەنووسی ئەو گەریلایانەی کە کەوتوونەتە بۆسەکەوە ڕوون بکاتەوە، بەڵام پەدەکە هیچ ڕاگەیەندراوێک بڵاو ناکاتەوە، هیچ بایەخێک بە ڕای گشتیی کورد نادات و تەنیا دەیەوێت دەوڵەتی تورک ڕازیی بکات.

❑ جەمیل بایک سەبارەت بە هەڵوێستی ناتۆ و ئەمریکا لەبەرامبەر بەکارهێنانی چەکی کیمیاوی لەلایەن دەوڵەتی تورکەوە ڕایگەیاند کە بێدەنگی ئەو لایەنانە لە بەرامبەر بەکارهێنانی چەکی کیمیاوی، بەواتای هەڵکردنی گڵۆپی سەوز بۆ دەوڵەتی تورکە و پێویستە گەلەکەمان لێپرسینەوە لەم هەڵوێستە بکەن.

❑ جەمیل بایک لە بەشێکی دیکەی قسەکانیدا تیشکی خستە سەر تیرۆرە سیاسییەکانی ڕۆژانی ڕابردووی باشووری کوردستان و بەتایبەت سەبارەت بە تیرۆرکردنی شوکری سەرحەد وتی: بە درێژایی مێژوو، هەرکاتێک پارت و ڕێکخستنە سیاسییەکانی کورد تووشی ناکۆکی بوون، دوژمنان هەوڵیانداوە ناکۆکییەکە گەورەتر بکەنەوە و ئێستا کە هەندێک کێشەی ناوخۆیی لە ناو یەنەکەدا دروست بووە؛ دوژمن دەیەوێت ئەو کێشانە گەورەتر بکاتەوە تا یەنەکە لاواز بکات و بە ئامانجەکانی بگات، هەم ئەندامانی یەنەکە و هەم گەلەکەمان بەتایبەت خەڵکی سلێمانی پێویستە ئاگاداری ئەو یارییە بن و ڕێگەی پێنەدەن.

❑ جەمیل بایک هەر سەبارەت بەو تیرۆرانینەوە وتی: دوژمنان بەتایبەت لە سەروبەندی هەڵبژاردنی ئەنجوومەنی نوێنەرانی عێراقدا کۆمەڵکوژییە سیاسییەکانیان زیاد کردووەتەوە، ئەم هەڵبژاردنە هەڵبژاردنێکی ئاسایی نییە، لەم بارودۆخەدا دوژمن دەیەوێت بە زیادکردنی هێرشەکانی، بە قووڵکردنەوەی ئاڵۆزی و گەورەکردنەوەی کێشەکانی ناو یەنەکە، خەڵک لە یەکتر دوور بخاتەوە و بەمشێوەیە یەنەکە ئەنجامێکی بەهێز لەو هەڵبژاردنە وەرنەگرێت تا لە ناوچەکانی یەنەکەدا هەندێک پیلانی خۆی جێبەجێ بکات، ئەمە ئاشکرایە و یەنەکە و خەڵکی سلێمانیش پێدەچێت ئاگاداری بن، لایەنگرانی یەنەکە و دەرەوەی یەنەکە سەرەڕای هەموو جیاوازییەکی بیرکردنەوەییان پێویستە هەوڵبدەن یەنەکە لەم هەڵبژاردنەدا سەربکەوێت و دەستکەوتێکی بەهێزی هەبێت.

■ درژه له👇👇

🚩 @enqelabrojava

2.78K views20:46