Яшашни қийинлаштириб, ўлжаларни олиб қўйсангиз йиртқичлар ҳам бир бирини гўштини ейишни бошлаб юборади.

Қулдорлик жамиятида шундай қоида бўлганки 10та қулга 8тасини қорни тўядиган овқат берилган. Улар ўртасида меҳр оқибат, шавқат ва бирлашиб кетмаслик учун қасддан оғир аҳволга солиб қўйишган. Мақсад тирик қолиш учун бир бирини ҳаққини еб қўйишга мажбур бўлиш бўлган.

Шундай экан, ҳар нарсада оддий одамларимизни ҳам айблаш керак эмас! Ҳамма гап...

Мардон Аслонов


@elmadad

Замонавий қурол деганда бу ҳозирги кунда худкуш дронлар бўлиб қолди.

Қўлига қурол кўтаришни билмайдиган компютер оператори яширин хонада ўтириб фронтдаги техникаларни яксон қилса-я?! 🤔


@elmadad

Одам ўз ўрнини топа олмаса ҳаётдан тўяди. Буни сабаблари жудаям кўп аслида. Сизларга бир иллат ҳақида айтиб ўтмоқчиман.

Мабодо омадингиз келиб раҳбар бўлиб қолсангиз ёки катта даромад эгасига айлансангиз ўзингизни қўлга олишни унутманг!

Теппадаги танишига ишониб қаергадир директор бўлишади, бир зумда жамоани орасида ёмон ном чиқариб керакли кадрларни ҳайдаб юборади. Вақт ўтиши билан уни тайинлаб кетганлар келадида ўз қўл остидаги ходимни уни ўрнига раҳбар қилишади. Бир соатда ҳаммаси ўша одам учун остин устун бўлади. Собиқ раҳбарга айланиб қолади. Оддий ходим бўлади. Энди жамоа уни қандай қабул қилади деб ўйлайсиз?!

Арқонни олиб ўзини осадиган ҳолатга тушади. Қўрқманг! Улар шу ишни ҳам қилмайди. Кимнидир оёғини ялаб юқорига кўтарилган пасткашда шараф бўладими?! Барибир ўша жамоадан чиқиб келишга мажбур бўлади...

Шундай раҳбарларни кўрганмисиз?!



@elmadad

Яхшиликни қадри йўқ бўлгани каби ёмонликни қабул қилиш аксарият инсонлар учун азиз неъматдек туюлади.



@elmadad

Шуҳрат топсанг, кишилар ҳасади ёмон,
Ёлғиз қолсанг сендан қилишар гумон.
Хизр бўлсанг ҳамки ҳеч кимни билма,
Сени ҳам билмасин майли бирон жон.



@elmadad

Ҳаёт синовлардан иборат. Кимгадир ёшлигида кимгадир ёши ўтаётганда синовлар қўшалоқ келади. Уни бошдан ўтказишга мажбур бўлади. Оқибати ё тирик, ёки кучли ёки касал ёки жонга қасд қилиб жаҳаннамга йўл олиш орқали тугайди. Алам қиладигани шуки, бу ҳаётий ҳақиқатни англагунча айримлар ўзи билмаган ҳолда кўпларни қўлдан бой беради.

Иншааллоҳ ҳаммаси яхши бўлади!- деган шиордан узоқлашиб қолманг!


@elmadad

Ортингда қолган умрни таҳлил қиласан, Сен ҳақ деб билган ҳақиқатлар аслида ёлғон бўлганлигини тушуниб қоласан.

Хотиралардан дарс олдим деб яна қилган ишларингни такрорлайсан. Чунки Сен шундай яралгансан. Сени ўзгартириб бўлмасликни тушуниб етасан. Чунки самимийликка ёлғонлар ёки ёлғонга самимийлик аралашиб кетмагай!

Бу куйни ўзингиз сирдош деб билган инсонга жўнатинг! Токи уни қалб торларини чертиб Сизни тўғри йўлга бошласин!

@elmadad

Агарда жамиятда кланлар ҳозиргидек кучайиб борадиган бўлса, яқин бир икки йилда давлат хавфсизлиги инқирозга дуч келади.

Олдин троллар фабрикаси деган тушунча бўлар эди, унда ўнлаб ёки юзлаб мутахассислар бир бинода юқори интернет тезлигига уланган компютерда маълум сиёсий вазифаларни бажарарди. Деярли ҳар бир давлатнинг яширин шундай ижтимоий тармоқ армияси мавжуд.

Афсуски троллар армияси бизда маълум амалдаги шахслар манфаатларини ҳимоя қилишга қаратилган. Уларни ўзбек кланлари деса бўлади. Ахборот воситаларини интернетда бошқариш уларни қўлига ўтиб қолган. Чунки уларда пул жудаям кўп.

Улар кимлар бўлиши мумкин деган савол пайдо бўлади?!

Биринчидан, Президент атрофидаги қудратли шахслар ва улар билан ҳамкорликда ишлаётган балки собиқ ҳокимлар, криминал одамлар.

Иккинчидан, Ахборот коммуникация соҳасида ишлаб, давлат маблағларини талон тарож қилмасада аммо ўз лавозимидан фойдаланиб ўзига садоқатли блогерлар армиясини барпо этган амалдаги ёки собиқ раҳбарлар. Яъни медиа соҳани хусусийлаштириб олган кучлар. Улар давлатга тегишли ОАВга ўзининг содиқ итларини қўйган бўлади.

Учинчиси, узоқ йиллардан бери вилоят ҳокими лавозимида ишлаб келаётган шахслар. Қандай ишламасин бир жойда кўп йил ишлаган ҳар қандай ҳоким хавфсизлик учун потенциал хавфга эга. Улардан айримачилик, мустақил бўлиш ва ҳар қандай намойишлар кутса бўлади.

Тўртинчиси. Ҳақиқий ватанпарварлик руҳида тарбия топган давлатга садоқат билан ишлаётган махфий ходимлар. Улар жудаям заиф чунки уларни юқорида санаб ўтган кланлар маблағ томонлама қийнаб қўйган бўлади. Гапимни исботи шуки, уларни тармоғда кузатиб бўлмайди ҳам. Номига ишлашга мажбур. Ҳар томонлама ваколати қисқаргандан кейин нима ҳам қилиш мумкин.

Бешинчиси, Чет эл оммавий ахборот воситалари ва уларга хизмат қилаётган айрим орамиздаги сотқин мутахассислар. Уларнинг асосийлари АҚШ, Россия, Туркия ва қўшни давлатлар

Мана шу кунларда ҳар бирига алоҳида тўхталиб ўтаман. Чунки бу орқали ахборот кучларимиз медиа фронтда қай даражада эканлигини белгилаб беради.

Ислоҳотлар қилинмаса давлат чегаралари ичкаридан ишғол қилинади.


Мардон Аслонов


@elmadad

Қаерда қолувдик дўстлар?! 🙂

Хусусий троллар фабрикасининг давлат хавфсизлигига зарарлари ҳақида тўхталиб ўтмоқчи эдим, тўғрими?!

Хусусий деганни маъноси шундаки маълум шахс манфаатларига хизмат қилувчи маънони билдиради. Фарқи йўқ! Хоҳ у ҳоким бўлсин ёки қайсидир амалдор унинг троллар армияси фақат ўшани шахснинг хос қўриқчилари саналади.

Буни нимаси ёмон деган савол туғилади. Тўғри, мисол учун Андижон вилоятини манфаатларига хизмат қилса уни ёмон томони йўқ бўлиши мумкин. Аммо ўша вилоят ҳокимини ҳимоя қилувчи троллар армияси бўлса у ҳолда вазият бошқача бўлади. Қайтараман, мисол учун Андижон дедим бошқа вилоят мисолида ҳам шундай.

Энди ўйлаб кўрингчи, Ҳоким ўз мансаб ваколатидан фойдаланиб давлат бюджети ҳисобидан ўзини ижтимоий тармоқда ҳимоя қилса адолатданми?! Кимдир уни танқид қилса, битта имо-ишора етарли бўлади. Ўша танқидий мақола ёки пост остида бутун бир троллар армияси саф тортиб, ҳокимимизга гап йўқ! У киши бор экан биз яшаб юрибмиз! Яшасин ҳоким бува!- деган гаплар коментарияларда ёғила бошлайди. Қарабсизки, танқидий мақола четда қолиб ҳамма ўша муттаҳам ҳокимларни сева бошлайди. Шундайми?!

Бир муддат ўтиб, фалон вилоят ёки туман ҳокими ўринбосари уйидан шунча миллион доллар чиқди деган хабар тарқалади. Буёғи қанчага тушди энди?!

Масала ҳокимлар ҳақида кетар экан, шуни алоҳида таъкидлаб ўтишим керакки айрим ҳокимиятлар троллар армияси сифатида бюджет ташкилотлари ходимлари борку, ҳамшира, ўқитувчи, маданият ходими ва бошқа давлат ишида ишлайдиган мутахассислардан текинга фойдаланишади. Телеграм каналлари орқали фейсбукда фалон постга ҳужумга!- деса бўлгани. У гапни ёзмаган тақдирда ҳам манзил ҳаволани қўйса ҳамма тушуниб олади.

Агарда давлат бу ишларни назорат қилмас экан. Хоҳлаган куч ўша троллар армиясидан ғаразли ниятда фойдаланиши мумкин бўлади.

Ҳокимимизни ишдан олар экан, ҳамма намойишга!- деса ишонинг минглаб ўша ходимлар чиқа бошлайди. Мана хавф хатар қаерда?!

Бўлди, буни яна давом эттирамиз...


Мардон Аслонов


@elmadad

Агарда инсон йиллар давомида қайсидир масалада деярли бир хил муносабатни онгига қабул қилган бўлса, у ҳолда уни ўзгартириш имконсиз.

Мисол учун куйган нонни йиллар давомида еган бўлса Сиз қандай ширин нон пишириб берманг барибир у куйган деб қабул қилади. Буни инкор қиладими ёки йўқ афсуски бу илмий томонлама тасдиқланган ҳақиқат!

Токи яна куйган нонни емагунча Сиз пиширган нонни мазасини тушуна олмайди. Агарда умуман нон емай қўйса, у учун то умрини охиригача нон дегани бу куйган нарса бўлиб қолаверади.

Шундай экан, хулоса ўзингиздан ўртоқлар! 🙂


@elmadad

Шу десангиз бизнесда ҳар хил ҳолатлар бўладида. Баъзан ишлар тўхтаб қолади. Баъзан умуман юришмай қолади. Шу пайтда соямизга салом бериб юрганларни овози чиқиб қолади. Назарга илмай қолади. Керак бўлса ўз ҳаққини талаб қилгандек диний маърузалардан ташлаб қўядими... 🙂

Аслида шундай ҳолатга тушиб турган яхши, ўзимизни ҳар сафар тиклаганда биринчи бўлиб ўша нонкўрларга эшикни кўрсатиб қўямиз. Биз баъзан тубликка жўнғиб каламушлардан халос бўламиз. Бизни команда мана шундай ишлайди.


@elmadad

Диний домла-блогерлар тактикаси ҳақида айтиб берайми??

Хабарингиз бўлса керак диний уламолар бир зумда интернет тармоғида машҳур бўлиб кетишади. Дунё динларида шундай яширин режа борки, уни ишлатган диндор бир вақтда кучли танилиб кетади. Христиан, Ислом, Будда ва бошқа динларда бу ҳолат кўзга кўринади.

Хуллас, бир домла интернетда онлайн тарзда атеист, ҳизбий ёки бесуннат билан баҳс ташкил қилади. Одатда домла юзи кўриниб турилади аммо унинг суҳбатдоши кўринмайди. Баҳс шу даражада тортишувларга бой бўладики уни кузатиб турганлар домла ҳаққига дуолар айтади, атеистни бўлса лаънатлайди.

99,9% ҳолатда ўша баҳсда домла ғолиб бўлади. Ану суҳбатдош даҳрий шарманда бўлади. Баҳсни кузатиб турганлар домлани ақл заковатига қойил қолади. Қисқа муддатда домлани профилига минглаб одам аъзо бўлади.

Нимаси ёмон бундай баҳс мунозараларни дейишингиз мумкин.

ДЎСТЛАР! Домла билан ўша атеист ролини ижро этаётганлар аслида бир командада бўлади. Улар виртуал ҳолатда халқни алдайди. Баҳсда шундай савол жавобни тузиб чиқадики атеист шарманда бўлади, домла қаҳрамонга айланади.

Бу услубдан айнан атеистлар ҳам фойдаланади. Улар ҳам ўз рақибини мана шундай тарзда мағлуб этади. Гап бу ерда динда эмас. Ҳамма гап ўз тарафдорларини шундай услубда сунъий оширишдан иборат. Мана шундай гаплар...

Мардон Аслонов


@elmadad

Замон, макон ва ҳолатдан қатъий назар инсон онги ишончга боғланиб яшайди. Шароитлар ҳар хил бўлиши мумкин аммо ички хотиржамлик биринчи ўринда туради.

Биринчи ҳолат. Кимнидир турмуш ўртоғи бир умрга қамалган бўлсада аммо уни кутадиган хотинида умид ва ишонч бўлгани учун ҳам у ҳамиша хотиржам бўлади. Шунингдек, бирга яшамаса ҳам аммо қалбан, руҳан ва жисман бир бирига боғланган муносабатлар бўлади. Улардаги энг катта ишонч шундаки, бир бирига боғлиқлигидир. Бундай инсонларни жисми кейинчалик топишган бўлсада аммо руҳияти гўёки азалдан боғланган бўлади.

Иккинчи ҳолат. Бир том остида яшаётган оилалар борки улар умрбод бирга бўлмаслик ҳақида фикран қарор қабул қилган. Чунки эрнинг хотинига, хотиннинг эрига нисбатан қалб ришталари бегоналашиб кетган. Бир бирига оид эмаслигини иккала томон ҳам аъло даражада тушуниб бўлган бўлишади. Орадаги ҳар қандай ришта бу масалада ожиз бўлиб қолади. Чунки ўртада ишонч қолмаган ва бир бирига тегишли эмаслигига амин бўлган.

Ёлғоннинг жазоси одатда ёлғон биландир!

Даҳшат! Шундайми?! Саники лекин қалби бошқаники, расман бошқаники аммо қалби саники. Қай бири яхшироқ?!

Чуқурлашиб кетманглар-еее, бу гаплар таъсирида ҳинд киноларини кўрманглар! Фақатгина сиёсий томонлама юқорида ёзганларни тақослаб чиқинглар! Давлат хоинлари кимлиги англаб етасизлар!

🙂


@elmadad

Кечагина халқ ишончини қозонишга ҳаракат қилганлар ҳозир уни ҳаққини қўрқмасдан емоқда!

Ўғриларни жасорати тўғриларни сукутидандир!



@elmadad

АҚШ ва Ғарбнинг бугунги кунда Россияга нисбатан олиб бораётган сиёсатига баҳо берадиган бўлсам, манимча русларнинг ядро қуролидан фойдаланиш ғарб назоратида.

Катта эҳтимол билан Путиннинг атрофидаги асосий ҳарбийлар душман томонга сотилган. Путин Украинага атом бомба ташламаслигига ишончи комил бўлмаса, бундай таваккал қилишгача бормасди. Ёки нотўғрими?!

Балки Донбасс ҳудудида уруш кетаётган кимсасиз шаҳарлардан бирига тактик ядро қуроли ташланар. Лекин ён қўшнига берилган зарба Россияга ҳам таъсир қилиши мумкин эканлигини ёддан чиқармаслик керак.

Уруш Украина фойдасига ҳал бўлмас экан Марказий Осиё давлатлари Россия босимидан қутула олмайди.

Босим бўлмаса ҳозирги кундаги энергетика изтиробини халқимиз бошдан кечирмаган бўларди.

Нега энергетика муаммоларини уришга боғлайсан деманг. Нефть, газ ва бошқа оғир саноатда Россия бизнинг асосий ҳамкоримиз экан, улар имкон қадар нақд пулга эҳтиёжи бор. Шунингдек, Путин яраланган йиртқичдек керак бўлса таҳдид қилиб пул талаб қилишдан ҳам тоймайди.

@elmadad